HABITŪ table (美麗華廣場1期)

营业中

休息中

同屋企人行街 見到呢間咖啡店好似幾靚 諗住坐低食個T傾吓計 點知食物質素大失所望.抹茶泡沫牛奶綠茶係我最愛 原本一上枱以為大大杯好抵 但係飲落先知中伏 抹茶味極淡 恍如一杯拉咗花嘅綠色牛奶.薄荷檸檬蘋果detox水聽個名感覺好清新就叫左 但係飲落完全唔好味 只有淡淡的薄荷牙膏味 唔望吓餐牌都唔知原來有蘋果成份.千層蛋糕我地點左斑斕椰子千層蛋糕同埋蜂蜜檸檬千層蛋糕 其實味道本身係唔錯 但係千層蛋糕來講就唔算得上係好食 蜂蜜檸檬果款味道有啲似柚子蜜 斑斕椰子呢 椰子味係重嘅 有椰絲 但係班蘭味就唔出只有顏色 果種綠色令人感覺好假 千層蛋糕嘅層數好容易散開 所以無左一塵一塵嘅口感 整體而言呢款蛋糕俾人好濟嘅感覺 .人均80幾蚊嘅下午茶其實有更好嘅選擇

我想試呢間Habitu好耐架啦, 但系食物質素同期待有d出入Matcha Latte 幾大杯, 甜度得宜, 但可惜抹茶味吾夠突出Mint, Lemon, and Apple 薄荷、檸檬及蘋果賣相有d hea, 味道較淡, 冇咩蘋果同檸檬嘅味道, 只令人記得淡淡薄荷的清新最後系口中浮現, 但吾系期待之中夏天嘅感覺Crespelle Cake 我哋本來想試吓主打嘅巴黎玫瑰, 但系佢又賣曬, 於是就叫左 熱情班蘭椰子 同埋 意式蜂蜜檸檬嘅千層蛋糕 熱情斑斕椰子千層蛋糕比想像中細件好多, 椰子味比較突出, 完全蓋過斑斕同奶香味餅皮都ok薄, 有層次感, 但系就吾夠堅挺實在, 令人難以用叉好工整咁切開, 食食下有d狼狽 意式蜂蜜檸檬千層蛋糕賣相幾可愛, 但味道就平平無奇, 就好似普通麵包舖都食到嘅味道我見吾止係我哋, 連隔離枱都冇食晒啲蛋糕, 可能我哋大家都覺得味道麻麻可能系期望愈大 失望愈大如果下次再黎到都吾再叫甜品啦

叫了個兩人晚餐，湯是綠色的濃湯，味道可以。不過沙律還未上就上了意粉，味道好。食食下沙律同另一碟主菜一齊上，所以知道他們是不按西餐程序上菜的，而且同時間有三個菜在卓上，因怕主菜变凍後不好吃，只好先食熱野，最後才食沙律。幸好所有東西味道都唔錯。最後點餐飲時我點凍檸茶，佢哋話凍飲要加16蚊，覺有這樣有點茶餐廳feel，不過係超貴個隻。。服務態度正如他們的普遍水平，但有個別同事(未見過她，應是新来或part time)說話時不太清楚而且細聲，要多加練習了。因在美丽华工作，比較方便，所以一定會再去。

今晚食左3個dishes:1) Grilled Chicken Quesadillas ($98) - 足料,味道賣相也ok2) Green All Day Breakfast ($118) - 牛油果,菠菜炒蛋也偏涼3) Classic Carbonara ($118) - 汁少,比較乾身除了美麗華分店食物質素每況愈下，服務更是差差差。當我舉手示意請店員為我加水時，首先我舉手一段時間後店員才過來，當得悉我想加水，回應是:等等，一陣幫你加，而且態度也不好。當我等了五分鐘見無人現會就再一次舉手，回應也是一樣。當我舉第三次手後，終於有人加水。結論是無意慾再會到美麗華HABITU。

一年一度母親節，唔係唔個靚靚蛋糕賀一賀媽媽？！ 我家特別愛蛋糕，是冇大小都會買個蛋糕食下🙈姐姐之前提過呢間蛋糕幾靚，d味都幾特別咁，所以就去訂個蛋糕當做母親節蛋糕啦！買左個honey earl grey味的！因為是姐姐落訂的，我攞個陣有點失望...樣子不算美，仲膠膠地🙈 食落都有earl grey 味，淡淡地咁都okay 嘅...但食耐左就覺得普普通通咁...下次都係買返大品牌☹️

夜晚來食估唔到呢間處於旺區既西餐甘少人，7:30來到入面得幾張枱有人，一半都坐唔滿。 旺區晚市甘冷青，所以對佢都冇咩太大期望。 番茄芝士沙律，個pizza 好薄身，我就唔太中意，可以厚少少，芝士味亦唔重，面頭的芝士食個陣要好少心，好容易跌出來，食個陣唔方便。整體來說好一般。 評分：6/10 蒜蓉蜆肉意粉，原來呢碟意粉係有點辣嘅，加埋啲蕃茄，味道係辣中帶酸，蒜蓉味唔太重，幾多汁，蜆肉唔太新鮮，太細隻，新鮮整體來說幾惹味，不過份量都幾細，女士來說可能是僅僅夠食。評分：8/10 牛肉好「銀」，都有五六舊，有茄子，同翠肉瓜，都算入味，但牛肉難咬是敗筆。評分：4/10 軟殼蟹意大利飯，個蟹唔太新鮮，食咗兩啖冇食，飯就唔太creamy,不過就唔會太溜，味道好清淡，不過不失，唔溜算係優點 。 評分：6/10

