Ice Puff

营业中

休息中

//#pigna港式 #pigna旺角【花豬出巡】🧇Ice Puff @icepuff_icepuff📍旺角彌敦道688號旺角中心一期1樓F51舖次次行過都好想食 但次次都好飽 咁岩今次有quota就嗌左個試————————————①阿華田脆脆雞蛋仔 💰29 (麻糬+$6)同平時食嘅雞蛋仔有啲唔同 熱辣辣偏脆口 中間比較空心 不過我加咗麻薯 華田味幾濃 麻薯質地偏流質 唔係煙韌個種 我即時食左幾粒就袋返屋企 個姨姨話用焗爐焗返熱一樣咁脆 佢冇呃我呀！！舔脷程度：👅👅👅 /5————————————疫情擴散 買完快啲拎返屋企😹🐽花豬點評🐽 (6分滿分)味道👅👅👅👅環境🔆🔆🔆CP值💰💰💰再訪程度💯💯💯💯

難得嚟到王忠掃街聽人講呢間好食所以去試吓😋.一拎上手已經聞到好香阿華田味 雞蛋仔好脆 不過佢既阿華田雞蛋仔對我黎講太甜.....每粒雞蛋仔入面又唔算好實心 冇乜嘢食係加左麻糬個口感就好d 煙煙韌韌不過就唔係每一粒都食到麻糬.可能我期望太高啦 ........有得加麻糬係幾特別嘅但我覺得唔算特別好食 阿華田對我來講太甜 下次可以試吓其他味不過經過都會支持下嘅💛 🌟阿華田脆脆雞蛋仔(加麻糬）$29+ $6 （麻糬）

作為一個雞蛋仔迷，經朋友介紹嚟到呢一間好出名食雞蛋仔嘅舖頭，一到步就聞到好香呀。 🐽🐽黎到嘅時候都要排隊⏰，大概等咗四個人，當中不乏學生同主婦。👧🏻👩🏻‍🦱我哋叫咗個芝士黑松露雞蛋仔，雖然價錢比較貴（ $42 ）💸，但係我就覺得物有所值。 👩🏻雞蛋仔入口非常香，除咗雞蛋仔嘅味道，仲有濃濃嘅黑松露同芝士味，而且焗到焦香嘅芝士，配上口感綿密嘅雞蛋仔，真係超超超超超好味👍🏻👍🏻👍🏻我見牆上面都有唔同口味嘅雞蛋仔，下次嚟到一定要試埋個阿華田脆脆。🌈

我曾經在兩年前，拿着上手手提電話跟「開飯喇」戶口，在「天后」「電氣道」，光顧過一間售賣日式窩夫餅甜品的食店，食店名稱叫做「Ice Puff」。「Ice Puff」店名的由來，跟他們的招牌甜品「雪糕窩夫餅」有直接關係。那間「Ice Puff」以前在「天后」本身已經沒有室內堂食座位，所以光顧「Ice Puff」的食客，只能坐在「Ice Puff」擺放在店外唯一一張餐檯，享用「Ice Puff」製作厚燒版本「窩夫餅」。當時我在「天后」「Ice Puff」購買「Nutella榛子朱古力窩夫餅」的時候，「Ice Puff」把「榛子朱古力窩夫餅」直接擺放在外賣餐碟上面，食客需要像享用「鐵板牛扒」一樣，使用外賣塑膠刀叉切開「窩夫餅」。兩年後的現在，「Ice Puff」又是因為類似舊舖租金的問題，被迫離開本來的根據地「天后」，橫過「維多利亞港」，北上搬遷過來「旺角」熱門商場「旺角中心」一期一樓舖位繼續營業。「Ice Puff」從「天后」搬遷過來「旺角」之後，舖位的實際規劃和擺設，大致上還是跟以前「天后」舊舖感覺幾乎一模一樣，光顧「Ice Puff」的食客，實際上還是只有一張餐檯可以使用。至於「Ice

