Library Restaurant and Bar

呢間酒吧餐廳已經放在我想食嘅餐廳名單內有一段時間了。今日終於約到朋友來食晚餐。🍴 Hamachi crudo 呢個擺盤好靚，好有夏日清爽嘅感覺。主角係新鮮肥美嘅油甘魚刺身配上微燻過嘅香甜日本蜜柑和清新嘅茴香，而汁底係用咗蒔蘿尖和墨西哥辣椒做，更顯清新嘅口感。🍴 Lemongrass short ribs呢碟牛小排有兩種食法，一邊係慢煮牛小排，肉質非常鮮嫩多汁，另一邊係香葉柚子沙律配上牛肉粒，口感極為清爽，一道菜有兩款不同食法，顯得廚師頗有創意，值回票價。🍰 Truffle basque見到呢個巴斯克蛋糕係用松露做，非常有新意，再搭配埋松露味嘅雪糕搭配風乾火腿脆片，口感咸咸甜甜，非常頂癮。🍨 Peach delight睇到呢個甜品名已經好想食，果然不負所望，原個浸過酒嘅香桃，香桃裡面重有埋清爽嘅茉莉花茶味嘅啫喱，而香桃下面鋪滿荔枝味極濃嘅忌廉芝士，再加埋牛油脆脆粒，口感極為豐富。…查看更多

今晚同好友去了Library Restaurant and Bar，環境好適合傾偈，感覺舒適，裝修富設計感，適合輕鬆用餐或小聚。餐廳設有戶外座位，天氣好時坐在外面頗為愜意；室內則有酒吧區，氣氛輕鬆，適合下班後喝一杯。門口佈置簡潔有格調，還有不錯的打卡位置。迷你薯波、風乾火腿和巴馬臣芝士食物方面，小食點了迷你薯波、風乾火腿和巴馬臣芝士。迷你薯波外脆內軟，口感香濃；風乾火腿鹹香適中，搭配芝士十分開胃。海膽及蟹肉墨汁扁意粉海膽好鮮甜，蟹肉分量足，墨汁意粉煮得剛好帶點咬口，再加上大量海膽醬，味道濃郁而不膩。烤羊鞍肉質軟嫩，烤得香口，沒有羊膻味，搭配的醬汁恰到好處。醬汁非常濃郁，配上香脆的麵包， 十分分滋味！可另外加$68 side dish，點了松露及椰子冧酒炒小椰菜和珍珠筍，松露香氣突出，椰子冧酒帶點出菜的甜味，炒得爽口清新，想不到蔬菜味道也很有層次！整體來說，Library Restaurant and Bar 環境舒適，食物質素不錯，是個適合約會或朋友聚餐的地方。…查看更多

網上看到有不少人到這間〔Library Restaurant and Bar〕酒吧餐廳打卡，充滿異國風情的打卡秘景，又怎可以少了我去打卡。進入餐廳先要經過一條金光閃閃的隧道，店內裝潢很摩登型格，餐廳以綠色為主調，柔和的燈光襯托下，充滿了浪漫的氛圍，店內有酒吧及室外露天座位，室外區更可以飽覽絕美白色的清真寺，清真寺的景觀充滿異國風情，令人彷如置身在外地旅遊的感覺，可以說是絕對不容錯過的打卡秘景，餐廳亦有供應西式多國菜及外形別緻的酒類飲品，而地點鄰近港鐵站，感覺亦是一個很適合放工後，放鬆身心的好地方。【煎法國鴨胸及油浸鴨髀】(HK$288)鴨胸外皮煎得香口，加上有皮下油脂，入口啖啖肉肉質豐腴飽滿，油浸鴨髀一切開，肉是粉嫩的顏色，一入口肉質嫩滑多汁，酥而不膩，熟成度拿捏得非常好，配上肉桂南瓜蓉及法式焦糖君度橙醬，層次味道更加好味，推薦。【海膽及蟹肉墨汁扁意粉】(HK$238)扁意粉用了墨汁製成，麵質煮得剛剛好，海膽、蟹肉及醬汁都鋪在意粉上，海膽入口即溶質素不錯，撈勻後意粉掛上了不少醬汁及蟹肉，醬汁濃稠入口口感滑順。【Pistachio creme brulee】(HK$108)用近期大熱的開心果做成焦糖燉蛋，用噴槍將糖噴融化至略焦，造成香脆的焦糖糖衣，而開心果焦糖燉蛋入口口感綿密柔滑，每口都帶有開心果味道，配上金巴利莓雪糕，味道酸酸，感覺清新，甜跟酸口味對比很強烈。…查看更多

