La Cobi Restaurant & Tapas (已結業)

今日一个人，唔知食咩好，突然间谂到好耐冇嚟食，又惊难有位，所以决定用开饭啦book枱，咁实会一定有位啦！食咗好多次，今次唔食牛唔食鱼，今次食意粉！😂个名超级长到痺，唔写低，要讲返出嚟嘅话，肯定只会记得2只字（意粉）！🤣个意粉都唔错㖞！不过好可惜嘅系……佢地做到28号，下星期要再嚟食多次至得！😭…查看更多

午餐揾食贴士：整个午餐时段都仲有位，但系唔推荐去。跟同事一行三人食午餐，同事话好耐无食呢间，咁咪再嚟啰，上几次食都好好地，点知今次嚟大失所望。订位：我经openrice 订位，女侍应打嚟确认时唔识读我个名，于是就将唔识读嘅字用个咩字代替，我已经打个突，即时同佢讲我叫咩名，佢一句道歉都无!入座：唔使等，但系安排我地坐系一个好近门口的位置。环境：唔够冷气，结果我地要用私家电风扇。食物：同事叫咗个鱼，佢食到一半同我地讲，好彩我地无食，因为系唔新鲜的，啲肉系「梅」嘅。我同另一个同事叫肉丸意粉，肉丸唔油，意粉有咬口，够多汁，本来唔错的，但系啲辣肉肠就失色啦!我觉得好似食紧鱼干仔咁，好硬，食完好攰!餐饮我地三个都叫朱古力，记得第一次嚟食，杯朱古力有cream 系面，仲要朱古力味超浓，今次再encore 啦！哗，水嚟，朱古力色嘅水呀！一饮落去完全唔同晒。临出门口，同事即刻话呢间可以除名，唔使放系揾食名单!…查看更多

小馆位于合和中心对面既一条小巷内，虽然餐馆既门面并不特别显眼，但餐厅内既装潢同灯光别具气氛，最后就决定试试。我哋被安排坐2人枱，我既位置正好望住吧枱位置。由于落单时侍应表明有数款菜式因更新餐牌而不再提供，我哋决定试试侍应介绍未于餐牌出现既炉鱼及餐牌上有既西班牙田园蔬菜饭。田园蔬菜饭上枱时色香味俱全，海鲜饭既湿润度刚好，本身用以调配海鲜饭既高汤不错，跟不同蔬菜既味道颇为配合，没想过呢个饭跟平常食既西班牙海鲜饭各有千秋。鲈鱼上枱既时候虽没有特别既装饰，但用心烹调既鱼皮被煎得金黄且香脆，肉质鲜嫩鲜甜。我哋两个对两道主菜都赞不绝口。…查看更多

今日约左同事试食呢间ge lunch！前一日已经睇定餐牌，知道有得加$5要冻朱已经谂定今日一定要加！我觉得佢都个set都包几多嘢，首先系个南瓜忌廉汤加蕃茄粒多士，个汤几creamy但块多士有d硬,但摆盘都靓ge!跟著就系主菜，我叫左48个月黑毛猪茄蓉意粉，我一心冲住黑毛猪而黎，自从上次去完美食博览食完就钟意左。我个同事话唔钟意食茄蓉，我就好钟意食蕃茄类ge嘢，酸酸味味咁。终于到主菜，碟意粉都好大碟下，不过如果有多d𩠌就好啦。我个同事都系嗌左茄蓉意粉，佢就风速食晒，俾佢吓亲我另一个同事就嗌左啡茹黑松露白汁意粉，我其实都好钟意食白汁意粉但今次都系试左黑毛猪先。最后就系甜品牛奶布甸，超好食丫！我觉得成个餐最好食系个甜品！我食晒成杯！个底碟都好靓。仲有杯餐饮加$5可以叫朱古力，都几好饮，而且加$5都几抵通常西餐厅转朱古力都要加$10下次再试下湾仔区其他餐厅先～…查看更多

今日肥鸽约左主人系湾仔食晏，难得主人专登由新界走到过黎，当然系要食好少少啦！呢间西班牙餐厅开系春园街附近，位置唔算太起眼，午饭时间都唔系太多人。坐低望下餐牌，主菜有好几款选择，百零蚊既价钱包埋前菜，甜品同餐饮，都算唔错啦 前菜系蕃茄汤配多士同沙律。西班牙气候的适合蕃茄生长，部分城市更有蕃茄节的习俗。然而，今日既蕃茄汤明显比较酸，唔岩肥鸽同主人既胃口 肥鸽叫既主菜系海鲈鱼，配上黑松露忌廉汁。厨师将海鲈鱼既表皮煎香，和肉质细腻既鱼肉形成外脆内软既感觉，非常好味 本身见到鱼扒唔算好大块就以为会唔饱，但原来食埋隔离既配菜都已经饱左8成 虽然食完前菜同主菜都已经几饱，但肥鸽又点会错过付送既甜品呢！今日既甜品系panna cotta, 上面加左一层微微烧过既焦糖，令到甜度更加明显。摆盘既餐碟食彩缤纷，充满西班牙风情 😌 湾仔系一个繁忙商业区，午膳时间周围都人迫迫，可以少d人静静地倾计既地方唔多。呢间小店位置唔算好方便，但食物质素唔错而且坐得舒适，推介比想趁午膳时间悠闲咁食饭既朋友 …查看更多