INN - I’m Not Nothing

营业中

休息中

今日同媽咪去荔枝角行街，我一早做定功課搵下有咩餐廳好食，見到好多網友話呢間餐廳好食、環境又岩打卡，所以決定帶媽咪去食dinner，果然冇令佢失望餐廳環境好浪漫，燈光微暗，播放住啲懷舊西片同英文歌，好有情調。頭盤我地叫左牛油香煎帶子伴忌廉菠菜。帶子大大粒、煎得香口，醬汁有濃郁嘅忌廉味，同埋加咗啲洋蔥碎同菠菜係入面，好開胃。另外仲有兩塊香脆嘅麵包送埋，好貼心。主菜我地叫咗兩款，第一款係香辣蒜香鯛魚柳扁意粉。有兩塊大大塊嘅魚柳，意粉辣辣地，好惹味，仲有爽口嘅鴻喜菇做配菜，口感豐富第二樣主食叫左珍寶虎蝦墨汁意大利飯。虎蝦好大隻，新鮮彈牙，墨汁意粉味道濃郁，食落好滿足。飲品方面，媽咪中意抹茶，所以叫左杯熱matcha latte俾佢，價錢都好平易近人，只係$38。至於我想keep fit，就揀咗杯熱檸水，好解渴，而且檸檬好新鮮，一d苦澀味都冇

今日放工響荔枝角行街，上網搜尋，見到好多朋友推介呢一間西餐廳係人細美食小店，所以就去試吓，估唔到呢一間餐廳一食就愛上咗，我數學個頭好浪漫嘅氣氛非常好，燈光暗啲，而且佢呢間餐廳位置於億利工業中心，位置非常方便，喺荔枝角站嗰間，好啱大班朋友，情侶，嚟食飯，一齊慶祝紀念日，佢哋裏面嘅裝修好靚，乾淨衛生，而且我好推介佢哋嘅燒三文魚芥末籽意大利飯，賣相非常吸引嘅心機，而且佢哋嘅三文魚火候流利得好好，入口即溶，而且佢哋嘅燒味過去掛抵，真係好抵食，非常林，肉質鮮嫩，仲有呢度都有漢堡類，燒烤菇，芝士牛肉漢堡，賣相精緻，都係好吸引，一試就愛上了，而且呢度嘅服務質素都好高，服務有笑容，有親切感，咁講，所以我覺得呢度嘅服務好好，食得好舒服

今次嚟到呢間餐廳，一入去就見到環境好靚仔，先至講下啲菜！最先食嗰個燒三文魚柳芥末籽意大利飯，賣相好吸引，芥末籽掂刺刺個鼻，疑似迷失東京個種feel！三文魚柳火侯拿捏得好正，外層微啡，入口即化嘅嘢。😋燒美國去骨野雞仔就真係賊抵食，一刀落去，肉汁四溢，呢款同芝士乳酪醬嘅組合真係正！薯仔蓉夾雜軟綿同蕃茄嘅酸甜，好balance！最後嗰個蜜瓜雪花冰，我要讚佢一句，真係太夢幻！蜜瓜節節勝利，雪花冰輕盈得滑雪咁，而家諗起嚟口水都嚟哂，真係層次感十足🙌。最後仲有個意外驚喜，餐廳嘅擺設好有氣派，埋單走時心情特別好。喺呢度食嘢，真係食得開心，食得滿足，下次還會再嚟！🥰👍🏻👅

