Harbourview Grill (香港科學園)

营业中

休息中

之前踩單車途中經過這間餐廳，樓底高及落地大玻璃，景觀開揚，今次探附近住的朋友就提議去這間餐廳，有室外座位，可以欣賞海景，又可以帶寵物。點了杯cocktail Blue Mist $98上檯時侍應將rosemary 點火，好有睇頭，有煙燻味。紫色是蝶豆花，酒味是酸及苦味，配肉類、海鮮幾夾。新西蘭青口 $158蒜蓉多士脆卜卜，青口新鮮肉厚肥美，白酒蒜蓉汁又香又惹味。西冷扒 $278牛扒厚身有格仔紋好吸引，5成熟剛好，外邊香脆，肉質嫩滑無根，多肉汁，點蘑菇汁好美味。朱古力心太軟 $98第一次見到巨大心太軟，切開有朱古力湧出來，蛋糕軟熟，朱古力濃郁，配雪糕一冷一熱好過癮。自家提拉米蘇 $88也是大大份，軟滑忌廉芝士包著蛋糕，上面有士多啤梨、藍莓好豐富。離開的時候見不少人坐室外，夜景也有一番情調。

帶了小狗試這間餐廳，閒日中午兩個人，坐在室外看海景。叫了ribeye n lasagna 和加了小食。完全沒有expectation, 但估唔到個牛扒好得，medium rare 肉質很好，煎得不錯。之後隔了幾日又去食了。set lunch 4 course $108, ribeye +40。我在大埔沒試過這個價錢的好食牛扒。以後crave steak 就有地方可以食了。似乎老細是印度人，服務非常滿意。很享受的午餐 ❤️ 一定會繼續幫襯

早前和朋友到訪科學園分店，餐廳室外座位向海邊，景色確實不錯，但是食物質素只是一般，加上服務也不是很出色，相信不會再訪。餐廳內的樓底很高，撐着之間也不算太密集，閒日下午，一點也不嘈吵，和朋友聊聊天也是不錯的選擇。我和友人點了午餐，沙律蘑菇湯，質素正常，也沒有留下深刻印象。Pizza是傳統薄批，但拉絲效果確實不錯，烤得也香脆。牛扒確實令人失望，肉質很鞋，肉質一般，帶點粗糙，上環有一點血水，明顯地牛扒烹調後rest 得不夠，確實令人失望。由於是友人生日，特意安排餐廳寫了甜品碟，本來以為只是一個小小的玻璃碟，竟然是一個巨大的木盤。店員還會一邊唱生日歌，一邊端上甜品。氣氛是不錯的，但是這apple crumble 確實甜度有點過分了。。打電話訂檯的時候，服務員態度也有待多多改善，其實客人也不多，也不會像市區餐廳般繁忙，希望餐廳也可以多加注意。

諗住搵個地方chill吓，事前無睇食評，果然中伏。 食物和服務都不合格。我們坐在戶外，待應不足，幾次都是我們自己走到櫃頭。點了個$688情人節餐，諗住應該唔會差得去邊。頭盤個五花腩，有點像燒肉淋個西汁。主食Rositto送錯餐。我們已食了一口，待應過來想收回。我話算了，把原來點的那一個留給下一位客人吧。再來個羊肶，又係同一款西汁，啲肉食未熱既，而個飯生米。算喇，可能平時生意少，無請咁多伙記。見佢大大個吧枱，個DRINK LIST又好pro咁。點知連LONG ISLAND都調到好似VOLKA SODA咁。因為飲品另計，計埋加一，結果成800幾埋單。唔止係物非所值，係連大學CATEEN都仲好過佢。

好好味！踩單車經過好多次成日都見到但冇試過 今次入去食覺得超驚喜 下次都會入去食！手卷入面有啲辣辣地既味非常開胃 薯條又比得好多 服務又好好唔會有人不斷打擾到你 下次會考慮坐室外！

