INN - I’m Not Nothing

营业中

休息中

之前聽朋友介紹這裏很多工廈都有隱世美食，今天下班特意來到荔枝角朝聖。進店的環境幽暗，氣氛浪漫。剛好最後有一桌空位不用排隊。我跟朋友2人點了燒安格斯肉眼扖伴紅酒燒汁($308)及香煎虎蝦蕃茄意粉($158) 2個主菜。燒安格斯肉眼扖伴紅酒燒汁比我2隻手加上的尺寸更大，厚切，擺盤配菜有火箭菜、紅蘿蔔、沙律菜。賣相精緻吸引。我們點了五成熟，切的時候十分鬆化，鮮紅色的肉汁緩緩流出，啖啖的紅酒香，肉眼扖肉質入口十分嫩滑，富有牛肉味道。香煎虎蝦蕃茄意粉，虎蝦有3隻手指粗，煎香后蝦殼都十分入味。虎蝦蝦肉爽口彈牙，蝦頭的蝦糕香濃。意粉長長的，充滿蕃茄味道，口感煙韌。最後來一客雪花冰甜品($108)，一大碗雪花冰，佈滿藍梅及草莓，賣相絕對是打卡首選。入口即融，帶點雜果的果香，混以練奶味道會更為吸引，絕對是夏天的必食解暑佳品。荔枝角的工廈簡直是美食的卧虎藏龍，下次可以再尋找更多不同的美食。

試過一次呢個餐廳品牌，環境好適合打卡，甜品都唔錯。荔枝角分店喺工廈，會更加想試下佢食物質素同打卡嘅環境，同另外兩間分店有無分別，所以今次就幫襯下。望下餐牌先環境似宮廷，但比較昏暗燒安格斯肉眼牛扒10安士伴紅酒燒汁--Medium Well$308肉眼七成熟，都唔會太硬，仍然有肉汁。配以各種蔬菜同薯條，味道非常足夠，所以呢度嘅燒汁都係比較清，唔會好濃好鹹。值得一提嘅係，呢度蔬菜，有比較少見嘅款式，例如BB紅蘿蔔。燒美國去骨野雞仔伴芝士乳酪醬 $198雖然餐牌寫去骨，但上枱都係有骨嘅春雞。燒得幾香，但唔點汁係無咩味道。芝士要趁熱淋落去，唔係乾左就只可以蘸。有醬汁之後，鹹味就會好足夠，可以配合埋薯條一齊點，唔一定要點茄汁。藍莓抹茶紅豆忌廉班戟 $78呢間嘅法式班戟幾出名，有幾款口味可以揀，所以會試下啲少見嘅款式。抹茶紅豆，本身就係日式甜品常見配搭，一般紅豆好甜，抹茶會無咁甜，甚至要苦，兩種香味自然好平衡。西式甜品一般偏甜，呢度都唔例外，所以呢度嘅抹茶忌廉都係好甜嘅。再加焦糖醬，班戟嘅甜有幾種層次，不過無飲濃茶嘅話，幾啖就會膩。藍莓用酸嘅生藍莓，所以呢個配搭犀利嘅位，就係加左藍莓之後，看似亂試

放工去荔枝角工廈搵食，呢間評語都吾錯，而且比較靜，好適合同知己或者拍拖去既地方首先點咗兩份主菜香煎虎蝦蕃茄意粉虎蝦好大隻，成隻碟咁長，好多肉蝦肉都好彈牙，意粉軟硬度適中，仲有好多蕃茄醬燒美國去骨野雞仔伴芝士乳酪醬雞有半隻，好飽，雞肉又多又嫩，皮乙脆脆地，又無肥膏，仲有好多配菜，芝士乳酪牆都好creamy 好好味最後點多一份甜品綠茶紅豆班戟加雲呢拿雪糕球好香綠茶味，紅豆又多又淋，仲有藍莓，忌廉同埋糖漿，加上雪糕大大個 ，好好味

