Luigi’s

餐厅嘅装修系好经典美式风格，红色加深色木嘅主调，座位颇舒适。👌🏼凯撒沙律：酱汁味道温和，唔会太酸，符合预期嘅味道。:)蘑菇汤因为想饮汤，但系餐牌冇汤，就问餐厅有冇汤，佢又居然有。就得一款蘑菇汤。蘑菇汤好Creamy，符合预期嘅好味道。餐汤送上嘅面包，外表香脆，内里松软，好味。👌🏼Penne Alla Volka： Creamy嘅蕃茄酱，微微酸甜又带有忌廉嘅香滑感，茄酱味唔会太overpower。芝士好充足，食落有拉丝嘅口感。不过就食唔到酒味。🤔House Smoke BBQ Ribs: 一般美式烧汁猪肋骨味道，好多酱颇重口味，冇咩特别。🤔Buffalo Chicken Wing一般美式水牛鸡翼嘅味道，颇重口味都几辣下。🤔Spaghetti Carbonara较多忌廉味，仲有d 猪油渣嘅味道。:)Linguini Aglio Olio 超级蒜味嘅意粉，满足钟意蒜味嘅朋友。👌🏼New York Pizza颇重茄酱味嘅pizza。…查看更多

餐厅：Luigi’s (尖沙咀)地址：尖沙咀柯士甸道西1号ELEMENTS圆方金区演荟广场顶楼R001号舖作为一个打工仔，相信每个礼拜连续返咗几日工，最期待除咗放大假之外，就喺星期五或者星期六放工之后去Happy Hour饮返杯轻松吓😌。今次就去咗ELEMENTS圆方呢间Luigi’s ，佢哋主打美国同意大利菜，适逢星期五晚上，唔少人放工之后都过嚟享受happy hour嘅优惠，尽情咁用平少少嘅价钱饮多两杯🍻原来餐厅6-7个月前改咗名，以全新形象去招待附近嘅打工仔同食客，加上推出多个优惠吸引一家大细、亲朋好友过去帮衬，包括逢星期一同四嘅买一送一牛扒优惠🥩，仲有8岁以下小童全日免费食嘢优惠(详情要问返餐厅，公众假期除外㗎）等👦🏻✝️Luigi’s Beef Sliders $158餐厅signature嘅迷你汉堡🍔，一共有两件，用咗烘香微脆嘅汉堡包夹住膻香多汁牛肉汉堡、焦糖洋葱、车打芝士同新鲜蕃茄🍅，一大啖咬落去简直无得输，喺最传统同滋味嘅汉堡💯✝️The New York $208呢个Pizza 12吋大🍕，喺经典嘅美式口味，厚薄适中嘅饼底上面放咗意大利辣肉肠、意式香肠粒、猪肉丸粒、Luigi嘅自家制蕃茄酱、罗勒同Mozarella cheese🧀，上枱后店员再帮我哋磨上巴马臣芝士，仲有无限量调味料比你任加，Pizza边边香脆，加上热辣辣嘅温度同拉丝效果，完全抵挡唔到🤤✝️Skillet Cookie $110呢款美国特色甜品几有惊喜🇺🇸，喺铁pan上面放上一大块软心微脆嘅朱古力曲奇🍪，当中有啲朱古力碎粒，食落带有烟韧口感，面头仲有两球云呢拿雪糕🍨，连埋曲奇一齐食就有冰火冷热嘅双重口感同温度❄️🔥，不过食晒成个都几腻🤪，2-3个人share食就最啱饮品方面叫咗杯Passion Sparkle($79)同Chocolate Milkshake($79)，前者用咗热情果、青柠同梳打调制而成，清香鲜甜🍹；后者朱古力味唔算太出，不过夏天饮依然解渴💦…查看更多

