Isaak's (已結業)

唔使 $300 就可以叫到 3 个𩠌，性价比非常高！最推荐嘅系泡菜煎饼，会回头试埋其他菜式！！ 泡菜煎饼 $98 ｜首先惊喜既系$98 呢个价位，真系抵食，因为印象中泡菜煎饼平均都去到 $128-$148。唔系话特别大块，但系三个人食都够晒满足。外层煎到金黄薄脆，边缘微微焦香。泡菜味已经渗透入面团，泡菜嘅份量感觉唔多，不过味道嘅存在感充足。内层口感软绵绵，有啲似番薯。单食会感觉有少少淡味，但点埋酱汁就啱啱好。注意：如果点多咗就会偏咸。总括嚟讲，泡菜煎饼系呢餐嘅亮点，绝对值得 encore！ 鸡胸肉沙律 $78 ｜食沙律就系谂住健康啲，但系黐线佢个鸡胸肉系炸过㗎，好食！沙律汁系浓稠醋汁，就会「结」喺菜上面，唔怕点唔到酱，不过份量太少了，食到尾会有啲菜完全冇汁，变得有啲单调。如果你纯粹想食多啲菜，咁呢款沙律系可以接受，但如果期望系丰富又极具层次嘅沙律，可能会稍嫌普通。 炸酱面 $78 ｜有啲炸酱面唔知点解有一种奇怪嘅「gas」味，但我又总唔心息想试。呢度嘅炸酱面最正系口感，酱汁浓稠，面条挂汁能力一流，每一条都黐满炸酱，入口好滑好浓郁。面条偏软身但带少少咬口，似粗身拉面。至于味道方面，炸酱系淡淡嘅黑豆味，冇𠮶种令人却步嘅「gas」味，但整体味道会稍嫌太淡，未算突出。 环境｜呢度嘅环境值得点赞，地方非常阔落，6人聚餐都可以坐得好舒服，枱同枱之间有足够距离，完全唔会有压迫感，呢点真系加分！ …查看更多

喺香港要食韩国菜唔难，但有一样我好钟意食嘅嘢 — 콩국수（豆浆冷面），呢样夏天消暑佳品就唔系间间都有得食🥹 今次我哋人多，仲可以食到更多想食嘅嘢😻！🍜#콩국수（#豆浆冷面）：汤底有啲似豆浆，有香浓嘅豆味，夏天食真系一流。钟意饮豆浆嘅我，差唔多次次食亲都连汤饮埋😹 缺点就系通常冇𩠌，得啲青瓜，我有时会用泡菜𩠌嚟食🤭🥘#라볶이（#辣炒年糕拉面）：近排成日都好想食，但又觉得好邪恶🙈 咁啱今次有一班朋友食，就少啲罪恶感🤣 当中嘅 #김말이（#紫菜卷，即系中间包住啲粉丝嘅炸紫菜卷）好好食🤤😋🧀#치즈계란말이（#芝士鸡蛋卷）：身为芝士鸡蛋控，见到一定好开心😎 欣赏厨师会按人数切👍🏻👍🏻👍🏻🍕#해물파전（#海鲜葱饼）：都算几足料，满足到我呢个钟意食煎饼嘅人😛🍗#양념치킨（#甜辣炸鸡）：冇乜特别；唔知系叫得太多嘢定份量太多，相对有啲滞😌另外仲叫咗 #잡채（#韩式炒粉丝） & #갈비탕（#牛骨汤），整体嚟讲算唔错😀…查看更多

晚餐： Set B $420包括： 成锅上的现煮辣炒年糕+面（另上） 炸鸡：酸辣味 及 原味 香脆鸡 沙律菜 两柸饮品另外加了---虾紫菜包饭埋单计埋加一个锅好低食，即系现煮辣炒年糕，材料多，款式多，味道唔错，对于食得辣的人嚟讲，一啲都唔辣，食到好饱，好饱沙律菜： 摆盘靓，卖相好，味道ok, 几种颜色放埋一齐，见到都开心😍炸鸡： 会为你准备手套，方便食炸鸡。炸到外脆内暖，咬落有汁漏出，正呀😋（我钟意食酸辣味，少少辣+啲啲酸）😋虾紫菜包饭：味道唔差（开头觉得个餐唔够食，点知食食下都饱😌）…查看更多

其实我未去过韩国，亦唔识韩文，不过都几中意睇韩剧，所以落单既时候，店员用韩文同你讲应该系欢迎光临？！总之就系韩剧入面会听到𠮶句，呢刻就觉得好似入左韩剧咁。由于系韩国人开，仲同我讲韩文，虽然我听唔明，但点都会加左少少分。呢间餐厅都算几大间，每张台都好阔落，好适合一班人黎食，不过点餐就要出去点，点餐既时候会问你坐边张台，咁点完俾晒钱就可以坐低等食。今次叫左泡菜炒饭，因为早两日睇韩剧个主角煮左泡菜炒饭😂泡菜炒饭 + 冻柠茶 $75+$5个卖相唔错，不过小食就得一碟仔泡菜，见到其他同事叫左其他餐系有三碟仔既，正常黎讲食韩国嘢最少都应该系三小碟，可能泡菜炒饭唔算系正式一个餐🤔Anyway，最后我都系食唔晒，所以无咩关系，食唔晒系因为都几大碟。味道系唔错既，少少湿既炒饭，啖啖都系泡菜味，上面放左紫菜同煎蛋，唔算好丰富，不过系好味既。价钱黎讲我个人觉得少少偏贵，但系最近系尖沙咀佐敦食多左野，就觉得呢区既餐厅都系偏贵，咁变相呢个韩国餐价钱就。。算啦。以下系餐牌，其实都有好多唔同野食，其他同事都叫左唔同既野，目测系唔错既，希望下次可以试其他啦。不过美中不足系佢炸鸡真系好贵，我想食炸鸡但太贵喇，要食既话可能要一班人share比较化算😅…查看更多

韩国人开既韩式快餐店，先付款后按号码取餐。最钟意餐厅空间够阔落，张枱好大。炸鸡同炸猪扒蛋包饭系小编既至爱，另外，紫菜包饭、蛋卷、韩式伴饭、冷面同部队锅都唔错架。…查看更多