浪漫工廈餐廳 · 適合拍拖 小聚會工廈入面有間西餐廳門口以白色為主裏面比較暗 營造好浪漫氣氛 感覺進入另一世界燒三文魚柳芥末籽意大利飯 $148芥末籽一粒粒融入意大利飯食落口感比平時意大利飯無咁油膩 燒三文魚燒到岩岩好無乾身 配埋意大利飯一流不是平時用好多cream 煮出黎既意大利飯慢煮西班牙黑毛豬鞍架伴香桃醬 $238香桃醬應該唔係人人喜歡但值得一試因為好好食黑毛豬慢煮鎖住肉汁咬落好有厚感而香桃醬比較清新 非常夾Melon Kakigori 🍈 $108綿綿冰一定要叫真係好那好食 又大份生果大大粒 圍住個冰 加埋煉奶 甜得黎又有爽口生果配搭

係D2 place睇完戲，老友話過對面億利介紹樓上餐廳，又好😍燒三文魚柳芥末籽意大利飯-店員會好溫馨咁講聲味道比較濃，果然好香濃芥末籽味，三文魚柳厚粒，risotto收汁控制得好，好好食燒美國去骨野雞仔伴芝士乳酪醬-雞烤得金黃，保留到肉汁，咬時雞汁一起伴入口，回味，底部有薯仔蓉及蕃茄，芝士乳酪比較杰，但好濃芝士，愛吃不要錯過😍期間限定-蜜瓜雪花冰-🥰跟相片一樣，大量蜜瓜同哈密瓜，雪花冰質感細緻，加上凍煉奶糖水，更加增加層次香甜味道，蜜瓜味度適中👍🏻環境舒服，一邊食一邊傾計好地方

億利不嬲都好多隱世餐廳，方便曬附近上班一族呢間西餐廳就係唔少人嘅「食好啲」選擇餐廳的裝潢擺設都走那種法式風情 夜晚的餐廳只靠水晶燈微微照亮著相當有情調不論是日間來、還是夜晚來都各有特色𓂅 蜜瓜雪花冰 ( ᴴᴷᴰ 108 )呢個夏日比以往更炎熱，當然不可以不吃雪花冰！話雖如此，有敏感牙齒嘅我真係好少食冰雲尼拿味嘅冰上配上水潤甜度八分的蜜瓜但呢個價錢，我就覺得配料有點單薄𓂅 香煎盲曹魚柳伴牛油忌廉汁 ( ᴴᴷᴰ 178 )呢到嘅主菜都好大份，盲曹魚也是打孖上魚本身口感結實，稍為煎得過熟𓂅 燒三文魚柳芥未籽意大利飯 ( ᴴᴷᴰ 148 )三文魚切成細細粒拌著Creamy的意大利飯店員特意提醒這道醬汁味道較重但偏愛重口味的我也接受到～

荔枝角隱世西餐廳🍴如果用心係工廈搵一搵，會有驚喜發現喔😌今次發掘的I’m not nothing , 就真係岩曬我心水，工廈裡找野食，雖然其貌不揚，但猶如在工廈裡找到一點綠洲，令人眼前一亮啊。完全沒有誇張，呢度環境有點浪漫，又有點花花點綴裝潢，岩曬情侶拍拖拖，亦岩幾位朋友仔來打卡聚餐架🤩野食方面味道👅都做得好出色，我就揀左幾款菜式值得推薦：香芒牛油果🥑大蝦沙律🥗伴秘製甜酸汁 $138色彩繽紛，必點秘製醬，十分開胃🤤寶雲酥羊排伴薄荷醬 $288我超級喜歡吃，外皮酥脆，羊肉份量三塊，口感嫩滑，十分推薦肉桂蘋果🍎班戟 $78食西餐點少得食埋甜品，靚靚班戟又靚味道又好食，滿足了甜品的胃啊😋

