影片
以上资料只供参考，请与餐厅确认详情
有关奖赏计划
相关文章
每年夏天都会争取机会去沙滩晒太阳同游水。星期日见打风唔成又好好太阳就去左香港一个出名既景点 - 黄金海岸。沙滩好大由几个唔同名既沙滩连住，最方便既一定系黄金泳滩因为跟商场。但原来揾野食唔只系商场，直接沙滩已经望到间高级法国餐厅 - L’atlantis。之前都食过下午茶，游完水行两步食少少野可以继续望住个海真系好舒服。今次想试下另一种感觉所以拣左食dinner。同男朋友两个人去，侍应安排左望到海既sofa位，虽然夜晚黑蚊蚊但都叫望到有海既🤣侍应有介绍生蚝个d，然后就自己望下餐牌，两个人就直接简单拣左个二人餐，因为见有齐生蚝海鲜，亦有肉类为主既主菜….仲有龙虾汤同红白酒拣。即其实想食既野都齐😆侍应建议由淡味d既扇贝开始食，然后龙虾仔再到生蚝。海鲜唔掂酱系比较淡味，但龙虾肉都好爽口，生蚝都好鲜甜。之后食既好似系订枱同消费满$600送既鲍鱼仔。黑松露汁好多，系食汁为主，送既算系咁。再之后系ham伴哈密瓜，块ham唔咸唔重口味，油脂分布平均，配合哈密瓜好清爽。都算系开胃菜。汤方面，有几款拣，但好似都系龙虾汤最吸引🤣汤黎到见到有拉花觉得餐厅都有心思。汤就滑既味都浓既。饮完汤后，主菜终于都要到啦。我地分别叫左一份羊架7成熟，一份和牛肉眼排3成熟。两个熟既程度都控制得好好，肉质软淋冇根好易切同咬。肉类烹调得比较淡味，我见每台都有调味料即黑胡椒之类可能想比顾客自己调味。咁岩我食开淡味野所以接受到，钟意浓味既可能事先同侍应讲声较好。羊架同肉眼排各有三块，就算男人食量都应该够满足😚 虽然冇淀粉落肚，但食埋主食都已经饱同满足。毕竟有齐海鲜同肉类。最后仲有甜品同餐茶，叫奶茶时可以拣港式奶茶或earl grey，earl grey 用左个几大既茶壶上，可以慢慢饮。最后想赞下d侍应，食一两款菜后都会问下顾客觉得o唔ok，唔系上完菜就冇交流，什至见侍应都有同顾问倾计，可能唔少客住附近同成日落黎饮酒🤣。间餐厅当日都有7/8成满座，但大家都好乖好安静咁倾计，如果想叹下红白酒同朋友倾下计我觉得都系一个唔错既选择。
继续阅读
之前嚟睇黄金海湾楼盘，无意中发现呢间宝藏餐厅因为餐厅对正沙滩，喺呢边除咗黄金海岸酒店之外，就系得呢间餐厅最近。上次已经食过一次下午茶烟鳝沙律好食，留下好印象。 今次介绍咗俾一个住屯门嘅朋友一齐食个lunch 。揸车泊车方便都系一个原因，吸引我哋嚟chill~好近就已经有个好大型嘅咪表停车场，正！之后向着沙滩方向行，就见到餐厅。天气咁热，我哋坐入面，冷气好够大！同侍应倾开偈先知，原来餐厅啱啱先重开番，早多几日都摸门钉即刻觉得好幸运！！ ~~~~~~~~~~~~~~~~~~~~~~~~~~~~~~我哋叫咗2份Set Lunch，有齐沙律、汤、饮品。沙律嚟到，我哋好快就K.O.咗好食，食得出好新鲜！餐汤系椰菜花汤，淡淡的椰菜花香，容易入口，连同蒜蓉包一齐嚟，2个女仔食完饮完，都即刻唔饿了～～主菜嗌咗：三文鱼意大利饭 同 澳洲西冷一嚟到，系估唔到个饭百几蚊，份量都几多仲要几好食，冇嗌错侍应听到我哋话想share嚟食，即刻劲快拎咗个碟俾我哋，几好服务！西冷我哋一致都话算好好食！好香，煮得啱啱好，切开好靓又冇筋。同侧边啲薯菜食，掂㖞——————————————————————对住靓景同美食，心情真系特别放松～食完我同朋友都话：住黄金海岸都几好啊，起码行落嚟就有间高质高CP值西餐！都系个卖点
继续阅读
性价比绝对高CP 当晚玩即兴想去d 海边既地方chill 下， search 咗黄金海岸个头见到呢间餐厅环境唔错就去试下…佢有好多唔同Dinner set 提供选择，由4~8 course 既set 都有，亦有2人套餐，又可散叫，无论你系大食定细食都有岩你既选择🥰我地叫咗个6 course dinner ,再散配薯角同2杯白酒，份量已足够2人份，最紧要系坐得好舒服👍🏻👍🏻服务又好好❤️Dinner Set C (6course) 💰498/set1. 薄切美国顶级生牛肉配柚子醋汁卖相一流，味道不错，配咗柚子醋，带点酸酸地好开胃2. 