Me Bar+Grill

之前去諾士佛臺都系同朋友飲酒,今次朋友帶我去食dinner,經佢介紹話之前食過味道吾錯所以今次帶埋我，一於試下。點左份grain fed usda prima beef filet mignon, 略嫌有小小過熟但味道其實還不錯，剪得好香，好有牛味，另外order 左份lasagna，重遇番當年好中意既味道，值得推介👍👍食落好有層次，味道酸酸地再加上濃郁既芝士味，令人食指大動！甜品order 左份churro,味道都唔錯，份量好多下。呢杯野飲好適合唔係好飲得酒既朋友，飲落口好似飲凍朱古力咁，冇乜酒味好易入口，女仔應該中意。…查看更多

星期一返完成日工😪好難過😭諗起又返五日先有得放假就即刻要約朋友係諾士佛台飲番杯野鬆一鬆😎諾士佛台有好多餐廳同酒吧我哋揀咗一間冇咁嘈雜嘅酒吧同埋好似多啲嘢食因為時間尚早嘅關係所以都坐得比較鬆動不嬲都係happy hour 時段比較抵所以一坐低即刻叫兩杯啤酒 前菜叫左無花果多士有芝士可以伴住食，感覺好新奇仲有Parma ham ~ 成個口味好夾 無花果亦係新鮮既，同火箭菜一齊食 👍🏻無花果好甜👍🏻👍🏻👍🏻叫左千層麵， 細細碟但係好飽 因為好足料，好多芝士同牛肉焗得剛剛好，麵皮仍然juicy 👍🏻同朋有再share 左個羊架因為見到隔離檯叫，好似好正5成熟，仍然保持肉質juicy 羊味經處理過，唔係太so 薯泥好滑 好香，濃濃牛油味 😁之後再encore 左幾round 酒， 呢到傾計幾好，唔會好嘈👍🏻👍🏻👍🏻 門口又易搵，約人夠方便😊…查看更多

約咗朋友嚟諾士佛臺食飯傾偈，平時出嚟都無特定揀邊間餐廳，咁啱呢日見到呢間餐廳入面坐咗幾枱都唔同國藉嘅人就揀咗呢間喇多啲外國人感覺Chill啲丫嘛！仲係happy hour時段，當然叫番杯啤酒先啦，Draft Beer 1664Blanc 咁悶熱嘅天氣，番完成日工，飲杯冰涼嘅啤酒的確係一種享受！朋友嚟到話好肚餓，所以由佢揸主意叫嘢食，因為我地2個吸收過好多次眼闊肚窄嘅經驗，所以今次我地叫咗3樣嘢share嚟食，唔夠先再叫👆白酒忌廉煮鮮蜆其實我一向都唔特別愛好食蜆嘅，不過朋友想食所以都試下啦，個sauce好香濃夠晒creamy，仲帶有微微嘅蜆味，蜆肉都唔細，有咬口，我都忍唔住口食咗好多粒👆酥焗菠菜芝士釀大蘑菇呢一道大蘑菇，我同朋友都覺得好好味，菠菜芝士做餡料，好香口開胃，帶少少咸味，但係連埋個蘑菇一齊食就啱啱好，呢店真係想encore👆Grain Fed USDA Prime Beef Filet Mignon呢個steak嘅肉質好嫩，有少少脂肪，口感好唔會韌 ， 而且一啲羶味都無，伴隨而來係好香嘅牛味而且仲好juicy，個牛係抵食嘅！值得一試！除咗食物之外，仲想讚下啲staff，個個都好nice好有禮貌好helpful，個個都有笑容，令成間餐廳嘅氣氛輕鬆舒服好多…查看更多