想試呢間餐廳好耐，今日同老公拍拖去食。餐廳裝修雅致，行輕侈風格，感覺舒服。坐低點咗兩個Set Lunch，包餐湯及飲品。餐湯(跟餐)﹕ 餐湯賣相好靚，一上枱，已經賞心悅目。如果我味覺冇錯，呢碗應該係栗米湯，飲到好濃嘅栗米味，湯好夠熱，滿意！燒烤菇芝士牛肉漢堡 ($138)﹕又一賣相精緻嘅菜式！去過好多餐廳食漢堡，呢間係第一間會放食用花嚟擺盤，未食先興奮！漢堡嘅包鬆軟香脆，燒烤菇多汁，牛肉juicy，整體水準令人滿意。薯條亦夠脆夠熱，讚！香煎北海道帶子龍蝦汁扁意粉($138)﹕繼續賣相精緻風格！食過唔少用上龍蝦汁嘅菜式都係偏鹹嘅，呢道菜完全冇呢個問題，一大驚喜！Avocado Smoothie (跟餐+$24)﹕要求走甜，侍應貼心的問埋要否走CREAM(好彩冇走，因為有CREAM杯嘢飲睇落靚啲。)。嘢飲就算走甜，仍然不失美味，因為杯嘢飲好重牛油果味，用料十足！Long Black (跟餐)﹕老公之選，佢讚杯咖啡after taste唔錯！值得一提，呢到嘅侍應服務態度非常好，我呢啲相機食先嘅食客，將食物拎到其他枱影相，冇話我不特止，仲幫我捧埋過去，超NICE。斟水又斟得好密，讚！

放假黎荔枝角行街，順便搵左靚靚餐廳食下野先~睇相見入面係歐陸宮廷風格調，仲有窗透自然光，好岩同女仔FD一齊入黎傾計打卡~南瓜明太子忌廉湯，濃稠惹味，口感順滑。菠菜忌廉汁脆煙腩意大利飯，脆煙腩夠酥脆，同意大利飯好夾。每啖都感受到脆煙腩既香脆同菠菜忌廉汁既滑順。菠菜既清香與濃郁忌廉融合，豐富口感層次。香煎北海道帶子龍蝦汁扁意粉，帶子香氣四溢又鮮甜，配上濃郁龍蝦汁，每啖都充滿海洋風味。扁意粉彈牙口感與龍蝦汁滑順口感完美融合，令人忍唔住一啖接一啖。Mixedberry smoothie，口感清爽，莓果沙冰酸酸甜甜又開胃！Avocado smoothie，牛油果口感較膩，飲落去飽足感好強！

荔枝角既工廠大廈上面隱藏左一間環境舒適既cafe 。午餐都有幾款選擇但我想食脆口野咁就揀咗英式炸魚薯條 - 魚柳厚身又大大塊，炸得金黃色，皮脆肉嫩，連埋粗薯條十分邪惡。

想去靚靚cafe打卡，結果超中伏經驗仲要有一道菜影得唔好，不過都係難食㗎啦，嬲到del埋張相，而呢個蝸牛係送既，水準不過不失！.湯品 粟米湯：冇記憶點龍蝦湯：你會食到新鮮龍蝦同罐頭龍蝦湯溝埋一齊嘅味道，好難飲，個種難飲係要加埋有龍蝦粉開湯嘅口感.意粉：就係碟意粉啦，難食到我影張相極度模糊，最後刪除埋，點樣難食呢？嗰個難食係茄膏加茄醬嘅茄汁意粉囉。酸到一個點….牛扒：普通水準.炸物：薯條普通，最好食係個松露醬；雞翼個皮超脆，但同時極油我覺得自己食緊空氣.甜品：Tiramisu: 冇蛋味，Affogato：普通到不能再普通，以為個咖啡會穩陣啲，結果都係不能.飲品：百香果特飲就是穩穩陣陣（即係唔好對佢有希望）.後記：同行嘅兩位朋友一致結論：四百幾五百幾蚊一個人食呢啲嘢，我不如去hotel icon, W hotel 食自動餐！

餐湯係粟米湯 普普通通燒美國豬肉眼扒💲138最好食呢樣 唔硬 冇晒蘋果醬轉咗燒汁有啲可惜香煎北海道帶子龍蝦汁扁意粉💲138濃味正常菠菜忌廉汁脆煙腩意大利飯💲118少少鹹煙三文魚蟹籽忌廉汁意大利粉💲128鹹到𦧲返出嚟食唔到 叫佢換過碟先好啲 薯條💲20 得茄汁 有松露醬就好啦加錢杯朱古力勁淡 唔會再叫🍚 平日lunch訂位有9折 但收加一

