Lounge Hakuba

营业中

休息中

好友九月初生日， 為她慶祝真是費煞思量， 因為她喜歡精緻的日式食物， 特別的雞尾酒， 終於在開飯網看到這裏的食評 ，內容完全和她的要求吻合， 似乎是專為度身訂做的。餐廳在謝斐道535號Tower3樓302號鋪， 地點非常方便 ，在銅鑼灣鬧市， 世貿 旁邊崇光後面 ，什麼交通工具都很就腳， 華燈初上的夜晚， 來到這棟新型商夏大廈3樓， 餐廳用簡潔的日式佈置 ，樓底很高 ，燈光柔和 ，裝飾是 統一的和風設計 ，這裏還是一間友善餐廳 ，歡迎帶同家中毛孩一起歡聚， 這是我們兩人的共鳴， 因為我們都是有寵物的家庭。愉快的晚餐開始 首先點兩杯精美的雞尾酒 ，🍸🍹一杯是菠蘿煎酒檸檬汁， 另一杯是綠茶煎酒加橙乾迷迭香， 調酒師精心炮製 ，最講究的裝飾，酒杯冒起陣陣輕煙， 拿在手裏 ，看在眼裏 ，品在嘴裏， 最美好的時光就是這樣的。🤩🤩我們選了一個豐富的二人套餐 650元。 內容有 ；💥刺身前菜 ，新鮮甜美，炙北海道帶子 ，wasabi八爪魚 ，炙三文魚。💥 串燒四品 ，柚子蜜炸雞翼 ， 紫蘇雞腿肉， 溏心蛋豚肉卷， 金菇牛肉卷。 雖然不是貴價食材， 但每樣食物都整得非常精緻美味， 用來送酒確是一流。💥

放工後, 繼續飲飲食食, 繼續進行慶祝生日活動, 今晚同朋友挑選了銅鑼灣這一間充滿意境, 有日韓感覺, 可以好Chill好Relax, 有現場Live band, 氣氛爆棚, 又有點像Bar的感覺的餐廳, 以銅鑼灣這一區的新餐廳來講, 感覺確是高質素。我們點選了二人套餐, 多款式又抵食d。<甜甜辣辣炸雞>甜辣的味道非常突出, 好似食緊韓式炸雞, 炸雞混合惹味醬汁, 非常好食。前菜有<芥辣三文魚、炙燒北海道帆立貝、炙燒三文魚>, 三個前菜都非常新鮮, 帆立貝同三文魚都好鮮甜, 而且仲非常之厚肉。<唐揚炸豆腐>豆腐炸得外脆內軟, 咬落去外面香脆, 內裏非常軟滑。串燒有四款：<紫蘇雞腿肉>, 烤過的雞肉, 依然保持到肉質嫩滑。<明太子山藥>, 微鹹的味道, 入口半粉半爽的山藥質感, 非常特別。<金菇肥牛卷>, 肥牛烤得好嫩, 而且有肉汁, 包裹住滿滿的金菇。<溏心蛋豚肉卷>, 溏心蛋黃的雞蛋被豚肉包住, 咬落去滿足感十足。<壽喜燒牛脊肉炒烏冬>炒烏冬的壽喜燒醬汁非常