😁好食好食。有圖有真相，啲芝士金黃色架💛 仲好香添同咸咸地（因為係車打芝士），佢有好多好多味選擇，當選擇困難了，揀芝士試下基本功力就無錯啦！中間啲蛋糕仔都係晒度，傳統雞蛋仔滿足不到了🙈小店位置唔係一堆立食區果邊， 希望多啲人試下呢個先啦

本身係去隔離個鋪位買野飲，但行過見到呢間店既餐牌，覺得雞蛋仔同格仔餅個樣好好食，仲有好多選擇，所以就各買一個試下啦！呢度有張細細既圓枱同兩張椅，仲有埋酒精搓手液提供，咁岩有位，所以我地就坐左係度食，佢仲好好咁提供左個架比我放雞蛋仔，好貼心～講番野食，我地揀左朱古力（加麻薯）雞蛋仔同埋阿華田脆脆格仔餅～全部都係即叫即做，熱辣辣香噴噴！雞蛋仔加咗麻薯煙煙韌韌，比平時食開既更加特別同好味，朱古力甜甜地。阿華田脆脆格仔餅夠厚，好香好脆，不過因為我地兩個都揀左朱古力類既野，所以食到好漏，決定下次再黎試下其他味道～另外，佢做緊推廣優惠，每個雞蛋仔或格仔餅都有一個印仔，儲滿十個就可以當二十蚊用！

之前網上見人推薦已經一直想黎食，今日終於都可以一嚐佢地既雞蛋仔 佢間鋪唔係好大，但出面都放左張枱同櫈比人可以坐係度食，同埋仲有大大個pepe既打卡位～今次叫左個NUTELLA 榛子花生味既雞蛋仔，佢係即叫即整，不過咁岩個日唔多人，所以叫完好快就有。一拎上手已經feel到佢好脆身，而入面係軟身得黎又唔會整到成個蛋糕仔咁既質地，個榛子味道雖然唔係話超濃郁，但個人覺得佢香得黎味道適中，而中間亦食到花生碎粒，整體黎講係一個好唔錯既雞蛋仔！

每次嚟到旺中掃街都忍唔住食呢一間雞蛋仔，真係好喜歡呢間雞蛋仔嘅口感同味道！好欣賞呢度好多唔同特色口味配搭，每次嚟嘅時候我會一邊食一邊望住佢嘅餐牌諗定下次食咩，但係每次來到幫襯嘅時候又會無啦啦有選擇困難症，每一隻味都好想試😻順帶一提，今次我哋帶唔夠𝚌𝚊𝚜𝚑，老闆同老闆娘都好好人話幾蚊唔緊要😭😭有一種食緊人情味嘅感覺🥺𝚝𝚑𝚊𝚗𝚔 𝚢𝚘𝚞 𝚜𝚘 𝚖𝚞𝚌𝚑(*´ω`*).everytime i come to mk i always crave this egg puff place 😆 so many different flavours to choose from 😮 ordered the nutella peanut egg puff 😋 very strong peanut and hazelnut flavor! their egg puff is on the crunchier side which is what i like 🤤 highly recommed u check out this egg puff place!.《𝙽𝚞𝚝𝚎𝚕𝚕𝚊榛子花生雞蛋仔》$29🌟7.8

自己對雞蛋仔有好大嘅興趣，而旺中依間嘅雞蛋仔更係令我食上癮嘅一間！係眾多口味中，暫時最推薦嘅係比利時70%黑朱古力，依隻係好食到我去親都係嗌依個。作為一間小店，好欣賞佢好足料，好記得第一次食嘅時候係哇一聲，因為每一粒雞蛋仔都有濃濃嘅朱古力餡！絕對冇偷工減料嘅情況。而且佢係即叫即整，仲可以做到好脆口，外脆內軟而又有一陣淡淡嘅蛋香味！推推推！作為一間小店，價錢實惠，仲要即叫即整又好嘅服務，真係唔可以錯過！！

