L’ATLANTIS

唔係剩係紀念日先要食好d㗎~平時都要為自己增添一點儀式感💖之前響附近出event發現原來黄金泳灘有間咁靚嘅餐廳😳今次就嚟試試佢~餐廳環境一流,樓底高有落地玻璃,下午日落應該仲有feel✨職員熱情有禮good good👍🏻唔想諗直接叫個Set Dinner,好似好豐富🤤開始先welcome drink,有紅酒白酒揀,不過我揀咗Fruit Punch😆~💜法國迷你海鮮拼盤有法國No.1生蠔/法國深海龍蝦仔/鮮扇貝~海鮮新鮮鮮甜,食完即刻開胃👍🏻~💜西班牙伊比利亞48個月風乾火腿伴金瓜另一冷盤開胃菜~乾火腿嘅咸配上甜甜嘅金瓜好衝擊但又好夾,好味👍🏻~💜龍蝦濃湯大推介,濃味得嚟唔會好heavy有層次,唔會好似坊間一般得個重咸味~💜意大利白松露忌廉湯呢個都大推,好creamy加上淡淡嘅白松露香好想encore好好味~💜香煎深海野生格陵蘭比目魚扒配香草白酒忌廉汁最鍾意魚扒冇骨啖啖肉~滿足爽快🤤魚扒厚實但爽口鮮味,魚控必叫!!!!💜烤澳洲M4和牛肉眼扒配紅酒燒汁熟成度煎得啱啱好~食得出食材肉質真係A+++!!肉同脂肪比例好好唔韌,食肉獸一定愛爆👍🏻~😆食主菜時唔好漏咗側邊配菜,都係心機之作超有驚喜🫵🏻~💜歐陸甜品甜品係心太軟同芝士蛋糕~心太軟超級好食,keep住暖暖地真係做到流心效果,外皮都焗到脆口好食👍🏻~…查看更多

最近同老公去咗屯門呢間法國餐廳我地嗌左一個Set Dinner B + 單點白鱈魚人均$400有找 性價比好高加上環境唔錯 望住個黃昏海景食飯好有情調💕✨頭盤 自家製慢煮凍鵝肝多士鵝肝非常creamy 配無花果同紅酒啫喱清新解膩個多士脆得嚟帶焦糖香 一啖咬落去真係好滿足🤤香草蒜茸牛油焗田螺 蒜香超濃田螺彈牙唔韌 用埋啲蒜蓉牛油嚟點餐包食好正✨湯品 白松露忌廉湯 飲第一啖已經被松露香攻陷口感順滑濃郁 飲完成個胃暖笠笠好舒服✨主菜 烤澳洲M4+西冷牛扒 叫咗七成熟 切開粉嫩冇血水外層微焦內裡軟嫩 紅酒燒汁恰到好處牛味濃得嚟唔會膩 香煎白鱈魚 魚皮煎到金黃脆口 魚肉嫩滑😲 白酒辣根忌廉汁帶微辣 辟腥之餘更帶出魚鮮✨甜品 朱古力布朗尼 濃郁唔死甜 仲有流心效果 芝士蛋糕 芝士香滑 餅底脆身 仲有提子乾增加味道環境+食物+服務都好滿意💯沙灘海景加持下食高質法國菜呢個價錢真係超值❣️…查看更多

海景法國餐廳餐廳環境十分舒適，望住個沙灘海景🏖️心情都放鬆啲，食乜都特別好食😆🔆女侍應好體貼，真係要讚賞一下😊我地坐戶外，主動問我地要唔要蚊怕水同埋幫我地點蚊香🥰絕對值得表揚👍🏻美腸蘆筍天使麵【$88】天使麵可能煮耐左少少，整體上都ok嘅雞胸芝士漢堡配時令生果及薯角【$118】份量比想像中更加大，足足有一個拳頭咁大✊🏻雞胸做漢堡，味道都可以做得咁好，最緊要雞胸滑，唔嚡口👍香辣青檸汁大蝦意粉【$138】香辣再加青檸汁，食落酸酸地微微辣，更加開胃😋Lunch套餐配餐湯、蒜蓉包再加飲品蒜蓉包整得好香脆，餐湯係黑松露湯🔗L’ATLANTIS 📍屯門青山公路18咪半黃金泳灘☎️26189866…查看更多