叫左杯black heart,酸到不得了！好明顯變質左🤮向職員表示佢話問下同事先之後有個男經理？表示係咁既味！我亦有講我喺出面飲過好多次哩款啤酒都唔係咁既味佢話唔同地方唔同味道😧😧請問同一款啤酒點樣唔同味？算！我唔同佢堅持，直接轉啤酒三文魚他他，咸到不得了🤢坐喺outdoor 完全冇人理！想搵個侍應都好難星期六都冇乜人，咁既服務態度&食物質數真係可以祝佢好運👎🏻👎🏻

去過好多次科學園，但都未試過依間，朋友試過話好食，咁就嚟試吓😍我哋叫咗好多嘢食，pizza , 意粉，小食拼盤⋯⋯etc, 每樣都比想像中好食😋，真係估唔到，仲要cocktails 買一送一，真係好抵。由於之前打嚟request 咗celebrate birthday 🎂 佢哋仲寫咗happy birthday 係dessert plate 🍽️, 生日朋友好開心☺️人均二百幾，有咁嘅質素，咁嘅環境，咁嘅服務態度，真係性價比算高，這間餐廳我會再嚟✅

隨住科學園寵物友善園區既誕生 😚我地去科學園既頻率都高左🩶毛孩放完電，去左附近既𝐇𝐚𝐫𝐛𝐨𝐮𝐫𝐯𝐢𝐞𝐰 𝐆𝐫𝐢𝐥𝐥☻︎餐廳戶外環境向海好寫意，每張枱都擺放一盞氣氛燈 。餐廳考慮到𝐡𝐲𝐠𝐢𝐧𝐞問題，餐廳特別準備左露營椅比狗狗坐，店員們很𝐡𝐞𝐥𝐩𝐟𝐮𝐥！ 𝐃𝐢𝐧𝐧𝐞𝐫 𝐒𝐞𝐭包括 是日餐湯、餐飲兩杯雞翼、𝐏𝐢𝐳𝐳𝐚 、咖喱飯、甜品我地+$98 𝐨𝐫𝐝𝐞𝐫左多份牛排。𝐃𝐢𝐧𝐧𝐞𝐫 𝐒𝐞𝐭實在太豐富了♥︎我哋食到好滿足(⁎⁍̴̛ᴗ⁍̴̛⁎)

公司午飯聚餐專登由大埔揸車出嚟科學園食諗住方便泊車、唔使逼人、有good view 呢間西餐廳食評唔多但都算正面所以就拉大隊嚟試試試左一次可以永久入black list 當日同行9個人，因為想健康所以7個人都叫左魚嘅set lunch Menu 中英對照但描述未見異樣上菜先知集體中伏睇圖都冇諗過呢道菜會喺西餐廳出現（仲要侍應們都係講英文！）冇錯，甜豉油焗魚柳+烚大白菜盛惠$138未計加一雪藏魚味，得一塊魚柳，份量少得可憐大白菜洗得唔乾淨，同行嘅人食到有泥&膠絲由於上菜極慢，我地都廢事叫佢換成個餐得呢舊甜品叫做好食

菜色選擇多，價錢較貴，同埋感覺衛生一般，水樽白蓋有黑邊圍住，職員都好似唔太想理你咁。我叫左個烤魷魚沙律+牛油果，先講沙律菜唔太新鮮，但份量都算係咁，最好食牛油果，好軟熟，較細粒。而烤魷魚佢地本身有D香料YIP製，好咸，口感好干好難咬開，有D整過龍既感覺。好彩叫左沙律汁另上。性質比真係好一般，係環境真係舒服，對住個海，可以自己揀坐室內定室內，秋風起，坐出面吹下風小小太陽都幾chill，好relax😀