Luigi’s位于圆方顶楼，环境舒适低光线柔和充满意大利风味，有室外室内位，感觉商务，朋友聚会或者家庭轻松用餐都适合。这次食左几款菜式，有惊喜亦有平稳之处。首先是Cheetos Crusted Mozzarella Sticks（$145），炸芝士条，外层酥脆微辣，与香滑的芝士内馅形成对比，辣味重，配啤酒超一流。Pizza：12‘’ The New York（$208）是主菜而相信亦是餐厅招牌，因我见每枱客人都必叫pizza~The New York饼底薄脆，芝士与番茄酱比例恰到好处，配料选择经典，完全突出纽约风味。我地特地叫待应哥哥即场狂加芝士, 口味更浓。甜点Tiramisu（$85）则是一大亮点，外接漂亮，口感湿润，咖啡与可可香气层次丰富，甜度适中，非常值得食。饮品方面，Passion Sparkler清新酸甜，适合搭配较重口味的菜式。而Asahi Draught啤酒则是一个稳妥的选择，酒香淡雅，衬托主菜的咸香。整体而言，Luigi’s性价比不错，而且岩追求环境够chill既食客。…查看更多

周末约朋友食饭，想揾间坐得舒服而又适合小朋友嘅餐厅，上网见到呢间餐厅环境唔错，仲有免费儿童餐，一于黎试下。Portobello Truffle Tagliatelle :上枱时已经闻到好浓黑松露香味，入口好creamy，阔条面火候啱啱好，口感弹牙，沾满酱汁好好味，值得一赞嘅系Parmesan芝士会于上菜时店员随你喜好落，钟意食几多就落几多。Luigi's Beef Sliders :卖相相当精致嘅迷你汉堡包，微烘过嘅面包，加牛肉汉堡、焦糖洋葱、车打芝士及蕃茄，食落肉汁四溢，非常juicy。Kids Chicken Fingers :餐厅做紧Promotion，凡惠顾主菜，就会免费提供儿童餐俾8岁以下小朋友，仲有好多款拣，啱晒一家大细嘅家庭。虽则系儿童餐，但份量都相当多，有两件鸡柳及大量薯条，小朋友都好满足。Skillet Brownie :即叫即焗，所以等候需时。Brownie浓厚嘅朱古力味，配上幼滑嘅云呢拿雪糕，甜而不腻，作为甜品一流。Virgin Colada :椰奶加上新鲜菠萝及菠萝汁，酸酸甜甜相当开胃。Fruit Punch :水果味浓郁，朋友嘅小朋友最喜爱。…查看更多

Luigi 餐厅环境好有格调，装修好友意式风情。灯光昏暗，气氛好浪漫又放松。另外都见好多带埋小朋友黎食， 原来餐厅做紧推广， 8岁以下小朋友可以提供免费食物。岩哂家座聚会🎈叫左个水牛城鸡翼，一上枱就被它诱人嘅外表吸引住。鸡翼外皮炸得酥脆，咬落去喀嚓作响，里面嘅肉质却嫩滑多汁，火候控制得相当好。水牛城酱汁味道浓郁，辣度适中，带有微微嘅酸味，刺激味蕾之余又唔会太呛口 。搭配嘅酸奶酱清新解腻，同浓味嘅鸡翼形成完美嘅搭配，一啖鸡翼一啖酸奶酱，真系停唔到口。主菜嘅蚬肉扁意粉（Linguine Clam），用料好足。意粉系手工制，煮得刚刚好，口感弹牙。蚬肉新鲜肥美，每粒都大大只，完整嘅蚬带嚟丰富嘅口感。香辣番茄浓汤味道层次丰富，番茄嘅酸甜同微辣味融合得恰到好处，渗透到每条意粉之中，食落去十分开胃，海鲜同番茄嘅味道交织，令人回味无穷。甜品方面，焗朱古力布朗尼加雪糕简直系绝配。焗朱古力布朗尼一上枱就闻到浓郁嘅朱古力香气，表面微微焦脆，里面却湿润软糯，中间嘅朱古力粒咬落去会爆浆，朱古力味超级浓郁。搭配嘅雪糕口感绵密，味道香甜，一冷一热嘅搭配，在口腔中碰撞出奇妙嘅口感，每一口都充满幸福嘅味道。至于饮品，左边呢杯以青瓜为主嘅饮品，味道清新爽口，饮落去好解腻，尤其啱搭配油腻嘅菜式。右边呢杯带有橙片嘅红色饮品，味道酸甜适中，入口有淡淡嘅果香，好清爽，无论搭配主菜定甜品都好啱。总嘅嚟讲，Luigi 餐厅无论喺菜式嘅味道、食材嘅新鲜度，定饮品嘅搭配上都做得好出色，值得再次光顾！…查看更多