Mamaday

喺加连威老道嘉荣大厦2楼呢间Mamaday，听个名好似好hea，但其实内有干坤。今次试咗几款招牌菜，同大家分享下真实食感。芝士火锅一上枱已经闻到浓浓芝士香，个锅底煮得啱啱好，唔会太稀又唔会黐底。配料有牛扒、虾仁、薯仔同蔬菜，牛扒切得薄身，轻轻烚几秒就食得，蘸满芝士之后更加香口。虾仁爽弹，薯仔吸汁力强，最好系佢个芝士味够浓但唔会腻，一路食到尾都keep到水准。黑过墨汁三文鱼披萨个名玩嘢，但个Pizza认真唔错！饼底薄脆，墨汁底带淡淡咸香，上面铺满烟三文鱼同少少火箭菜，口感平衡得几好。三文鱼嘅油润同饼底嘅脆身形成对比，食落唔会太滞，一个人食两件都唔觉负担。蒲烧鳗鱼蛋包饭老实讲，个名已经提示咗「唔好抱咁大期望」，所以都系以平常心试。鳗鱼烧得香口，酱汁唔会过甜，蛋包饭嘅蛋滑溜，但整体无太大惊喜。如果系为咗鳗鱼饭专登嚟，可能会有更好选择，但当作普通主食都算合格。总括嚟讲，Mamaday系一间有态度嘅餐厅，食物有心思，环境轻松，价钱合理。尤其系芝士火锅，值得encore！下次经过尖沙咀，想同朋友Hea下食饭，呢度唔错。📍 Mamaday尖沙咀加连威老道27-27A号嘉荣大厦2楼…查看更多

以玩味装潢与创意菜式闻名，店内霓虹灯牌与搞怪语录营造IG打卡氛围，吸引年轻食客。📸惟食物质素令人失望，顾名思义「麻麻地」，服务一般，旺时等位频繁，体验不佳。😞🦑 墨鱼三文鱼Pizza墨鱼三文鱼Pizza卖相吸引，橙红色调看似高级，实则令人崩溃。🍕饼底薄脆如纸板，三文鱼油脂凝成白色固体，入口油腻无鲜味。芝士结块，上桌仅微暖，疑似预制翻热失灵，温度诡异，食感如嚼蜡，难以下咽。😓🦀 蟹籽蟹肉意粉蟹肉意粉视觉吸睛，铺满橙红蟹籽如山丘，IG打卡满分，味道却负分滚粗。🦪蟹肉丝呈暗灰啫喱状，疑似急冻货解冻过夜，腥味浓过海产市场。蟹籽氧化泛苦，爆出铁锈味，忌廉酱汁分离，面条干硬如隔夜货，令人后悔万分。😣🥩 他他脆片牛肉他他冰冷，温度低至10°C，肉碎带冰晶刺舌，与理想室温处理相去甚远。🥟脆片潮软如受潮饼干，蘸酱酸度过高，疑似柠檬汁超标，令人皱眉，毫无食欲。😕🏙️ 环境与性价比餐厅环境玩味十足，适合拍照，但食物质素与HK$428-500的消费极不相符，仿如买个影相权。📍服务态度敷衍，老板未有积极处理投诉，旺时等位更添不快。Mamaday徒有IG光环，食物令人失望，性价比低，建议三思而后行。😔…查看更多

行街经过尖沙咀谂唔到食咩，就行咗去加连威老道，发现有一间唔起眼嘅餐厅，门口有个餐牌有条楼梯上去，我同朋友睇睇吓就试吓啦，点知一上去就已经好有惊喜，特别系个装修，餐厅遇上一层，沿路都有好多唔同嘅设计，摆设，公仔，画，总之只眼系唔会停到去望，我六点去唔系太多人，一般惯咗早食饭，一开Menu就已经决定要食芝士火锅！再叫咗Pizza，加一个猪肋骨，一杯嘢饮，两个人食啱啱好，我乘机趁冇乜人参观咗成间餐厅，原来系大到黐线，上咗一层上面仲有两层，甚至有埋房间，live band位，我估唔到会咁大，每一层都有好多特色设计，其实好适合一班朋友约出嚟倾偈食嘢，食物方面都好特色，我最钟意系个猪肋骨，烧得好好味❤️‍🔥❤️‍🔥极度推介如果你约一班朋友出尖沙咀想倾吓偈饮吓嘢，地方又大，仲要有好多视觉享受😎～值得一推…查看更多

假期朋友相聚，朋友话想食呢间餐厅话听闻几好，于是一早订咗位，以为餐厅好多人，但原来得小猫三四只，可能假期啲人返晒大陆或去咗其他地方玩。席间除咗点菜时叫到人， 其余时间都好难叫到人嚟帮忙， 因为啲侍应全程都系背住啲客， 叫到佢哋嚟帮换4只碟，佢哋都系不情不愿咁攞咗4只碟嚟就咁放喺度，朋友问系咪要我哋自己分？个侍应居然话：系！ 啲服务态度真系好到不得了！ 讲真间餐厅嘅食物真系唔错嘅！但系因为啲侍应极差嘅服务态度，我哋已经back list咗呢间餐厅！…查看更多

Mamaday-位于尖沙咀嘅打卡cafe，要行楼梯上去，外墙有大大个招牌十分醒目😗餐厅装修别有一番怪趣味，周围都系打卡位，钟意试新嘢可以去试下。𠮶晚去到全场满坐，记得book位！感觉似fusion菜，个人觉得偏重口味，啱晒重口味人士👍🏼小食拼盘真系乜都有，炸蚝、芝士条、炸虾、薯条。同朋友想去gathering是不错的选择，一路倾一路食。Orders🤎🤎🤎·明太子卡邦尼意粉 ·软壳蟹菠萝pizza · 「乜都炸啲小食拼盘」😂…查看更多