La Vache!

位於市中心的 La Vache 以主打「牛排薯條」聞名，是一家專注單一道菜的餐廳。踏入店內，昏黃的燈光與復古巴黎風裝潢，營造出法式小酒館的氛圍。這裡的餐點沒有繁複選擇，只提供沙拉、牛排與薯條的組合。沙拉清爽開胃，帶有酸香醬汁；主角牛排份量十足，火候控制得宜，外層微焦帶香氣，內裡仍保有多汁的口感，搭配特製醬汁更添層次。薯條則是另一亮點，炸得金黃酥脆，且可無限續添，讓人忍不住一口接一口。服務人員態度親切，出餐速度快，氛圍輕鬆不拘謹，適合與朋友聚餐或情侶小約會。整體而言，La Vache 雖然選擇單一，但憑藉穩定的品質與舒適的用餐體驗，成為喜歡牛排者不可錯過的好去處。…查看更多

有晚想食扒，諗起好耐冇食 La VacheWalk-in 等咗陣就有位，lucky!氣氛夠 Chill，餐前麵包鬆軟，配牛油超夾。沙律新鮮，仲有合桃加分，口感豐富好有驚喜。主菜點咗一份三成、一份五成熟牛扒，火候啱啱好，肉質 Juicy，不過牛肉味略為淡咗啲，但整體都 OK 啦。薯條係亮點，幼細又脆，仲要任添！叫咗杯 House Wine，味道順口，配牛扒啱晒。兩人埋單千幾，喺香港嚟講算合理。整體體驗唔錯，環境同食物都好適合同朋友一齊 Chill 住食，絕對係間值得一試嘅餐廳！…查看更多

今日去咗呢間專門食牛扒嘅餐廳慶祝，點咗佢嘅set，包咗沙律、牛扒同埋任食薯條。我哋另外仲order咗個酒，店員推薦了一款好飲的紅酒。沙律嘅份量都幾足，蔬菜新鮮，搭配嘅黑醋醬汁亦幾好味。牛扒肉質好腍，牛味濃郁，煎得恰到好處，入口非常滿足，真係值得一試。薯條炸得好脆，細幼又香脆，無論係配搭牛扒還是單吃，都好好味。另外，OpenRice book預訂咗枱仲送咗個甜品，驚喜滿滿。如果生日嘅話，記得提前同餐廳講，佢哋會寫生日message，仲會有店員為你慶祝同唱生日歌，氣氛好好。總體嚟講，今日嘅用餐體驗相當愉快，期待下次再來。…查看更多

🎉 生日飯必選！打卡+氣氛一流🥂呢間餐廳真心係生日飯嘅不二之選！氣氛幾好，又啱影相打卡，絕對啱晒我呢啲港女😂🍽️沙律新鮮🥗，牛扒雖然略為普通🥩🥲，但整體味道OK，加上有無限薯條都食到飽🍟😂🎂 生日驚喜滿分：朋友幫我慶生，點咗招牌檸檬撻，酸甜得宜，入口即化，超好食！😋 店員仲好有心，會一齊過嚟唱生日歌🎶…查看更多

今天來到中環人氣法國牛扒餐廳 La Vache!，被它專注又有儀式感的用餐體驗驚艷到。這裡的菜單極簡，只有一種主餐：牛扒配薯條和沙律。牛扒可以選熟度，我點的是medium rare，外層焦香、內裡粉嫩多汁，每一口都滿足。配的薯條酥脆乾身，最驚喜的是可以無限添加，完全為薯條控而設！沙律有爽口的生菜、合桃和蘿蔔片，酸酸的醬汁剛好解膩。整個餐飲節奏明快又舒服，配上一杯紅酒，法式風情滿滿。適合聚餐、約會或想吃得簡單又精緻的日子。想要省去選擇困難症？來 La Vache! 就對了。…查看更多

La Vache!最近我到訪了La Vache!，這是一家以簡約而又獨特的餐飲體驗為賣點的餐廳。進入餐廳後，你會發現這裡的菜單相對簡單，選擇不多，但這也成為了他們的一大特色。餐廳的主打是牛扒，配上無限量的薯條，這對於喜歡搭配的食客來說，無疑是一大吸引力。我點了他們的牛扒，這道菜的肉質真的非常出色，每一口都充滿了肉汁，口感滑嫩，讓人一試成主顧。調味方面也做得相當不錯，恰到好處的鹽味和香料，完美地提升了牛肉的風味。搭配上新鮮出爐的薯條，更是讓整個用餐體驗升級。值得一提的是，薯條的任食政策，讓我可以隨時要求加 refill，服務員對此也非常熱情，經常主動詢問我是否需要更多的薯條，讓我感受到賓至如歸的感覺。餐廳的服務員多為外籍人士，溝通時需要使用英語，雖然對於某些客人來說可能會有些挑戰，但他們的態度非常親切和友好，讓人感到輕鬆愉快。即使有時候聽不太懂對方的口音，他們也非常耐心地解釋，這讓我倍感欣慰。總的來說，La Vache!提供了一個簡單卻又充滿驚喜的用餐體驗。牛扒的品質和薯條的任食政策都是這裡的亮點，雖然菜單不算豐富，但絕對能讓你享受到美味的食物。如果你是牛扒的愛好者，這裡絕對值得一試！我會推薦給喜歡輕鬆用餐環境的朋友們，希望你們也能享受到這裡的美味。…查看更多

