HABITŪ table (美麗華廣場1期)

营业中

休息中

每次來Habitu 都好多人，不過佢環境設計得好 relax, 所以唔覺太密集。呢度嘅沙律好好食，不過今次唔係太夠時間，飲杯咖啡就算。呢度嘅咖啡夠香夠滑，唔酸，好好飲。

行到攰好多都要等位，仲要條人龍都幾長吓，見到呢間有位唔洗等，是但就去幫襯，消費要$90一位，各叫咗一杯凍，熱Latte，一個辣肉腸pizza，埋單$279。😋第一次幫襯，原來佢杯Latte好好飲，咖啡好夠香濃，有一種厚實質感，味道好豐富。個辣肉腸pizza真係有驚喜，真係3mm餅底，落order 先做，好熱辣辣，個餅底食落好似食緊薄脆，西椒好香，芝士好多，仲可以拉絲，呢個pizza我好鐘意，一上枱已經聞到好香噴噴嘅pizza味，原來有時無人排隊等位都未必係有伏嘅危機。

皇牌玫瑰咖啡(熱) $54由於堂食要加一，而我又靜係想飲杯咖啡，所以決定外賣，可以滿足自己咖啡慾外，又可以慳錢😏。估唔到一杯咖啡都要等差唔多3個字先有!!😮收到後，我特登開蓋睇下餐廳會唔會因為外賣而求求其其😏，估唔到有個心型拉花之餘，仲有玫瑰花瓣，同埋有D好似奇亞籽嘅野做裝飾，賣相同堂食無太大分別🤤。建議開蓋飲，聞住玫瑰香嚟飲，玫瑰味會更出😋。我平時飲咖啡唔中意落糖，好彩呢杯咖啡甜度唔高，我可以接受。至於咖啡香則係淡淡的，唔係濃烈款，餘味有少少苦。整體味道唔錯，值得一試。

行街攰攰地又肚餓，入左黎呢間coffee shop食左個all day breakfast , 環境非常舒適，飽覽好靚既風景，個all day breakfast 味道都唔錯，行街行得攰攰地可以坐係度休息傾下計

係美麗華行街行到攰攰地就入左去Habitu食個lunch偷佢坐得舒舒服服 又通常都唔使等位叫左個all day breakfast同雞扒食All day breakfast既配搭都幾好唔會覺得好肥 有啲沙律菜中和下個雞都嫩滑既

今日同朋友係尖沙咀行街行到有啲攰就飲返杯嘢.menu好多款咖啡都好吸引！我哋叫咗：🔸薄脆焦糖咖啡 $54杯嘢表面真係有一層焦糖敲脆佢同咖啡撈埋一齊甜度岩岩好～.🔸熱黑糖薑汁咖啡 $54薑汁味唔太濃亦唔會太辣所以唔會搶咗咖啡香味呢個配搭都唔錯～.🔸玫瑰法式可麗餅 $78因為岩岩食完晏唔太肚餓我哋就叫咗個crepe share大大舊cream同雪糕份量好足配埋果醬同新鮮士多啤梨🍓整體唔錯～同埋都坐得好舒服！

復活節假前嘅Happy Thu，食咗一個高水準晚餐，無堂食都一樣食得開心，皆因係意料之外嘅好味！🍴脆皮三文魚扒⭐️⭐️⭐️⭐️無出街食好耐，好想食三文魚扒好耐，難得搵到一間食肆有得外賣，真係開心到不得了，不過一打開盒蓋，聞到有陣肉桂味即刻滴汗，幾驚三文魚扒有落肉桂粉，幸好只係加咗落蕃薯蓉度，不過我覺得餐廳應該要提示下呢個有特別調味，真係唔係人人接受…唔食蕃薯蓉我可以食蒜蓉炒菠菜葉，呢個真係超好味超嫩，至於主角三文魚扒，皮焗完一輪已經唔脆，魚凍咗但魚肉質仍然嫩滑，配埋蜜糖柚子汁一齊食簡直絶配，不得不比5粒星，扣減1粒星係配菜加咗肉桂粉！🍴香烤厚切豬鞍扒⭐️⭐️⭐️⭐️⭐️豬鞍扒又係另一推介，雖然佢係厚切，但烤完出嚟都可以保留到肉質juicy，而且一啲都唔鞋，連青蘋果、沙葛同第戎油醋汁食非常好味！🍴蟹餅配蕃薯條⭐️⭐️⭐️蟹餅呢味道好特別，我係食到媽媽腸味道，而阿sir就話食到蟹味，不過我有食到些少蟹絲嘅，至於蕃薯條，粗身唔會炸到死脆，焗腍咗少少我覺得仲好味。二人共消費：$303