我最近去了一家餐廳，早前去過他們位於觀塘的分店，感覺良好，於是想去埋荔枝角呢間，果然有驚喜，簡直是市內綠洲，點了幾道菜： • 大蝦沙律• 龍蝦湯• 香煎帶子配菠菜白汁加多士• 雜莓棉花冰• 熱朱古力 生菜沙律非常清新，蔬菜新鮮，醬汁酸甜可口，是一道很好的開胃菜，而且大蝦彈牙、新鮮、野味。帶子多士是我最喜歡的菜式之一，外層炸得酥脆，裡面的帶子鮮嫩多汁，非常美味，波菜白汁調味剛剛好。龍蝦湯可說是這家餐廳的招牌菜，湯味濃郁，但不會太過過火，龍蝦肉鮮甜，味道很濃，非常好喝。我還想推薦一下這家餐廳的棉花冰，非常幼滑，消暑佳品。最後以熱朱古力作為總結，不會過甜，濃濃朱古力香味，完美句號。

INN有多間分店，呢間位於荔枝角工廈既裝修一樣咁靚，夜晚食少啲自然光，環境有啲昏暗，但反而更有情調。慢煮西班牙黑毛豬鞍架伴香桃醬 $238連骨豬鞍架好厚身，好多肉汁好juicy，個香桃醬有桃肉，酸酸甜甜同豬肉好夾牛肝菌黑松露意大利飯 $138個risotto 用菇汁煮好濃郁，牛肝菌好鹹鮮，唔會太腍好啱我口味👍🏻 一大pat黑松露係面頭再撈埋落去更香！Mixed Berry Kakigori $108期間限定沙冰啱晒夏天食，超級透心涼！有Berry、melon、綠茶味，揀左berry主要有士多啤梨同藍莓，個冰底係牛奶冰，香奶味但唔會太甜，另有一杯仔煉奶可調味😋 入面仲有麻糬粒，口感好豐富！

I’m Not Nothing呢間餐廳我由觀塘食到去荔枝角，歐式宮廷花園裝修有格調，食物又有質素，所以幾間分店都有keep住幫襯！晚餐叫左燒美國去骨野雞仔伴芝士乳酪醬同寶雲酥羊扒伴薄荷醬！兩碟都好大份，羊扒啖啖肉，又有少少肥膏，勁正！雞肉好嫩好多汁，我最鍾意係乳酪醬，好香好夾！好耐冇食過雪花冰，忍唔住叫咗個士多啤梨藍莓，雪花冰又滑又香，配埋生果，真係好啱夏天消暑！唯一美中不足就係空間唔夠九龍灣舊舖大，少咗啲打卡位，但係食物質素都係咁高！

原來宮廷嘅夜生活是咁的！好有情調呀都係俾美食包圍住！啲smoothie真係好吸引真材實料Feel到好多莓子但莓味奶味都剛好非常解膩~好耐無食過高質嘅羊架其實唔一定配薄荷醬先好食紅酒汁一樣Ok羊味道好鮮肉好嫩真正係5成熟食完一件想再接一件用芥末煮意大利飯原來咁特別一粒粒芥末籽好有咬口同三文魚粒一齊煮味道稍濃蟹餅伴檸檬忌廉脆多士係我鐘意嘅味道！清新微酸得嚟又有咸香配上絲絲蟹肉嘅蟹餅果然係小食都唔會馬虎

最近我到一家位於工廈內的西餐廳，享受了一次別樣的用餐體驗。這家餐廳的位置相當隱蔽，在沒有指標的情況下很難找到。不過，一旦進入，我被他們精美的裝修所吸引。一打開餐廳的門，我眼前展現出一個簡潔且現代感十足的用餐空間。餐廳的燈光柔和，幫助營造出一種溫馨舒適的氛圍。餐桌與椅子的設計簡單但時尚，為用餐環境增添了一抹優雅感。整體而言，餐廳的裝修給人一種輕鬆、舒適的感覺，讓我有種放鬆身心的感覺。我選擇了他們的招牌菜蕃茄虎蝦意粉和燒羊架來品味。蕃茄虎蝦意粉的色澤鮮豔，虎蝦在烹調過程中保持了鮮嫩彈性，為整道菜增添了豐富的海鮮風味。而羊肉架在烤製後外皮金黃酥脆，肉質嫩滑多汁。儘管這家西餐廳位於一個工廈內，位置偏僻且隱蔽，但他們仍然以精美的裝修和美味的菜品吸引了食客。這種不同尋常的用餐環境讓整體體驗更加獨特和令人難忘。如果您想要尋找一個位於不尋常地理位置，但提供高質量西餐的地方，一定不要錯過這家餐廳。

