Ice Puff

营业中

休息中

洋蔥鹹牛肉雞蛋仔 ($28)平時食開既雞蛋仔都係甜甜地，今次呢個竟然係鹹既。
雞蛋仔用左日本麵粉整，口感鬆軟，比一般雞蛋仔食落輕盈，食完都唔覺膩。裡面夾有洋蔥鹹牛肉既餡，食落味道有鹹牛肉香，
鹹香好出眾，好似食緊蛋牛治咁。不過料既份量就略嫌太少。
整體味道調得唔錯，雞蛋仔質感亦輕盈。

70%黑朱古力雞蛋仔～本身約左友人去食😂但係一直都未夾到時間～今日行過就唔等佢，自己食先～Yeah~除左甜野的小食, 都有其他小食食架~落單之後，店員就俾左個牌我等~由落單到食得～大概等左三個字到～雞蛋仔一到手，拎住同食落的時候都唔太熱～相信係整完之後，因為想佢脆d，吹左好耐風～咬落好濃的朱古力味，70%～真係唔會太甜，岩岩好～連唔太食朱古力的友人，都密密食～雞蛋仔內面都係一半半，一睇圖就知入面有幾多朱古力喇~我覺得比起之前食的朱古力雞蛋仔，呢一間真的比較出色，好值得一試~下次黎要試埋佢果個朱古力雪糕先得~

餓格仔餅餓得太耐，就食左個超厚巨型格餅！佢好似仲厚過巨無霸，一啖食唔哂，氣勢響哂度！好滿足！😁😁😁😋😋😋餅夠鬆但可能太厚唔夠脆，內裏醬汁算多，蛋味一般，相比之下，我都係中意傳統size多小小，但呢個都一試無妨呀！

是次配搭為車打芝士雞蛋仔配雲尼拿海鹽雪糕，車打芝士味好似果隻細個食既魚仔形芝士餅，芝士味好濃，完全蓋過了雞蛋仔的甜味，不過即叫即整質感很鬆脆，作為一餅雞蛋仔佢都有80分！下次想試黑松露。Gelato雪糕呢，每日由本地工場製造，之不過海鹽味完全被芝士味蓋過，淨係食到雲尼拿味，但唔易溶，幾long lasting。但的確有小小貴。

之前路過見到好想試，不過太飽無食到。今日終於食到喇70%黑朱古力雞蛋仔 + 麥精gelato，最初擔心會好"漏"，但居然係Perfect Match! Gelato超重麥精味但食落好fresh，雞蛋仔唔會過甜，夠脆之餘亦有"蛋糕"感覺，每粒入面仲有朱古力粒，真材實料!一份$55夠兩個人share，有機會會再試埋其他味

之前見到少爺占喺 IG 力讚呢道嘅朱古力雞蛋仔，真係好想試下，今日終於有機會嘞門口好多人，原來呢道都有得食麥精雪糕，梗係要試埋啦，大約等咗10分鐘就有嘞，外觀普普通通，但已經聞到好香朱古力味，影完一張相已急不及待要食嘞個雞蛋仔真係好正呀，外脆內軟，口感鬆脆，朱古力味好濃，少爺占真係冇介紹錯，yumyum個麥精雪糕係 gelato ，食落好似食緊冰凍麥精，好得意價錢同 Oddies 差吾多，但呢道實而不華，真材實料，用意大利 Gelato, 而吾係用麥當勞都有得賣嘅$2軟雪糕下次試下黑松露雞蛋仔先，食落自己個肚道，梗係要食好d啦

朱古力雞蛋仔加麥精雪糕 $25+$30.今次黎到天后覓食🙋哩間鋪係豪大大隔離標榜用日本麵粉同意大利雪糕 都係個句sorry 我唔會食到d食材黎自邊樹😂😂😂😂.講返個雞蛋仔 講明係70%朱古力 老老豆豆佢真係冇握我入口有好濃朱古力味👍🏻雖然個雞蛋仔入口唔熱但食落係脆 裡面都唔算太空心 不過如果太熱舊雪糕應該溶左⁉️.至於雪糕好冰 滑就唔多滑 不過雪糕唔算溶得快 入口好濃麥精味 又幾正喎😋而且同朱古力都幾夾 但真係值$30 1球咩⁉️.唯一唔好係價錢略高 抵唔抵食見人見智但可以一試 同oddies一決高下我會覺得哩間好食d 但oddies同樣價錢會有更多層次既口感同大杯d😕不過我會選擇拎哩$55食其他美食推介俾大家.