Me and my friend saw that there’s space in this restaurant so we went in straight away. We haven’t been into this brand for quite awhile so we sort of miss the food. The carbonara came very quick but I just thought that the portion is less than before which my friend agreed as well. It was creamy and cheesy. There was quite a few pieces of bacon. The mushroom pizza was just not my cup of tea. It was so salty. Actually it was super salty, I don’t know if it was the goat cheese that made it so sal

呢日想坐低食個靚lunch，就揀咗間咖啡店～環境乾淨又坐得舒服，而食物質素都十分唔錯！🍳全日早餐 All Day Breakfast ($158)黎到café一定要食個all day😂 又大份又足料～最中意係麵包用咗sourdough，食落有嚼勁嘅口感🤤加上滑嫩嘅雞蛋，係一個好好嘅配搭～🍝煙肉忌廉蛋汁意粉 Best In Town Carbonara ($148)意粉好creamy，鹹味較重，個人好中意🤤蛋味都好濃郁，同忌廉加芝士融合，口感豐富～食落唔會覺得過膩，係值得recommend嘅卡邦尼意粉！☕️薄脆焦糖咖啡 Caffè Brulee ($54)呢個咖啡好特別，喺其他餐廳冇點見過～面層嘅焦糖香脆，同咖啡一齊飲帶點甜味好夾🤤

 尖沙咀既素食店已經食得七七八八，唔想重覆食黎食去都係果啲，就要搵下有提供素食既一般餐廳。碌完一輪openrice之後，最後揀左喺美麗華既HABITU table。佢地個website有menu，啲菜式有註明邊啲係vegetarian，邊啲係vegan，十分清晰，唔洗驚中伏。餐廳喺美麗華既地庫，12點左右去到都唔算多人，枱與枱之間都有足夠空間，唔會坐得好逼，有返少少私人空間，都幾舒服。Menu上面有vegan dishes基本上都比我地叫哂，另外仲veganise左個nachos。飲品方面可以揀植物奶，可惜當日冇哂oat milk，只可以轉soy milk。先送上既係羽衣甘藍藜麥沙律 Tahini Kale Salad，用黎配搭既蔬果好清新，用中東芝麻醬Tahini做沙律醬原來都幾好味架喎。之前買左樽Tahini用黎整hummus，下次可以試下自己整依個沙律。芒果牛油果醬墨西哥脆片 Mago Guacamole Nachos本身有芝士唔係vegan的，我地叫店員幫我地走芝士。個芒果牛油果salsa醬用黎配nachos好夾，可惜醬既份量比較少，食到一半就己經冇哂啲醬。意大利青瓜麵 Zuc

啡，是攞嚟嘆的。☕嗰日咁啱去尖沙咀食完個飯見新信用卡有優惠咪入去飲吓點知真係好好飲豆又靚又blend得恰到好處個風味夠rich又係淺烘焙👍🏻再加個好食嘅scone成為左好chill嘅小tea🤓#foodiehk #food #美食 #美食家 #肥仔覓食 #食物 #hongkong #hk #食家 #食評 #香港 #香港人 #hker #hkfoodie #delicious #coffee #咖啡 #handrip #blendcoffee #coldbrew #coldbrewcoffee #chill #afternoontea #下午茶 #coffeetime #coffeeshop #coffeeart #拉花

