Marks & Spencer 食品專門店

其實馬莎嘅麵包部，一直都係我心目中有唔錯嘅評價，因為佢嘅麵包性價比高，款式都幾多之餘，價錢都唔算太貴。Brown Scone （$14）呢個Scone真係其貌不揚，性價比好高！外脆內軟，係一般鬆餅1.5倍大舊，成舊好香麥味 口感介乎鬆軟麵包同實心鬆餅之間，再加上粒粒麥片，成舊好有咬口好好味 其實馬莎周不時會做優惠，有時仲做買二送一，除返開差唔多9蚊一舊，真係抵到冇朋友其實平時行開行埋，見到有貨我會入定幾舊，放喺冰櫃做存貨，想食嗰時就拎出嚟，唔使解凍焗12至15分鐘。*如果有埋cream仲正，再加埋杯奶茶/咖啡就係一個開心下午茶啦…查看更多

Marks and Spencer 喺香港好耐。本來係以賣大人衫褲為主，後來入埋佢英國嗰邊啲零食同紅酒。同英國比，有mark up 係一定嘅。只係以進口貨嚟講，佢無其他英國品牌（如Tesco, Saintsbury, Waitrose) 食水咁深囉。部份分店仲有麵包部，啲包係由英國引入急凍麵團，喺鋪頭度焗嘅。好多時啲質素都幾高。今日買咗個double chocolate muffin，朱古力味香濃，蛋糕實淨而且保持濕潤，係坊間少有嘅高水平。…查看更多

早餐已經食到唔知食乜好，但我起身點都要飲返杯咖啡的， 咁啱噚日見朋友去左Marks & Spencer 下午茶，想起上環信德中心有一間，於是開會前嚟試一次先。呢度早餐做緊買咖啡加4蚊有個Croissant, 但我見到佢有我至愛嘅Pretzel, 於是忍唔住要左個芝士口味的， 配Latte. 先看咖啡， 呢度唔預人dine-in，設備唔齊全，所以全部用紙杯，咖啡奶泡有少少溢出， 所以拉花有點糊了， 但仍算合格， 因為我飲左一半❤️仍在。咖啡味OK, 夠深，唔得好奶味。個pretzel 好新鮮，但已放涼了， 這裡冇焗爐，所以不能提供番熱服務，呢個位差左啲。但無損pretzel 嘅美味， 芝士好香， 應該係cheddar cheese，包身軟得嚟帶煙韌有咬勁😍😋👍。Marks & Spencer 嘅麵包一向出色， 所以間唔中唔知食咩好就可以過嚟試下。…查看更多

The cruffin which is a pastry hybrid of a croissant and a muffin was only previously available at posh bakeries in London and some other countries.It is meant to be crisp and flaky like a croissant and soft doughy like a muffin on the inside.You can get it at Marks and Sparks as well as this Japanese inspired Chinese bakery A1 group but their version is weird as it is covered in icing.At Marks and Sparks, there are three different flavours – chocolate and hazelnut, Seville orange and strawberry and Marc de champagne, at £1.50 in the UK and $25 in Hong Kong.I was a bit disappointed because it was not doughy and soft in the middle and it was just a croissant all the way through but shaped like a muffin.Never the less, both the Strawberry and orange flavours were good because jam and croissants always go together.The chocolate was a bit rich and tasted like a pain du chocolat filled with nutella paste.…查看更多

Saw the festive drinks so I decided try the hot chocolate orange.It was really nice with a strong orange taste that was not too artificial and the chocolate was not to rich.…查看更多

