Holam Bakery

营业中

休息中

係人都知駱駝漆大廈超級多小店好嘢食😜心血來潮去咗試吓大家話媲美Lady M嘅千層蛋糕小店 @holam_bakery 每件既價錢都算平.口味眾多.小妹揀左最貪心既2款😂.➿巴斯克芝士x特濃焙茶千層蛋糕🧀一次過食多兩種口感~焙茶都唔錯有茶香.可以更濃.因為夾埋巴斯克芝士蛋糕食就比芝士蛋糕搶無少少.千層蛋糕既Cream夠滑☺️不過食到尾段係有D過甜膩.所以配手沖食就最好.➿抹茶麻糬 🍵千層蛋皮夠薄.抹茶味唔係一般食到既假抹茶味.而且可以有麻糬拉絲🥹小妹比較鐘意尼款🍵平時叫人介紹Tiramisu口味希望有機會遇上..➿抹茶麻糬 ʜᴋᴅ 𝟹𝟿➿巴斯克芝士x特濃焙茶千層蛋糕 ʜᴋᴅ 𝟺𝟼..(.❛ ᴗ ❛.) foodiepoison👩‍🍳  整體味道: 7.5/10 💸  性價比: 8/10 📸  打卡指數: 7/10 🤵🏼  環境服務: 8/10 🤔  推薦指數: 8/10

行駱駝漆，經過見有門口貼左勁多報導既shop，再睇睇網上介紹，發現呢間千層蛋糕既要訣係少甜、重奶味、皮薄，仲話煎皮時不會加油，見有好多口味，價錢又唔貴，就買一個6寸蛋糕試試。買左8味盒，試到8隻唔同既味，而3月份既味道就係：1. 朱古力2. 伯爵茶3. 牛乳4. 吉士焦糖燉蛋5. 紫薯粒粒6. 抹茶7. 士多啤梨8. 玫瑰同家人一齊分食8隻味，每隻味都試到少少，整體都幾好食既。見報導話每個千層cake有18層，我無數過係咪18層，就咁睇佢一層層分佈均勻，忌廉質地實淨得來幼滑，班戟皮唔厚唔薄，一層層切落有手感，唔會一叉落去就散。至於味道，其實8隻味同時一齊食呢….有部份味我都唔係好攪得清楚係咩味😛咁呢8隻味入面，我食得出味同埋比較鍾意既味係 伯爵茶 & 紫薯 。伯爵茶既味係淡淡的，只有好輕微既甜，一路食一路滲出好清香既茶味，微甜+茶香，幾好食。而紫薯味，可算係8隻味入面比較濃既味道，紫薯味好重，好似真係食紫薯咁，味道幾香濃。整體8款既忌廉都做得幼滑，全部都係微甜，所以食落唔會太膩。下個月如果出新味，都有興趣再試試。

因爲自己之前已經試過呢間的伯爵茶千層，所以上個月買左holam的伯爵茶千層蛋糕比朋友做生日蛋糕。個千層蛋糕味道一如既往的好，朋友食左之後都讚呢個好好味。本身有朋友一直都唔係好like伯爵茶，結果試左呢個之後覺得伯爵茶好似都幾好味！見到呢個情況，自己都覺得好開心哈哈🤣 🤣 🤣 🤣

好耐之前已經成日買呢間嘅千層蛋糕🍰因為佢可以單件咁買返屋企食，食過咁多種口味我都係忠心於最原始的味道🤣就係萬年不變的朱古力🍫朱古力味唔係太甜但係好濃😍再加上cream係咁滯，所以我就不斷回購了

屋企人生日二book咗嘅餐廳喺觀塘所以就搵到呢一間千層蛋糕🍰就買咗黎食！竟然千層蛋糕有流心，當然要買來試吓啦😙我買咗一個Oreo味🤗 Oreo味好濃但係竟然係唔流心就有啲失望🥲

一行觀塘記有恐懼🥴，多人到....咁岩放假要去個頭，唯有頂硬上💪。行下駱駝漆大廈，發現呢個人氣千層蛋糕🔝，雖然剛剛食完午飯，但同老公見到個廚櫃又俾佢吸引左，甜品果然係另一個胃。😛☆海鹽檸檬千層蛋糕☆🍋大家因為怕甜漏既關係，揀左海鹽檸檬。意外的俾預期好食😋，檸檬味俾想像中重，食完真係蓋到個creamy感，2個人食得津津有味☺

女朋友好中意食千層蛋糕，之前ig見到呢間好似好多followers，同埋之前都有朋友係ig po過，所以我都試試過去買呢間的千層蛋糕。我第一次買左個曲奇oreo巴斯克千層蛋糕 + 比女朋友，我女朋友又好中意wor！話覺得呢個組合好新鮮，好特別😍而且Cream的分量分佈好均匀，食落去口感十足。宜家女朋友時不時都會話想食呢間D千層蛋糕啦😍😍

