Itamama Bistro

营业中

休息中

每次行過都有長長嘅人龍排烤雞，今日終於無咩人排隊就行過去睇有咩茶餐食，服務員好熱情，見到放係外面個menu嘢食都算吸引，就同朋友入咗去試吓啦！叫咗個松露炒蛋牛角酥配薯條 & 牛菌汁雞扒焗長通粉黑松露好香 牛角酥好脆 好好食！再去食嘅話應該會再encore份量剛剛好嘅tea set!長通粉不過不失啦，有芝士焗唔會差得去邊嘅叫呢個係想試吓啲雞係咪咁好食 又唔差喎 夠厚夠肉汁 但未算好驚喜餐飲就一個叫熱朱古力、一個叫熱檸蜜檸蜜有啲甜，不過可接受朱古力就似粉沖個隻，都ok嘅值得一讚地方乾淨，裝修有時代感，服務員友善

平時甚少去樂富呢一區食飯，夜晚要去附近醫院探病，探病後就去地鐵站附近嘅樂富廣場食晚飯，聽講呢間西餐廳質素唔錯，位置都幾寬敞。我哋叫咗溫泉蛋凱撒沙律，黑松露煙肉菌皇忌廉汁闊條麵，烤西班牙豬鞍扒，手工意大利巴馬火腿火箭菜比薩。溫泉蛋凱撒沙律$48沙律有意外驚喜，菜好新鮮，沙律汁係自家調配，有微微嘅洋蔥味，沙律分量亦不少。黑松露煙肉菌皇忌廉汁闊條麵$74雜菌嘅份量好多，有黑松露嘅香味，因為肚餓嘅關係，所以覺得好好食。烤西班牙豬鞍扒$148豬扒配上烤茄子翠玉瓜，薯條，肉汁薯蓉，自家製黑醋薑汁。豬扒鞋左少少，烤菜好juicy做得唔錯。手工意大利巴馬火腿火箭菜比薩$78今日個火箭菜就麻麻哋，食落去好苦，結果我要整走啲火箭菜，先食得落個薄餅。

今日同業男性朋友約咗我嚟呢度食午餐，因為佢要喺呢個商場辦年貨，我點左我上次喺何文田廣場分店食過好食的以下食物，水準都保持得很好：1. 午餐- 帆立貝菌王海鮮濃蝦汁意大利飯（$65），味道好食過喺銅鑼灣新開來自美嘉的Red Lobster的龍蝦汁意大利飯，除咗個汁好味之外，係因為佢唔會膩，而且有蝦、青口和帆立貝。2. 午餐套餐加配水牛城辣味烤雞翼（$8）冇乜特別3. 午餐套餐加配芝士白汁煙肉焗西蘭花（$15）呢個好食，今次鹹左少少。4. 朋友叫了一個凍檸茶走甜（加$3）佢話好好飲5. 午餐-黑松露菌王煙肉忌廉扁意粉（$62），因為料頭配搭夠香，做出來的味道很好，鍾意食忌廉的會好鍾意。6. 每次都叫嘅法式田螺焗薯蓉（$42），有六粒，每人三粒，呢個做得比一般嘅港式扒房好7. 奇異果檸檬特飲（加$8）- 朋友飲完一杯凍檸茶走甜唔夠喉想飲杯有汽嘅飲品，佢話OK啦！夠gur！8. 我飲咗兩杯凍檸茶少甜，好明顯配方唔同咗，比之前好飲咗好多，飲一杯唔夠喉，第一杯跟餐加$3，第二杯要$22。真係做到少甜！雖然見唔到檸檬一塊塊，但係飲到有檸檬核，卻沒有檸檬皮的苦味！埋單$247，每人$124，抵！

見到唔錯入去試吓中午時間十二點左右唔使等位直入😊叫咗三個午餐海鮮意大利飯（太濕啦！蜆肉有沙！😣）凍飲加$3（很好味）炸魚柳蛋蓋飯（好好）我個摩卡咖啡加$10（用紙杯非常反感，拉花唔掂，竟然甜到爆）服務員非常好👍🏻食物質素都尚算OK🥳整體來講都可以合格😊不過還有很多進步空間😅希望下次再去有待改善💪🏻🤫加油💪🏻始終我哋喜歡這格式的餐廳🍴仲有見到自家製麵包添🍞🥯🥐🥨🥖下次有機會都試吓😙

