Me Bar+Grill (已結業)

之前去诺士佛台都系同朋友饮酒,今次朋友带我去食dinner,经佢介绍话之前食过味道吾错所以今次带埋我，一于试下。点左份grain fed usda prima beef filet mignon, 略嫌有小小过熟但味道其实还不错，剪得好香，好有牛味，另外order 左份lasagna，重遇番当年好中意既味道，值得推介👍👍食落好有层次，味道酸酸地再加上浓郁既芝士味，令人食指大动！甜品order 左份churro,味道都唔错，份量好多下。呢杯野饮好适合唔系好饮得酒既朋友，饮落口好似饮冻朱古力咁，冇乜酒味好易入口，女仔应该中意。…查看更多

星期一返完成日工😪好难过😭谂起又返五日先有得放假就即刻要约朋友系诺士佛台饮番杯野松一松😎诺士佛台有好多餐厅同酒吧我哋拣咗一间冇咁嘈杂嘅酒吧同埋好似多啲嘢食因为时间尚早嘅关系所以都坐得比较松动不嬲都系happy hour 时段比较抵所以一坐低即刻叫两杯啤酒 前菜叫左无花果多士有芝士可以伴住食，感觉好新奇仲有Parma ham ~ 成个口味好夹 无花果亦系新鲜既，同火箭菜一齐食 👍🏻无花果好甜👍🏻👍🏻👍🏻叫左千层面， 细细碟但系好饱 因为好足料，好多芝士同牛肉焗得刚刚好，面皮仍然juicy 👍🏻同朋有再share 左个羊架因为见到隔离台叫，好似好正5成熟，仍然保持肉质juicy 羊味经处理过，唔系太so 薯泥好滑 好香，浓浓牛油味 😁之后再encore 左几round 酒， 呢到倾计几好，唔会好嘈👍🏻👍🏻👍🏻 门口又易揾，约人够方便😊…查看更多

约咗朋友嚟诺士佛台食饭倾偈，平时出嚟都无特定拣边间餐厅，咁啱呢日见到呢间餐厅入面坐咗几枱都唔同国藉嘅人就拣咗呢间喇多啲外国人感觉Chill啲丫嘛！仲系happy hour时段，当然叫番杯啤酒先啦，Draft Beer 1664Blanc 咁闷热嘅天气，番完成日工，饮杯冰凉嘅啤酒的确系一种享受！朋友嚟到话好肚饿，所以由佢揸主意叫嘢食，因为我地2个吸收过好多次眼阔肚窄嘅经验，所以今次我地叫咗3样嘢share嚟食，唔够先再叫👆白酒忌廉煮鲜蚬其实我一向都唔特别爱好食蚬嘅，不过朋友想食所以都试下啦，个sauce好香浓够晒creamy，仲带有微微嘅蚬味，蚬肉都唔细，有咬口，我都忍唔住口食咗好多粒👆酥焗菠菜芝士酿大蘑菇呢一道大蘑菇，我同朋友都觉得好好味，菠菜芝士做馅料，好香口开胃，带少少咸味，但系连埋个蘑菇一齐食就啱啱好，呢店真系想encore👆Grain Fed USDA Prime Beef Filet Mignon呢个steak嘅肉质好嫩，有少少脂肪，口感好唔会韧 ， 而且一啲膻味都无，伴随而来系好香嘅牛味而且仲好juicy，个牛系抵食嘅！值得一试！除咗食物之外，仲想赞下啲staff，个个都好nice好有礼貌好helpful，个个都有笑容，令成间餐厅嘅气氛轻松舒服好多…查看更多

以前喺佐敦返工，收工好钟意去诺士弗台happy hour，转咗工之后都好少嚟喇！今日心血来潮想饮杯嘢轻松下，所以就嚟咗呢度喇！其实都系随便拣一间有酒饮有扒食环境又chill chill地嘅餐厅呢度happy hour好扺，Draft Beer每杯只系$49，坐低即刻叫两杯先啦！话咁快两杯冰冻嘅啤酒就送到！我拣咗Boddingtons，钟意佢易入口又带有好香嘅麦味既然难得出嚟饮嘢就唔想叫薯条薯皮呢啲咁普通嘅小食，所以拣咗酥焗芝士菠菜酿大蘑菇同白酒忌廉煮鲜蚬！其实个蚬唔系小食嚟嘅，不过我地当小食咁食，反正蚬系食唔饱人嘅，一边倾偈饮啖啤酒食只蚬都几写意个焗蘑菇好有惊喜，热辣辣，蘑菇仲好Juicy无焗到干晒，啲涵料嘅调味好配合，浓郁得嚟又无抢走蘑菇嘅味道，好食个蚬嘅酱汁都几creamy，用嚟沾面包食几唔错。仲叫咗个steak，认真思考咗一阵，决定拣炭烧安格斯证书牛扒，因为俾menu上面幅图吸引咗。Order咗medium，里面真系仲有少少红但系无血水Good Good个steak正正常常，Steak旁边有个砌得好靓嘅蒜头，用叉唧咗啲蒜蓉出嚟配牛扒食，好香！ 拣咗个黑松露sauce，个sauce好惹味，Side dish拣咗Signature Yam Fries，其实系蕃薯条，我至爱炸到外面脆卜卜，甜甜地，好好食，一条都无嘥，全部落晒肚…查看更多

呢晚嚟到Me Bar+Grill,系间酒吧餐厅嚟.呢边墙就用咗名画蒙娜丽莎嘅图案做装饰,环境几有特色.抬头一睇先发现天花板都有干坤,挂咗唔同嘅霓虹灯字句.餐牌方面,由前菜,小食,主菜,意粉,甜品都有,同一般西餐厅冇太大分别.酒精类非常丰富,亦有mocktail等非酒精类饮品去拣.而且推广期内即场赞好餐厅嘅facebook或instagram仲会有九折优惠,即系变相唔洗加一.先试饮品,呢杯Mango Smoothie系mocktail嚟,另外仲有热情果,士多啤梨或椰子味去拣,饮落解渴.餐牌写呢杯Gaarden Rose系用Hoegaarden Rosee,冧酒,士多啤梨汁同青柠汁调成,拎到嚟之后侍应先将一整支Hoegaarden Rosee倒转,杯边仲蘸咗盐粒,卖相唔错.Hoegaarden Rosee即系桑莓味啤酒,饮落微酸消滞,几啱女仔口味.酥焗菠菜芝士酿大啡菇焗得既香喷喷又多汁,上面嘅烟肉香脆,菠菜嫩而冇渣,芝士虽然冇拉丝效果,但加埋一齐食口感唔错.汁焗水牛城鸡腿,起初以为𠮶一瓣瓣橙红色嘅嘢系番茄,睇清楚先知其实系切件鲜橙嚟,另外仲有大量洋葱.鸡腿有六只,外皮微焦,鸡肉唔干身,食落辣味啱啱好,仲有淡淡嘅鲜橙甜味,感觉讨好,不过在我嚟讲如果可以多少少酸味就更加好.…查看更多