LIFETASTIC Patisserie (Fashion Walk)

我以为每一间分店一样，都只系买蛋糕，原来呢间都有堂食，仲有set lunch，唔知星期六日有冇呢？不过今日系平日。一共嗌咗两个set，每个set都有送一件蛋糕，所以觉得性价比都几高如果钟意忌廉汤嘅朋友，呢个忌廉都几浓，唔系啲Hea汤，黑松露意粉几好食，佢嘅意粉质素都还好，唔系腍嘅意粉。另外叫咗个温泉蛋蟹肉意粉，可能食咗黑松露意粉先，觉得呢个意粉相对下就冇咁吸引同埋浓味。最后每人$110埋单，包一个汤，意粉，咖啡，蛋糕，连埋+1 ，喺铜锣湾食饭，我觉得还好嘅。不过佢真系唔够人手，服务员喺午饭时间，都真系好忙，有啲唔系好应付得来。…查看更多

是日牛一，行经此店又发现有其饼咭，所以为自己庆祝一番，饼卷$80，只可换西饼，所以加多5蚊换了稀有糖西瓜蛋糕，$85 －件饼，真系贵，如果冇卷系唔会买。店员包好，拿著盒子到商场外公园开餐，打开饼盒，稍为欣赏一下件蛋糕后便开始启动，蛋糕富有层次：有花，有果仁，有西瓜，有忌廉，有蛋糕，有饼底；不但看得出有层次，同样食得出又层次，蛋糕面上的花甜甜的，又有花香，夹杂著果仁的咬口，配搭合宜。最满意系蛋糕及件西瓜。真系贵得有道理。…查看更多

跳入呢间喺时尚步行街嘅蛋糕铺，最先引吓我目嘅系佢哋嘅草莓西瓜蛋糕，望落真系靓到冇朋友啊！👀 每一块蛋糕都系好似艺术品咁，层层叠嘅细节处理得非常细腻。讲开蛋糕，我拣咗佢哋招牌款，真系一啖下去，脆脆嘅杏仁蛋白霜底层加上草莓嘅鲜甜，再遇上清清嘅西瓜汁液，一啖嘅感觉真系斋呀～层次分明得嚟又唔太甜腻。第一咬落去嘅时候，突然感受到喺喉咙尽头，有股微妙嘅玫瑰花香，咋啱晒要夏日清新嘅感觉。玫瑰花瓣同开心果碎嘅配搭，唔止赏心悦目，仲提升咗整体嘅味道层次感。食玩𠮶刻，鼓掌都要拍几下，呢款蛋糕教人一试难忘！👏系噏啲啦，呢个价钱在贵嘅范围，但味道同视觉享受真系一试难忘。无论你系喺边个角落唔期而遇佢，都识得佢零嗱嗱嘅质素！下次同屋企人或朋友聚旧时，都会谂起佢嘅。呢款蛋糕，真系食得出心机同匠心！是但揾个理由，都得嘅，试吓咪知有几嘢喇！🍰…查看更多

饼店：LIFETASTIC Patisserie 地点：铜锣湾记利佐治街Fashion Walk黑芝麻麻糬蛋糕 $58黑芝麻麻糬蛋糕卖相黑蚊蚊。面头有三粒日本丹波蜜饯黑豆，下底就系日本九鬼黑芝麻忌廉，主体系黑芝麻忌廉夹竹炭海绵蛋糕，中间有少少麻糬。黑芝麻味系算浓，可惜麻糬都唔烟韧，系流出黎好似蓉左，而竹炭海绵蛋糕完全无特别，口感唔特别，呢个价钱真系偏贵，名大于实。松饼 $25另外买左个松饼，系frozen，可以放到大半个月之后先食都得。有instructions教可以点样返热。解冻后用焗炉焗9分钟，闻到好香牛油味。松饼外皮香脆，入面都算松，不过好易散开。面头加上薄片粟米片，少见。我自己加私伙clotted cream同食就非常正！总括而言，一贯都觉得LIFETASTIC出品既蛋糕唔好食，但系又卖到贵一贵。松饼反而比之前试过好左。…查看更多

去过咁多间分店里边，自己最钟意嘅一间分店就系呢一间喺名店坊入边嘅分店，因为名店坊嘅话人流唔会太多，而且位置亦都好宽敞，设计亦都好优雅有气质，好适合同朋友嚟倾吓计食件蛋糕，食完嘢又可以去附近名店坊或者其他商场譬如名店坊，或者希慎广场可以行阵街，所以个人都好钟意你呢一间分店。讲返蛋糕来讲嘅话，今次就试咗佢哋一个标志性嘅西瓜蛋糕，但系表面𠮶层我就拣咗荔枝，主要因为个人都好钟意食荔枝。之前食过佢哋最标志性嘅草莓西瓜蛋糕，今次拣咗荔枝西瓜蛋糕，但系都完全冇令到我失望，有淡淡的荔枝香味，同事之间亦都食到蛋糕嘅Creamy感觉。之后都会再嚟…查看更多