La Rosabelle Bar & Grill

讲好嘅先环境真系唔错地方阔落侍应都算有礼貌。我哋嗌咗个墨西哥粟米脆片同埋一个猪手两个𩠌都不过不失还可以 但系最后嗌咗个西班牙海鲜杂烩配多士 我只可以话不可一不可再呢个杂烩差唔多$500真系对唔住佢嘅价钱全部海鲜都系冰鲜，而且系雪咗劲耐嘅成只龙虾除咗冇龙虾味，口感仲要好干冇肉汁劲似喺隔离酒店食嘅自助餐食净留起拎嚟煮！而且咁嘅价钱一只新鲜嘅虾都冇，简直系好唔抵，觉得佢成个菜嘅成本价其实$50都已经做到，唔明点解可以收贵我10倍价钱…查看更多

已经系第二次帮衬 悠闲既星期日下昼 侍应超轻松哼著歌既接待 我同朋友既心情都放松落黎 餐厅环境舒适 宁静阔落 感觉远离烦嚣 我地叫左lunch menu既Fish and Chips同Egg Benedict with Salmon 配埋cocktails 几小时便轻松渡过 ☺️ Fish and Chips炸得好香口 份量唔小 两个人share最适当 另外Egg Benedict with Salmon正常发挥 我自己较喜欢用酸包点蛋汁 😋 呢度已经成为我地聚脚点！…查看更多

话说今次去咗间有种欧洲度假feel嘅餐厅，梗系要分享下啦！🍴首先，我嚟咗杯Shirley Temple，色彩缤纷添，饮落去得意啲令人心情好嘅气泡，真系解渴又开心😋。而家讲重点，佢哋嘅Angus Rib Eye 12oz，啲肉呢，简直系每啖都欲罢不能！煎得啱啱好，外面微焦香，入口肉汁四溢，咁嘅烹调技巧迫使我忍唔住奉上拍手👏🏼。至于海鲜Paella，天啊，系我今生食过最足料嘅paella！海鲜鲜得出奇，每啖饭都带埋海鲜味，食哂都仲想再食！最后，唔得不提嘅系装潢，真系得其浓厚复古味，令哂dining experience提升好多档次。宜家揾间可以留低满满美好回忆同味觉享受嘅地方真系唔容易，而呢度，完全符合咗我嘅期望，下次我哋聚会一定会再嚟！😊🌟…查看更多

因为住东涌，圣诞节𠮶晚去咗La Rosabelle dinner. 响Open Rice book 咗6:30pm, 去到其实都唔使book位，呢度长期都有位。真心唔知佢点生存。其实佢食物，环境，Service都唔差，可能位置比较偏僻，通常去都系附近啲住户。𠮶晚见佢有Christmas set dinner, 我哋叫咗一个，再加一个pepperoni pizza. Set dinner 包龙虾汤，－个main, 甜品，再加一个红/白/气泡酒，都系$488，其实都几抵。Pizza 都好大个，上枱𠮶阵都热辣辣，饼底又脆，真心好味。个set 我哋拣咗Turkey, 我个人觉得麻麻哋。dessert 系chocolate cake with cranberry sauce, ok啦。全晚都系得小猫三四只，真心希望佢哋挨得住。…查看更多

星期六下昼谂住去东涌揾嘢食去咗酒店附近嘅餐厅，见到装修几靓就入咗去环境真系好靓嘅，座位都好大，但系似乎星期六就冇乜人，下昼嘅话就得两台客。食物方便，冇咗个三层架，就只能够全日餐单去嗌最后食咗个卡邦尼意粉同埋一个可丽饼。卡邦尼意粉好好食，好推介。佢嘅蛋黄汁啱啱好，烟肉咸咸地，意粉亦都烟靭。其实真系煮得几好食。系个份量少啲。而个可丽饼就一般般啦，饼底唔系太好食，香蕉都唔系好新鲜。 可以试第二个 总括嚟讲下午茶嚟计就还好啦，唔系特别抵食。不过都feel到呢间嘢嘅意粉系好食嘅。夜晚嚟应该会好好环境同埋feel。佢呢度仲有桌球袋同埋有Band show …查看更多