Ha Noi 越南菜

营业中

休息中

最近唔知點解好想食越南嘢，所以今日經過尖沙咀重慶大廈附近就落咗地下搵嘢食，見到呢間好多人幫襯嘅越南餐廳試吓！估唔到佢好似做街坊生意嘅設計嘢食質素上有驚喜！🌟順化蕃茄蟹肉扎肉湯檬最鍾意就係佢呢一個蕃茄蟹肉檬，蕃茄味道濃郁，而且有超級多蟹肉，味道鮮甜非常之正！🌟越式豬頸肉撈檬另外佢嘅豬頸肉都好出色，唔會剪得好乾，反而有好多肉汁，而且調味啱啱好，配搭埋佢嘅撈檬好出色！🌟小食叫咗越式炸春卷(2件同蝦餅，兩款都非常之香口～蝦餅亦都好好食，食到蝦肉嘅香味，亦都炸得非常香脆🥳🌟椰汁三色冰 羅望子冰嘢飲方面，我哋都叫咗兩杯，從來都未飲過羅望子嘅嘢飲，原來係咁嘅味道都幾好飲同解渴☺️

今晚收工想食粉麵類，去咗尖沙咀重慶地庫個商場，有間叫做HaNoi嘅越南粉麵店，好食😋，坐得又舒服，性價比又高👍🏻我地叫左兩碗粉🫣生熟牛肉湯檬：牛肉鮮嫩好滑溜☺️特別係生牛肉，好正！湯頭亦好好飲，一啲味精都唔覺有，順口得黎好清甜😳極品牛三寶湯檬:有齊生牛肉、牛𦟌、牛丸，一次過滿足三個願望，牛丸好似特別彈牙😝我地再追加左兩樣小食🫡越式炸蝦餅：紮實爽口彈牙，用料夠哂鮮，而且熱辣辣上枱，好抵讚！豬頸肉：少少燶邊真係好正，油脂又豐富，仲有陣陣油香味😋黎多兩杯特色飲品：椰汁珍多冰同椰果椰汁西米露，入面勁多料，呢餐真係抵食得來又好味🥰🥰

餐廳位於尖沙咀鬧市中心，位置方便。餐廳面積比較大，可容納嘅客人唔少。餐廳裝飾特別，有藤帽同單車，有地道氣氛。順化蕃茄蟹肉扎肉湯檬蕃茄的酸甜味道和濃郁的湯頭相互融合，非常濃郁。蟹肉係另一個亮點，份量唔少，絲絲蟹肉分明，質地細膩，帶有海鮮嘅鹹香味，為湯檬增加了層次感，好味到連湯都喝清。越式豬頸肉撈檬豬頸肉層次分明，表面香脆，外表睇到以為比較乾，但食落有肉汁，唔嚡口。檬粉唔會太淋，配料十足，加埋酸香醬汁，非常清新開胃。另外加了2個小食。越式炸蝦餅炸粉唔厚，蝦肉結實，趁熱食是特別好味。酥香軟殼蟹比我平時食過嘅大隻多肉。外殼炸至金黃酥脆，咬下去時能發出令人愉悅的脆搭聲，這種口感帶來了滿足感。蟹肉肉質柔軟，整隻蟹外殼的脆口與內還的鮮嫩相互呼應，讓人愛不釋手。飲品係椰果椰汁西米露同鮮芒果西米露。幼滑香甜，味道唔錯。估唔到尖沙咀可以揾到咁美味，價錢唔貴嘅越南菜，之後開餐地點又可多加1個了。

慶方位於尖沙咀重慶大廈的地庫Ha noi越南菜係慶方21號舖餐廳有好多越南的象徵，竹帽，竹製品餐廳有好多木檯木椅，餐具放係櫃桶調味料用越南當地出產的魚露，辣醬，蠔油保證風味餐牌有個2人餐／4人餐主食有河粉／撈檬／炒飯有埋特色小食飲品方面叫特色飲品不須另加錢認真抵食😋主菜我們叫左牛丸湯河，豬扒撈檬，小食叫安南鮮蝦米卷飲品當然叫特色野飲一杯椰汁珍多冰，一杯椰汁三色冰另加河內豬頸肉沙律，西貢咖哩牛腩配法包牛丸湯河湯底濃郁，牛丸爽口河火夠滑豬扒撈檬配有蔬菜絲，非常清爽豬扒軟熟安南蝦米紙無油之選椰汁三色冰，珍多冰珍多非常彈牙，椰汁清甜豬頸肉沙律燒得好香蔬菜絲伴了魚露美味，開胃西貢牛腩配法包法包香脆牛腩淋，分量多夏天太熱時既好選擇

