Hungry Korean (渣甸中心)

营业中

休息中

今日難得可以同Miss N 同更食飯，好！決定棄飯（留返聽日）同你出去食你提議嘅Hungry Korean 先😚😚～～～辣豬肉🐷🐷鐵板燒～～～幾位同事都介紹呢間好食，特別係辣味嘅菜式！😄😄係椰菜同豬肉配辣醬一齊炒，份量好大份！一定夠飽😚😚！辣味唔會太辣，係帶點甜味嘅辣味，但我食開辣嘅會覺得有少少唔夠過癮😅😅不過係口味要讚嘅😊😊～～～凍抺茶牛奶🥛～～～抹茶味唔夠，牛奶味亦一般！係比較淡嘅一杯飲品😐😐希望之後就算唔可以一齊做嘢，都多啲出嚟食飯傾吓計啦😝😝

今晚經過見到這間韓國店就order 左2~4人餐外賣帶回家食一打開估唔到都幾多款式，有點驚喜，我們4人份量剛剛好我覺得餃子，泡菜魷魚，牛肉飯好食，其他有少少淡但整體都ok, 可以再番食

韓國菜快餐店，韓風捲全球包括韓國菜，韓店周圍可見但香港又真係唔多係快餐店，做快餐變相將裝修同服務既成本放返落份量度基本韓式食物都有，又快又正泡菜豆腐湯，泡菜同滑豆腐同辣湯都係韓國菜必食，上枱賣相好紅，先試最吸引嘅豆腐，相當滑而原來個湯好紅但又唔算好辣，幾好味，夾埋豆腐好正泡菜既味道酸咸辣幾平衡送飯一流，飯都較身又夠靚，讚！韓式壽司望落好想食，用錫紙包幾有feel試左豬肉，味道正常，相對無咩特別驚喜，但都ok既飲返杯橙汁，正正常常，可以清清個口既味試試鐵板燒，叫左甜雞肉，驚全部都係辣野會個味太似，上枱時即刻見到份量好足雞肉多到，又好香，試下味，甜甜地但仍有BBQ味好正食完一粒就好想食第二粒，雞肉真係好滑連埋啲菜一齊送飯真係一流味道加份量睇返價值真係超值，想平食韓國嘢無得輸種類其實都唔少，鐵板燒極力推介，係銅鑼灣食嘢咁樣算係太正lu#啲人唔似韓國人但都係講英文#野飲真係普通但食物太過快靚正

位置好方便，最arm行完街去食啲嘢。繁忙時間可能要排一陣隊，但好快就有位。鋪頭唔係太大，略為舊。但價錢係銅鑼灣一帶黎講都算平。份量我覺得剛剛好。嘢食味道不過不失，感覺唔係太正宗，但都幾好食。個人推薦＋＄16 有三個小菜，最中意個薯蓉，落咗洋蔥同沙律醬。鐵板類都好好食， original beef個賣相唔係太吸引，但原來好好食，仲有好多椰菜。

大熱天時，胃滯滯，好想飲湯，睇韓劇成日都有飲解酒湯，其實佢哋嘅一碗熱湯就係醒胃良方！之前食過一間連鎖店嘅大醬湯，難飲到不得之了，今次搵到呢間Hungry Korean，即管試吓啦泡菜湯（即係泡菜豬肉豆腐湯）蔬菜豬肉都好入味，又冇煮到溶溶爛爛，豬肉有咬口，蔬菜仲爽嘅，湯頭夠辣，酸酸辣辣醒胃辣年糕（有雞蛋、魚餅、年糕）雞蛋冇煮過時（我食過一個人煮嘅雞蛋，佢可以將一隻新鮮雞蛋烚到個蛋黃可以打乒乓波）年糕煙韌可口，魚餅正常，略嫌醬汁唔夠，多返少少醬汁，可以點來食會好了。韓式紫菜卷，紫菜包住粉絲來炸，啱啱出爐時，新鮮脆卜卜，配上一個紅卜卜嘅醬汁點來食。韓式三小碟（泡菜、魚餅、薯蓉）泡菜同魚餅都唔會有得差㗎啦！薯蓉入邊加咗洋蔥，應該有加檸檬汁，因為酸酸地，好味道啊！俾個貼士大家，用外賣平台，外賣自取有八折，抵食過堂食

石頭飯一直係我喜歡的韓國料理之一。但部份肉微溫就跌分數。我朋友點了豆腐湯這道菜當然好味，最好味係吞拿魚飯糰卷。已經多年的經營實在有必要再試。消費時間是晚市6:30

今午到銅鑼灣上堂，同事興致勃勃地表示要到Hungry Korean 吃個韓式雞肉飯，我也抱著一試的心態就來了。我點了雞肉韓式壽司，價值$39 大元。吃下後總感覺欠了點麻油香，材料是還好的，不過不失。只見這店的價錢合宜，所以不少上班一族和學生也會來，下次再試試其他菜式吧。

今天我和親愛的到了銅鑼灣逛街，不經不覺走到渣甸街，抬頭看見這間韓國餐廳，價錢又不貴，二話不說，走進去找了個位置坐下。餐廳的環境很乾淨，坐位也很舒適。我點了一份韓國炒辣雞配白飯。辣雞的辣度剛剛好，爆得香噴噴的，非常惹味。椰菜保留著爽脆感，每口都十分滋味。滿足的一頓午飯！

都係一般嘅快餐店，唔好有太高嘅要求，鐘意食嘅係牛肉飯卷，炸醬麵的味道一般，牛肉湯配飯其實都幾好味，只係味道太濃，不過份量都幾多，至於炸雞都係一般，但可以過下口癮嘅，兩個人食咗好多嘢，勁飽。

