J'aime Pain

燕麥奶經常飲用燕麥奶整茶餅即刻試下開心果茶餅外表呈金黃色質感綿軟略為黏口粒粒果碎有口感可惜開心果味比較淡原味戚風蛋糕看似簡單又平凡蛋味香食落鬆軟有彈性#J’aime Pain📍旺角亞皆老街100號地下B號舖#dcb食在香港 #dcb吃喝玩樂 #dcb旺角 #食在香港 #香港美食 #美食 #旺角 #麵包 #旺角美食 #戚風蛋糕…查看更多

今日經過開旺角東，見到有間麵包舖未試過，入咗去買咗包芝麻吐司第二日做早餐見麵包舖裏面嘅麵包大概都係$10-$20個，價錢同大型連鎖麵包舖差唔多，而家咩都加價，真係食個麵包都貴過人黑芝麻吐司$11一包麵包裏面有兩塊黑芝麻吐司，喺個色彩就充滿黑芝麻嘅味道第二朝用焗爐焗一焗熱熱地食，麵包都尚算幾鬆軟嘅，但有少少空氣包唔係好食得飽黑芝麻嘅味道唔算好出，雖然舊麵包黑鼆鼆，食落唔係好覺得有黑芝麻味下次可以試吓其他產品，睇吓有冇得平反下…查看更多

旺角的隱世麵包烘培店，自成立以來，一直都很受歡迎，光顧的甚至包括跨區的捧場客。除了門面特別的設計吸引外，店內的透明度高，除了陣陣的麵包香味，更見到麵包師傅認真地在烘爐前為大家忙著烘培出一盤又一盤的新鮮出爐麵包和蛋糕等美食。有別於一般的麵包店，這裡提供的款式都是比較與別不同的特色包點，咸包方面，個人比較喜歡芝士煙肉法包，咖哩薯仔炸包，洋蔥蘑菇煙肉包和粟米麻薯包等，甜點方面，除了冬甩和迷你牛角酥外，入口即化，甜而不膩的紫薯和綠茶蛋卷更是不容錯過的選擇，值得一提的是很多女孩喜愛的馬加龍這裡有售，而且比較外面便宜，一盒6件只售$60，多吃幾件也無妨啊😉…查看更多

話說以前成日都去買牛角包！咁岩今日搭車經過☺️心血來潮早一個站落車去幫襯 但係員工阿姐說話態度真係令人唔想再去🙃包係出色而又吸引 味道亦都唔錯 但記得麵包都唔平 員工態度真係要改善 唔係真係唔會再去…查看更多

負責賣包的女工服務態度很差！請著D倒米壽星！反而麵包師父戴眼鏡嘅叔叔態度很好。麵包造得不錯、用料很好，所以經朋友介紹後就算店址比較偏辟，都會經常分10多分鐘由旺角行入去買嘢。出品90分，只係賣餅員令人極之失望、甚至憤怒！…查看更多

好似經過太平道，都總會聞到勁香嘅麵包味，礙於每一次都有嘢做，所以就費事買今日見整完嘢就返公司，所以就買咗啲包返去請同事食佢哋嘅鬆餅係幾好食，味道唔算太甜，仲要係用燕麥奶整，感覺上健康啲。三種唔同嘅口味，自己最鍾意就係原味。下次都可以再試吓佢哋嘅其他麵包款，佢哋嘅法包都幾吸引。仲見到佢哋有蛋糕，或者其他甜點，呢個都係留返下次再試要注意返，佢哋麵包唔係大型連鎖店咁樣獨立包好。我自己就唔介意嘅，如果介意嘅朋友就要留一留意啦～ …查看更多

雖然呢間麵包舖都唔平，不過畢竟它位處於非常昂貴的地段，太子太平道一帶，而且屹立多時可以看到它的曲奇以及蛋糕都款式挺多，這個三文治包，內裏很豐富，又有芝士、又有煙肉、又有些肉鬆，醬汁有夠多。雖然肉鬆本身是偏乾的食料，不過不知為何，夾在麵包裏面吃，往往都相當可口，而且加入醬汁，輕微酸，味道相當不錯。而且，它不像OK便利店又或是山崎麵包那種三文治，只有兩篇薄薄的就叫三文治，它的確用比較厚實的麵包，切開做成三文治， 10多元，至少夠飽夠質感。同樣都要10多元一個麵包，你看這間比起長沙灣那間新開的麵包店，美味多了…查看更多

周六早上經過這裡, 帶着幾分肚餓走進了此麵包店, 被它那香氣及款式吸引着, 最後買了5粒比較特別的迷你五式批杯來試試. 賣相不但吸引, 外形又“的骰”, 每個也各具特色, 一口嘗盡不同的風味.5式-- 分別有蔬菜、 三文魚、 磨菇蒜蓉、 芝士番茄 & 薯蓉.三文魚那個批真的放了一粒骰咁大的三文魚, 童叟無欺！而芝士番茄帶點“ 羶” 🤔為何呢？ 我相信是芝士用了偏“ 羶” 那種吧？！好有偏意式麵包的感覺, 店內的麵包也頗有創意. 除了基本傳統那些以外, 也有自己的特色, 值得欣賞呢！…查看更多

