James Bonbon Bakery

因系附近返工，偶尔会帮衬。一直觉得价钱贵，包又唔系特别出色。今次放工顺路想买个早餐，见到货价上有杂粮包，标签写欧陆杂果包$28，比钱时拍卡后见到$45，以为自己睇错价钱，比左钱就准备离开。离开前睇多次货价，系标$28，于是问收银人员「唔系28吗？」阿婶头都未抬冷漠答「45」。唔想浪费时间便离开，心中好唔舒服，点解系咁？收银解释一句放错标签都好，终于知道点解评论都话比钱买气受。第二日仲食出核桃壳，差点割伤。如果系小朋友，几危险？以后都唔会帮衬…查看更多

又冻又韧，个样又好似畀人坐扁咗咁一直对其麻糬产品抱有期待，可惜今次一试，水准下降得太多，体验非常失望。​作为招牌的麻糬包，我买到的竟然是又冻又韧。麻糬本应有的软糯弹牙口感荡然无存，取而代之的是冰冷与难嚼，完全辜负了「麻糬」这个名字。面包本身亦无甚香气，口感实实的，味道平平。​这样质素的出品，其定价显然性价比极低。以这个价钱，在香港能找到更多新鲜出炉、用料讲究、且温热松软的面包甜点。​曾经的人气名店，如今出品如此失色，实在教人惋惜。希望店方能正视产品的品质问题，尤其是招牌商品的温度和新鲜度，否则难以维持口碑。这次的麻糬包，我个人是唔推荐。…查看更多

Ms.收银员态度恶劣！简直人间极品！其实如果做得咁唔开心。。。可以退休吧！老板可以换咗佢，相信你嘅生意可以上市！如果系亲戚，咁可以断绝关系吧！个人认为包系好食的！麻糬就一般总之态度就令人情绪不安，如果大家想挑战吓可以不妨一试探访下Ms.收银员…查看更多

今日2015年8月11日星期一下午路经此店，以前买过牛角饱、葡挞、巴士克，都觉得几好。但系今日买左苹果肉桂饱同奶香花生鸡尾饱，质地嘛嘛，馅料份量比其他地方嘅较少，面包部分食起嚟质地有啲太实、太硬，但我本人最唔钟意嘅系好黐牙。希望可以关注吓、改善吓啦！…查看更多

呢间野真系好无礼貌！7月28号我妈咪代我去James Bonbon买蛋糕比两位朋友我妈咪去到后唔知应该拣咩口味，于是打电话问我(妈妈电话无上网)，但系我𠮶阵开紧会，我就叫我妈咪问店员可唔可以WhatsApp影啲蛋糕款俾我。店员好冇礼貌咁话「唉 又要影比佢 衣加好在无人啫 忙既话我真系睬你都傻」如是者我就系whatsapp同店员沟通，我已经三番四次同店员讲听唔到录音，因为开紧会，问佢可唔可以打字，但系佢都坚持录音，最后拣咗个细size芒果蛋糕，同埋写生日牌之后我妈咪接咗我仔仔放学之后就去返James bonbon度比钱同埋拎走个蛋糕。而个蛋糕本身系我仔仔出钱买俾两个姐姐，个店员就话「买咁细个蛋糕 失唔失礼人呀」哇！大佬，小朋友同我妈咪当下真系好尴尬唔识俾反应讲真，我地买个蛋糕只不过系走个仪式感，唔系拎嚟食饱个肚，而且系一个小朋友既小小心意，你讲呢句野系几伤一个幼稚园小朋友既自尊心？之后仲要嫌我地搞得耐，话我哋搞咁耐但买个细蛋糕。大佬，你舖头出得呢个size嘅蛋糕就预咗人买㗎啦。咁都要俾个店员歧视？而且我一早同你讲咗我开紧会听唔到录音，系个店员自己不断喺度录音，唔肯打字，先搞咁耐。我妈妈夜晚同我讲番呢件事，我真系好嬲，我妈妈话当时店舖入边系冇客人。我哋就上网揾James bonbon电话，电话入面𠮶个人话佢自己系老细，我同佢讲晒件事，要求个店员打电话嚟道歉， 我唔知系老细包庇定系店员唔肯，总之店员到最后都系冇打过嚟道歉。个老细仲要话「小姐，我谂你未做过饮食业」我真系O晒嘴，礼貌系个人情操，唔系饮食业/其他行对独有啰佢𠮶晚都唔肯道歉，我嬲嬲地，而且个老细好似乜都做唔到，又包庇咁。我就WhatsApp番𠮶个电话闹返个店员。而到最后件事都系冇处理，亦都冇道歉。之后我上社交平台啲post见到口中所谓嘅店员 好多时都出现喺社交平台post嘅相入面唔知个店员其实系咪就系老板娘呢？…查看更多