以前喺佐敦返工，收工好鍾意去諾士弗臺happy hour，轉咗工之後都好少嚟喇！今日心血來潮想飲杯嘢輕鬆下，所以就嚟咗呢度喇！其實都係隨便揀一間有酒飲有扒食環境又chill chill地嘅餐廳呢度happy hour好扺，Draft Beer每杯只係$49，坐低即刻叫兩杯先啦！話咁快兩杯冰凍嘅啤酒就送到！我揀咗Boddingtons，鍾意佢易入口又帶有好香嘅麥味既然難得出嚟飲嘢就唔想叫薯條薯皮呢啲咁普通嘅小食，所以揀咗酥焗芝士菠菜釀大蘑菇同白酒忌廉煮鮮蜆！其實個蜆唔係小食嚟嘅，不過我地當小食咁食，反正蜆係食唔飽人嘅，一邊傾偈飲啖啤酒食隻蜆都幾寫意個焗蘑菇好有驚喜，熱辣辣，蘑菇仲好Juicy無焗到乾晒，啲涵料嘅調味好配合，濃郁得嚟又無搶走蘑菇嘅味道，好食個蜆嘅醬汁都幾creamy，用嚟沾面包食幾唔錯。仲叫咗個steak，認真思考咗一陣，決定揀炭燒安格斯證書牛扒，因為俾menu上面幅圖吸引咗。Order咗medium，裡面真係仲有少少紅但係無血水Good Good個steak正正常常，Steak旁邊有個砌得好靚嘅蒜頭，用叉唧咗啲蒜蓉出嚟配牛扒食，好香！ 揀咗個黑松露sauce，個sauce好惹味，Side dish揀咗Signature Yam Fries，其實係蕃薯條，我至愛炸到外面脆卜卜，甜甜地，好好食，一條都無嘥，全部落晒肚…查看更多

呢晚嚟到Me Bar+Grill,係間酒吧餐廳嚟.呢邊牆就用咗名畫蒙娜麗莎嘅圖案做裝飾,環境幾有特色.抬頭一睇先發現天花板都有乾坤,掛咗唔同嘅霓虹燈字句.餐牌方面,由前菜,小食,主菜,意粉,甜品都有,同一般西餐廳冇太大分別.酒精類非常豐富,亦有mocktail等非酒精類飲品去揀.而且推廣期內即場讚好餐廳嘅facebook或instagram仲會有九折優惠,即係變相唔洗加一.先試飲品,呢杯Mango Smoothie係mocktail嚟,另外仲有熱情果,士多啤梨或椰子味去揀,飲落解渴.餐牌寫呢杯Gaarden Rose係用Hoegaarden Rosee,冧酒,士多啤梨汁同青檸汁調成,拎到嚟之後侍應先將一整支Hoegaarden Rosee倒轉,杯邊仲蘸咗鹽粒,賣相唔錯.Hoegaarden Rosee即係桑莓味啤酒,飲落微酸消滯,幾啱女仔口味.酥焗菠菜芝士釀大啡菇焗得既香噴噴又多汁,上面嘅煙肉香脆,菠菜嫩而冇渣,芝士雖然冇拉絲效果,但加埋一齊食口感唔錯.汁焗水牛城雞腿,起初以為嗰一瓣瓣橙紅色嘅嘢係番茄,睇清楚先知其實係切件鮮橙嚟,另外仲有大量洋蔥.雞腿有六隻,外皮微焦,雞肉唔乾身,食落辣味啱啱好,仲有淡淡嘅鮮橙甜味,感覺討好,不過在我嚟講如果可以多少少酸味就更加好.…查看更多

好耐冇去過諾士佛台搵食🤣🤣，朋友又話想去啲熱鬧嘅地方，所以就行過去睇下有咩好食！行咗幾間見到Me好似唔錯，所以決定試下！其實環境都幾舒服！好鍾意天花嘅裝飾！先嚟個凱撒沙律，羅馬生菜好新鮮，食落去好爽脆鮮甜，好清新嘅感覺！而且幾乎每一片生菜都佈滿芝士及碎煙肉！凱撒沙律上面有隻蛋都幾特別，但最特別係呢隻係鵪春蛋，蛋味好濃郁，可惜得1隻唔夠分😂😂叫多咗個小食，酥皮芝士釀薯蓉！雖然叫小食，但係都好大件！炸得好香脆，一切落去嘅時候卡卡聲😆😆芝士同薯蓉本身已經係一個好好嘅配搭，再加上邊嘅Hollandasie Sauce (有奶油、蛋黃和檸檬汁嘅醬汁），少少酸、甜甜地，十分美味！一切開芝士同薯蓉已經急不及待流出來😆😆芝士仲可以拉絲👍🏻👍🏻食咗個沙律同小食之後，幾乎已經半飽，只係叫個扒都夠！叫咗一份8安士嘅西冷牛扒，其實都幾大份！牛扒表面煎得焦脆，因為係西冷牛扒嘅關係牛扒脂肪比較少，但肉質仍然幼嫩，而且牛肉味相當濃郁！旁邊的炸薯條也要讚一讚，炸得勁香脆😍😍內裏剛好5分熟，呈現均勻的粉紅色！飲品就叫咗熱情果沙冰，酸酸甜甜好清新嘅感覺，好啱咁熱嘅天氣飲！我哋兩個人叫咗唔算好多嘢食，因為啲食物都好大份！而且like Me Bar+Grill 嘅Facebook 又可以再多九折，好抵！…查看更多