我為了炮製一份適合自己口味又健康的 All day breakfast， 打算弄製黑松露烚蛋，於是，走到超級市場搜羅食材！ 可是，黑松露醬並非普通超級市場有售！要走到外國進口的高級超級市場才有售！ 令我想起公司附近的 <馬莎>，連這裡也沒有供應！  只好走一趟去 IFC 吧！當我在馬莎搜尋食材期間，恰巧，有位男店員見我剛剛經過麵包部，有健康餅乾正值有優惠，原價 $28 (現售 $20)；他向我推銷這優惠，聽起來也覺得超抵！  而這款餅乾的另一賣點是一盒有四包獨立包裝，唯獨是有效期比較短，大約一個月左右！ :( 種子麥餅乾 $20一盒有四包獨立包裝，一包有 4 塊，餅乾本身混合南瓜籽，餅身口感硬脆，微鹹！:) 多穀物餅乾 $48這款餅乾沒有特價，我卻被其健康元素吸引購買！ 打開包裝袋，有點油香味！恐怕放久了會有油益味！ 整塊餅乾表面鋪滿亞麻籽、罌粟籽…等，餅底富有麥粒，纖維滿載之餘，  又充滿嚼感！  餅身微彎質感硬身！亞麻籽帶出香脆，同樣是微鹹！ :) 我略嫌味道太寡！於是，嚐試塗上植物蛋黃醬及黑松露醬來提升味道！真是「妹仔大過主人婆」嘞！  醬汁已花上百多元！ :( 餅乾卻花上幾十元！植物蛋黃醬沒有蛋黃成份，相對沙律醬健康得多！  其口味及酸度可媲美沙律醬，同樣做到令人開胃的效果！ 黑松露醬散發濃郁而獨特幽香的黑松露，非常誘人！ 塗上黑松露醬後，把平凡的味道變得不平凡！…查看更多

經常搭船回來會在信德中心下船, 通常會是19:30前到達, 在行過一連串快餐店, 餐廳後差不多走到盡頭時無意中看見有一間”馬莎”! 走入去睇下, 因為通常呢個鐘数會想來一點小食, 最好重有杯咖啡啦, 估佢唔到同一時間滿足兩個願望, 這間馬莎居然有個咖啡吧頭, 而雪櫃內又有沙律又有三文治, 就試三文治啦! 由於已經是時過七點住部三文治落價至$20.00, 試過兩,三種餡料: 雞肉蕃茄 / 火腿芥末 / 蛋沙律等等, 當然方飽片在雪了一整個下午後變得比較硬同實是一定的了, 但微微的麥香味仍然食得到, 餡料用雞肉時會是雞胸肉, 好多人可能會嫌它鞋口但粗糙之中其實同時可以感覺到雞雞的味道, 火腿亦是厚片兩片再加蕃茄片頗豐富的, 而來路火腿的調味明顯比本地的火腿片少得多了, 所以有人可能會覺得啖口, 但那只是大腦接收開的訊息過多而已, 眼見到的火腿同腦內記得的火腿味道不一致所引致的訊息錯誤!至於咖啡: 按咖啡師跟我講這裡咖啡機內的荳是由四種荳混合而成的, 所以味道稍為複雜, 兩次試了鮮奶咖啡而上次則是Americano , 即使是混合了大量的鮮奶那咖啡味道仍然是很濃-微苦帶一點點甘, 奶打得幼滑但拉花則時得時唔得不過本人唔太介意個花拉得出來與否, 因為現狀是咖啡師的水準好多時會因應很多因素拉唔到, 而Americano則是飲過的這種美式咖啡的最大的一杯! 美式咖啡雖然開水但啡味仍然keep得很好,…查看更多