一開始就比佢個外型吸引左，成粒章魚燒咁大大粒圓形好得意😝.本身都好鐘意食章魚燒，特別係個醬汁🤤所以呢個麵包好有創意👍🏻入面係滿滿既吞拿魚😋食一粒還可以，因為略咸左少少。.環境❤️❤️❤️衛生❤️❤️❤️人手❤️❤️❤️食物質素❤️❤️❤️❤️禮貌❤️❤️❤️選擇❤️❤️❤️送菜速度❤️❤️❤️座位數量 0️⃣攝影環境❤️❤️.5❤️為滿分.J'aime Pain (旺角)地址：旺角亞皆老街100號地下B舖 營業時間： 星期一至星期日 07:00-22:00.🥯吞拿魚章魚燒包 💸價錢： HKD$13…查看更多

1. 煙肉麥穗（$16）呢條麥穗個樣好吸引，基本上其他包我都冇理到就直接買左佢。我焗返熱佢再食，食落好脆口，雖然係法包，但佢唔會好硬好韌，但個包本身就冇咩味。煙肉焗香左有加乘，而且上面既胡椒味好重，為冇乜味既包體加左唔少分…查看更多

J'aime Pain, best kept secret in town for bread lovers. Bread, cakes, cookies freshly baked hourly with friendly staff served with passion.Must try items:Cookies PalmierRed kidney beans and cheese rollPandanus leaf flavoured/ coffee flavoured bread…查看更多

麵包舖位置較偏，一入門口見中間的櫃放滿迷你包，好多款式，價錢係以g計，感覺好均真，包控表示可以一次過試好多款好開心😋迷你紫薯芝士: 個樣幾特別， 但其實只係一個麵包加幾粒細細粒嘅紫薯同少量芝士係面。芝士同紫薯粒都冇乜味，而且兩樣都有d硬，似係食咗一個普通偏甜嘅包迷你朱古力冬甩: 初初夾嗰陣見到墊底張紙好油，以為會似放題食到嗰d一pat油淋淋嘅麵粉漿咁，但佢唔係！唔單止一d都唔硬唔乾，食落仲唔油膩，偏軟熟，淋喺面嘅朱古力醬就唔太突出，純粹只係用嚟裝飾，整體甜味比較低，有驚喜！迷你朱古力牛角酥: 中間有少少朱古力醬提升咗甜度，但就同我預期嘅一樣唔酥脆，亦都較油，欠牛油香芝士qq波: 細細粒，一啖食得曬，外皮唔乾身亦都唔油，內裏煙煙韌韌，有咬口👍🏻芝士味唔會好淡亦都唔會好濃，咬耐d芝士味就越黎越香，食完之後芝士嘅鹹味先會出，第一次食到咁嘅芝士麻糬波🤤我total買咗5粒芝士波，以上甜包每樣1個，夾埋只係$23，幾抵食！下次會試埋其他款😋…查看更多

蘆荀芝士脆薯法包 $14-無論包嘅款式定口味 都好特別嘅一間包舖太多款都想試 所以靠一句「店長介紹」就揀左佢外面法包體幾煙韌 內裡面層有少少芝士下面就係打到碎哂嘅蘆筍渣配脆薯粒口感好豐富 鹹鹹地 一啖有哂薯粒同法包 岩哂澱粉控！…查看更多

話說大食會之前book抹咗呢間麵包舖好耐，但係由於佢個位置比較偏僻，次次去親旺角都唔係好想行咁遠去買終於今日去咗旺角行街，的起心肝行過去買啲麵包試吓款式都幾多同埋幾特別，終於揀咗陽光玉米包同埋瑞典肉丸脆薯包<陽光玉米飽$21>陽光玉米包係家庭裝麵包，總共都有七班八塊，麵包食得出係高級麵粉，就算第二朝食都依然鬆軟，不過玉米粒擺咗第二朝嘅時候已經好乾<瑞典肉丸脆薯飽$13>肉丸食落有啲似IKEA嘅瑞典肉丸，加埋秘製醬汁，係幾好食嘅分量細細個，食完之後仲可以食多塊玉米包…查看更多

近來幾鐘意食J'aime Pain嘅車打芝士軟法包, 質地一啲都唔軟, 但唔知點解叫佢做軟法包, 明明平時呢隻係一般法包. 佢啲車打芝士好夠味, 一咬到芝士粒成個口就好香, 芝士個酸味偏重, 酸味令到芝士味好突出. 仲有平時我覺得芝麻係得個樣睇, 唔會真係食到咩味, 但呢個黑芝麻好加分, 成條包都有陣陣芝麻香, 嗰陣香味就好似焗爐烤出黎嘅香味, 我可以一次過KO成條! 一條$16, 有需要可以搵店員切開.芝士粒唔係放好多, 但勝在芝士味夠濃, 咬到一粒接住幾啖都仲有芝士香係口.…查看更多