今次無叫好多野 叫左個飯卷食本身想食牛肉味但無哂 話得返呑拿魚味 咁就照殺啦因為已經預先包好所以即刻就上到呢度嘅飯卷比較細份 同埋呑拿魚 其他配菜份量都唔算好多 覺得沙律醬仲多過呑拿魚 同無咩嗰種濃郁嘅麻油味不過勝在叫平平地啦 細細件都有10舊嘅 不過員工都好黑面 全程一個笑容都冇 一食完即刻拎走碟野 但周圍係得一半客人都冇 好似趕你走拿拿臨咁 總括消費體驗就麻麻地

行行下想食韓國野 咁啱就行到呢到就入咗去。入到去發現轉咗做食完先俾錢，之前係要係counter俾咗錢先入去坐。叫咗一個甜雞肉鐵板燒、辣炒年糕同芝士紫菜包飯。鐵板燒上枱個陣都仲熱嘅，味道都幾好，炒雞肉唔會太甜，份量亦都足。但個辣炒年糕就麻麻了，雖然辣係幾辣嘅，但係魚糕有點佔太多，我係想食年糕...隻雞蛋亦都太熟，好硬好難食，咬咗一啖就無再食隻雞蛋了。紫菜包飯內餡我就揀咗芝士，食落口都幾重芝士味，唔係呃人嘅。

經常看到尖沙咀的Hungry Korean，都沒有機會試，然後就在今晚還沒有決定要吃什麼作晚餐時，就看到附近有Hungry Korean，那就試試吧。2人就要了個辛辣冷麵($52。麵質軟到都不是麵條一條條，夾起是一大塊，味道是甜的，就算有辛辣醬都一點都不辣，而且也是偏甜的，整碗麵簡直甜到都不像在吃麵)和韓式炸醬麵($52。這個麵質較前者的好一丁點，因為也是煮得太軟，完全沒有口感可言，而炸醬同上，味道偏甜)。看到挺多客人來來往往的，很難想像為何生意不差，還有這麼多間分店，有試想過飯類會不會較正常一些。認真的說這兩碗麵的價錢算是不平宜，已經沒有肉，只是碗淨麵加點小配菜和醬汁，但基本要求都沒達到。小編與友人交換著來吃，最後大家還是忍不到吃完，就知難而退了。

我其實都唔太想選這間店。因為真係太細間太無空間。今日突然想食韓國菜。所以就選擇這間啦。反正我都係食完就走。怎料遇著個一點感情都無的職員。經歷很不快。一進店門口。本來想問是否先買東西？因為唔記得程序了。佢又好似一個你唔知有咩食又入黎買野的嘴臉⋯佢就比個餐牌我。我就以為好似麥記一樣啦。我買完野就找了個坐位坐。但等了接近半小時，都未見有餐送。我就問一問職員。原來佢當我外賣單。放在門口等我自己拎⋯⋯我咪即刻話我堂食囉。佢話堂食只需要進來坐下便行。唔需要買飛先。那你唔一進來問一問人先？又要懶招呼⋯我坐在店內半小時，我唔問又真係理都唔理我喎⋯⋯不過我都唔緊要。反正我唔趕時間。佢哋做好後比返我。沒有了塊鐵板囉。不過我肚餓。又唔想難為班職員，所以我都無咩所謂。以下係我今日的餐：講返食物。有一個我非常反感的問題。凍檸茶唔可以少甜⋯職員話一早調教好。呢點好唔靈活。希望可以改善一下。職員又唔見得會推介其他唔太甜飲料。所以最後都點選凍檸茶。甜雞肉很好味。可惜沒有鐵板⋯熱力就差一點。那三款小食都很好味。這間韓國料理食店。食物很好吃😋。希望改善一下員工的表現。唔係個個進來食的客人都係熟客。介紹一下唔會左你太多時間

有日咁啱想去銅鑼灣睇戲，點知，個肚有啲餓所以想搵個地方食啲嘢順便打發下時間。冇理由去酒店度飲個下午茶，因為唔化算，所以決定去試一試呢間肚餓韓國人入到去，員工同我打個招呼然後指示我去邊度坐，之後畀個餐牌我選擇，噉我好快就叫咗豬肉石鍋飯。今次嘅選擇係簡簡單單，諗住試下佢啲手勢同風味。職員服務正常態度尚可，環境尚算乾淨。上菜速度可以，因為坐低唔夠一陣落完單之後稍後多一陣回復多兩個窩，職員就已經送上食物。呢一個豬肉石鍋飯佢係用石頭做的飯煲加上上菜的時候係非常之咁刺耳所以如果你用手直接去掂佢，飯碗嘅部分你必定會，燙損非常之咁痛。佢哋嘅豬肉非常之煙韌但係有少少辣，再加上有隻溫泉蛋半生半熟畀你溝佢d白飯食係非常之咁野味加上佢有其他蔬菜絲所以係有肉有菜非常之咁健康嘅選擇。其實我都發現好多人已經對豬肉石鍋飯畀咗comment，但我食完又冇理由唔同大家報告嚇所以嚟咗個，近照同個食物拍個寫真比大家睇。下次有同類情況我都會再來

晚餐時間來到銅鑼灣，不知道吃什麼好👅於是求其入左一間韓式快餐店。呢度會有鐵板、石鍋、壽司🍣及小食等食物，每款選擇不算太多也不算太少。今次我就試咗牛肉石鍋飯。牛肉鋪滿飯面，份量都算誠意十足架。飯的面頭會有一粒蛋，建議可以和其他配料撈埋食。石鍋熱辣辣，令飯食左一陣仲係保持溫熱，而且底部會有一些飯焦。感覺這間的性價比幾高，有機會經過附近下次都會再試。.🏠Hungry Korean (銅鑼灣)銅鑼灣渣甸街50號渣甸中心地下D舖