餐廳係銅鑼灣Tower 535裡面，齋講名可能唔係好多人知道Tower 535係邊其實就係世貿隔離，sogo既背面呢度既佈置玩味十足坐低見到佢有個二人同埋四人既set dinner menu咁就廢事煩啦，一於叫set 😄見到佢有個飲之放題，如果叫左set的話加$148就可以但係我地聽日要返工，咁唯有pass 🥹不過見有啲氣氛最後都叫左雞尾酒哇 😯 原來好特別架！首先，叫雞尾酒既時候會有個木盒攞過黎俾你揀要咩我揀左唐草，男朋友揀左櫻杯唐草黎到係放係一個玻璃盒裡面，煙霧彌漫💨仲放左四塊石頭係裡面，幾有gimmick 🪨味道好refreshing，有檸檬、迷迭香同埋姜味加上夠曬凍，係呢啲咁熱既天氣飲就一流！前菜係芥辣八爪魚、炙燒帆立貝同炙燒三文魚 🐟串燒有四款：溏心蛋豬肉卷、紫蘇雞腿肉、明太子山藥同金菇肥牛卷 🍢我最鍾意個金菇肥牛卷，牛肉肥美，包住金菇令金菇都吸曬啲醬汁蜜糖柚子雞翼 🍋炸雞翼好難唔好食啦 唐揚炸豆腐就普通左少少壽喜燒牛肉卷同牛油果芝士🥑鰻魚炒飯係主食，好大碗調味幾好，係爭咁啲鰻魚粒最後唔少得係甜品 🍮烏龍茶牛奶布丁真係有烏龍茶香最開心係佢仲有個雪糕一齊上雖然返工一日好辛苦，但

最近試咗間主打和食串燒同特色雞尾酒嘅Lounge Hakuba，個環境好有日本酒吧嘅feel，啱晒同朋友慢慢傾偈歎嘢食！佢仲有一個骰仔盒可以幫你決定飲咩，成件事幾得意雞尾酒方面，Karakusa Luck帶有清新嘅青瓜同生薑香，加埋herbs嘅香氣，好開胃！Maple Hunter就甜香撲鼻，楓糖漿同威士忌嘅配搭令到成杯cocktail好有層次感，啱晒鍾意甜嘢嘅朋友。前菜三重奏超吸引！芥辣八爪魚爽彈有嚼勁，芥辣香辣開胃。炙燒北海道帆立貝肉質鮮甜，表面燒到微微焦香。炙燒三文魚油香十足，肉質軟滑，同埋個秘製醬汁好配襯。料理方面，唐揚炸豆腐外脆內軟，蘸埋特製醬汁好惹味。甜甜辣辣炸雞crispy爆，肉質juicy，醬汁香辣開胃。蜜糖柚子雞翼外皮酥脆，醬汁甜中帶酸，好開胃！太卷系列都好出色，壽喜燒牛肉卷香濃多汁，牛油果忌廉芝士卷清新滑溜。串燒款款都有特色，紫蘇雞腿肉香草清新，明太子山藥香濃滑溜，金菇肥牛卷汁多味美，溏心蛋豚肉卷蛋黃流心配搭豬肉超正！壽喜燒牛脊肉炒烏冬做到香口彈牙，牛肉嫩滑，醬汁香濃。最後嘅烏龍茶牛奶布甸滑嫩香甜，茶香同奶香完美融合，收結一餐。整體嚟講，Lounge Hakuba嘅

之前有日工作經過銅鑼灣世貿旁邊既535發現大堂的一角有間好特別既酒吧餐廳店內裝潢看似簡約又頗格調有梳化位 又有皮椅位 坐得好舒服重點係樓底好高 座位間距寬敞而且設有戶外區 適合拍拖或者朋友相聚適逄我地去當晚 港隊有足球賽事餐廳更加有落地大投影幕直播 頗有氣氛而且佢地既二人前套餐只要$650就可以食勻12道菜又真係抵 真係值得再去 //Cocktail//好有印象我望住drink menu Cocktail有好多選擇但餐廳好有儀式感可以擲骰由個天幫你安排邊一杯岩晒我呢D選擇困難症 //Sakura Blessing//第一杯賣相吸睛入口帶柔和花香微酸清爽 容易入口 //Morning Dew//第二杯就是用白蘭樹下Gin做base加埋檸檬汁、紫蘇葉Liqueur同Tonic製成酸酸地都好易入口 //前菜（3款）//芥辣八爪魚：八爪魚煙煙韌韌 沾滿wasabi醬少少攻鼻 少少刺激食落又好過癮炙燒北海道帆立貝：輕輕用火槍燒過令表面焦香帆立貝好鮮甜加上了檸檬汁令甜味更突出好開胃 炙燒三文魚：個人黎講幾分鐘呢個半生熟 入口即溶既口感三文魚肥美 魚油勁香 //串燒（4款）//溏心蛋豚肉卷：呢個出色