最鍾意過嚟科學園食飯，容易搵位、又有免費泊車優惠，大部份餐廳都食過，未試過呢一間服務真係唔錯，侍應會幫我抹乾淨BB high chair 值得加分👍🏼好快已經點咗餐，大約等咗15分鐘，嘢食陸續送到，份量比想像中大。order 左好多嘢食：lamp, steak with fries, pizza, carbonara pasta, Thai beef salad最欣賞係佢嘅Pizza，焗得唔錯，個皮非常之鬆脆👍🏼唯一係個pasta，芝士重手得滯

今次去咗間食評不錯嘅餐廳，起頭我揀咗墨西哥芝士薄脆，真係正到爆燈！食落嘅時候，啲芝士綿滑得滯，薄脆嘅口感又啱啱好，啲醬料配搭得宜，層次感豐富得嚟又唔會過於膩口。香辣蒜蓉白酒蜆肉意粉食落得意爽滑！一啖咬落去，蜆肉嘅鮮味同蒜香味湊埋一啲🌶️，真係勁夠kick。意粉夠彈性，吸晒啲汁，咔咔辣，正！千島海鮮薄餅，餅皮脆到喳喳聲，海鮮配搭新鮮，每一啖都食到海鮮嘅甜味，啱哂愛食海鮮嘅你我。最後嘅雞肉蘑菇燴意大利飯，係實料實在，雞肉嫩滑、蘑菇鮮香，燴飯嘅gravy甘香滋味十足，一口接一口，可謂飽足感滿分！整體嚟講，呢家餐廳確實惹味香口，啱晒閒時同三五知己share下食物嘅樂趣😋。

今日天氣好得嚟，決定同三五知己騎單車去海邊放鬆一下。途中發現呢間餐廳，心想：「點可以錯過？」一坐低，眼前就係一片海景，吹吹海風，心情已經好曬。🚴‍♂️🌊首先，個炭燒肉眼牛扒真係正！外面烤到啱啱好嘅燶，咬落去肉汁四溢，腍得嚟有咬口，仲要份量得意，食得好滿足。🥩跟住嚟個英式炸魚薯條，炸得金黃酥脆，魚肉保持唔錯嘅彈性，仲有兩款醬汁，自己mix吓，口感層次豐富。當然少不了份芝士卡邦尼意粉，一口嗒入去，滑嘟嘟嘅芝士伴隨煙韌煙肉，令味蕾興奮不已。意粉軟硬剛好，食完曬都唔覺得悶。最後，甜品嘅椰絲蛋糕正中下懷，不會太甜膩，椰絲嘅香味令人回味無窮。整體嚟講，呢度真係一個食好西、望住海景嘅完美地方！🍰💯

踩單車經過科學園 同朋友揾間餐廳食下野吹下水依間近海邊既餐廳 可以望住個吐露港食飯 心情更加輕鬆佢地個lunch set包是日前菜（沙津/餐湯）同是日甜品 飲品就另外嗌既辣肉腸薄餅超邪惡 啲芝士超級拉絲 啖啖香濃芝士味 薄餅邊又酥脆 英式炸魚薯條有2款醬汁可以簡 分量十足 魚肉好嫩滑 食左半塊就已經好飽芝士卡邦尼意粉入面有好多煙肉 分量比其他餐廳多芝士味香濃 意粉軟硬適中最尾仲有舊甜品埋尾 甜品甜度適中 配上椰絲平鋪係面 味道唔錯

想chill一點的下午，我們選擇了科學園的餐廳。找到這間harbourview grill，因為天氣涼了一點，就坐在外面。一邊看着海，一邊吃午餐。叫了一杯Cocktail，果汁味很Fresh！香芒大蝦沙律也不錯，芒果不酸，大蝦很爽甜，沙律菜也很新鮮。三文魚他他讓我很驚喜，三文魚和牛油果粒非常配，還加上魚子，放上脆脆的麵包上，很好吃！烤雞pizza餅底很脆，烤雞很滑，很惹味！店員們也很友善，很helpful！