HABITŪ table (奧海城二期)

营业中

休息中

我今午到此餐廳吃下午茶，通常我都會清潔下枱面，嘩，紙巾是灰黑色的，算啦，我都清潔咗啦。此餐廳是用WR code 落單，因我不想慢，要求「女」職員幫忙落單，但她叫我到接近餐廳門口，我以為她不懂人手落單，要她的同事幫手，原來不是，她要我站在落單機旁邊，我說乜她就落乜，她是否智商有問題，落一份全日早餐都要客人站在一旁邊說邊落單，是否沒有帶腦袋返工呢😡，如此不願提供服務的餐廳，不如不要做服務行業啦，是否下次要客人自己落單，自己走入廚房弄餐，吃完自己洗碗呀，咁我點解要出街用膳呢😡😡😡😡😡

經常經過好想試當然話俾我老友聽啦就約好咗今日試吓食個lunch中午12點左右尚早所以仲有位不過好快已經坐滿晒～始終位置唔係太多lunch都OK 㗎有沙律pizza我哋大家都唔想食咁飽每人一杯咖啡加兩個沙律一個薯條Potatochips沙律的確係好好食薯條都好食呀份量夠三個人兩杯flatWhite～重要嘅嘢要講三次的確係好難飲好難飲好難飲另外一杯 Cappuccino 可以的咖啡唔使再可以飲～劣服務質素就冇㗎啦可能人多掛過呢間嘢試過就算啦冇下次😌

平日的下晝人唔算好多，環境闊落又舒服，行奧海城行到累一累就可以坐底休息下。去到既時候已經係下午茶時段，見到佢menu有嗰精緻既tea set，有唔同既迷你包、鬆餅、甜品，好似好正咁😋不過因為未食午餐，所以都係叫返啲正餐類既嘢食😂首先叫咗嗰全日早餐，份量都幾多，好多配料都打孖上：酸種包、豬肉腸、煙肉、菇...好適合兩個人一齊分享，唔洗切黎切去，一人一件😆跟住再黎一份卡邦尼意粉，好creamy，味道正常啦。呢個係tea set，加十幾蚊就可以配埋杯玫瑰咖啡，抵過單點好多😍😍😍

長假期週末想去一啲少人嘅地方，就過咗嚟奧海城搵食。😋野菌椰菜花不是飯 $148椰菜花飯好creamy，好多菇箘，同忌廉汁好夾，可惜味道偏鹹。脆皮三文魚扒 $228三文魚外皮煎得好香脆，略嫌菠菜偏鹹。泡沫咖啡 Cappuccino $48咖啡泡沫香滑，拉花好靚！巴西莓玫瑰咖啡 Caffè Açaí-Rosa $56👍🏻玫瑰清香，咖啡濃郁香滑，玫瑰同咖啡味好夾。野莓班戟 $88👍🏻班戟好香，配奇亞粒好特別，出奇地夾！整體來講咖啡同甜品出色，但係鹹點就一般。不過環境舒服，有休閑嘅感覺。如果鍾意飲咖啡，或者食甜品，都係唔錯嘅選擇！

食過無數次就來轉變成飯堂既Habitu,超鐘意佢既rose latte,不過唔知點解相隔幾年由最初會附上曲奇奇而家無附上，不過都唔重要，最主要飲個杯超香既玫瑰花咖啡。墨西哥餅都係我既至愛，餡餅無麵包甘樣甘多牛油，相對上健康好啲，而且內里既寶寶菠菜加埋cream cheese好好食。佢地既薄餅都幾好食，雖然佢無厚pie選擇，但就勝在份量足夠兩個人一齊分享。佢地既特飲係健康detox路線，飲落幾清新無負擔。😋💖