週末嚟到黃金海岸嘅 L’Atlantis🌊，整體體驗真係好舒服同驚喜。餐廳位置就係望住海，坐室內有窗望出去，坐露台又可以吹住海風，啱啱撞正日落 🌅，光線慢慢由橙橙紅紅變到夜晚，成個氛圍好chill又浪漫 🕯️。 講返食物 🍴，真係見到佢哋落咗心思： - 阿根廷紅蝦刺身新鮮到啱啱上水咁 🦐，配埋清爽汁料，食落好爽口； - 濃湯超香濃，仲有拉花 ☕，細節位夠晒心機； - 羊架係我成晚嘅⭐，肉質嫩但唔騷，醬汁收得好； - 魚煎到皮脆脆，肉滑到入口即化 🐟，成件事輕盈唔膩。 最欣賞係服務 💁🏻，侍應好有禮貌又唔會「逼住你傾計」，畀到啲空間好慢慢享受，好啱情侶嚟。 整晚氣氛舒服到，食物又有水準，配埋海景，其實真係唔需要太浮誇，已經係一個好perfect嘅約會夜 🍷💕。 📍推介：如果想搵個地方避開市區嘅嘈吵，安靜食餐好嘢，可以試吓L’Atlantis。 …查看更多

每年夏天都會爭取機會去沙灘曬太陽同游水。星期日見打風唔成又好好太陽就去左香港一個出名既景點 - 黃金海岸。沙灘好大由幾個唔同名既沙灘連住，最方便既一定係黃金泳灘因為跟商場。但原來搵野食唔只係商場，直接沙灘已經望到間高級法國餐廳 - L’atlantis。之前都食過下午茶，游完水行兩步食少少野可以繼續望住個海真係好舒服。今次想試下另一種感覺所以揀左食dinner。同男朋友兩個人去，侍應安排左望到海既sofa位，雖然夜晚黑蚊蚊但都叫望到有海既🤣侍應有介紹生蠔個d，然後就自己望下餐牌，兩個人就直接簡單揀左個二人餐，因為見有齊生蠔海鮮，亦有肉類為主既主菜….仲有龍蝦湯同紅白酒揀。即其實想食既野都齊😆侍應建議由淡味d既扇貝開始食，然後龍蝦仔再到生蠔。海鮮唔掂醬係比較淡味，但龍蝦肉都好爽口，生蠔都好鮮甜。之後食既好似係訂枱同消費滿$600送既鮑魚仔。黑松露汁好多，係食汁為主，送既算係咁。再之後係ham伴哈密瓜，塊ham唔咸唔重口味，油脂分布平均，配合哈密瓜好清爽。都算係開胃菜。湯方面，有幾款揀，但好似都係龍蝦湯最吸引🤣湯黎到見到有拉花覺得餐廳都有心思。湯就滑既味都濃既。飲完湯後，主菜終於都要到啦。我地分別叫左一份羊架7成熟，一份和牛肉眼排3成熟。兩個熟既程度都控制得好好，肉質軟淋冇根好易切同咬。肉類烹調得比較淡味，我見每台都有調味料即黑胡椒之類可能想比顧客自己調味。咁岩我食開淡味野所以接受到，鐘意濃味既可能事先同侍應講聲較好。羊架同肉眼排各有三塊，就算男人食量都應該夠滿足😚 雖然冇澱粉落肚，但食埋主食都已經飽同滿足。畢竟有齊海鮮同肉類。最後仲有甜品同餐茶，叫奶茶時可以揀港式奶茶或earl grey，earl grey 用左個幾大既茶壺上，可以慢慢飲。最後想讚下d侍應，食一兩款菜後都會問下顧客覺得o唔ok，唔係上完菜就冇交流，什至見侍應都有同顧問傾計，可能唔少客住附近同成日落黎飲酒🤣。間餐廳當日都有7/8成滿座，但大家都好乖好安靜咁傾計，如果想嘆下紅白酒同朋友傾下計我覺得都係一個唔錯既選擇。…查看更多