依間位於尖沙咀嘅高質慶生扒房長期都一位難求，我哋一早喺OpenRice book好枱，嚟到就唔怕摸門釘啦~餐廳淨係得一款選擇，已經印咗喺墊枱紙上面。每人💰398加一，會有份麵包（個邊有少少硬，想留肚可以skip🤧）、沙律菜、自選幾成熟嘅牛扒、同埋無限任添嘅薯條！沙律菜有配埋walnuts，加上balsamic vinegar勁開胃💕💕重頭戲當然就係牛扒‼️2份都係嗌咗medium 食落好腍好Juicy 下面亦都會有個托盤加上蠟燭warm住塊扒~ 算幾貼心👍🏻雖然薯條係無限refill，但係食晒塊扒之後已經十成飽😂之後店員會推甜品車出嚟，我哋就揀咗個招牌檸檬撻，當日為朋友慶祝生日，店員會一齊過嚟唱生日歌好有氣氛💕…查看更多

食物普通到暈，$600幾人均食啲乜？牛扒得幾舊仲要凍晒，杯酒奇奇怪怪嘅味，件蛋糕得嗰幾啖啖仲要同fd share食，最後竟然要成600幾蚊？同一個價錢我去酒店食buffet好過啦，伏到爆燈💢唔明點解咁多人話好食？？…查看更多

🧭La Vache • 尖沙咀🍴尖沙咀赫德道12號地舖又同朋友仔黎慶祝生日 2個人就最簡單黎呢度食dinner呢度無其他野食你需要揀 因為佢只係得一個餐岩哂有選擇困難症既朋友👫🏻唯一要揀既就係睇下想飲乜啦🤣坐低無耐就叫左2杯飲品🍹🍸之後就開展是日晚餐1. 法國小包 🥖🌟🌟🌟🌟🌟個包比想像中軟熟，而且牛油味亦都唔太油膩。如果可以會想無限添食個包🤣🤣2. 合桃沙律🥗🌟🌟🌟🌟份量都唔少，而且調味啱啱好。好容易就食晒成碟，但又唔會覺得好飽。3. 招牌牛扒🥩🌟🌟🌟🌟我叫咗medium，食落好腍，好容易咬開。而且牛本身好重牛味再加埋佢個醬都好夾。會唔捨得咁快食晒佢😛但朋友叫咗medium rare, 但出到嚟偏生 而且比較較多筋 所以比較難咬。所以都係比較建議食medium會比較好。4. 無限薯條🍟🌟🌟🌟🌟🌟成晚refill咗四次薯條，當你食到咁上下 啲職員就會行過嚟問你要唔要refill。而且每次refill啲薯條都係啱啱出爐，熱辣辣好好食。🤤🤤OpenRice 訂座仲有得送甜品有黑森林蛋糕 同檸檬撻揀最後揀左檸檬撻，好香同埋撻都好鬆脆可惜最後掛住幫壽星女影相無影到個蛋糕😢如果無訂位都唔緊要，佢到夜晚會推住成架車仔出黎睇下有冇人叫既☺️好值得推薦呢間餐廳作為同朋友生日慶祝首選！好有氣氛 佢送蛋糕上黎可以免費幫你畫碟寫生日祝福仲有職員過黎同你唱Happy Birthday 成晚都keep住聽到有唔同枱慶祝生日 🎂#hk #foodstagram #foodie #birthday #dinner #tsimshatsui #香港 #尖沙咀 #尖沙咀美食 #西餐 #牛扒 #慶生 #蛋糕 #氣氛餐廳 #美食推薦…查看更多

今天適逢公眾假期，預約了兩位好友聚會，希望內地朋友能品嘗香港特式的西餐，選了尖沙咀赫德道 12號的 LA Vache點了出名煎牛扒配莎拉薯條，甜點是檸汁撻和朱古力蛋糕，所有餐具都預熱了，更配上保溫座爐牛扒送上時香氣四溢，有四款香草漿汁供選味道和口感都是喜出望外，現塲燈光和裝置時尚而整潔，服務員服務非常有禮和親善，整個進食和交談氣氛都非常滿意。在旁聽到一陣happy birthday song 原來是鄰桌有客人生日，服務員特別送上驚喜生日歌。不錯呀！…查看更多

