响网上见到响特色嘅霓虹灯下享受美食，就拣咗呢间店，作为生日晚饭。店内面积比我想像中细好多，座位唔系好多，但叫做企理。其实我地都有咩idea要食啲乜，唯有请店员去介绍。店员推介「真门西淋牛猪仁鸡 vs 虾兵蟹将PRO」听落唔错咁，就点呢个试下。首先要嚟个啤啤湿下口先，话哂天气都劲热。佢个啤酒味以手工啤，但又冇手工啤果种麦味重，饮落去好舒服，好滑嘅感觉，特别适合炎热嘅夏天。第一道上菜嘅菜式系「蒜香辣罗勒蚬肉蕃茄意粉」，望落去好辣咁，但味道系好香浓惹味，本身蕃茄酱已经开胃，加上辣粉更加一流。第二道菜式系「真门西淋牛猪仁鸡 vs 虾兵蟹将PRO」，视觉上的确好震撼，最吸睛嘅波士顿龙虾🦞、猪仔骨、西冷牛扒、鱼柳、烧春鸡、炸软壳蟹同薯条，完全系视觉同味觉嘅享受，唯独系个西冷牛扒争咁啲，有筋同比较靭。最后一道菜式系「水牛城鸡翼」，系单骨鸡翼，望落去又系好似好难，鸡翼腌得非常惹味，而且炸得外脆肉嫩，呢道小食值得推荐。埋单一千多啲系平，但唯一唔好嘅地方，令我哋赶住走咁嘅系冷气不足，边食边流汗，店员亦好无奈表示，冷气开去最大。值得一赞嘅系店员好有耐心介绍合适我哋嘅菜式，而唔系随意介绍，佢介绍嘅菜式我哋都好满意。…查看更多
