中午去咗基隆街揾朋友食饭，佢拣咗间叫「Marshal King」嘅餐厅，店名几霸气😎。门口设有室外座位，可带埋宠物一齐帮衬。餐厅设有八款午市套餐🍽，价钱由$68至$98不等，跟餐汤同热饮。考虑到份量都几多，价钱可接受。食肉兽嘅我哋一人嗌咗一个扒餐🥩，有肉又有主食，好难唔饱啰。纽西兰壳饲西冷牛扒配红酒牛油汁($98)，🐮牛扒卖相几靓仔，食落肉味都浓，但煮得稍为熟啲，所以口感少韧；而红酒汁配红肉几夹。主菜要咗意粉，估唔到系用上扁意粉，口感弹牙🍝。香煎厚切猪扒配新德里咖喱汁($88)，🐷我认为猪扒唔算厚切，不过就有成两大块，肉质OK，冇腌到过火。🍛咖喱汁偏向港式风味，香而不辣，老少咸宜；食咖喱配饭就最适合不过。饮品方面🥤，虽然冻饮要加$5，不过坚系大杯。店员推介饮港式丝袜奶茶，果然系唔错，茶底唔涩、口感顺滑。另一杯就要咗草莓乳酸特饮(半价$21)，甜酸味道几特别，但甜咗少少。总括嚟讲，呢日食咗大块肉扒午餐，夜晚都近乎唔使食😆。午餐选择集中几款，睇餐牌晚市好似多元化啲。题外话，餐厅环境几好，装修简约舒服。…查看更多