Weekend relax dinner擇左尖沙咀諾士佛臺，貪夠grill，可以輕鬆一晚。飲杯野SOL beer同Somersby Passion。SOL beer淡beer味，岩女仔，仲有青檸清新下，易入口。我杯Somersby Passion就好大size，帶apple liqueur and mango，上有鹽。freah為主，冷凍，岩哂吹水慢慢飲。:)Classic Caesar Salad with Quail egg 鵪蛋凱撒沙律，多醬多芝士碎同煙肉粒。每塊菜葉都多汁夠味，煙肉帶d咬口。鵪春蛋一隻好！因為鵪春蛋比較高膽固醇。換下碟就下一道菜，唔會快快一個碟要客人快手食完，一d都唔急。Jumbo Prawns Spaghetti 珍寶大蝦意粉，珍寶大蝦意粉好食，上枱時少少微香！大蝦爽口彈牙肉汁鮮美，仲要蝦頭既汁好濃蝦味，好想食多幾隻！意粉好硬身，食落去好有口感，配紅椒帶一下清新。NZ Rack of Lamb(Half rack)配菜係蜜糖味薯仔溶，蕃茄仔，大紅花蒜頭迷你香。配汁係燒汁，點薯溶好食過汁羊肉。每件羊滿滿炸蒜頭，重口味。抵食3大件。薯仔溶食落微甜，打得好溶好細。大紅花蒜頭焗到勁香，入面d蒜頭好軟身，少了辣吉吉感覺既。羊仔medium岩岩好，雖然多蒜係面，但一d都唔咸，肉質好軟，無蘇味。USDA Ribeye Angus Beef Steak(6oz)配菜係橙色薯條，雜菜同都有，大紅花蒜頭迷你香。配汁係野菌汁。橙色薯條係蕃薯做既，非常特別既一種。食落比平時薯仔粉身。牛肉比羊肉更軟身同有燒焦味。同樣是medium，有紅血汁肉增加juicy喔。環境有少少情調舒服。…查看更多

Happy Hour time in TST~ 好開心嚟到happy hour finally，依排好忙。Happy Hour星期六到8pm，我地7:30pm到到仲可以享受到，嘻嘻。店員介紹light d既SOL beer，少麥味，第一下有d似食左口法包？不錯。仲叫左Somersby Passion樣靚靚的，嚟到先加somersby，好大杯，飲落果汁飲重d。Classic鵪蛋凱撒沙律少見沙律配鵪蛋，都幾特別。份量係依個地步算ok大！多芝士，所以奶味重呀。菜爽口加芝士同麵包就帶脆口。鵪春蛋係煎到半生熟，蛋汁好味，咁細隻都煎到不濃。Jumbo Prawns Spaghetti 珍寶大蝦意粉，先講意粉口感好硬淨帶微彈，我鐘意硬既意粉！有紅椒蒜頭帶味，香味十足。橄欖油好多，好滑口。大蝦兩大隻，去哂腸！煎得岩岩好，不爛肉。NZ Rack of Lamb(Half rack)配菜有蕃茄仔多粒，蜜糖味薯仔溶，蒜頭插住迷你香同燒汁。蕃茄汁係爆汁，唔酸又多汁。薯溶就有蜜糖味，點汁食一流！每件羊有哂香草，炸蒜頭，少少鹽咁。食落同香口，同唔會令羊肉味無哂，而係比我感覺去左蘇味既。羊肉架6個，共3件，肉質好林帶少少肥肉，食落有少少油香咁，正又平！USDA Ribeye Angus Beef Steak(6oz)配菜係蕃薯薯條，雜菜同羊架一樣既蒜頭迷你香，同似是黑松露既菌汁。蕃薯薯條真係好特別，食落少少甜，但比薯仔粉身同林口，感覺健康d既。牛肉medium，juicy係必須既，6oz兩個人夠哂，一人一舊咁啦。肉質實中帶血水林，血水係少少不多既，無腥味。點左汁就濃味出味d。另一抵讚，係每道菜慢慢嚟，食完換好碟先上下一道，比大家慢慢食傾計。…查看更多