黑雨天都要同FD慶祝生日，特登揀咗哩間網紅餐廳。餐廳唔單止裝修超靚，室外區域仲可以睇到清真寺，打卡一流。晚市餐廳full曬，唔想等位就一早打電話book台啦:)。Ginger Ale, FD好中意飲哩款汽水，汽水薑味夠濃郁，辣得嚟又唔會太嗆，同汽水嘅清爽完美結合。Daily Salad, 每一日提供啲Salad款式都唔同，今日係番茄大蝦沙律。沙律用咗油漬番茄調味，再落咗大量帕馬森芝士，食落奶香濃郁又同油漬番茄啲酸甜好夾，每一啖都充滿地中海風味。大蝦大大只，煎得啱啱好，新鮮彈牙好鮮甜。Hamachi Crudo, 擺盤超精緻嘅前菜，好似夏日花園咁。油甘魚刺身肉質肥美嫩滑，入口即化。搭配嘅烤橙香甜同茴香清香，再用蒔蘿尖同墨西哥辣椒微微調味，帶出魚嘅鮮味，又唔會太搶戲，好味。桂花松露醬燒雞，哩碟燒雞超有水準，燒雞用桂花松露醬醃制，燒到表皮香脆，切開仲暴曬汁水。燒雞皮脆肉嫩，肉質一D都唔柴。桂花同松露醬嘅搭配出奇地夾，香甜中帶住松露嘅奢華香氣，令人食指大動。搭配嘅法式燴小椰菜爽口解膩，土豆泥綿密順滑，食完好飽TIM。提拉米蘇，提早book定birthday celebration, 餐廳會用木制託盤寫咗生日祝福再點埋蠟燭，真係好靚。提拉米蘇水準好高，咖啡同酒香平衡得恰到好處，食落面頭嘅可可粉微微苦澀，內裡馬斯卡彭芝士輕盈順滑，口感入口即化又層次豐富，真想encore多一份。…查看更多

這間餐廳我收藏了一段時間，這天終於有機會去了！餐廳設室內和室外座位，室外位置可以看到尖沙咀的清真寺，不過夏天天氣太熱了，所以我們就坐回室內了～餐廳的冷氣很夠，十分涼快，如果在附近逛街的話不妨上來吃個飯喝杯飲品，嘆嘆冷氣消暑。室內的彩繪牆裝飾很有情調，充滿藝術感覺！我們二人各點了一個Lunch set🍽️♡香煎黑安格斯西冷扒•香辣蕃茄牛油•幼滑薯蓉$168這個西冷扒已經切好一件件方便客人進食，而且可以看到內裏粉嫩的肉質，肉質帶點脂肪，賣相十分吸引啊！醬汁同樣很特別，是香辣蕃茄牛油醬，而加分位是伴碟的薯蓉，口感幼滑，薯仔味也很濃郁。♡香煎加拿大豬鞍扒•肉桂南瓜醬•薑汁味噌醬$158這個豬鞍肉質厚實，提供肉桂南瓜醬和薑汁味噌醬兩個醬汁，餐廳很有心思，兩個醬汁都是各自包含兩個味道，給味蕾雙重享受呢！是日甜品是♡蘋果撻 套餐價加$38撻上有一片片的蘋果，味道酸酸甜甜的，反而伴碟的雲呢拿雪糕有驚喜，有香濃的雲呢拿味，好吃！✔️餐廳設加一服務費 …查看更多