嘩…樂富都開左喎，去食下先依間嘅職員個個都好好笑容同有禮貌，超正我叫左個溫泉旦肉醬長通粉😍隻旦好滑滑呀肉醬味又夠濃，重有大大樽芝士粉比我+辣椒仔供應🤗佢地嘅咖啡好得，唔落糖都好好飲，一杯飲完，會有番靈魂嘅咖啡🤣😂朋友叫正，雞排唔記得咩旦飯我同朋友見到碟飯，立即塊雞排大塊過我塊面囉🤣肉質不錯，有汁🤨中層嘅旦蓋飯，好大塊旦喎好滑呀😏d飯大碟到，我個黑洞朋友，都話夠食另外，堂食完，可以+$8食到杯😍😍😍超濃味軟雪糕，正到爆（就禁買要$18架）依間，重有新鮮出爐面包部，重可以簡左包，坐下叫杯飲品食。🤗下次再來食先

剛搬到樂富，又適逢就嚟冬至，去到樂富中心見到尼間餐廳外貌ok，又是吃意大利野，好期待即刻入去試下，叫咗1)黑松露白汁焗薯條，2)法式田螺焗薯蓉，3)青芥末煙肉菌皇意大利飯，4)帆立貝海鮮龍蝦汁意大利飯，飲品叫咗5)芒果果凍，6)朱古力咖啡奶凍;首先講個焗薯條超正，有黑松露又有焗薯條味好掂👍，另外田螺就一般都ok，講到2個意大利飯都好正，尤其青芥汁果個好特別，有芥末味又不攻鼻好得呀而帆立貝海鮮個飯龍蝦汁好濃郁好正👍講到飲品味道好掂，好似飲緊蛋糕咁特別，good take 下次要試下D牛扒先😁

前排朋友仔同慶祝生日，所以就約出來食飯，朋友係樂富返工，佢話樂富新開左一間較平民化的意大利餐廳，叫itamama，佢send左條openrice link比我地睇，我見到啲食物真係唔貴喎，所以我地最後就決定食呢間。唔知係咪因為間嘢新開無耐，定係因為我地平日去食啦，餐廳入面都不算太多人，menu人面嘢食花多眼亂，我地最後揀兩個小食，分享係黑松露醬薯條同柚子蜜雞翼，主食方面就叫左黑松露忌廉煙肉寬條麵、米蘭肉醬溫泉蛋寬條麵、Parma Ham pizza，飲品方面叫左主食部份有半價，我同其中一個朋友都係揀左熱情果特飲，另一個朋友就叫熱朱古力，甜品就叫左忌廉焦糖燉蛋同咖啡燉蛋，本來想叫三個，但佢得返最後兩個，所以只係叫左兩個，好彩叫左兩個，因為都真係好飽好漏。先講下個小食先，黑松露醬薯條，啲薯條都幾好味，全身味道我覺得有少少似薯角個啲味，而且個黑松露醬鹹味和香味適中，我啲朋友有話多啲濃啲黑松露好啲，我就覺得已經ok，反而太多會似煤氣味。而柚子蜜雞翼都幾正，一來佢個隻柚子蜜唔係人地一般沖來飲的柚子蜜的味，係甜甜帶少少微酸，而佢的雞翼係炸過的，所以好香脆，唔會話加完汁之後就變淋，所以幾正。主菜方面

去樂富係為左玩同影個場嘅聖誕佈置嘅，咁跟手係對面求其揾食。主要見門口麵包幾吸引，就決定入去食了。三文魚滑蛋蓋蕃茄湯天使麵，重點在個湯好味，我飲晒。點都要叫返個菜食，菜款不多，芝士白沖煙氝焗西蘭花，幾好味，煙肉唔太多，白汁唔太咸。炸魚薯條，一向鐘意食，不過個炸魚細塊左，可能將貨就價，因為佢都算平，$42一客。原來半價就有一杯特飲（沙冰除外），總之點都要叫返杯西柚檸檬特飲啦！半價喎。原來好飲，有鮮果肉加梳打水，好balance，想encore，不過飽了。整體價錢合理得黎講，都算抵食同好食。普通茶記再高級少少。最後，用張單，加$8，有個純朱古力軟雪糕，好味呀！