難得今日早左收工，就約左朋友去食個飯傾個偈😂朋友推薦佢返工附近有間餐廳唔錯，只要係我未食過我都會去試😂😂😂.牛油香煎蟹餅伴檸檬忌廉脆多士 $138蟹餅外脆內軟，入面有一絲絲既蟹肉。檸檬忌廉味道好似檸檬夾心餅，配埋蟹餅一齊食有種清新既感覺.海鮮墨汁意大利飯 $178呢個墨汁意大利飯同平時食既味道唔同，佢多左種鮮味，除左有虎蝦，青口同魷魚外，意大利飯混入左魚柳粒，我諗因為有魚柳所以提升左個鮮味，呢個飯好食！.燒美國去骨雞仔伴芝士乳酪醬 $198雞既份量多，兩個人share 食剛好，雞肉雞味濃，但調味唔重，不過醬汁突出，點埋芝士醬一齊食不錯.香蕉榛子朱古力班戟 $78班戟熱辣辣好軟熟，面頭鋪上香蕉片，中間有朱古力醬好邪惡

之前睇過網路紅人介紹億利樓上有好多餐廳，終於同朋友一齊去試食，記得入門口冇人講歡迎光臨坐低，自己感覺唔係好有善咁！我哋嗌咗蕃茄大蝦意粉、三文魚芥末籽意大利飯同埋慢煮黑毛豬鞍！🔸蕃茄大蝦意粉：一嚟到見到隻蝦好似縮咗水咁，啲汁多過意粉同埋好酸。🔸芥末籽三文魚意大利飯：記得落單嘅時候侍應叮囑我哋呢個飯會比較重口味，問我哋接唔接受到？我哋話OK但係嚟到食咗一啖完全唔覺得濃味芥末籽味道亦比較淡，雖然個三文魚唔腥，但係我覺得個大蝦意粉仲鹹過呢個飯！🔺最後就係要講一講呢個慢煮黑毛豬鞍，嚟到嘅時候擺得好靚，但係一切開咬咗幾啖，已經🤮反出嚟，咬碎咗之後一粒粒泥咁，感覺就係好似屋企煲湯嗰舊大大嚿嘅瘦肉咁樣，我真係忍唔住叫咗個侍應過嚟， 問佢有冇食過呢碟嘢，佢用一個好猶豫嘅反應同我講佢食過，然後我話呢舊肉同我屋企煲湯出嚟嗰舊湯渣嘅味道係一樣，又乾又鞋又冇味，佢講咗一句OK之後，就即刻收走咗我個碟野😕然後 有第二個黑衫嘅侍應行過嚟問我哋使唔使叫其他嘢食，但係我覺得佢完全冇跟進過點解呢碟嘢咁難食，佢淨係想問我使唔使叫其他嘢，我已經冇胃口同埋冇信心啦，埋單嗰下都完全冇事發生咁，我哋起身走都冇人同過我哋講拜拜，我真

工廈餐廳初體驗 之前一直好少去工廈嘅餐廳不過呢間真係要讚下 因為地點實在方便 嚟地鐵站兩分鐘 裝修又好少女style 啱曬啲女仔嚟打卡 嘢食方面仲係精緻嘅西餐 價錢就幾平呢度裝修好似羅馬宮殿風咁 服務都幾好 menu上面嘢好多西餐選擇 又唔貴 每一道菜都好靚今晚食咗個燒三文魚芥末籽意大利飯好creamy亦都好多三文魚夠曬豐富 賣相好精緻好靚 味道都好好食 好鮮甜甜品 綠茶紅豆班戟crepe 夠曬西式 重配上 藍莓生果 有大量嘅紅豆真係好甜綠茶班戟個味好出 好好食 非常之鍾意呢個 配搭 好鍾意呢間餐廳可以每個禮拜呢encall