一個月前book都只可以book到八點！去到氣氛十分之好！見大部份嘅人都是來慶生的！牛肉品質相當唔之好！肉質嫩滑，薯條免費任加！服務態度一流！下次一定會再book!…查看更多

開業左咁耐仍然堅持到，都係呢個menu呢到既沙律菜仍然都係咁新鮮。同埋送上對熱辣辣既包。最經典仍然係薯條無限refill，只要你唔好怕熱氣你就可以無限增添，仲要好脆身～呢到既牛都仍然保持都水準，都係好juicy既，最好係可以keep住個溫度，因為我鐘意食熱既野食。…查看更多

👩‍❤️‍👨 呢次係我哋結婚周年，特意揀咗La Vache! 嚟慶祝呢個特別嘅日子。一間著名嘅餐廳，味道一定唔會失望。🍽️ ：La Vache! 嘅牛扒真係一流，煮得啱啱好，肉質鮮嫩多汁，配上佢哋特製嘅醬汁，簡直係味蕾嘅享受。再加上無限供應嘅薯條，真係食到停唔到口。🌟 ：餐廳嘅裝修好有法式風情，燈光柔和，氣氛浪漫，非常適合同慶祝特別嘅日子。座位安排得好舒服，食飯嘅時候感覺特別愉快。🍷 ：紅酒選擇多，而且每款都好有水準。推薦試試佢哋嘅紅酒搭配牛扒，絕對係完美嘅組合。💁‍♂️ ：服務生親切友善，態度非常好，令我哋整個用餐過程都非常愉快。總結嚟講，La Vache! 係一個唔可以錯過嘅好地方，無論係食物、環境定服務都非常好，絕對係慶祝結婚周年嘅理想選擇👍…查看更多

📍 La Vache!呢間專食牛扒嘅扒房，啱晒選擇困難症人士，因為獨沽一味唔洗諗！適逢🐷生日，閨密記得我bookmark左好耐，氣氛好好，慶生真係一流 #chuchu慶生推薦嗰晚聽左生日歌4 5次！💡 真係要book，好full的～—————————————————————❣️ $398/人每人有一份肉眼扒、餐包、沙律同任添薯條😍 🥗 Green Salad with Walnuts生菜都好新鮮，加埋合桃，為呢餐加啲纖維🥖 Bread餐包偏硬 but is ok 佢唔係主角～🥩 USDA Prime Ribeye揀咗Medium，碟底有蠟燭，微溫keep住暖暖地，上之前切好曬，真係好啱🐷呢啲懶鬼！牛扒燒到外面微焦，肉味濃，冇筋，有少少調味就咁食都好正了！🍟 Fries 幼薯條夠熱又夠脆，好香口又唔油，仲可以任食！🐷怕熱氣就冇refill~. ❣️ Mille- Feuille 拿破崙 $128🪖#chuchu食甜品 呢個拿破崙超好食！焗到好鬆脆！夾住啲cream都好好食，雖然超飽但都食晒！碟仲有寫字好靚，法文嘅Happy Birthday (joyeux anniversaire).❣️ Lemon Tart 檸檬撻唔知係咪食咗拿破崙先，超酸的，唔太推薦！✨OpenRice訂座送嘅甜品.❣️ Mousse de Pomme $108Frenh Green Apple, Lemen Juice, Greee Apple Foam❣️ La Poire $108Pear, Lemon Juice, Lemongrass, Ginger Ale嗌咗兩杯mocktails，都唔錯幾好飲！酸酸甜甜解膩！.💬 全部都好好食！氣氛又好！—————————————————————不專業評分👅好味指數: 9/10 💰性價比: 8/10👍🏻推薦: 9/10 —————————————————————🏡地址: La Vache! (尖沙咀)尖沙咀赫德道12號地舖👉🏻中環金鐘都有分店！🕑營業時間: 12:00-23:00/00:00 （3-6落場）—————————————————————tag埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架…查看更多

今日中午五位同事一齊食牛扒，食物質素尚可、但個別員工服務質素認真差，全程木口木面，都買單嘅時候將信用卡同收費單放咗喺枱面完全冇出過一句聲，簽完卡俾返張底單我嘅時候又係一聲不響，簡單禮貌唔該多謝都冇一句、五個人消費差唔多港幣$2600 ，服務水平同一般茶餐廳分別不大，以後應該都唔會再幫襯。我哋總共五個人落order嗰陣時已經同佢哋講清楚邊三位牛扒係medium rare、另外兩位係medium，但係套餐嘅時候兩盤不同熟度嘅牛扒對調咗，我請求呢位員工幫我對調返，解釋比佢聽，因為有兩位同事要求比較食得熟少少嘅牛扒，各位女士應有係木無表情，好似唔情願咁，最後唯有我自己親自將盤放返喺合適同事嘅枱面。…查看更多