之前嚟睇黃金海灣樓盤，無意中發現呢間寶藏餐廳因為餐廳對正沙灘，喺呢邊除咗黃金海岸酒店之外，就係得呢間餐廳最近。上次已經食過一次下午茶煙鱔沙律好食，留下好印象。 今次介紹咗俾一個住屯門嘅朋友一齊食個lunch 。揸車泊車方便都係一個原因，吸引我哋嚟chill~好近就已經有個好大型嘅咪錶停車場，正！之後向着沙灘方向行，就見到餐廳。天氣咁熱，我哋坐入面，冷氣好夠大！同侍應傾開偈先知，原來餐廳啱啱先重開番，早多幾日都摸門釘即刻覺得好幸運！！ ~~~~~~~~~~~~~~~~~~~~~~~~~~~~~~我哋叫咗2份Set Lunch，有齊沙律、湯、飲品。沙律嚟到，我哋好快就K.O.咗好食，食得出好新鮮！餐湯係椰菜花湯，淡淡的椰菜花香，容易入口，連同蒜蓉包一齊嚟，2個女仔食完飲完，都即刻唔餓了～～主菜嗌咗：三文魚意大利飯 同 澳洲西冷一嚟到，係估唔到個飯百幾蚊，份量都幾多仲要幾好食，冇嗌錯侍應聽到我哋話想share嚟食，即刻勁快拎咗個碟俾我哋，幾好服務！西冷我哋一致都話算好好食！好香，煮得啱啱好，切開好靚又冇筋。同側邊啲薯菜食，掂喎——————————————————————對住靚景同美食，心情真係特別放鬆～食完我同朋友都話：住黃金海岸都幾好啊，起碼行落嚟就有間高質高CP值西餐！都係個賣點…查看更多

性價比絕對高CP 當晚玩即興想去d 海邊既地方chill 下， search 咗黃金海岸個頭見到呢間餐廳環境唔錯就去試下…佢有好多唔同Dinner set 提供選擇，由4~8 course 既set 都有，亦有2人套餐，又可散叫，無論你係大食定細食都有岩你既選擇🥰我地叫咗個6 course dinner ,再散配薯角同2杯白酒，份量已足夠2人份，最緊要係坐得好舒服👍🏻👍🏻服務又好好❤️Dinner Set C (6course) 💰498/set1. 薄切美國頂級生牛肉配柚子醋汁賣相一流，味道不錯，配咗柚子醋，帶點酸酸地好開胃2. 阿根廷紅蝦刺生 配青檸辣汁蝦肉新鮮同夠大隻，沾埋青檸汁好match ,好似食緊泰式生蝦刺生咁3. 芝士蟹肉焗荷蘭大蘑菇🤩菇味好出，topping 既村料又好豐富， 每一啖都好滿足，菇身厚肉，好似鋸扒咁😋😋4. 意大利白松露菌湯又係我鐘意既菇味😋😋不過可以再濃味同sticky d, 咁就perfect 啦👍🏻同佢略為多咗d 牛油5. Main Course: 烤澳洲 MB4+和牛肉眼扒 我地選咗7成熟， 牛既就正常水準，但肉質恰到好處👍🏻6. 歐陸甜品Titamisu + 伯爵茶Cheese cake 個cheese cake 超級讚， 伯爵茶味既芝士蛋糕好少見，好好味。仲要好用心咁畫埋花，成件事好賞心悦目🥰❤️🥰加配 薯角 💰$68超好食，又大碟，脆脆既表面，但內裡薯蓉軟綿綿，超抵食😋😋加配 house wine 💰$75 @ 配合埋咁浪漫既環境，我地揀咗2杯白酒， 價錢同質量都唔錯👍🏻👍🏻餐茶： coffee ☕️ remark: 餐廳係响泳灘個邊，唔係商場呀🏞️…查看更多