去旺角掃街掃完一堆主食，尾站以甜品作結，聞到雞蛋仔味就流口水，決定叫一個食。叫左榛子花生味，等左一陣就有，即叫即整，佢唔係出面果d原味加榛子同花生就算，係本身個面漿就係榛子同花生味，好香，兩種料味都食到，配合得好好；口感暫時最好食係佢，外脆內軟，但真係要食快d，凍左就唔脆會減分。會再食！

不知大家是否和我一樣，雪櫃裡總是放滿形形式式的果醬、花生醬、抺茶牛奶醬等等，每一樣開封後用過三兩次，然後由它長眠至過期。唯獨早年興起的阿華田脆脆醬甚得我歡心，罕有能吃到見底仍覺意猶未盡。一早有留意這家小店，最吸引我的是其創意雞蛋仔加雪糕組合，店由天后搬到旺角對我來說更就腳，今天終能一試。小店位於新之城和旺角中心的接合點，門外掛滿諷刺時弊的吊飾，頗為顯眼。阿華田脆脆雞蛋仔 $29雞蛋仔即叫即做，大約等候八分鐘；雞蛋仔外層脆而鬆化，中間沒有太多雞蛋糕口感，而熱力溶化了脆脆，只餘少許阿華田味，不算突出，和期望有落差。下次也許會叫同一口味的格仔餅，才能細嚐我愛醬的味道。

如果大家有留意開🐽小編post，可能都會記得小編其中一樣最鍾意食嘅掃街小食就係雞蛋仔‼️ 今次喺呢一間小店睇唔到有阿華田口味！當然唔可以放過！仲要加配麻薯一齊食啦😝.#阿華田脆脆雞蛋仔➕麻糬 🤤雞蛋仔一到手，熱辣辣！🔥 味道非常之香！真係唔夠小編食慾大增🙊 面頭可以見到唔少嘅阿華田脆脆，食落口有濃郁嘅阿華田味～但味道偏甜，食多幾粒嘅話可能真係有啲膩🤭 而麻糬方面呢，就有可能未必粒粒都有啦，始終雞蛋仔有太多粒啦，店主唔小心放少咗某啲位都唔出奇🙈 不過口感煙煙韌韌，配搭埋雞蛋仔食非常滿足👍🏻😘 大家真係要試試喱個口味啊😉🙌🏻.🏆 「豬」味指數：7.5/10📌 溫馨提示：一個人要食晒成份雞蛋仔既話有d難道，因為始終有啲甜膩，夾埋兩三個朋友仔開心share就啱啱好啦🥳

原本都唔覺有呢檔口，竟然行下行下就畀我睇到，鐘意食雞蛋仔嘅朋友一定唔可以錯過呢間雞蛋仔。。。雞蛋仔好爽脆，朱古力係75%嘅black chocolate 味道好似食緊Godiva雪糕咁，我老公一直以來都係唔係咁仲意食雞蛋仔，呢個佢竟然同我搶食，所以掂都試下喇，試一試你一定好仲意。。。NUTELLA格仔餅太好食忘記影相。。。哈哈

呢間雞蛋仔專門店位置旺中一樓，連接旺中同新之城個邊邊位～ 每次行過都聞到香噴噴😋ICE PUFF呢底係阿華田脆脆+麻糬雞蛋仔🤤 仲有好多款架！有甜有鹹，仲可以加雪糕添🍦雞蛋仔都幾大底！好足料！外皮超級脆身，唔會好似有啲雞蛋仔咁，過一陣就淋晒，呢底咬落好有口感！😋 不過阿華田味就唔係好重～ 最正嘅就係佢加錢就有可以加麻糬！層次感豐富，食落又煙煙韌韌咁。超好味呀！你睇吓圖中嘅麻糬幾多😏 佔咗粒雞蛋仔嘅一半😋

we took dark chocolate, Nutella peanut, original with vanilla ice cream, he has told me that it will be peanut inside,if that ok? I guess there are some people allergy of peanut. 3 puffs, we didn't wait a long time, the best it was dark chocolate,just we didn't ask clearly everything, so actually Nutella was mixed inside the egg puff not on the surface of the egg puff, maybe next time we should ask like we used to eat in France to put the Nutella on the surface,the guy who makes the egg puff is