影片
我地两个大人一个小朋友(3岁)，坐左一张四人台，叫左一个面、饭团、pancake、一杯咖啡。本身觉得食物都唔错几好味，上左最后一到pancake小朋友去左坐大人大脾食，食到一半就黎食完既时候，有个店员叫我地让张二人台比等紧既客。觉得好离谱，首先我地三个人埋单都四百几蚊，都唔算叫得少野，唔系叫少少野霸住张四人台。第二我地系食紧个pancake食左一半，其实都唔差果十分钟，而且系佢自己出菜时间要等，唔系我地食得慢/食完系度霸住张台。要我地2大一细要逼系张2人台，地方本身已经唔大，另外一边有个好似店员屋企人既小朋友坐左霸住左张二人台，要做生意自己屋企又唔让开？要做到咁样赶客？离嗮谱，成日话生意难做，咁既服务下次点都唔会帮衬，食物好食都无用，到最后食完都唔系开心咁出门口。
继续阅读
【2024 年 3 月】终于有时间去西贡食 bookmark 咗好耐 Dutch Baby Pancake ~~cafe 店面不太，平日中午都几旺好彩刚好有两个靠窗位置，唔使等位日系木调装潢，加上靠窗位有日光透入感觉舒适写意 ~~儍妈点咗份招牌 Dutch Baby Pancake。无花果 Dutch Baby Pancake HK$72 班戟以铸铁锅上枱，卖相吸引热烘烘班戟外边焦香酥脆，中间柔韧绵软，充满蛋香配上无花果和蜜糖，甜度刚刚好，仲有核桃增加口感但是建议 +HK$22 配多一球雪糕可以拣云呢嗱 / 豆腐，儍妈就拣咗豆香满满嘅豆腐雪糕一冻一热，冰火交融嘅口感，超满足 ~~
儍爸。香葱鸭南蛮荞麦面 HK$98鸭肉鲜嫩油脂丰富汤汁香浓清甜带有鸭油香气里面仲有香菇和京葱，搭配荞麦面味道清爽不腻口
儍爸。Iced Latte HK$42儍妈。Flat White HK$38** 以上分享是以我的口味、体质和情况作出分享及感受，一试 / 合用与否请自行决定
继续阅读
生活很忙，但人总要有停落黎嘅时候，比起通宵饮酒，而家更喜欢安静落嚟，感受休闲嘅节奏，感受片刻的宁静，感受无感觉嘅感觉，抽离一下，放松一下。西贡行完山路过见到呢间日系装修、简洁舒适嘅小店，睇到menu啱胃口就入左去。地方唔大，但因为好安静，感觉都舒服。完美 quantify我当刻对宁静的追求🤍黑松露蟹肉沾酱配吐司蟹肉加芝士黑松露酱口感顺口，蟹肉份量多令酱身都比较实净，黑松露酱份量喏喏好，淡淡渗出香味又唔会过分浓烈抢风头。Sourdough就咁食都正！🤤香葱鸭南蛮荞麦面网上唔见太多人提及，但我觉得系非常好食！鲣鱼汁加上京葱香味令风味层次丰富，甜甜咸咁好平衡，配鸭肉系最佳选择！将荞麦面浸入热汤汁，冷面挂汁再放入口，非常满足。简单既配搭但带出复杂嘅层次，一级棒👍🏻无花果铁镬班戟即叫即做嘅铁镬班戟，热辣辣，边位脆脆的，但食落又会有啲烟烟韧韧嘅口感。味道方面，无花果味道较清淡，有少少畀蜜糖盖过咗，不过胜在好香蛋味，远远已经闻得到。呢款班戟尺寸唔算好大，作为下午茶配埋一杯热咖啡就份量刚刚好。😋😋😋
继续阅读
过到西贡先要黎落雨，唯有去食啲嘢坐吓，呢间Cafe再瘦都几靓，叫咗个黑松露蟹肉沾酱配多士，面包似系法棍包，烘得好脆，面包面粉味好香，好韧，有嚼头，我系钟意食法棍嘅，所以呢个面包我比较钟意，擦埋黑松露蟹肉一齐食，好开胃，脆口得来又烟烟韧韧夹埋蟹肉好鲜味，咸淡啱啱好，茶渍饭$58，叫咗铁观音一碗$68，茶香甘香，𩠌埋我𠮶个多士比较夹。
继续阅读
🎑和式cafe🪭 带俾你置身日本嘅感觉⛩📍地点：西贡🍽️菜式：cafe💰人均消费：下午茶 HK$80~150🔖服务费：✅🧻餐巾/ 湿纸巾：✅ / ❎🪑座位类型：方枱 / 吧枱📝落单方式：侍应生落单【抹茶红豆班戟】💰HK$82薄身班戟，有香脆口感，配上抹茶粉同红豆蓉。放系热辣辣嘅pan度上菜，仲有一球云呢拿雪糕球。【Iced Dirty】💰HK$48豆味浓，咖啡无落冰，唔会愈饮愈淡味。.#foodcourt #foodxcourtx #foodxcourtxSK#西贡揾食地图 #西贡美食 #西贡 #Cafe.Kachimushi @kachimushihk🏷️ 西贡市场街35号地舖
继续阅读