Le Viet

今日发现闹市商场里有间越南餐厅，见到餐牌入边有越式小火锅，从来都未食过就入去试吓，呢度嘅餐牌都几多选择，仲有好多优惠菜式，今日就试咗 1. 越式牛柳沙律 goi vo tai $88原价103特价88先嚟一个开胃菜，类似平时成日食嘅木瓜沙律，加埋越式牛柳，侧边仲有啲虾片可以俾你自制沙律杯 2. 牛油鸡翼 Ganh Ga Chien Bo $78原价$88特价$78 一上枱即刻闻到劲大浸牛油香，炸得酥脆嘅鸡翼铺满炸蒜，香味十分浓郁，外脆内嫩，够晒惹味 3. 扎肉蒸粉包 banh cuon cha lua $82 这个建议蒸完要即刻食，因为下面垫住虾片，如果放漏咗下面虾皮就会腍，感觉有啲似客家客家萝卜粄，配上独特嘅越式酱汁，已经可以当一个主食 4. 海鲜帽子酸辣锅 Lau Hai San $380 我最期待嘅小火锅出嚟啦，可以有牛或者海鲜选择，不过我已经拣咗最钟意食嘅牛肉pho,所以呢个就拣海鲜，虾都好多膏，鱿鱼估唔到咁好食，最特别嘅系呢个汤底真系好少响出边食到，值得一试 5. 越式吊龙汤粉 pho with rib eye $82系我最钟意嘅越南美食，必须要点，越南小黄牛肉粉系列，浓郁牛肉香味，匙柄雪花同吊龙，最钟意pho 既汤底，牛味浓郁 6. 精选甜品拼盆 $118 好靓靓既摆盘，估唔到有cream brûlée, yummy,全部都系我钟意既甜品，糕点烟韧好味，芒果糯米饭啲芒果都好甜好好味 另外有新出既特饮，拣左百香果绿茶特饮$36 椰青水椰果特饮 $45,东南亚嘅必点饮品…查看更多

每次行开尖沙咀，都钟意去The One揾食🤤因里面有好多高回头率嘅餐厅！就好似新派越菜 🌸 Le Viet 🌸 咁～餐厅环境开扬，简约舒适，提供多款创意、精致越菜，而且价钱贴地，抵食足料，上星期同家人又食到好嘢，当中新出嘅「#海鲜酸辣锅」同「#越式雪花牛汤粉」好得👍🏻🥘 【新】海鲜帽子酸辣锅 $298哗！呢个海鲜锅好有视觉震撼👀包括：越南大头虾🦐、大扇贝、鱿鱼🦑、大蚬等围绕著极具越南特色香料嘅酸辣浓汤🔥开胃、酸爽、惹味！🍜 【新】越式雪花牛汤粉 $92呢款创新小黄牛越南Pho，牛味比一般牛肉浓郁，紧实富口感，细滑河粉配埋清澈汤底，好有质素‼️🥗 青木瓜大虾鸡丝沙律 $88沙律好清新，配上酱汁，份外开胃！🌯 香茅猪颈肉米纸卷 $58外皮薄身烟韧，猪颈肉弹牙，沾上酱汁，好有嚼劲～🌮 扎肉蒸粉包 $82口感软糯又多馅，札肉够弹牙，加埋表面配料及秘制汁，好有风味～🐔 越式牛油鸡翼 $78鸡翼炸得金黄香脆，大量炸蒜舖面，牛油味浓，肉质仍能保持嫩滑多汁！🍮 焦糖炖蛋 $40心心造型好精致，焦糖脆卜卜，炖蛋香浓嫩滑。🍘 香芒糯米饭 $68糯米及紫糯米口感软糯，芒果香甜多汁，配埋浓稠椰酱，满满泰风！🍹 百香果绿茶特饮 $36百香果香气浓郁，果肉有咬口，酸甜可口。🍹 鲜椰青椰果特饮 $45椰青水透口凉，椰果烟韧，越饮越爽！…查看更多