阿根廷红虾刺生 配青柠辣汁虾肉新鲜同够大只，沾埋青柠汁好match ,好似食紧泰式生虾刺生咁3. 芝士蟹肉焗荷兰大蘑菇🤩菇味好出，topping 既村料又好丰富， 每一啖都好满足，菇身厚肉，好似锯扒咁😋😋4. 意大利白松露菌汤又系我钟意既菇味😋😋不过可以再浓味同sticky d, 咁就perfect 啦👍🏻同佢略为多咗d 牛油5. Main Course: 烤澳洲 MB4+和牛肉眼扒 我地选咗7成熟， 牛既就正常水准，但肉质恰到好处👍🏻6. 欧陆甜品Titamisu + 伯爵茶Cheese cake 个cheese cake 超级赞， 伯爵茶味既芝士蛋糕好少见，好好味。仲要好用心咁画埋花，成件事好赏心悦目🥰❤️🥰加配 薯角 💰$68超好食，又大碟，脆脆既表面，但内里薯蓉软绵绵，超抵食😋😋加配 house wine 💰$75 @ 配合埋咁浪漫既环境，我地拣咗2杯白酒， 价钱同质量都唔错👍🏻👍🏻餐茶： coffee ☕️ remark: 餐厅系响泳滩个边，唔系商场呀🏞️
继续阅读
之前同老公去黄金海岸拍拖，经过呢间餐厅已经觉得好有 Feel！之后终于揾到机会嚟试试，有惊喜！🌊 餐厅嘅室外位对住大海，听住海浪声、吹住海风，喺咁 Chill 嘅环境下食饭，真系似去咗外国 🏝️～如果早啲嚟仲可以睇到日落 🌅🍴 我哋叫咗 $298 嘅 Set Dinner A 同 $398 嘅 Set Dinner B，成晚食足 7 道菜，仲包咖啡或茶～ 平均每人都唔使 $400，就可以享受到近 Fine Dining 嘅用餐体验，抵！1️⃣ 自家制慢煮冻鹅肝焦糖多士 焦糖多士衬埋细滑嘅冻鹅肝，仲有无花果点缀，食落有层次感又唔腻～ 2️⃣ 意大利白松露忌廉汤 / 匈牙利牛肉汤 白松露忌廉汤顺滑，松露味唔抢；牛肉汤就有牛肉粒同洋葱，似罗宋汤配埋蒜蓉包，好味 🍲🥖3️⃣ 秘制三文鱼凯撒沙律 三文鱼配埋脆卜卜嘅沙律菜，开胃 🥗🐟4️⃣ 香草蒜茸牛油焗法国田螺 田螺份量唔多，但肉质细嫩，蒜香同牛油味浓，底下仲有绵滑嘅薯茸，吸晒田螺汁 🐌🧄5️⃣ 香草果仁焗纽西兰羊鞍架 羊鞍架焗得啱啱好，五成熟配 Rosemary 红酒汁，完全冇羊膻味，肉质 Juicy 🐑🍷6️⃣ 烤西班牙橡木菓黑豚扒配苹果烧汁 黑豚扒肉质带少少油脂，配埋苹果烧汁，啱晒钟意猪扒嘅朋友～ #好食 🍎🐖7️⃣ 甜品：Tiramisu、抹茶 Macaroon、Cheesecake 店员听到我哋讲 Tiramisu 时，主动加多件芝士蛋糕畀我哋试，真系好贴心～ Tiramisu 咖啡味适中，唔会太甜；抹茶 Macaroon 外脆内软；Cheesecake 香滑，够芝士味但唔腻 🍰🍵☕ 最后仲有咖啡或茶 饮住杯暖暖嘅咖啡，听住海浪声，真系好满足 ☕💕 L’atlantis 食物得、环境靓，服务又好～ 店员由头到尾都好细心，会帮你换碟、留意用餐节奏，无论拍拖、庆祝生日，定其他特别日子都唔会失望！
继续阅读
🍽️ 今晚喺L'ATLANTIS 食咗一顿超正嘅晚餐！🌊 餐厅位于屯门青山公路黄金泳滩旁，环境优雅，好适合情侣或者家庭聚餐。👨👩👧👦首先，我哋点咗Dinner Set B，价值$398，真系物超所值！😋 慢煮鹅肝多士（Slow-cooked Liver Pate Toast）入口即化，味道浓郁得嚟又唔会太腻。🐌 法式蜗牛（Escargot）配上香浓嘅蒜蓉牛油，每一啖都充满惊喜。🍄 白松露蘑菇汤（White Truffle Mushroom Soup）香气扑鼻，汤汁浓郁，令人回味无穷。🍖 主菜嘅羊架（Lamb Rack）煎得恰到好处，肉质鲜嫩多汁，完全无膻味。另外，我哋仲点咗Dinner Set A，$298，同样令人满意。🥗 三文鱼凯撒沙律（Salmon Caesar Salad）新鲜爽口，牛肉汤（Beef Soup）浓郁暖胃。🐟 比目鱼饭（Hallbut Rice）鱼肉鲜嫩，饭粒吸收咗鱼嘅精华，味道一流。最后，甜品系完美嘅结尾，两款甜品都令人惊艳。服务员态度友善，细心周到。👏总括嚟讲，L'ATLANTIS Golden Beach 系一间值得推荐嘅餐厅，无论系食物质素定系环境都令人满意。🌟 下次一定会再嚟！😍
继续阅读