歎盡日式fusion盛宴！今晚搵咗間主打日式料理嘅店同朋友慶祝。前菜三樣就已經打開晒胃口，芥辣八爪魚最係醒神，八爪魚咬落彈牙到會「索」聲，芥辣勁度啱啱好，唔會辣到搶味，反而帶出海鮮鮮甜；炙燒北海道帆立貝真係大件夾抵食，表面微焦鎖住汁，入口滿滿海水味，連貝柱邊都冇渣；炙燒三文魚油脂香好濃，火喉控制得岩岩好，外層微脆內裡仲係粉紅色，配少少青芥辣食，正！串燒系列簡直係今餐亮點！溏心蛋豚肉卷一定要試，豚肉燒到外皮微焦，切開嗰下溏心蛋漿「潺潺」流出，撈埋豚肉一齊食，蛋香同肉香完全融合；紫蘇雞腿肉好有日式風味，紫蘇葉嘅香氣滲入雞肉入面，咬落嫩到出汁；明太子山藥好有新意，山藥脆卜卜，明太子醬鹹香帶少少creamy，兩樣嘢配埋一齊好夾；金菇肥牛卷就夠經典，肥牛燒到微微焦香，金菇吸晒肉汁，一口一舊好過癮。熱食都好出色，唐揚炸豆腐外皮脆到「卜卜」聲，入面豆腐嫩到好似布丁，蘸埋特製醬汁，完全唔會覺得油膩；蜜糖柚子雞翼甜度啱啱好，柚子味好清新，食完唔會覺得滯，連骨都想吮多兩啖。卷物同炒飯就夠晒飽肚，壽喜燒牛肉太卷入面牛肉好嫩，壽喜燒醬味好濃郁，配埋飯糰一齊食好满足；牛油果忌廉芝士太卷好creamy，牛油果好新

一踏入銅鑼灣嘅 Lounge Hakuba，氛圍即刻令人放鬆，居酒屋嘅日式簡約裝潢，木系色調點綴，營造出一種溫暖又chill嘅感覺。前菜：芥辣八爪魚、炙燒北海道帆立貝、炙燒三文魚八爪魚切成小粒，爽脆彈牙，配上微辣嘅芥末醬，入口清新又帶點刺激，完美喚醒味蕾；帆立貝燒到表面微焦，內裡依然嫩滑多汁，散發濃郁海鮮甜味；三文魚則非常肥美，炙燒後嘅油香同輕煙燻味，入口即溶。串燒溏心蛋豚肉卷將軟熟嘅溏心蛋同香煎豚肉完美結合，蛋黃流心配上肉嘅鹹香，口感同味道都好平衡；紫蘇雞腿肉帶紫蘇葉嘅清香，雞肉嫩滑，燒烤嘅炭香滲入肉質，簡單但好有層次；明太子山藥係驚喜，山藥爽脆，塗上鹹香嘅明太子醬，微辣中帶點鮮甜；金菇肥牛卷則係肉食愛好者嘅心頭好，肥牛油香同金菇嘅鮮甜互相輝映，入口好juicy。唐揚炸豆腐外層炸到金黃酥脆，內裡豆腐嫩滑如絲，淋上甜鹹嘅醬汁。甜甜辣辣炸雞炸雞外皮香脆，肉質嫩滑，甜辣醬汁塗得均勻，微辣中帶點甜。太卷壽喜燒牛肉牛油果太卷入口軟嫩，壽喜燒醬汁甜鹹適中，米飯捲得結實，咬落滿口滿足感；忌廉芝士太卷則非常清新，牛油果嘅滑順同忌廉芝士嘅濃香完美融合。壽喜燒牛脊肉烏冬烏冬煙韌彈牙，牛脊肉切得薄而嫩，壽