Le Viet位于The One, 座位阔落舒适. 好岩gathering 青木瓜大虾鸡丝沙律下面系满满青木瓜丝, 入口清爽. 再有对半切开大虾系顶, 淋上酸甜泰式酱汁好开胃越式牛油鸡翼外皮炸得金黄香脆, 而且牛油味香浓, 而中间肉质好嫩带肉汁越式雪花牛肉汤河个汤头几香,牛肉虽然上黎已经差唔多全熟, 但够软嫩, 河粉顺滑, 可按喜好挤柠汁减腻蒜蓉炒椰菜苗呢款椰菜苗好嫩, 简单用蒜炒都好食精选拚盆十分推荐, 必食！有4款小食每款都高质. 虾饼炸得金黄外脆而弹牙, 猪颈肉烧得香而肉嫩. 仲有炸到脆卜卜嘅越南春卷同皮薄肉馅香嘅越南蒸粉包. 咖哩牛腩配法包咖哩味道较港式, 带椰奶味略偏甜完住唔辣. 所以怕辣嘅都食得, 牛腩份量都多. 法包焗热过, 外层脆几索汁.椰青海鲜饭上层用左椰奶, 都几甜. 下面饭配左唔同海鲜, 仲有d 提子干. 金不换粉丝虎虾煲有2只大虎虾, 肉质都结实. 下面粉丝同唔同香料炒埋, 以肥肉爆香左蒜、香茅、姜、大量打抛叶, 再加左酱油, 岩哂重口味人士越式甜品拼盘甜品拼盘有香芒配黑白糯米饭、焦糖炖蛋同拉椰糕. 芒果酸甜配左香软带口感糯米, 特别系黑糯米好香, 加埋唔椰浆甜度恰到好处 另外焦糖炖蛋面层香脆, 蛋滑嫩带蛋香, 相对芒果糯米甜d 但都好食椰青清甜好饮~ 椰汁红绿豆都唔错, 几香又唔会太甜. 香港尖沙咀弥敦道100号The ONE 4楼L402号舖…查看更多

去开尖沙咀多数都行过The ONE，对呢间招牌十分抢眼嘅餐厅一定有印象，原来系佢越南菜嚟！上网睇番Le Viet系极高人气店！好评有近1000🤩今晚同朋友睇戏前，决定嚟一试究竟。🍲 海鲜帽子酸辣锅 🐙呢个越南地道帽子海鲜锅，最大特色就系用咗个「帽子」形状嘅锅，热力均匀，煮出嚟啲海鲜特别鲜甜，吸附汤汁力up up up👍🏻汤底饮落非常之酸辣开胃，带住柠檬叶、香茅同辣椒嘅香气，真系一试难忘，食完成个人都醒晒！好正宗越南嘅辣度🔥🥟 扎肉蒸粉包 粉包皮薄烟韧，咬落去啲扎肉同菇菌类超香口，肉汁锁得好好，一啖落去即刻feel到丰富肉味，啱晒钟意食肉嘅朋友。🦐 鲜虾米纸卷 米纸卷包住新鲜虾仁同埋蔬菜，口感清爽唔腻，虾肉弹牙，配埋少少甜酸酱，真系一流，食完都唔觉得滞。🥗 青木瓜丝鲜蟹肉鸡丝沙律 呢个沙律真系超级开胃，青木瓜丝爽脆清新，配埋鲜甜嘅蟹肉同嫩滑鸡丝，口感层次好丰富。🦑 海鲜炒檬粉 炒檬粉烟韧弹牙，米香十足，唔会黐成一旧，炒得够镬气，啲海鲜够新鲜，大虾鲜甜，鱿鱼爽弹，食落口感层次丰富。🥥 鲜椰青 椰青水清甜又解渴，椰肉滑溜，饮完即刻refresh晒，食完酸辣嘢饮返杯，perfect ending！夏日炎炎嘅天气最适合食啲酸辣而清新嘅越菜，呢间餐厅完全满足哂我嘅期望😋特别推介：海鲜帽子酸辣锅 一试难忘！酸辣得嚟香浓！海鲜新鲜份量多！大家快啲约埋朋友仔嚟试吓啦🤩…查看更多

Le Viet 位于尖沙咀 The One 商场内，是一间装修色彩缤纷、环境干净舒适的新派越南餐厅。 走进餐厅，开放型设计令座位感觉宽敞，配以活泼明亮的墙身和现代摆设，予人轻松悠闲的感觉，非常适合朋友聚餐或家庭用膳。饮品方面，青柠杭打和咸柠梳打都是消暑解渴之选。青柠杭打味道清新，酸甜平衡，带出淡淡气泡感；咸柠梳打则份外有层次，咸香配上柠檬清香，十分醒胃。至于主食火车头汤河和招牌饭。火车头材料丰富，包括牛腩、生牛肉、牛柏叶和萝卜，汤底十分鲜甜，牛骨味浓郁，配合爽口的河粉，口感层次分明，每一啖都尽显越南地道风味。 招牌饭选料用心，饭粒烟韧，配以特制酱汁、肉类、蔬菜和香脆配料，味道多重又有镬气。此外，虾米卷亦是热门推介，虾肉鲜甜，外皮炸得薄脆，内馅扎实，蘸上酸辣酱汁十分开胃。 整体而言，Le Viet 不论饮品、主食还是小吃都保持高水准，加上服务亲切周到，是尖沙咀区享受新派越南美食的理想选择。…查看更多