星期日去尖沙咀行街，經過重慶大廈見到佢地地庫翻新咗Health，裏面大部份都係食肆，揀咗去「Ha Noi 越南菜」食越南野😋極品牛三寶湯河粉一上枱就試咗啖湯，湯底濃郁牛骨味濃而鮮，材料有牛丸、牛𦟌、生牛肉，生牛肉呈半生熟程度，靠熱湯將佢整熟，肉質鮮嫩，牛丸爽口彈牙，牛𦟌口感Q彈勁重牛味，河粉夠晒滑溜，大大碗好抵食越式河內三寶飯(雞翼、豬扒、扎肉）越式都有三寶飯😆香茅雞翼皮脆肉嫩，豬扒煎得香口惹味，兩者都夠晒入味，加埋上面嘅葱油非常下飯越式豬頸肉豬頸肉外面燒得微微焦香，肉質依然保持爽嫩，點上泰式辣醬絕配👍🏻我地點嘅係小份，但已經有十片咁多，好抵食😋椰汁三色冰味道唔會太甜，香濃嘅椰汁加入啫喱粉條、紅豆、綠豆，一啖飲落去飲到唔同嘅材料，口感豐富鮮芒果西米露芒果夠甜，西米煙靭有咬口，食飽飽飲番杯西米露最適合不過📍Ha Noi 越南菜 (尖沙咀)尖沙咀彌敦道36-44號重慶大廈地庫heath 21號舖人均消費：$100食物：⭐️⭐️⭐️⭐️環境：⭐️⭐️⭐️⭐️回頭率：⭐️⭐️⭐️⭐️

-相信重慶大廈地庫都好少人會落嚟搵嘢食⋯ 其實都開咗幾多餐廳🥰今日同屋企人都係咁啱經過走落嚟睇吓有咩行下本身諗住去蘭芳園嘆杯奶茶 吔個豬仔包點知原來而家蘭芳園係六點閂門🫣omg最後去咗隔離呢間食越南菜嘅餐廳🍴✳️魚露雞扒蛋飯 $64塊雞扒好厚 又Juicy一啲都唔柴👍🏻✳️金不換豬扒炒檬粉 $92雖然價錢上望落有啲貴🤏🏻但份量真係超多 細胃朋友兩個人都夠食😆

中午嘅時候真係唔好食太飽，但難得老闆唔喺公司，梗係同啲同事食多啲嘢，傾下計。所以哩日我地一叫就叫咗好多嘢食。 🍖 除咗一人一碗檬粉，我地仲叫左小食拼盤同埋米紙卷。呢度既份量真係唔手軟，無論喺我嘅豬肉條撈檬，定同事嘅雞翼湯檬，其實已經飽到震。但小食拼盤真係吸引。全部炸野都脆卜卜，但又唔油膩。春捲，蝦餅，雞翼，都係精彩嘅部份。米紙入邊幾乎冇空位，但係因為有好多檬粉同大蝦，我地又唔想哂野，竟然食曬。結果返到公司瞌眼訓就在所難免啦。 🍺最後飲杯甜美嘅真多冰，其實好爽，真係就咁有令到自己嘅肚腩再增加。

今日去咗尖沙咀重慶大廈地下底層嘅Ha Noi，試咗佢哋嘅極品牛三寶湯河粉、順化蕃茄蟹肉扎肉湯檬、上湯灼田園蔬、熱蜜糖柑桔同越式青檸冰。極品牛三寶湯河粉口感好豐富，河粉彈牙有咬口。牛骨湯底鮮美濃郁，生牛肉、牛展均勻切成薄片，牛丸入口彈牙充滿牛味。生牛肉嘅鮮味同湯底嘅牛骨湯相輔相成，帶嚟一種濃郁嘅牛肉高湯。呢碗湯河粉係好啱中意濃厚牛湯既有牛肉質感嘅人。順化蕃茄蟹肉扎肉湯檬湯底有蕃茄蓉清爽帶有微微的酸味，蝦味香濃、蟹肉一絲絲放於湯面，肉質嫩滑鮮美，扎肉彈牙可口。每一口都能夠品嚐到湯檬嘅清新風味同蟹肉的鮮甜滋味，真係令人回味無窮。上湯灼田園蔬生菜新鮮爽脆，灼煮得剛剛好，保留咗蔬菜嘅天然甜味同嫩度。上湯清淡卻帶有一種鮮美嘅滋味，令蔬菜更加可口。熱蜜糖柑桔同越式青檸冰熱蜜糖柑桔選用越南青桔調配，柑桔香得嚟多汁，加上蜜糖的甜度，令人唇齒留香。越式青檸冰清涼解渴，帶有青檸嘅酸爽味道，十分提神。兩款飲品都非常適合夏天消暑，爽！👅味道💛💛💛💛💛🍽氣氛💛💛💛💛💯回頭💛💛💛💛💛(5💛為最高)

星期六食一人下午茶，下午茶時段至18:00，17:50入座，毋須等位，茶餐不包自選飲品，但有一杯茶。點了生牛河（$50）及熱奶茶（$5），10分鐘內上菜。上次光顧已是2022年，仍保持水準。食物份量足料，味道美味，環境舒適，明亮乾淨，可以稍為休息，上菜速度可以，接受電子支付（信用卡除外），付款方式頗方便。整體非常滿意，值得長期光顧。位置可能對首次光顧的客人有點難找，經過數間咖啡店走到最入即到。另外如下午茶餐包飲品則更佳。