二人餐 $650有勁多嘢食，總共十一樣食物，真係多到驚！前菜芥辣八爪魚，啖啖都好鮮，辣味又唔會過火炙燒帆立貝，外脆內嫩，極品三文魚，鮮味十足小食唐揚炸豆腐 外脆內嫩，口感一流甜辣炸雞加州太卷 壽喜燒牛肉四件+牛油果忌廉芝士四件食落去超級足料，加州卷又唔會包到散晒，一口放入口好滿足串燒各有特色紫蘇雞腿肉一上菜就聞到香噴噴既味道！鮮嫩多汁嘅雞腿肉，紫蘇葉獨特既香味，中和咗雞肉既油膩感，外皮微微焦脆，內裡卻保持著肉汁既鮮美明太子山藥山藥滑溜溜，搭配鹹香爆漿既明太子，簡直是人間美味金菇肥牛卷肥瘦相間既牛肉片，捲著爽脆既金菇，再淋上特製既醬汁，簡直是完美糖心蛋豚肉卷蛋黃既濃郁香氣瞬間係口入面蔓延開來！豚肉既鹹香與糖心蛋既甜美完美融合，口感豐富，層次分明壽喜燒牛脊肉炒烏冬牛肉炒得剛剛好，味道濃郁，搭配烏冬，簡直完美甜品-吉士鯛魚燒外脆內軟，咬開之後流出嚟嘅吉士，真係好滿足飲品Maple Hunter 金葉狩呢杯飲品Vodka用咗桃子茶浸泡，加上柚子酒，仲有檸檬汁、橙汁同埋楓糖漿，飲落去甜中帶果香，啖啖都好清新Morning Dew 初露係一款清新嘅Gin，入面有香水樹味嘅Gin、檸檬汁同埋水，唔單

今日約左fd飲野，帶佢黎銅鑼灣日式秘境Lounge Hakuba🏔️ ，居酒屋mix酒吧格局，播住輕音樂，氣氛chill爆！二個餐歎盡10道和風料理，配上高顏值Cocktail🍶✨ 十分之盡興！🐙 前菜三味芥辣八爪魚鮮爽彈牙，wasabi攻鼻感超醒胃！ 炙燒帆立貝火槍灸到半熟，貝肉甜嫩爆汁，加上檸檬汁無得彈💯 炙燒三文魚焦糖化魚油香，入口即溶🍢 人氣小食部唐揚炸豆腐外脆內軟！豆腐仲要本身索滿晒鰹魚汁，內外都勁出色！蜜糖柚子雞翼皮脆到發光🍯 柚子清香平衡蜜糖膩，食完手指都舔埋！ 牛油果忌廉芝士太卷驚喜冷盤！牛油果creamy包住冰涼忌廉芝士，食完一舊又一舊😋🔥 串燒盛合即叫即燒紫蘇雞腿肉爆晒汁💥 紫蘇葉香氣滲透好惹味明太子山藥黏滑爽脆，明太子鹹香炙燒到微焦，絕配！ 金菇肥牛卷，牛油香鎖住金菇汁，高質 溏心蛋豚肉卷，豚肉燒到脆皮，中間流心蛋一咬落去爆晒蛋漿，幾有特色🍜 壽喜燒牛脊肉炒烏冬關西風壽喜燒醬甜香滲透每條烏冬，掛汁能力極強😱牛脊肉嫩滑，配上7味粉同流心蛋，飽肚感滿分🍮 烏龍茶牛奶布甸烏龍茶香超濃郁，布甸質地勁滑溜，仲有一球雪糕甜入心，完美句號🍸 特調Cocktail呢到既co