🍽️ 簡約歐陸風餐廳 味道不俗只欠一樣嘢？🤔好幾年前，153 對 Habitū 嘅印象係頗貴唔捨得食。幾年後有日經過奧海城，發現餐牌價錢冇乜點變，突然變得可以接受，就入去食咗個dinner🤣———❝ 蒜香蝦脆薄餅 | $158脆薄餅以「3mm」厚度為特色，係咪真係有咁薄就不得而知。不過薄餅的確非常薄脆，尤其邊位帶少許焦香☺️整體口感做得出色，但餡料再豐富啲會更好。評分：6.5/10———❝ 芒果牛油果醬墨西哥脆片 | $98墨西哥脆片香脆可口，而且份量十足。配大大片半溶芝士、份量十足嘅配忌廉，配清新開胃嘅芒果牛油果醬，超邪惡但配nachos一流😙評分：7/10———❝ 蕃茄肉腸寬麵 | $158寬帶麵彈牙帶有蛋香。蕃茄鮮甜，肉腸惹味，各種味道平衡得剛好，但醬汁再多啲就好喇🙈評分：6.5/10———整體而言，食物質素唔差，但考慮到價錢亦唔算低，建議餐廳可以喺食物外觀方面再多花心思，相信客人會食得更開心💓———HABITŪ table 📍餐廳地址：大角咀海庭道18號奧海城二期地下G68-69號舖

同媽咪喺奧海城shopping，行到攰想坐下，入Habitu食個下午茶😄裝潢優雅，坐得舒服；下午茶menu揀咗「菠菜雞肉墨西哥薄餅」($118)，薄餅微脆熱辣辣，菠菜雞肉餡量多，配鮮蕃茄醬同牛油果酸黃瓜醬，唔錯👍🏻「雙重法式沙律包」($94)，沙律係蟹肉加三文魚，賣相精緻得嚟幾好食👍🏻咖啡貪得意叫咗signature coffee「巴西莓玫瑰咖啡」，加咗羅勒籽，個人覺得麻麻地😅有位男經理服務殷勤主動又醒目，訓練有素👍🏻

好耐冇去過奧海城，今次去，發覺啲餐廳靚咗好多。我揀咗呢間好有歐陸情懷嘅habitu去chill一chill。 年初三，一於食好啲。我地兩個人叫左兩個主菜同兩杯飲品。蕃茄肉醬寬麵 $158香烤厚切豬鞍扒 $198巴西苺玫瑰咖啡 $54玫瑰錫蘭奶茶 $46我一直都好鍾意佢哋嘅玫瑰錫蘭奶茶，不過相比起早幾年，我覺得今次嘅玫瑰味淡咗好多。另外，蕃茄肉醬闊麵都好驚喜，闊麵嘅口感俾我覺得係用手打，好有𡁻頭。不過最驚喜都係呢個厚切豬鞍扒，塊扒有一吋厚，但係裏面啲肉好嫩滑，我真係未食過咁好味嘅厚切豬鞍。另外，餐廳內座位舒適，我下次一定會再去。

是日放慢腳步到奧海城無聊逛，四處看看，又到書店打書釘，累了當場又要Cafe一下。幸好下午2時Habitu不用等位，環境算不錯，枱與枱之間未算好迫，而室外座位會比較例嘈吵。以QR CODE落單，方便快捷唔洗怕搵唔到員工幫忙。伯爵茶咖啡$54平時愛喝伯爵茶，咖啡味之間滲出伯爵茶香，提昇了整杯咖啡的層次，奶味無咁重，很不錯。香茅雞肉牛油果多士$148份量望見唔算多，但食下食下都幾飽，餡料主要有檸檬草醃雞肉﹑搗碎的牛油果及荷包蛋，雞肉好香唔會老，流心蛋輕輕一切蛋汁流出，配上荷蘭醬，沾上多士好好味，仲有辣椒片伴碟，加埋一齊少少刺激都唔錯。整體食物質素高，但非繁忙時間出餐仍然較慢，有待改善。