今日好開心同我屋企人去咗荔枝角搵嘢食，估唔到去到工業大廈，都搵到人間美食，係人西餐廳，食咗一次，覺得好有水準，一定要介紹俾朋友食，首先一間餐廳位置響荔枝角呢出口， 5分鐘，好快就搵到間餐廳，好容易搵，而且佢哋嘅裝修好靚，衛生企理有個獨立廁所，唔使響出面用公廁咁污糟，而且佢哋嘅裝修衛生程度高，有情調，燈光專登暗暗地，等顧客食得舒服，有一個浪漫嘅氣氛，都好啱情侶去都食㗎，而且佢哋嘅食物質素好高，西餐廳鋸扒，一定有你鍾意食嘅扒類，而且佢哋嘅意大利飯都好多款式，有意大利粉，我最推介嘅係佢哋嘅和牛漢堡扒蕃茄意大利粉，好開胃，份量十足，好多塊漢堡扒，真係好好食呀，而且佢哋嘅意大利飯都係好推介，又多汁濃郁，佢哋嘅醬料都係餐廳自己條配，所以好有心思，擺盤好靚，而且呢度嘅服務質素好高，侍應好有笑容，好專業，有賓至如歸的感覺❤️❤️👍👍👍

今次探險發現咗一間深藏工廈嘅餐廳，入面裝潢得好有feel，燈光搞到成個地方格外有範兒。首先，個燒安格斯肉眼牛扒，掂！肉質軟滑，咬落去肉汁四溢，呢個Medium Well做得正！佢嘅紅酒燒汁淋落去，一啖肉一啖菜，滋味足夠，完全唔使多嘈。跟住攞咗個燒美國去骨野雞仔來死壓底，燒香嘅皮脆卜卜聲，但肉味喺啲濃芝士乳酪醬下面有啲葛住，點埋啲酸酸地嘅薯條，啱啱好搭配！末段收功要黎個藍莓抹茶紅豆忌廉班戟，呢個絕對係畫龍點睛之筆😋。層疊嘅班戟軟綿綿，抹茶紅豆甜中帶苦，喺口中交織出意想不到嘅美妙滋味，加上脆嘅藍莓，簡直係噴發嘅味覺煙花啊！🎇總之今晚嘅食物質素同環境都係相當迷人，正所謂「寧願天天都食，都唔肯吃悶飯」，絕對值得再嚟探探！👍🍽️🤤

話說朋友見佢OpenRice有600個好評心諗應該都好食 唔好伏喇🥹一入場都未感覺到有咩唔妥晚餐時段已經的小貓3-4隻的客果陣已經心諗 唔係應該好旺場先岩落完單叫左main course分別叫左牛肝菌黑松露意大利飯（好鬼死鹹)頭1淡已經係咸到個嘴唇會縮 要係咁飲水的節奏因為叫左兩個意大利飯 都竟然心存僥倖 以為下個會正正常常可能果個落重手左姐！個龍蝦啲肉係分離左刮到一小撮肉碎出嚟食🥹重點係個飯！重點係個飯！重點係個飯！仍然都係好鹹🥹🥹🥹燒玻士頓龍蝦牛油果意大利飯燒安格斯10安士牛扒配紅酒燒汁$368中規中矩我覺得還可以唔知係咪頭先鹹得太緊要朋友就覺得都係鹹，我覺得普通燒美國去骨野雞仔配黑松露汁$198就係4隻全雞脾加全雞翼重點係個而係有調味 唔再落醬都有味肉質都算嫩滑😌有碗話碗有碟話碟 我地話完覺得個牛油果飯好鹹個侍應都有入去再整過出嚟俾我哋佢重新整完個味係冇咁鹹嘅證明個牛肝菌同依個飯都係落重手左不過叫佢換左一個飯 我地都唔好意思所以個牛肝菌就由佢啦因為我哋每人都畢咗少少嚟試所以就拿拿林食完走人 🥹只能說無下次題外話： 唔知係我地自己主觀定點，侍應就不停咁斜視我哋，可能我哋叫佢換咗個飯