今日同朋友黎到Tower535嘅Lounge Hakuba食晚飯。之前lunch系食過，主打食日式小菜便當，估唔到一到夜晚唔同左，系居酒屋路線，環境都好適合同朋友放工飲返兩杯嘆下🍻今次叫左二人set, 有11樣野，好豐富好抵食！仲叫左兩杯cocktail🍸前菜嘅芥辣八爪魚超級清新。微灼過嘅帆立貝鮮甜，三文魚油香。酥炸雞翼非常香口，抵讚係單骨雞翼超方便，配上柚子蜜糖解膩，食不停口。炸豆腐外脆內軟，滑捋捋，而且非常入味，大讚！太卷方面，芝士牛油果香，牛肉濃，非常飽肚。串燒方面，明太子鹹香絕配淋淋嘅山藥，金菇肥牛卷外面嘅燒汁芝麻香入面絲絲金菇口感紮實，濃香紫蘇配上鮮嫩雞腿肉，加埋流心蛋配五花腩嘅新穎組合，想酒一流。鰻魚炒飯，粒粒分明，鰻魚汁滲入珍珠米相當入味，鰻魚不但足料又香濃。甜品鯛魚燒香口又爆漿，完美作結。飲品方面叫左兩杯cocktail, 佢地嘅cocktail都好靚好特別，值得一試！蘭：白蘭樹下Gin做基酒，有白蘭嘅香，同淡淡嘅陳皮香，混入紫蘇同tonic，充滿獨特草本幽香。山：同樣以gin做底，加入wasabi嘅山感覺截然不同，同樣有紫蘇香，更有薑，青瓜嘅清新，再有山葵嘅餘韻。

餐廳樓底好高，仲有室外地方。播住Jazz食野傾計好relax。Cocktail好岩打卡，山Wachini清新同酒味唔濃。$650“二人前套餐”，慢慢食慢慢傾～前菜的芥辣八爪魚 好過上癮架，好岩飲返杯。💪唐揚炸豆腐＋蜜糖柚子雞翼呢兩個小食高質。炸豆腐皮薄内滑，超香口。單骨蜜糖柚子雞翼惹味，剛炸起脆噗噗～柚子味道突出。🍢串燒推薦明太子山藥同金菇肥牛卷，淮山爽脆又添，金菇肥牛卷無得輸。🍚鰻魚炒飯好大碗，鰻魚都大塊，個飯加了燒汁非常開胃。鰻魚後切好滿足。🐟 吉士鯛魚燒好好食，鯛魚燒個皮脆身， 吉士甜度剛剛好，最愛綠茶雪糕同綠茶啫喱，好濃綠茶味。

諗住食生日飯所以預約定，事先問定叫甜品有無得裝飾or生日牌之類，餐廳話有，係預約都寫明左係慶祝生日叫左2人set，加埋飲品2個人都9百幾蚊，完全唔值個炸豆腐咸到完全食唔到刺身個樣已經唔靚，仲要薄，帶子個厚度好似一粒一開二咁太卷個牛肉勁乾，啲飯都係串燒都係好乾鰻魚炒飯上台係暖唔係熱，係似漏單擺左係到一段時間咁，仲有個飯完全唔似炒飯，係濕潤的，似risotto多啲重點係已經加錢叫鯛魚燒，上枱完全無裝飾，鯛魚燒個皮又凍又厚真係唔OK，定係suppose我要黎到現場再講？ 咁我填慶祝生日做乜？如果想黎慶祝生日要諗清楚

係sogo後面條街有座商廈嘅餐廳幾高質，係tower 535搭扶手電梯上去就見到有間日式居酒屋x酒吧嘅餐廳，而家仲推廣緊一個二人套餐，$650都有好多野食Cocktail menu每款都好特別，唔洗擔心選擇困難，因為餐廳有一個非常日式擲骰仔嘅盒比客人，擲到邊款就飲邊款😆Karakusa Luck ($138)Karakusa Luck清新又帶層次，入口有花草嘅清香同微苦，帶點草本味道，加左少少檸檬汁，酸甜同香氣平衡得好Shiitake Old Fashion ($138)Nikka from the Barrel浸過香菇，帶濃厚嘅菌類香氣，入口又有木質嘅醇厚感，酒味幾濃二人套餐 $650前菜：芥辣八爪魚x 炙燒北海道帆立貝x 炙燒三文魚芥辣八爪魚開胃又惹味，煙韌彈牙，辛香刺激味蕾；帆立貝外層輕輕燒過，內裡嫩滑鮮甜，加咗少少檸檬汁提味仲清新；三文魚表面微焦，內裡油潤滑嫩串燒溏心蛋豚肉卷溏心蛋豚肉卷外層豚肉肥瘦適中，原隻流心蛋黃滑溜濃郁，咬開嘅蛋汁同豚肉一齊食又幾夾紫蘇雞腿肉雞腿肉烤得嫩滑多汁，紫蘇葉清新，入口啖啖肉，唔會太乾明太子山藥山藥爽滑，配上鹹香嘅明太子醬，口感豐富，唔會太膩金菇肥