之前同老公去黃金海岸拍拖，經過呢間餐廳已經覺得好有 Feel！之後終於搵到機會嚟試試，有驚喜！🌊 餐廳嘅室外位對住大海，聽住海浪聲、吹住海風，喺咁 Chill 嘅環境下食飯，真係似去咗外國 🏝️～如果早啲嚟仲可以睇到日落 🌅🍴 我哋叫咗 $298 嘅 Set Dinner A 同 $398 嘅 Set Dinner B，成晚食足 7 道菜，仲包咖啡或茶～ 平均每人都唔使 $400，就可以享受到近 Fine Dining 嘅用餐體驗，抵！1️⃣ 自家制慢煮凍鵝肝焦糖多士 焦糖多士襯埋細滑嘅凍鵝肝，仲有無花果點綴，食落有層次感又唔膩～ 2️⃣ 意大利白松露忌廉湯 / 匈牙利牛肉湯 白松露忌廉湯順滑，松露味唔搶；牛肉湯就有牛肉粒同洋蔥，似羅宋湯配埋蒜蓉包，好味 🍲🥖3️⃣ 秘制三文魚凱撒沙律 三文魚配埋脆卜卜嘅沙律菜，開胃 🥗🐟4️⃣ 香草蒜茸牛油焗法國田螺 田螺份量唔多，但肉質細嫩，蒜香同牛油味濃，底下仲有綿滑嘅薯茸，吸晒田螺汁 🐌🧄5️⃣ 香草果仁焗紐西蘭羊鞍架 羊鞍架焗得啱啱好，五成熟配 Rosemary 紅酒汁，完全冇羊羶味，肉質 Juicy 🐑🍷6️⃣ 烤西班牙橡木菓黑豚扒配蘋果燒汁 黑豚扒肉質帶少少油脂，配埋蘋果燒汁，啱晒鍾意豬扒嘅朋友～ #好食 🍎🐖7️⃣ 甜品：Tiramisu、抹茶 Macaroon、Cheesecake 店員聽到我哋講 Tiramisu 時，主動加多件芝士蛋糕畀我哋試，真係好貼心～ Tiramisu 咖啡味適中，唔會太甜；抹茶 Macaroon 外脆內軟；Cheesecake 香滑，夠芝士味但唔膩 🍰🍵☕ 最後仲有咖啡或茶 飲住杯暖暖嘅咖啡，聽住海浪聲，真係好滿足 ☕💕 L’atlantis 食物得、環境靚，服務又好～ 店員由頭到尾都好細心，會幫你換碟、留意用餐節奏，無論拍拖、慶祝生日，定其他特別日子都唔會失望！…查看更多