餐廳係一個好殘舊嘅商業大廈入面，都擔心會唔會中伏，但係上到去又幾驚喜，餐廳裝修清新，有鬧市中綠洲嘅感覺。蕃茄燴意大利飯 蕃茄醬嘅味道唔會太霸道，Creamy嘅味道又少少酸酸甜甜，開胃好味。羅勒香草醬粗管通粉羅勒汁味道香濃，質地Creamy，闊條麵夠爽彈。蝦球就係雪藏嘅，普普通通。:) 法國鴨胸意大利飯鴨胸整得比較生，質地柔滑又有肉味。下面risotto 嘅汁都好香濃。整體係好味。:) 串燒虎蝦肉凱撒沙律沙律醬味道溫和，帶點鯷魚嘅輕微嘅鹹香，味道唔錯。蝦方面，雖然都係雪藏蝦，但係調味充足唔會淡而無味，而且有炭燒嘅香味。👌🏼脆皮慢煮香草豬腩豬腩肉切得齊齊整整，賣相幾靚。口感比較硬實有咬口，唔係質感柔軟嗰種。豬腩肉本身味道比較淡，主要係靠蕃茄醬帶出味道。至於蕃茄醬味道非常溫和，唔會太酸太甜。另外仲有兩塊酸種麵包，非常爽脆易咬。整體味道正常。:)午市套餐仲會送一杯冷泡茶，賣相幾靚幾有誠意。總結嚟講，午餐嘅體驗係環境好，安靜唔多人。但缺點係人手極少，出菜速度非常非常非常慢。如果要返工或者之後有其他節目，可能會好焦慮，要預留極之充足嘅午飯時間。如果你係絕對唔趕時間，呢度係可以比到安靜又悠閒嘅環境比你同朋友慢慢chill 。…查看更多

最近去咗間打卡cafe慶生，味道ok嘅但性價比低，個人感覺唔值得呢個價。為咗均衡飲食返少少，我哋starter叫咗個雞胸牛油果salad，好食的，醬唔會過多，雞肉有調味+夠嫩之後先上開心果青醬甜蝦意大利粉，呢個好食，開心果味幾出，mascarpone cheese令成個味道好柔和，甜蝦比較漿口，我略嫌有啲腥，感覺唔夠新鮮要mix埋意粉食先ok，不過唔係壽司店好似無得要求咁多。薯蓉好正，一放入口就係牛油味，但呢個其實技巧唔高，咁啱朋友想食所以先叫，性價比低。之後係甘鯛立鱗燒，賣相吸引嘅，但比想像中細舊，配上牛油粟米醬和金沙蜜糖豆，都幾好食。last是黑啤煨羊膝。本身我哋想叫嘅係另一個羊嘅dish，但staff話轉咗另一個dish，過黎口頭問我哋o唔ok，無講價錢，我哋都無特別問，感覺有啲取巧... 煨菜同本身想像中好精緻嘅羊鞍卷，所花嘅時間有啲大。羊膝肉質中等，未至於好鞋但都唔太嫩，但小茴香嘅味道太濃了，羊膝本身個羊味都唔重，可能原意係想蓋過羊嗰種羶味。但我食羊本身就係為咗想食到羶味，所以有啲失望。簡單講就係間打卡店，廁所第一眼望整到好靚咁，洗手位有啲花花飄喺上面，但見佢長期有水，唔見有排水位，細思極恐覺得好唔衛生...... 如果係想食好西嘅話唔建議黎，無第二次。…查看更多

朋友生日，搵左呢間似乎又可以打卡同食到美食的餐廳，但結果係失望而回。有待應問我地會唔會叫今日special，係澳洲和牛，有沙律同唔記得左咩醬料Well，上到黎係凍的。。。牛好多筋，個醬有蘑菇味，但超油，同牛肉一齊食係極鹹，同埋完全唔夾，太油膩啦！我朋友覺得應該係有人訂咗唔要，所以侍應續台問有冇人食呢個係Duck’s Combo鴨胸肉係粉紅色，肉質正常但無咩味，同個肉桂南瓜醬一齊食好怪，一個無咩味，加個甜甜地既醬。。。而隻鴨髀係死鹹，肉質無彈性都預左，但呢隻鹹好無層次，同肉桂南瓜醬食完全唔夾，衰過鴨胸呢個Roma算係呢一餐之中最正常，係偏硬的意粉，好香濃的豆瓣味，茄子同蕃茄都好入味，可惜既係份量比較少最嬲係呢個「鴨油煎薯塊」一食就知係水煮完再用一啲放到有油益味的鴨油去煎，又唔落鹽，點食？又唔香又唔脆我一早訂左台，但只有一張細的圓台坐，冷氣唔夠，裝修再靚都好，完全無興致影相，只想食完快啲走！待應們服務到位，要求暖水會比我！…查看更多

