Martabak Pecenongan 78

店舖位于旺中一楼社交平台超级多人讲！原来系印尼连锁店，有各式各样口味，咸甜都有。店员系两位印尼人，即叫即整，超级用心。拣咗$35花生酱月亮饼（斑斓+$5）饼皮有淡淡嘅斑斓香，好香脆有咬口，入边湿润松软，热辣辣好有幸福感，斑斓味好出比想像中有惊喜，斑斓香微甜，仲有少少牛油香，口感好烟靭，轻轻意咬咔嚓一声，满嘴都系香浓嘅花生酱，花生酱带啲颗粒感，邪恶又爆浆，充满层次感，真材实料风味超足，价钱都算平，食完饱肚又满足，性价比偏高。…查看更多

Mini斑兰味月亮饼（加Nutella+花生）（$45）坊间少见既印尼小食，食起黎有啲似格仔饼外脆内软，但系比起格仔饼外层系薄啲硬啲同埋脆身啲，即叫即整所以食落仲好脆。斑斓味唔重，都系好事，证明唔系落啲人工香精，个馅好足料，nutella酱份量刚刚好唔会甜得滞，Nutella 同花生呢个配搭系好match, 加左花生个口感更丰富！口感同味道系好食，不过一个人食系会有啲太滞。同埋由于系即叫即整，即使得我一个客、落单后都等左10分钟先有。唔算好抵但几值得试下，经过都会再试！👍顺带一提佢只收现金，冇cash要行7-8分钟先揾到附近既ATM 🥹…查看更多

Martabak Pecenongan 78的芝士粟米斑兰月亮饼口感丰富，饼底带有淡淡斑兰香气，质地柔软且微微湿润。里面的粟米粒新鲜甜美，和咸香的芝士形成完美的平衡，甜咸交织，令人回味无穷。饼皮外层微脆，热食时芝士半融，带来诱人的拉丝效果，增加了口感层次。这款月亮饼甜度适中，不会过于腻口，粟米的自然甜味搭配芝士的咸香，让整个味道更加立体。班兰的清香在背景中若隐若现，为整体增添了一丝清新感。…查看更多

旺角中心近期有间好多人推介嘅印尼月亮饼！今日路过就试下佢。即叫即整都要啲时间，胜在新鲜出炉。佢地都几多味道选择，最后拣左原味同斑斓味嘅月亮饼。月亮饼口感似松糕，有啲烟烟韧韧，配埋花生/朱古力酱，味道咸咸地甜甜地。虽然斑斓味唔系好出，但斑斓沟榛子朱古力酱(𝙉𝙪𝙩𝙚𝙡𝙡𝙖)配搭几好食，建议可以试吓！ᜊ 𝙈𝙚𝙣𝙪斑斓+榛子朱古力酱月亮饼(迷你版) $40 👍🏻原味+花生酱月亮饼(迷你版) $35…查看更多

我完全想像唔到，同一个饼里面点样可以又甜、又咸、又油。但系呢个饼真系完全做到咗。我买嘅系芝士馅月亮饼（大），等嘅时间比较耐，其实已经冇人排队㗎啦，点解仲要等咁耐？我完全唔明。外面个饼系啱啱煎好热嘅，中间啲芝士竟然系凉嘅，见到一条条完全冇溶过，佢到底系点样做到㗎 ？你都知啦，而家啲细菌咁严重，见到呢个情况我非常担心卫生问题，不过冇办法都俾咗钱啰，焗住食。摆落口之后完全唔知自己食紧乜，甜、咸、油沟埋个口里面，可能真系有人欣赏嘅，不过𠮶个唔系我。我谂如无意外我应该唔会再帮衬。…查看更多