🍽️ 今晚喺L'ATLANTIS 食咗一頓超正嘅晚餐！🌊 餐廳位於屯門青山公路黃金泳灘旁，環境優雅，好適合情侶或者家庭聚餐。👨‍👩‍👧‍👦首先，我哋點咗Dinner Set B，價值$398，真係物超所值！😋 慢煮鵝肝多士（Slow-cooked Liver Pate Toast）入口即化，味道濃郁得嚟又唔會太膩。🐌 法式蝸牛（Escargot）配上香濃嘅蒜蓉牛油，每一啖都充滿驚喜。🍄 白松露蘑菇湯（White Truffle Mushroom Soup）香氣撲鼻，湯汁濃郁，令人回味無窮。🍖 主菜嘅羊架（Lamb Rack）煎得恰到好處，肉質鮮嫩多汁，完全無羶味。另外，我哋仲點咗Dinner Set A，$298，同樣令人滿意。🥗 三文魚凱撒沙律（Salmon Caesar Salad）新鮮爽口，牛肉湯（Beef Soup）濃郁暖胃。🐟 比目魚飯（Hallbut Rice）魚肉鮮嫩，飯粒吸收咗魚嘅精華，味道一流。最後，甜品係完美嘅結尾，兩款甜品都令人驚艷。服務員態度友善，細心周到。👏總括嚟講，L'ATLANTIS Golden Beach 係一間值得推薦嘅餐廳，無論係食物質素定係環境都令人滿意。🌟 下次一定會再嚟！😍…查看更多

這家西餐廳位於屯門黃金海岸沙灘旁，座擁開揚無敵海景，室內外的裝潢都採用歐陸風格，高樓底襯托昏暗燈光，營造浪漫的用餐氛圍，非常適合約會或慶祝紀念日，或想週末遠離繁囂亦是一個好選擇 。🤍Set Dinner for Two ($1188)❥ 紅/白酒或雜果賓治 (2杯)❥ 法國迷你海鮮拼盤餐廳選用法國No.1生蠔，比起坊間常用的No.2體積更大。生蠔的海水味柔和，爽口鮮甜。加拿大牡丹蝦刺身肥美新鮮，鮮扇貝肉質有彈性。❥ 西班牙伊比利48個月風乾火腿伴金瓜薄切的西班牙火腿有著橡果的芳香，且具有持久的餘味。❥ 意大利白松露忌廉湯濃郁忌廉入口順滑，散發陣陣誘人有層次的菌香。❥ 龍蝦濃湯龍蝦湯質感濃稠，充滿濃郁的鮮味。❥ 寶雲酥焗紐西蘭三支骨羊架配百里香紅酒汁🐑7成熟的羊架煎得恰得好處，肉質軟腍，羊羶味容易入口。❥ 烤澳洲MB4+和牛肉眼扒配紅酒燒汁牛扒烤得充滿炭香味，豐厚肉質具咀嚼感，搭配經典紅酒燒汁非常美味。❥ 歐陸甜品雲呢拿芝士蛋糕綿密順滑，甜而不膩。朱古力蛋糕焗得外層香脆，一刀切下，暖呼呼的流心朱古力醬從裡面一瀉而出，配上雲呢拿雪糕，一冷一熱交替出獨特的滋味。❥ 咖啡/茶 (2杯)◦•◦♡.﹀﹀﹀.♡◦•◦♡.﹀﹀﹀.♡◦•◦♡.﹀﹀﹀.♡◦•◦𖠿 L’atlantis𖤣𖤥 屯門青山公路18咪半黃金泳灘◦•◦♡.﹀﹀﹀.♡◦•◦♡.﹀﹀﹀.♡◦•◦♡.﹀﹀﹀.♡◦•◦#peggiedailylife_tuenmun#latlantis #goldcoast #黃金海岸 #黃金泳灘 #屯門美食 #屯門餐廳 #finedining #西餐廳 #約會餐廳 #打卡餐廳 #浪漫餐廳 #香港美食 #香港探店 #美食推薦 #香港美食 #香港打卡#香港好去處 #foodie #foodstagram #foodiehk #hkfoodie #hkfood #hkfoodstagram #hkfoodblogger…查看更多