昨日早上食過早餐，好好味，餐廳環境及食物都幾好，所以今晚唔煮飯，又來食晚餐今晚點了松露野菌汁雞扒焗珍珠飯，煙三文魚蟹籽蛋炒飯，黑松露煙肉菌皇忌廉汁濶條麵，蕃茄芝士焗肉丸•蒜蓉包，還有特價籠蝦湯兩客，全部都好好味，蕃茄芝士焗肉丸附有兩條蒜蓉包，記得留籠蝦浸來食。餐廳每日都有一款特價食物，星期一是牛扒，星期二是豬扒，星期三是雞，星期四是籠蝦湯，今日是星期四，故唔好執輸，點都要試，雖然是特價，但都好足料。

前兩日下午五點半路過此餐廳，見排長龍，以為新開，所以咁多人，原來是等外賣-燒雞，每隻三十幾蚊，好似分段時間賣，剛好五點半是開賣時間，所以好多人。今日放假路過，醒起喱間餐廳，便試吓，樂富有好多餐廳有早餐食，嚟到喱間居然要等位，心諗應該好食，果然幾好食，點了兩個早餐1029，蒜香牛油厚多士好味又脆口，貝殼粉比較硬咗些，餐肉及香草豬肉腸油多些，要用貝殼粉剩下既湯沖下先食，餐肉很厚身，比起一般茶餐廳厚，以三十五元價錢，抵食。

今早真的超失望, 一間我都幾喜歡食的餐廳, 居然大失水準. 我點了一份 “鮮奶炒蛋牛角飽” 用木板上的, 恐怖的事情發生, 木板上長了滿滿綠色的發霉菌, 通知侍應(不禮回應), 又話經理12點先返,  換上新一份, 做錯食物都算, 木板是爛的.  

樂富最近開左幾間餐廳，星期六搵左呢間黎試下。松露野箘滑蛋牛角包一放低就聞到黑松露既味，食落有蛋香，磨菇亦切得細粒，有菇既香味，仲有幾條好香既火箭菜，食落有唔同層切既香味，而牛角包亦有脆邊同牛油香，成個包都有警喜。豬扒香草腸公仔麵豬扒份量好足，香草腸同個公仔麵都無咩特別，最有印象係個湯，好濃味，唔錯。凍檸茶呢杯都有驚喜，唔係配一塊塊既檸檬，但有好濃檸檬味，應該係加左新鮮檸檬汁，同打碎左細細粒既檸檬味，正。

樂富廣場有新餐廳開了，我們去了食下午茶，星期六下天好多人，幾乎滿座，我們就先看看有乜食先，見到有特飲好吸引，不過原來下午茶餐唔包的。我們就叫左兩個牛角包+8元轉特飲。餐廳幾大，已經有好多人叫左兩個下午茶餐，另外加8元可以轉特飲，一杯菠蘿檸檬特飲，一杯熱情果檸檬特飲。兩杯飲品，幾靚的賣相，菠蘿酸酸地的，好有氣，唔會太甜，熱情果好好味，酸酸甜甜，好舒服。煙三文魚牛角酥配薯條，賣相吸引，薯條炸到金黄色，三文魚都唔少，牛角包好鬆化。野菌芝士炒滑蛋牛角酥配薯條，炒蛋好香又夠滑，加埋野菌更加香。

實在係一試難忘，所以今日星期六早上返工前要同同事再來食多次繼續encode好好味的魚柳餐，魚柳即叫即整。所以需要時間較長，如果趕時間的就唔好選魚柳啦今次就加3 蚊轉左做蒜香多士，因為上次同事叫，果種香氣傳晒過來，覺得超級香，於是今次我都試下先蒜蓉味冇想像中咁濃，可能今次輕手左下次要mention佢多蒜先得魚柳水準依舊。炒蛋亦都係滑lulu的仲有隱藏左係炒蛋下的神祕薯蓉好好味ar~有d像蛋包飯咁，而家就蛋包薯蓉

今日同同事食lunch, 試了間新開的itamama一來到有種高級餐廳的格調，但意想不到的係價錢好抵食我選左炸魚柳配炒滑蛋餐，凍朱古力+$3蚊，另外英式鬆餅+$5轉了牛角包...埋單只要$50蚊好抵食魚柳set包左炸脆魚柳﹑豬肉腸﹑炒滑蛋﹑千島醬沙律同英式鬆餅(我加錢轉了牛角包), 而炒蛋底下仲鋪左薯蓉，超級好味仲有其他黑松露炒蛋牛角包/粉麵餐之類，選擇好多而且又抵食呢個價錢真係可以吸引到我地成日來班襯以後會經常來