今次要介紹比得上大牌既千層蛋糕🍰用八款唔同口味砌成一整個蛋糕❤️最鍾意可以一次試哂唔同款大家一齊share食係最開心既🥳🥳六個人以上比較好 唔會太飽 大家又試到唔同味有以下八款口味：阿華田吉士焦糖燉蛋玫瑰伯爵茶抺茶原味紫薯士多啤梨每次味道都會唔同 要留意ig開po👍🏻我地一致認為八件都好好食😝特別係伯爵茶同紫薯好出色大家都鍾意食啲出面少有既味道真係會有驚喜😛😛😛首先佢既味道唔算太濃但好香 咁樣反而唔會太甜每層千層都做得好薄啲cream好滑好平均 口感好幼細又有奶香試哂咁多款都唔會話太膩 成個清得哂～想食千層蛋糕既話呢間真係值得推介俾大家👍🏻特別鍾意茶味既朋友一定要試伯爵茶味🥰店主默默由網店做到喺觀塘開實體店真係好厲害👍🏻證明都有好多好評～～📍Holam Bakery (觀塘)觀塘開源道60號駱駝漆大廈3座4樓I室

這間蛋糕店已經幫襯過數十次。因為他經常推出不同口味的蛋糕，另外千層蛋糕的甜度也剛剛好，家裏的老人家也能夠接受的甜度。今次朋友生日，她比較貪心，嘗試不同味道蛋糕，所以決定再幫襯，將一件件不同味道的千層蛋糕拼成一個完整蛋糕。果然沒有令我失望。

Holam Bakery地址: 觀塘開源道60號駱駝漆大廈3座4樓I室#yauyau_觀塘佢嘅款味都好多，如果大家想買要預先訂購定，如果唔係佢有啲口味會唔夠嘅。🍰🍰朱古力千層蛋糕 $39今次我食呢個味朱古力味，千層蛋糕口感層次分明，每層餅皮之間都搽咗一層薄薄cream ， 令到口感非常之飽滿，中間個別幾層加咗啲好似crust 嘅嘢，食落去有啲冰涼嘅感覺，可以中和返奶油嘅飽滿口感。朱古力開得非常之好，順滑得嚟冇任何苦澀嘅味道，奶油同朱古力嘅比例好好，冇蓋過咗朱古力本身嘅香味。味道: 4.5/5番兜: 4/5#觀塘美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #觀塘甜品 #甜品 #holam #holambakery

Happy Birthday to you !!!阿囝生日快樂 !!!每次逛駱駝漆大廈 經過 Holam Bakery 都話要試吓佢啲千層蛋糕阿囝生日終於記得 訂了個伯爵茶千層蛋糕6 吋原個千層蛋糕 ... HK$240 ... 都幾抵食餅皮厚薄適中伯爵茶忌廉又香又滑，入口不會太甜膩仲有好多口味，下次要食榴槤千層和焦糖咖啡 ~~** 以上分享是以我的膚質、體質和情況作出分享及感受，一試 / 合用與否請自行決定

聽聞觀塘依間千層蛋糕人氣小店好耐😍適逢有朋友生日，今次試左招牌既伯爵茶千層蛋糕🎂整體黎講我覺得係唔錯之選擇👍🏻首先性價比高，價錢唔太貴已經可以買左個6’既千層原個蛋糕🎂個蛋糕伯爵茶味幾香，個皮唔厚，不過d cream略嫌有少少油膩，食咗半件已經覺得有啲滯🤣亦都無大牌子果款食左一啖就想清哂佢既感覺～雖然係唔錯，不過個人認為未去到要必試🙈其次呢鋪頭位置比較難去，喺正工廠大廈入面，等lift都用咗好多時間，所以加埋味道唔算超好食，令我覺得用咁多時間去拎去等係有d不值🙈不過整體而言都係值得一試既小店，但回購可能就要隔多排先會考慮啦～ ✨伯爵茶千層蛋糕 ($240)

心血來潮突然想食千層蛋糕，咁就近近地搵呢間whatsapp落order留餅啦，去到攞餅明明留咗，有兩隻味話賣晒，咁留餅仲有咩意思呢？ 留左都冇嘅，咁算啦，冇咪唔要囉，其他味又唔吸引。 當日買左開心果，伯爵茶，豆腐，唔記得咗仲有咩，一食落，開心果千層唔夠滑，一塊塊皮，味道唔夠香濃，伯爵茶味道甜到剛剛好，豆腐純粹試吓，唔夠香，紫薯粒粒麻薯，唔突出，阿華田流心，有少少流但阿華田味道唔香，唔知食緊阿華田蛋糕，Nutella 榛子朱古力，偏甜，味道都係整體覺得唔ok沒有想要再買第三次

呢間蛋糕店喺千層蛋糕界好hit，堪稱平民版Lady M。我果日去到好好彩walkin買到個八味盒，但我都建議大家預訂，因為真係幾多人買。八味盒外型好靚！可以一次過試8隻味之餘又可以砌成一個圓型做生日蛋糕，仲可以加$10即刻寫生日牌。另外，佢仲有好多香港特色既生日牌俾你免費拎，好有心思💛八味盒包括：抹茶伯爵茶原味牛乳士多啤梨吉士焦糖燉蛋玫瑰紫薯粒粒朱古力只係$259，一啲都唔貴。千層蛋糕既分層都做得好靚😊

📍KT - HONG KONG 📍Holam一直都係千層蛋糕出名 今次就要試下無得預訂 要睇運氣嘅盒子蛋糕🤣整體黎講，酒味我覺得夠，手指餅乾都重咖啡味重要同佢嘅千層一樣少甜🤤口感都輕型 ，不過就真係無咩芝士味，我覺得似cream嘅口感多d 🫣 不過就算佢唔甜偏苦都係有少少膩口🤫份量我就就覺得好大個，2個share岩岩好🤣雖然我覺得佢唔夠芝士，但係屋企人就偏偏中意佢淡淡又唔甜🤣買開蛋糕都可以試下😋