影片
相关文章
返工有时想食健康啲嘅外卖就会拣呢间，都食过唔少次，品质稳定而且快趣有得攞，我喺公司用QR code 落单，前后5分钟内就已经有得攞✌🏻今次叫照烧鸡扒饭多菜，鸡扒份量好足，最后仲食唔晒添，上面加咗好多芝麻好香口。钟意佢可以拣多菜唔洗加钱，啲菜都好多款 ，椰菜、西兰花、花椰菜、菇同红萝卜，有啲鸡油味好香而且煮得唔会太淋爽爽地咁，唔觉唔觉就食晒。饭方面系红米饭，建议咬烂啲先吞，唔好睇佢好细盒咁，个底全部都系饭！仲有半只蛋，用酱油浸过，送饭一流🤌🏻
继续阅读
今晚OT唔想煮谂住买个快饭，点知有惊喜平时中午都见到有人排队，夜晚就冇乜人，大概等咗五至十分钟就有得拎。但系以健康餐嚟讲都算几好食。盐烧鲭鱼配野菜便当 （$78）卖相都唔错，有大量椰菜花，菜同饭比例系一比一，条鲭鱼都好大条，应该系连埋柠檬一齐煮，所以唔使特登唧柠檬汁都有少少酸味。菜就同期望一样系冇乜味，条鱼煎得几香口，又大大条，感觉几抵。不过有少少骨同少少鳞，如果想啖啖肉嘅话呢个餐就争啲。溏心蛋正常发挥。份量嚟讲都够饱，不过个人比较钟意食饭，同埋啲菜冇乜味，食落会寡啲。但系以健康餐嚟讲都算几好食。
继续阅读
早排食完饭走去周围行，入咗无限极广场上咗2楼，发现呢间外卖便当，营养好似好好好均衡，好够蛋白质咁，就走去试佢有好多个选择拣，又有鸡、有鱼、有牛、有猪，有成10几款选择，我最终拣咗食牛，因叫完外卖，等咗几分钟，就有得拎。拣好多餐都系七十零蚊，加两蚊又有嘢饮。第一次叫呢个外卖，返到公司一打开，有惊喜！ ！ ！蔬菜颜色好新鲜，肉嘅份量好够，下边亦都系一个红米饭，好健康，最重要系有我最爱嘅辣椒。呢个价钱系属于健康两𩠌饭之选，即刻将佢放入名单，可以经常去帮衬
继续阅读
其实呢间已经食过好多次，今日心血来潮写下食评。自从第一次朋友介绍照烧鸡扒配野菜便当($78)，我就每一次都系食呢一个，今日先试另一款泰式咖喱鸡配野菜便当($78)。便当整体嚟讲份量都好足够，基本上系唔会食得晒啲饭，建议女仔可以叫少饭。首先，啲饭加咗红米，感觉好健康，鸡扒唔会太肥，而且味道够足，真心好食。野菜份量基本上系便当嘅一半，有不同种类的菜。但今日食嘅泰式咖喱鸡就一般，鸡肉够淋，但味道较淡，而且今日嘅饭比较湿。下次都系继续食返鸡扒饭
继续阅读
如果要买外卖，但又唔想食肥腻两𩠌饭，我会推介依间日式便当外卖专门店🍱有猪肉、牛肉、鸡肉，鱼同素食选择，大路个个都啱食✨✴️烧牛柳便当✴️牛柳够瘦，但食落唔会干柴难咬，仲系好软熟👍🏻调味上系简单盐烧，唔会有重口味烧汁～菜量同饭量各占一半，佢啲菜系用水煮系落油，加咗少少盐调味，食落唔会好寡🥦加上佢啲菜无奇怪味，依然青翠爽脆，十分啱健康人士💪🏻✴️靖鱼便当✴️靖鱼都算厚肉，带有微微鱼油，入口甘香，配饭食一流⭐️
继续阅读