偶爾也會想來個優質午餐，獎勵一下平日工作忙碌辛酸嘅自己，是日就和同事到訪了位於工廈中的一間cafe用膳Lunch set~~煙三文魚蟹籽忌廉汁意大利粉 $128香煎北海道帶子龍蝦汁扁意粉 $138帶子微微煎過，鮮甜彈牙，意粉爽口，醬汁濃郁creamy，整體不錯

荔枝角嘅工廈不嬲都出名好多隱世美食，今次就嚟到呢間有好幾間分店嘅INN - I’m Not Nothing到搵食！餐廳嘅設計係以白色同埋雲石為主，加上窗邊又有啲綠色植物，成個環境比人一種好舒適嘅感覺～(午市套餐)煙三文魚蟹籽忌廉汁意粉💰HK$128忌廉汁偏多，撈埋煙三文魚同蟹籽真係好夾，成個意粉食落超Creamy～(午市套餐)香煎北海道帶子龍蝦汁扁意粉💰HK$138帶子外面煎到金黃色，但食到中間嘅口感其實係刺身嘅口感，呢個煮法更加突顯到帶子嘅鮮甜味！濃濃嘅龍蝦汁撈意粉真係好惹味～午市套餐都包咗是日餐湯，今次就係蕃茄忌廉湯，入口好順滑，味道酸酸地令人好開胃～牛油果奶昔💰跟餐+ HK$24牛油果味道好重，飲落去唔會漏，係好清新嘅感覺～熱朱古力💰 跟餐+ HK$19好有心思嘅拉花，朱古力味偏少少苦澀、唔甜，啱哂中意黑朱古力嘅人～

我和朋友，在荔枝角的INN - I’m Not Nothing餐廳吃了午餐，我們點了以下食物:餐湯燒美國豬肉眼扒半蘋果果醬燒烤菇芝士牛肉漢堡LatteIce Mocha燒烤菇芝士牛肉漢堡非常Juicy，充滿了美味的肉汁，夾在兩片鬆軟的漢堡麵包中間，再加上一個大塊的美味芝士，完美地融合在一起。整個漢堡給人非常鮮味的口感。另外，薯條炸得十分脆口，每一口都帶來滿滿的滿足感。伴碟的沙拉也非常美味，提供了清新的口感。燒美國豬肉眼扒非常嫩滑，每一口都能感受到肉質的柔軟和鮮美。這份眼扒非常厚實，給人質感十足的享受。伴碟的薯角同樣炸得酥脆可口，廚師的火候掌握得非常出色。Latte也非常出色，咖啡拉花的技術很棒，賞心悅目。它帶來了濃郁的咖啡香氣和柔滑的口感，絕對能滿足咖啡愛好者的需求。Ice Mocha非常美味，帶有濃郁的巧克力風味，口感濃郁豐富。這杯咖啡完美地平衡了咖啡和巧克力的味道，正👍🏼。

工作態度有d差 特別係比較高嗰位男仕 不耐煩回答問題 鄙視眼神回應 如果唔問問題可能都唔會發現 一問問題就出事 但又唔算係極度惡劣嘅 但可以改善咁 打出嚟希望你哋見倒 作為食客 我個人唔太需要有service 只要唔使受氣就好😊 所以我題目係工作態度而唔係服務態度 佢做咗啲咩唔講啦 如果餐廳老闆睇倒你認識佢應該明 唔想答人問題咁囉 同埋佢會俾一個覺得你問蠢問題嘅眼神你囉 哈哈 其實又唔係好大件事 希望當事人睇倒可以改善一下 對自己人際關係應該都有利的 加油！