前排星期日中午同小朋友上完該期最後一堂的興趣班後🎨，之後應該少機會咁長途跋涉出來佐敦尖沙咀一帶，所以今次就同佢食返餐豐富午餐啦～我印像中好似只係飲過HABITŪ 的咖啡☕️，反而未試過食飯，今次也是我的新體驗🆕Menu內的Signature Caffe同 Classico Caffe全部都好吸引😍今次我地得1大1細，所以簡簡單單一個意粉同一個小食便可以了Best in Town Carbonara 煙肉忌廉蛋汁意粉 小朋友一睇餐牌就話要呢款，因為寫住Best in Town！🤣🤣🤣卡邦尼汁香濃，看次不多，但足夠每口意粉都掛到汁，意粉軟硬適中，小朋友食得到，大人食落覺得有口感，雖然唔肯定係咪真係Best in Town，但應該都係一個幾令我滿意的卡邦尼FishPopcorn 粒粒炸魚 變奏版的fish & chips，炸魚柳改為細細粒的粒粒炸魚，性價比當然比傳統的要一些些差距🤏🏻，不過細粒左，享用時就變得方便🤟🏻，炸漿相對較厚實，但不至於一口粉，也令魚柳炸後硬淨D，方便就咁拮魚肉沒有太重魚味，不過香口又真係幾香口嘅粗薯就深得我地歡心🥰雖然一桶仔看似不多，但可能因為薯條同炸嘢都幾撐胃，所以食

已經有一段時間冇嚟呢間餐廳飲咖啡喇，不過佢哋每次都有一啲好特別嘅咖啡味道，如果只考慮休息一下飲杯咖啡其實都係一個好選擇。不過最近來飲親凍飲都係用紙飲管，呢邊都唔例外，但係用啲紙嘅管，個人真係唔習慣。並唔係話唔想環保但係好多時候呢飲咗一半嗰支飲管就已經溶咗一半呀。其實都係有啲唔方便嘅不如佢試下走飲管喇，飲凍飲其實有冇飲管我都冇乜所謂。食野次次都係好一般，但有最低消費，所以無辦法，呢度個nachos呢其實真係下次唔會再叫㗎啦。因為嗰啲nachos基本上都係乸埋曬一舊。玉米片都冧曬，醬同料嘅比例又好似怪怪哋。如果下次大家去都係叫多杯野飲，其他小食就冇必要再叫喇。

星期一在尖沙咀食午餐，朋友在此店食過晚餐覺不錯，我們便過來試下set lunch。12:50到不用等位直入，環境不錯，坐位舒適，價格也不算貴，服務一般，但對味道就十分失望，是不合格❌，是否set lunch就沒有心做好!？西蘭花鯷魚貓耳朵意粉 - 是友人選，她覺得全碟淡而無味，意粉硬，鯷魚沒有鮮味，只得西蘭花不過不失，食剩半碟，我也沒有興趣試了。煙三文魚抄蛋酥皮 - 煙三文魚過鹹，抄蛋沒有蛋香，個酥皮就ok，食材質數欠佳。

呢間 cafe 位於美麗華商場一期地庫， 我喜歡它的lunch menu 有多款食物選擇😉， 價錢大多在一百蚊以下， 南瓜羽衣甘藍沙律非常適合素食者， 羽衣甘藍配合南瓜丶 藍莓和檸檬醬汁一齊食， 非常清新，好味又健康。 手調咖啡有多種選擇， 咖啡味香濃， 有層次感； 十分喜愛巴西玫瑰咖啡， 玫瑰和咖啡的比例調教得啱啱好， 入口有陣陣的玫瑰花香味， 玫瑰花碎鋪在香濃的奶泡層上， 色香味俱全。😄😋😁 其他食物例如薄餅丶 全日早餐丶 香煎三文魚味道都不錯。