吃完細蓉，見近期大熱的Ice Puff大排長龍，小妹也去湊熱鬧!小店由中年男女打理，除了雞蛋仔和格仔餅外，還有雪糕和數款串燒小食。先點選食物，付款後，會獲派一張數字紙仔，站在一旁耐心等候。小妹要了一客比利時70% 黑朱古力雞蛋仔$25，原本還打算加一球Gelato雪糕，但一見雪糕索價$30一球，立刻退縮了!店家標榜雞蛋仔和格仔餅採用了日本麵粉製作，用料好，故雞蛋仔入口質感與普通雞蛋仔的確是有明顯分別的!雞蛋仔滲出幽幽的蛋香味，外脆內軟，它的脆，是比一般雞蛋仔更為香口清脆！此外，每粒的蛋漿和朱古力漿都頗為平均，咬下去粒粒飽滿鬆軟，可吃到香濃微苦的半融朱古力與軟綿煙韌的雞蛋仔，香甜味美而不膩。 

少爺占係網上介紹過呢間雞蛋仔話好食，上星期走左去試，佢出名雞蛋仔外，仲有暑條同特濃雪糕都好出名，但今次無試，下次必食。 雞蛋仔即叫即整，雖然要等耐d，但保證外脆內軟，每粒都有濃濃的朱古力，食唔停口。雞蛋仔有d特別口味，威牛肉味好想食來當早餐，哈！ 下次一定要食雪糕

上次吃過雞蛋仔後說要試格仔餅，趁這天來港島區就特登搭丁丁入來啦！ 落order後有號碼牌，等了15分鐘就有得食。 我以為是朱古力漿混合蛋漿，原來是原味格仔餅點上朱古力醬。格仔餅堅有一吋厚！！對摺後變成兩吋，對於咀巴不是特別大的人來說根本沒辦法一口咬下！所以我還是一吋一吋咁食。格仔餅和雞蛋仔一樣很有蛋香。格仔餅頭幾口仍是香脆的，可能因為點了醬汁的關係，很快變「林」了。吃了半底後，格仔餅林到變形，好失望呀！朱古力醬是很稀的那種，味道不香濃。因為很稀的關係，吃的時間很狼狽，很多醬也流到袋底。希望店主注意到及改善。下次都是吃回雞蛋仔。

黑朱古力雞蛋仔 $25平時食嘅嘅朱古力雞蛋仔都係牛奶朱古力今次黑朱古力迷有福啦因為呢度係用70%比利時黑朱古力所以食落唔會好甜 隱約帶啲朱古力苦味而朱古力都落得好足料 啖啖都係朱古力但脆度算係適中 唔會話太脆雞蛋仔依然保持蛋香味 值得一試

今日係天后電氣道食完漢堡已經好飽, 誰知行不夠半條街就見到人氣口味雪糕, 就係麥精味雪糕.而且有雞蛋仔 x 意大利雪糕組合. 忘記左個字, 立即排隊等食.我同友人一睇就已經揀好左雪糕口味, 當然70%黑朱古力, 麥精味.全部由日本麵粉製作. 原來除左雞蛋仔, 仲有超厚格仔餅. 最後選擇左雞蛋仔.但點食物時真係好究結. 又想試芝士味, 但又怕同朱古力雪糕唔夾. 最後選擇原味配朱古力雪糕.點完食物付款後, 就有張數字飛仔, 等叫號數取食物.幸好行快兩步排隊, 因為當到我取完食個時, 已經超多人排隊買.原味雞蛋仔配70% 黑朱古力意大利雪糕($47) :影相厄完LIKE, 雪糕都唔係溶得好快. 先試啖70% 黑朱古力雪糕. gelato比一般雪糕少空氣, 所以質感濃厚綿密. 果然好濃郁黑朱古力味. 雖然唔係輕盈軟雪糕, 但由於唔太甜, 脂肪含量低, 所以食完唔會好膩.原味雞蛋仔用上日本麵粉製作, 起初以為只係用料好, 但原來口感與普通雞蛋仔有點不同.超脆身好香, 每粒都好有平均粉漿, 所以食落粒粒都飽滿鬆軟. 原味都好好味, 只係價錢頗貴.比利時70% 黑朱古力雞蛋仔配麥精雪糕 ($55)

本人極愛雞蛋仔，所以特登入天后試雞蛋仔。今次試左70%朱古力雞蛋仔，$25 都幾貴。因為紅假，好多人排隊，等了差不多15分鐘。不得了！做到真. 外脆內軟，真.真材實料。食到最後一粒仍是外脆內軟的，它的脆，是比一般雞蛋仔更脆！朱古力味很rich！現在我覺得$25是值回票價！必定重回試厚身格仔餅！及試芝士雞蛋仔！後悔沒有為它拍照留念

朋友仔突然間收4點夜晚仲要番學中間冇地方去！姐姐就陪陪你啦 😁😁今日試呢間新野！可能落雨既關係！冇乜人！我地只係叫左個原味超厚格仔餅！即係傳統既格仔餅變厚版 👍🏻👍🏻等左大概5分鐘！出爐喇！真係好厚！ 入面充滿練奶同花生醬！都好足夠！唔改多醬！真係好厚！一口係咬唔到架下 😋😋 最後決定分開一片片咁食！格仔餅既味道好鬆軟！亦好夠蛋味！口感好脆！蛋糕部份都好軟熟！唔錯呢！** 下次我要試 洋蔥牛肉雞蛋仔 😁