HAHA CHICKEN 하하치킨 (西九龍中心)

西九龙中心food court张櫈斜咁，都无阻晚市人潮因为真系好多平靓正嘅嘢食，其中呢间炸鸡真系饱到你瀡唔到滑梯:)晚市依然有set，一个餐有成三大嚿炸鸡，仲有饭同饮品好够份量又够平，出面好少有咁平嘅价今次试招牌芝士味，芝味浓郁，外皮好爽脆，鸡炸得好干身锁汁，肉质好嫩另外一个餐就要蒜香酱油味，酱汁多到完完全全包围住啲炸鸡，超级香甜又唔会浸腍啲炸皮，渗入滑口鸡肉超正跟餐有两款饭可以拣，卡邦尼饭听落好特别卡邦尼汁捞饭又几得㖞，饭底煲得唔错，好快就食咗大半兜饭另外一款系安东鸡饭，酱汁系啡啡地，似炖鸡汁，送饭都几惹味跟餐加廿几蚊有薯条，仲要系有味嘅，粟米汤味最独特，又真系有汤味，捞落薯条又几夹狂热味即系微辣BBQ味，食落香喷喷，份量仲好多，廿几蚊好抵加平时年糕系煲熟佢嚟食，炸年糕就比较少见，跟餐加几条试吓，试吓跟芝士炸鸡捞，脆皮烟烟韧韧咁，口感都几好咬口…Read More

劲难食 d肉又干又柴见到评论吹嘘到好似几好食 咁咪那晒嘢啰讲睇相就跨啦啦 个个都赞不绝口 讲到识飞咁 真系得啖笑等餐都系大概15分钟左右 中途都冇见有几多人帮衬d鸡肉难食 d肉又干又柴 外面好重味，但入边又冇乜味 超级鞋口 (我外卖返屋企大概15分钟路程)唔系真系以为捞d酱汁 出几个口味 就叫韩式炸鸡香港越来越多所谓嘅韩国餐厅 但真系完全唔系个回事 仲有个饭更加唔好叫 打开食咗一啖 果断掉咗佢 ............服务态度就中规中矩 始终喺food court亦都唔会有任何期待........... 做餐饮业最基本食物品质都咁差 难怪咁多结业潮 (当然仍然有其他保持质素对得住价钱嘅餐厅)希望香港餐饮业争气d  如果唔系真系唔好怪人北上消费 ................…Read More

今日同几个朋友嚟西九龙中心行街，夜晚想食炸鸡，见到美食广场有呢间韩式炸鸡几吸引，就试一试先！呢度嘅炸鸡都有好多款唔同口味，仲有多款炸物小食。我哋叫咗2个炸鸡餐，有炸鸡+饭+汽水，另外叫了一份炸鱿鱼 share。皇牌芝士炸鸡餐 —呢款芝士炸鸡系餐厅嘅皇牌。个餐份量都好多，有3大件炸鸡 + 2粒芝士年糕 + 一碗饭。我钟意炸鸡表面有大量芝士粉，好浓芝士味！炸鸡肉质都嫩滑多汁。芝士年糕都几烟韧入味。甜辣炸鸡餐 —呢款炸鸡表面淋上满满的甜辣酱汁。一样有3大件炸鸡，酱汁甜甜地 + 微辣，似韩式的酱汁，配搭炸鸡好惹味。我哋2个餐各配唔同口味的饭。一款系卡邦尼饭、另一款系安东鸡饭。卡邦尼饭 —酱汁系卡邦尼的creamy白汁，配饭几好食。有好多薯仔粒及烟肉。安东鸡饭 —酱汁好特别，系韩式炖鸡嘅味道。有好多薯仔粒及鸡丝。蒜香酥炸鱿鱼 —炸鱿鱼好松脆，好嫩滑唔会韧！配啖啖蒜香味，好夹好味👍🏻…Read More

西九龙中心嘅food court卧虎藏龙，入面嘅餐厅少啲实力都唔得呀🉐🉐，HAHA CHICKEN 主打平靓正高质韩式炸鸡，炸鸡有多款口味可以选择，而且仲可以叫套餐，抵上加抵🤩🤩🤩😛😛⭐双人滋味炸鸡套餐⭐呢个餐份量十足，两个人食就最啱喇👏🏻👏🏻❤️❤️首先可以选择韩式炸鸡半份，今次拣嘅王牌芝士炸鸡，系佢哋嘅招牌嚟。芝士粉香浓野味，远远就闻到佢嘅芝士味，爆汁鸡件新鲜出炉，外皮炸到香脆，内里爆汁，小心睇热呀另外仲有酥炸鱿鱼一份，鱿鱼嘅粉浆唔算厚，香脆可口，食材嘅选料唔错，食到浓郁嘅海鲜香气，口感Q弹😉😉😁套餐仲包括两杯饮品🥳🎊🎊🥳⭐安东鸡饭⭐有鸡肉同薯仔，酱汁香浓，米饭软硬度适中HAHA CHICKEN深水埗钦州街37号西九龙中心8楼F71-72号舖…Read More

星期六中午黎到西九龙中心 8楼美食广场， 哩度选择多多，系咁多既餐厅当中，今次拣左HAHA CHICKEN，因为之前见D评价唔错，就谂住试下。今次叫左个2号餐，蒜香酱油炸鸡餐 $51 (包括3件鸡 + 卡邦尼饭)之后我再加 $23要多个紫菜脆薯条，埋单合共 $74元正落单时见前面有几张单都系叫蒜香酱油炸鸡，应该都会几好味。加上之前睇D评价，所以本身都有D期待。WELL，食物外观上系吸引，望落唔错。首先个饭， 味系够，但多汁D好D。 薯条都新鲜炸，热辣辣， 几香。 D紫菜粉多D会更好最后到炸鸡，味道好浓，系好食，可惜败笔系用鸡胸肉， 食完个皮D肉就冇味，加上口感唔够嫩，所以整体麻麻地。不过如果你以 $51价钱就要求唔可以咁多， 但个人如果再食炸鸡宁愿比多D钱拣第二间， 因为比较注重口感。…Read More