屯門都可以有好好味嘅法式餐廳。呢間位於黃金海岸嘅法式餐館環境幽靜，重點係對住大海‼️感覺非常chill ，特登book咗佢同friend子食生日飯🥰套餐選擇有平有貴，最平嘅每人大概$300，最貴嘅$1000左右，我就經OpenRice訂座，食滿$600送一隻黑松露南非鮑魚，性價比都好高💯我哋叫咗尊貴2人晚餐set🦋🦋餐酒 （RED/ WHITE/ FRUIT PUNCH) 🦋法國迷你海鮮拼盤（法國 No.1生蠔2隻、法國深海龍蝦仔刺身2隻、鮮扇貝2隻）龍蝦仔夠鮮甜，好味過牡丹蝦刺身🤤款款都高質🦋西班牙伊比利亞 48個月風乾火腿伴金瓜食完個海鮮拼盤之後打開咗個胃，又到火腿配蜜瓜，火腿無臊味，蜜瓜夠甜🦋龍蝦濃湯(配蒜蓉包）食到又磨到好細嘅龍蝦碎殼，都夠濃郁🦋香煎深海野生格陵蘭比目魚扒配香草白酒忌廉汁煎得啱啱好夠香口，啲汁都好match🦋烤澳洲 MB4+和牛肉眼扒配紅酒燒汁油脂分布平均，大小份量足夠🦋因為有人生日，所以甜品就安排咗心太軟，有得用朱古力筆寫字，美中不足餐廳串錯我朋友個名🤣🤣整體餐廳應服務都唔錯，上菜速度剛好，燈光音響柔和，喺一個適宜聚餐慢食嘅地方💓連加一每人平均HKD650…查看更多

週末過嚟黃金海岸睇下海，沙灘旁有間好chill嘅西餐，於是入去食個tea。嗌咗fish and chips，魚扒好厚，夠鮮美，炸粉唔會好厚，整得幾好。薯條都係熱辣辣上嘅，唔會淋曬出油。Outdoor位置有帳篷遮擋，望住海岸，非常chill啱曬weekend過嚟放鬆下。…查看更多

喺黃金海岸食飯真係一種享受。呢間餐廳環境優雅，令人感到輕鬆自在。三百幾蚊就可以品嚐到美味的鵝肝，配上滑嫩的豬扒，味道同質素都令人滿意，絕對唔會失望。特別係我最愛嘅蝸牛，鮮美的口感讓人回味無窮，值得細細品嚐。如果你唔係咁鍾意鵝肝，二百幾蚊嘅套餐都非常划算，主食更有四款可以選擇，無論你鍾意咩口味都能找到合適的選擇。餐廳的服務亦非常周到，讓人感受得到用心。整體而言，呢度嘅價格對得起所提供的食物質素，讓你享受美食之餘亦能感受到高雅的用餐環境。無論係同朋友定家人一齊來，都會係一個愉快的用餐體驗，真係好推薦！…查看更多

呢间西餐厅真心服务一流无得顶今时今日系香港仲可以有呢種服務終於唔再係花錢買罪受非常值得推薦呢個服務費係比得非常值得同認可的體戶外個副經理Peter 非常細心照顧我們唯一比較可惜個係book位太遲無塞室內冬天吃法餐會有滴凍咯吃到打冷震總體感覺非常好，餐廳環境同出品都ok我覺得最值得去個係服務態度真心好每位員工照顧我們非常細緻同周到!…查看更多

好耐無入去屯門，無無聊聊揸車揸到黃金泳灘，行二步見到呢間，睇落唔錯又可以座出面，今日唔曬又唔熱，座出面啱晒。睇完餐牌揀咗～#8墨西哥卷，同#10芝士和牛漢堡配薯角。雞卷～沙律菜，生菜，蕃茄同埋烤過嘅雞肉再加小小醬汁，卷皮烤得剛好，小小燶，但變咗少水脆口，再加上以上嘅「料」，都幾好食，啲醬汁剛好，唔會食到好好「呢hea」！和牛漢堡～大家睇吓佢嘅「肉地」顏色鮮嫩，真係無得輸，好食。喺一個咁嘅環境底下，放低平時緊張又大壓力嘅生活，去享受下呢一刻嘅時間，所以就算山長水遠嚟呢度，點都值返。回頭度：7/10…查看更多