琴晚同朋友去咗間日式餐廳，試咗個$650二人套餐，老實講，性價比算唔錯。成餐嘢有串燒、有前菜、有壽司、有主食仲有甜品，真係食到飽晒！一開波就嚟個山葵八爪魚，夠晒醒胃，啖啖都係山葵嗆鼻嘅kick，但唔會搶味，八爪魚彈牙又唔韌，開胃一流。跟住串燒個part最深得我心嘅係豚腩卷入溫泉蛋，啖啖肥香豚肉中間又有啲滑溜蛋黃，好邪惡但真係好味。紫蘇雞腿肉都唔錯，有啲清香中和晒燒味；明太子山芋就比較特別，鹹香中帶少少甜；金菇肥牛卷就基本發揮，唔太驚喜但唔差。熱盤方面，柚子蜜雞翼甜甜地幾啱女仔口味，不過略嫌炸皮唔夠脆；炸豆腐外脆內滑，唔錯。壽司卷都有驚喜，壽喜燒牛肉卷味道濃郁，牛味香；牛油果芝士卷就滑滑地，食落幾清新，係一個唞氣位。主食我揀咗鰻魚炒飯，粒粒炒飯都炒得夠乾身，帶住少少甜味，鰻魚油香好濃，份量都唔少。最後甜品揀咗吉士鯛魚燒加錢都值得，外脆內軟，餡料夠多，幾有層次。

想搵銅鑼灣區一間坐得舒服嘅居酒屋，呢間餐廳值得一試。店內裝潢以日本白馬滑雪勝地為主題，簡約得嚟有格調。樓底好高，座位間距寬敞，坐得舒適。他們的二人前套餐只要$650就可以食勻11道菜。前菜（3款）芥辣八爪魚：八爪魚爽口，沾滿wasabi醬味夠嗆但唔會太攻鼻。炙燒北海道帆立貝：表面焦香，加片檸檬提鮮，甜味突出。炙燒三文魚：半生熟口感肥美，魚油香濃，入口即溶。串燒（4款）溏心蛋豚肉卷：豚肉燒得香口，包住流心蛋黃一齊食，甜鹹平衡好滋味。紫蘇雞腿肉：調味有孜然同柚子香，肉質嫩滑。明太子山藥：山藥爽脆，配鹹香明太子醬，味道夾得剛好。金菇肥牛卷：肥牛外脆內多汁，金菇份量足，醬汁惹味。逸品料理（2款）唐揚炸豆腐：豆腐外脆內軟，吸滿湯汁，口感滑溜。甜甜辣辣炸雞：醬汁似韓式甜辣風，雞皮炸得香脆，食落唔會太油膩。太卷壽喜燒牛肉：牛肉入味又多肉汁，配酸蘿蔔解膩，勁正。牛油果忌廉芝士：芝士濃滑，牛油果增加creamy口感，味道偏濃厚。主食（2選1）壽喜燒牛肉烏冬：湯汁甜度適中，烏冬吸味，牛肉軟嫩，加溫泉蛋更滑溜。甜品烏龍茶牛奶布甸：茶味清香，布甸滑順，甜度輕盈，雪糕仲好好食添。飲品方面，一定要試試他們的特色C