上星期同朋友去咗間超靚又舒服嘅餐廳，餐廳有室內同室外座位，每個角落都好有心思，超多打卡位📸。室內環境雅緻，室外又有自然光好chill 好Relax，啱晒同朋友慢慢食傾吓偈。真係一個食飯影相兩者兼得嘅好地方！ღ串燒虎蝦肉凱撒沙律 $118虎蝦烤得 juicy 香甜，肉質彈牙，配上爽脆生菜同凱撒醬，味道層次豐富又開胃，清新又有肉香，夠晒滿足！ღ魚香茄子粗管通粉 $108茄子煮得軟滑入味，帶微微鹹甜嘅魚香同微辣，粗管通粉入口彈牙，整體味道層次鮮明，唔油膩Lunch 套餐可加$18升級餐湯同麵包，或者+$38有是日精選甜品，仲可以+$38 upgrade Cappuccino/Latte，完美一餐嘅組合。…查看更多

想嚟左依間餐廳好耐，之前上網見到覺得環境好靚，即刻拉左好朋友陪我去朝聖😍 去到餐廳被安排坐喺打卡位等候，見到有條花花隧道好靚，等咗一陣就可以入去坐低啦，仲見到有室外座位，望住夜晚嘅清真寺，感覺好chill🤩Carbonara $158經典牛肝菌卡邦尼意粉面層灑滿芝士🧀好creamy，牛肝菌香好出，風乾豬面頰肉好脆口，意粉al dente，平時食依個好怕膩，但依度嘅Carbonara做得好好，兩個人好快食晒成碟😂🐮Wagyu Picanha $328香烤澳洲和牛冧肉蓋賣相好靚，生熟度啱啱好，見到肉色咁靚已經想即刻擺落口，和牛油香十足，肉香濃到爆。川花椒法式忌廉醬好特別，微麻帶奶香，同和牛簡直是絕配，仲有海帶同獅子唐辛子做配菜，解膩又夠味！Baked beetroot $68蜜糖焗紅菜頭 Side dish點咗蜜糖焗紅菜頭，份量好大，紅菜頭烤得軟腍，蜜糖甜味滲晒入去，加上松子仁嘅香脆，清新又健康，平衡返肉食嘅油膩。Tiramisu $108提拉米蘇最後當然要食甜品😍Tiramisu咖啡酒香唔會太搶，cream層次分明，甜度啱啱好，唔會太濕，為依個晚餐畫上完美句號。 希望下次再嚟食其他嘢，仲有好多嘢想食😋評分：最高為5分治癒度：👩‍⚕️👩‍⚕️👩‍⚕️👩‍⚕️抵食度：💉💉💉💉翻兜指數：🩺🩺🩺🩺Library Restaurant and Bar尖沙咀彌敦道74-78號文遜大廈3樓📍尖沙咀/尖東港鐵站A2出口1分鐘路程#healingbobo #foodie #hkfoodie #foodiehk #香港 #美食 #香港好去處 #香港打卡 #香港探店 #西餐廳#TsimShaTsui #TST #香港食評 #美食打卡 #人氣 #高質 #尖沙咀 #尖沙咀美食 #香港美食 #Library…查看更多

早幾日同朋友去咗尖沙咀Library restaurant and bar，成間餐廳裝修超靚，坐得舒服又chill，好啱同friend傾吓偈。Oyster Aglio e Olio Linguine 意粉一上枱就聞到香濃蒜香，Oyster大大隻，入口鮮甜無腥味。Linguine煮得啱啱好，有咬口，蒜香辣椒同海鮮味融合得幾好，油份唔會太多，掛汁力又夠。鍾意食蠔嘅可試下！Osmanthus Honey Truffle Roasted Chicken Vegetable Fricassee 烤雞外皮脆卜卜，雞肉嫩滑，帶有淡淡桂花蜂蜜同松露香，味道特別又唔會太膩。底下仲有蔬菜🥬同薯蓉，薯蓉好綿好食。加$68 Side DishButter Mushrooms 牛油味好香，炒得啱啱好，Juicy又入味，送雞或者意粉食都一流。Sauteed brussel sprouts baby corn 椰菜仔炒到爽口，唔會太鹹，食落去有蔬菜清甜味，好啱平衡下主菜。…查看更多