早兩天剛收到食友送贈的「馬莎」Pecan and Maple Cookies，見食友寫《好友狂嚐曲》寫得咁過癮，等我都寫番篇食評 hea 吓先。其實筆者向來對「馬莎」的出品，都幾有好感，尤其是它食品部的 pastries、三文治、沙律及冷凍食物，水準都相當唔錯，所以之前筆者還在中環上班時，周不時都會去皇后大道中中滙地庫嗰間「馬莎」 shopping 兼吃個 quick lunch，既簡單又快捷，仲夠曬美味健康添。據聞「馬莎」位於中環中建大廈的旗艦店，食品部的規模近日擴充咗，而且更引入了不少在英國廣受歡迎的品牌，看來要找天去逛逛。至於今次獲贈的胡桃楓糖曲奇，一 pack 有十塊，size 比 Mrs Fields Cookies 稍微細一個圈，吃起來唔算鬆化，不過由於 pecan 分量唔少，咬落煙韌得嚟又夠 crunchy，伴以牛油及楓糖漿製作，入口除了充滿牛油香外，更帶點楓糖的迷人香氣，味道唔錯。食完曲奇，也說說另一食友送贈的「馬莎」罐裝蟹肉 White Crab Meat。其實係早前在 facebook 見人介紹一款罐裝蟹肉，所以喺出席某次試食活動時，曾戲言唔知可唔以用那罐頭做個蟹肉酥皮盒，點知坐得遠遠的小妮子，竟然聽力超凡，還特意為我買來「馬莎」的出品，真是無言感激。講真，其實還沒決定怎樣處置這罐蟹肉，是弄個蟹肉餅好吖，還是整個  crab meat risotto  好呢？唉，豈料今天一個午睡，被人弄醒起床吃晚飯，檯面竟然有一道《蟹肉西蘭花》，oh my god！是誰出的鬼主意？ 幸好這道經過輕炒的蟹肉，雖然帶少許腥味，但吃起來仍然鮮嫩多汁，下次要炒罐頭蟹肉，還是下一點點喼汁或辣椒汁吧，有提鮮及辟腥作用呢！…查看更多

在 5月頭，我經過上環地鐵站見到 <馬莎食品專門店 Marks & Spencer Food> 進駐上環信德中心廣告！  上兩個星期六早上趁時間尚早，於是走到上環信德中心問一問 Security!  :)  他叫我向前行便會找到！行到 Starbucks Coffee 仍未見到！原來 <馬莎食品專門店 Marks & Spencer Food> 正是位於近出口位置，對面是萬寧。原址為一間傢俬舖！ 反正有時間，順便走入去兜個圈！  發現 <馬莎麵包部 Marks & Spencer Fresh Bakery>！ 這裡以外賣為主！店內靠落地玻璃有一張長木吧枱，還有五張高椅子，方便食客堂食！此外，有 Wi-Fi，食客可以一邊進食，一邊上網！ 那天早上我沒有幫襯，只想食一些暖胃的東西！恰巧！當晚是首次出席外籍朋友的生日派對！  不知到時會如何？！  還是食點東西打底較穩陣！ :)  於是，想到走來 <馬莎麵包部>！麵包分門別類好整齊！ :)  左邊是甜食、右邊是鹹食！ 食客只需自行夾取心水麵包，店內提供夾子 (放在麵包架上) 及小紙袋！既方便又衛生！ :)  然後，走到 counter 付款便可。除了鹹甜麵包之外，還有咖啡、茶、沙冰...！  那麼！食客就算堂食也不怕口渴！我買了鹹甜包點各一件及一杯細咖啡做下午茶！  由於，我假設晚上的生日派對會有不少肉類，這份下午茶食得齋一點亦無妨！:)我付款後，先拿麵包放到桌上，剛剛拿起相機之際，咖啡便隨即送上，相當有效率！ :) 麵包是每天焗製！保證新鮮！法式雜錦穀物農家麵包 $13包括：小麥、黑麥、罌粟籽、亞麻籽、...等，包質硬身！雜錦穀物充滿嚼勁！ 勝在夠健康！英式鬆餅 $11一個滿載小麥的英式鬆餅，纖維豐富！每一口也食到小麥！相對鬆軟度稍遜！:( 整體微甜！Latte $30 (small)店方的咖啡最重要是獲公平交易認證 (Fair trade)、獲雨林聯盟認證、有機種植，絕對幫襯得過！盛載咖啡的紙杯，表面有精美的拉花！ 以紙杯也拉出如此出色的拉花，的確有難度！我曾經學過咖啡拉花，知道箇中竅門！令我也很欣賞這位 Barista 的手勢！咖啡水溫頗熱，咖啡香發揮得淋漓盡致！入口剛好！綿密細膩的奶泡，:) 咖啡甘香濃郁之餘亦口感順滑！ 有意想不到的質素！令我也感到意外！…查看更多