向來對環境舒適度有要求今日收早黎Habitu食個lunch打開menu揀左5分鐘…選擇困難症又想食香口脆卜卜既野又想食risotto 、但係risotto冇咩選擇最後揀左chicken spinach quesadilla菠菜雞肉墨西哥薄餅加杯田園香草薄荷葉檸檬汁首先黎左個墨西哥薄餅伴碟有三種醬1️⃣牛油果芒果他他2️⃣醋醃蕃茄3️⃣酸忌廉菠菜雞肉墨西哥薄餅咬落去有啖啖拉絲芝士扯倒出嚟、薄餅夠焦燶脆卜卜、熱辣辣三款帶有酸味醬可以中和返餡餅既油膩杯田園香草薄荷葉檸檬汁飲落去有草青味+夠哂酸甜清新既青檸味連沙冰飲落去都有酸酸既青檸味平時飲既檸水溶冰後變冰水好淡冇哂味而哩杯田園香草檸檬汁溶冰飲到最後都仲有又香又酸既青檸味最後埋單食左$189

What a disappointment!What looked to be a good option for lunch left me hungry and questioning my decision-making capabilities. I ordered the ‘Aloha Chicken Burger’ lunch set. Excited to experience what looked like was going to be a good meal, I started waiting... 15 minutes later I asked the staff if my order is still on its way. The waiter assured me that it is “being prepared”. Another 10 minutes passed and I asked again. Finally, I asked just for my meal to be put in a takeaway box as 45 min

一到門口已經見到餐廳入面既花花佈置好少女好靚 絕對岩晒打卡暫時只有奧海城分店有呢個佈置🌸🌸餐廳既花花座位只能walk in 冇得book定-去到等左一陣就有得入座🙈🙈侍應都好好禮貌如果平日去應該會更快有位叫左個下午茶架非常迷你 是一人份量我地以為是二人份量 早知叫兩個😂但兩個女仔都是夠食的如果大食建議叫兩個tea會好啲-另外我地仲叫左幾件蛋糕食款款都好可愛好靚特別是綿花糖那款😋-大家都食得開心的一餐👍🏻

週末放假真的要放鬆一下約閨密好友去吃下午茶就最適合了❣️HABITŪ聯乘Francfranc及有機護膚品牌Skin Need推岀以玫瑰為主題的瑰麗英式下午茶🍰💗絕美花藝裝飾💗Francfranc Pastel Scallop粉紅甜品架💗精緻可口的茶點甜品💗Skin Need護膚套裝實在太夢幻太吸引了😍沒有不去的理由耶🫶🏻瑰麗英式下午茶 HK$258 包括有3款鹹點及4款甜點🌹意大利青瓜花天婦羅 🌹鹽漬紅菜頭撻 🌹蘿勒蕃茄烤吐司🌹提子鬆餅配士多啤利玫瑰果醬及clotted cream 🌹法式小泡芙🌹迷你手指馬卡龍 🌹朱古力香橙核桃布朗尼及軟心黑朱古力還有一系列期間限定的飲品和甜品🌹巴西莓玫瑰豆奶咖啡 $56 🌹巴西莓玫瑰豆奶碎冰 $58 🌹玫瑰麻糬窩夫 $98 另設外賣「玫瑰假日野餐盒」$568附送Skin Need防曬尊貴旅行套裝一份（價值$466）🎁🥰

假日Tea time 來不用等位，不過有花花佈置的枱說留給其他特登來排隊坐既人，明明門口無其他人等位中。其實都食過幾次這間其他地方分店，味道中規中距，沒有驚喜，又不會失望，閒時來跟朋友來食野傾計都ok 既。

在位於奧海城的Habitu 和亞姨和朋友catch up. 初初諗住去別的咖啡室，但最後經過這間Habitu, 就決定喺呢度食tea: 寬闊的空間及和風cafe的裝修，有忙裏偷閑的感覺，是一個打卡好去處的地方🥰🥰🥰。我們三人之前食咗個晏，仲未非常肚餓，叫咗兩個下午茶set包嘢飲，再加杯咖啡。English Scone set - 我自己就覺得比較麵粉味道重，喜歡牛油香嘅朋友未必欣賞。這個菠菜雞肉quesadilla 都幾好味，不過冇即刻食，所以整體上都硬了些了。配料好味，尤其有芒果香的guacamole. 飲品方面我們選擇了一杯檸檬茶、一杯白咖啡及一杯黑咖啡。 中規中矩吧。