餐廳設有室內和室外座位，室內以墨綠色為主調，露天雅座則可欣賞彌敦道街景及清真寺，營造出雅致寫意的用餐氛圍。Hamachi crudo ($168)油甘魚肥美，燒蜜柑清甜，清新味道讓人胃口大開。Miso pork rack ($288)醬油味噌慢煮加拿大保濕豬鞍爽彈，肉味香濃且帶有少許脂肪，鬆軟美味，配搭清甜又帶微微酒香的威士忌香梨蓉，提香又醒胃。Carbonara ($158)意粉煙韌掛汁，口感creamy，帶有濃郁的芝士鹹香。…查看更多

今次同朋友去咗尖沙咀Library試咗幾道好有驚喜嘅菜式！ Hot douban tomato意粉好開胃，番茄醬汁濃郁得嚟帶少少辣，配上茄子同水牛芝士真係好夾。然後個Sesame Lamb Saddle roll真心推介！羊肉卷烤得剛剛好，一啲都唔羶，搭配青瓜薄荷乳酪同茄子鷹嘴豆泥，味道層次超豐富～ 最特別係個Truffle basque配雪糕！外脆內軟嘅巴斯克蛋糕加上鹹香巴馬火腿，再配一球冰凍雪糕成餐飯由頭到尾都冇伏，環境同食物質素都值得再encore！推薦比鍾意試新嘢嘅食貨們～ #Library餐廳 #尖沙咀美食 #fusion菜…查看更多

“Hamachi crudo”($168)“Yellow chicken”($208)“Oyster Aglio e olio”($208)呢間Library一早已經bookmark咗📚今次終於搵到個機會入去食晚餐☺️因為餐廳都幾旺場,所以安排咗戶外位戶外位都幾chill,仲可以望到清真寺而且有好多把大風扇,夏天都唔會太熱🤣食物方面先點咗前菜Hamachi crudo用上油甘魚🐟,茴香,烤橙,蒔蘿尖等食落魚肉鮮甜,加上甜甜嘅烤橙好開胃主食點咗Yellow chicken🐔即係桂花松露醬燒雞配上法式燴小椰菜燒雞外焦香內嫩滑,加上桂花份外清香另一道點咗Oyster Aglio e olio🦪🍝蒜香辣椒扁意粉食落夠哂惹味配嘅3隻蠔都夠哂肥美😋…查看更多

今次同朋友去咗尖沙咀呢間以圖書館為主題嘅餐廳響尖沙咀地鐵站A出口行1分鐘就到喇💯💯裝修好有文青feel仲有戶外區同埋不同的corner位菜式玩味十足 擺盤精緻 📸🧀 Snack - 迷你薯波、風乾火腿、帕馬遜芝士 $98迷你薯波外脆內軟 沾芝士醬好夾風乾火腿鹹香 配埋帕馬遜芝士碎碎好正🐟 香烤精選魚扒•薑汁魚湯絲絨醬•皮蛋醬 $268魚皮烤到脆卜卜 肉質嫩滑薑汁魚湯絲絨醬好特別 中西合璧皮蛋醬出奇地夾 創意滿分🍝 開心果青醬•甜蝦意大利粉•馬斯卡邦芝醬 $238青醬用新鮮開心果打 堅果香突出 帶少少微甜甜蝦鮮甜彈牙 馬斯卡邦芝士增加creamy感意粉偏軟身 (唔係al dente果種texture) 掛汁能力強 超多書牆打卡位 📸IGable到爆 菜式fusion得嚟唔會奇怪今次安排坐係戶外位 有哂冷風機唔會覺得熱💯環境舒服到傾到唔捨得走～…查看更多