星期六放假日子當然要約朋友去食好野，尖沙咀絶對係約人食飯的最佳地方，加上朋友推薦 HABITŪ table ，相信都係值得一試的。雖然係星期六放假不能訂枱，但好彩唔算太多人，唔需要等位就可以入坐啦~餐廳係美麗華商場入面，而且環境舒適，可惜我地人少少試唔到太多野食。 素菜全日早餐 - 佢個全日早餐都算豐富，有菠菜炒蛋，烤豆腐，炒蘑菇，意大利烤豆，藜麥捲心菜沙拉，配多士同自製玫瑰草莓果醬。各樣水準都唔錯，特別係自製果醬甜度恰到好處，適合健康飲食的追求者。蕃茄忌廉香腸寬麵 - 蕃茄味唔算太重，反而係忌廉味較香，香腸分量少，但寬麵口感紮實，係唔錯的選擇。最係其實仲叫左炸魚薯條，可惜冇影到相，但味道都係唔錯的。整體而言，餐廳質素唔錯，但性價比唔算高，冇咩大驚喜，但都不過不失。

I went there to order seared wild salmon, the overall dish tasted really good, but after eating the dish I was feeling dissatisfied after rushing to the nearest toilet to vomit everything I ate. Afterwards, my appetite in the middle of the day became slightly poor and my tummy is a bit upset at the moment. 😷

今次去左間Habitu係有人serve。沙律菜都幾新鮮，軟殼蟹飯芝士味十足，仲加左有藜麥，莫加咖啡相比外界，啡味較重。食品都好滿意，可惜職員服務一般，面口有啲差。

已經好耐冇來HABITU開餐喇，呢晚本來揀了另一間Cafe，但睇完Menu見冇野啱食及有限時90分鐘用餐，即時唔想幫襯。跟手就即刻諗起呢間HABITU，打電話問過有冇限時用餐時間，職員話有90分鐘，但如果唔係繁忙的話，可以繼續用餐。唔講咁多，即刻過去啦。可能係平日關係，店內仍有3分1吉枱，我地都好快搵到目標叫野食。其實以前來過用餐都幾滿意嘅，唯一可惜嘅係已經冇左愛爾蘭咖啡，比較失望，希望日後Menu可以加返落去啦。① Pure 65% Chocolate Cake ($38)② Domaine de l'Ecu Muscadet ($62)③ Barbera d'Alba Tre Vigne 2012 ($76)④ Grilled Chicken Quesadillas 香烤墨西哥雞肉薄餅 ($98)⑤ Blue and Gold Nachos 香辣肉醬焗雙色粟米片 ($88)⑥ King Prawn Super Bowl with Cranberry Vinaigrette 大蝦牛油果藜麥沙律 ($98) Sub Total = $46010% Service Charge Tota

叫左個豆腐南瓜沙律，發現無南瓜，之後要問個仕應，點解好以無南瓜，他就走入廚房保返碟出來，唔好意思都無句啊！我覺這種服務可以使我唔會再來

今個星期六下午，去左美麗華既 Habitu, 試咗個綠茶味既 crespelle cake, 手指長度3" 長， $44/件 + 10% ，我原先以為會偏苦、綠茶味比較濃，但食落茶味唔夠濃，但唔算好甜，但餅皮就唔夠薄，唔夠滑（嚴格+挑剔嚟講，有d鞋），Lady m 嘅質感比較厚實、皮薄、滑。Lady m 既散件賣，好似 $78/件（4.5“長），我都寧願食 Lady m，根本冇得 flight 。

好耐冇幫襯Habitu ，仲記得以前下午茶餐有個Chicken Quesadilla 好好食但係而家冇左。今日行行下個fd 子肚餓，其實我夜晚仲要去食放題，淨係想飲杯野，不過佢原來有最低消費$60，所以就被迫叫個蛋糕下午茶餐。Cake set 點了Rose Crepe cake，（$58 + $8 ）人地"你D M"都出左玫瑰味，見依個crepe cake 都幾靚仔，即試。中伏！好鞋好乾真真嘅crepe 皮，淨用叉一拮落去根本拮唔開而係成塊咁掀起，即是代表皮好韌冇moisture，cream 又唔夠厚，超失望。（+16）Rose 奶茶，個拉花面目䑃糊，好香玫瑰花味，甜度適中。Egg Benedict ($78 ) 面頭嘅truffle 好香，用左parma ham，fd 話味道正常冇特別，不過得一個份量太少。普通Latte 跟餐都要加$16 有d 貴囉。我諗以後唔會再幫襯！

CNY afternoon coffee $60 min charge. Why does coffee take 15 minutes? Waiter Alan says only one coffee machine working so it's not his fault. Really? Then argued with us for 5 minutes why it's none of his business. Manager came over and no help. Only explain they have problems. Sure ok. Why do people come here?

Habitu 係走中高檔路線的咖啡餐廳，我認收費絕不便宜，聖誕節就即管豪一次試下。Green All Day Breakfast: 中間烤過嘅牛油果，暖中幼滑，再加上兩片麵包搽上附送嘅洛神花果醬，感覺好清新，還有配上雨衣金蘭灑上藜麥，Green 嘅感覺出晒嚟，雖然我認為整個餐在家中都整得到，不過享受食物係要有食物和環境配套，Habitu悠閒嘅環境就俾到呢種享受。Caffè Ginger: Ginger味稍為蓋過了咖啡，因為我喜歡Ginger就算佢啦。甜品Monkey Business: 係餐廳推介，焦糖鋪在香蕉上，忌廉覆蓋香蕉蛋糕，香味糾纏住味蕾，匹配非常，值得一試。