適逢五一黃金周，成個尖沙咀都係遊客，搵間餐廳唔使排隊都好難。喺重慶大廈隔離嘅商場，地庫有間越南餐廳竟然唔使排隊就可以入去，不過都係要搭枱。 一坐低，店員會比一杯班蘭茶俾你飲吓先，同一般餐廳嘅洗餐具茶完全唔同🤣🤣 我點咗一個香茅豬扒撈檬粉 $63 ，豬扒係成塊上，份量都唔少，檬粉都好乾身，個底仲有紅蘿蔔絲、生菜絲👍🏻👍🏻👍🏻 碌冧— 即係平時攞嚟撈檬粉嘅紅色甜酸汁，呢一間餐廳係比客人自己按份量落，幾好👍🏻👍🏻 如果大家去尖沙咀唔知食咩，可以過嚟呢間越南餐廳試吓，環境都錯，坐得幾舒服。

重慶大廈地庫經過翻新後成為地下街，內有多間餐廳可供選擇。😋其中一間值得推介的越南菜餐廳是Ha Noi。他們的軟殼蟹🦀是一道不容錯過的小食，皮薄而且炸得非常香脆，熱辣辣，味道豐富。另一道推薦的菜式是🐷越式豬頸肉，這份豬頸肉燒得香口，但仍保持了肉汁，外脆內嫩，特別美味。如果您想嚐一嚐正宗的越南風味，🍜可以試試他們的生牛肉湯河粉。這碗湯河粉裡有生牛肉，牛肉非常嫩滑。🐮而湯底是以牛骨熬煮而成，味道濃郁，令人回味無窮。最後，推薦一道🐤香茅雞翼。雞翼醃製得入味，帶有香茅的香氣。

星期日 喺尖沙咀想趕六點前嘅下午茶座位舒適，唔算好多人👌🏻香茅豬扒撈檬香茅豬扒好食，有味唔乾檬粉足夠份量 撈酸辣汁/是拉差都好食👋🏻咖喱牛腩飯咖喱汁偏水+油，牛腩細舊 但多，偏靭但味道就唔差，不過會食返河粉或者撈多啲👌🏻冰鎮奶茶好飲+$10👋🏻芒果椰汁西米+$12唔係好吉身果隻，係稀果隻質地，有芒果肉，不過奶茶好飲啲

我最近去了尖沙咀重慶大廈的 Hà Nội 越南菜餐廳，我點了幾道菜和一杯飲品。🍴首先是順化蕃茄蟹肉扎肉湯檬。這是一道經典的越南菜，湯底香濃，裡面有新鮮的蟹肉和蕃茄，加上檸檬的酸味，讓湯的味道更加豐富。整道菜的特點在於湯汁清甜，蟹肉鮮嫩，非常適合作為前菜或湯品。接下來是小食越式炸蝦餅。這道小食外酥內嫩，餡料裡面有新鮮的蝦肉和香料，非常適合當作點心或下酒菜。整道菜的特點在於口感酥脆，味道香濃，是一道非常受歡迎的小吃。最後是鮮芒果西米露。這是一杯非常清涼的飲品，裡面有鮮甜的芒果和Q彈的西米，加上糖水和冰塊，非常適合在炎炎夏日飲用。整杯飲品的特點在於清爽甜美，非常適合作為甜點或飲品。總體來說，食物和飲品都非常美味，整個餐廳的氛圍也非常舒適，讓人感覺很放鬆。如果你喜歡越南菜或者想嚐試新口味，我推薦 Hà Nội 越南菜餐廳。👍

軟殼蟹撈檬🦀是一道非常香脆口感的菜肴，軟殼蟹的鮮味和泰式醬汁的🌶酸甜相互融合，口感十分獨特。豬頸肉也很不錯，🐷豬肉的肉質多汁，烤得剛剛好，撈埋檬粉，非常美味。香茅雞翼🐤則是一道清爽的小吃，雞翼的肉質鮮嫩，香茅的味道清新。泰式紮肉則是非常有特色的菜肴，肉質鮮美，配上泰式的醬料，味道非常開胃。椰汁紅豆則是一道清爽的飲品，🥥椰汁的味道清香，紅豆也煮得剛剛好。#tsimshatsui #尖沙咀美食

📍Ha Noi越南菜(尖沙咀)尖沙咀彌敦道36-44號重慶大廈地庫health21號舖個朋友話帶我去重慶食越南菜，佢話間舖靚嫁，我心諗重慶邊度會靚，佢話係重慶旁邊落地庫，去到原來係商場，走到最篤篤就會見到間舖，門面好大好光猛，原來有好多分店，好好食😋😋👉酥香原隻軟殼蟹 💰$44😋😋😋😋.3/5成隻一開二咁上枱，佢個樣好招積，就一啖咬落去，辣親個咀，因為即叫即炸即上枱，辣到講左粗口，好脆卜卜，仲有蟹汁咇出嚟，好味到不得了👉越式炸蝦餅(細)💰 $32😋😋😋😋.5/5大大塊蝦餅，滿滿新鮮蝦肉，爽口彈牙，都係即叫即炸，今次受教訓之後，吹下先慢慢放入口👉越式豬頸肉撈檬 💰$66😋😋😋😋.5/5本身想叫豬頸肉小食，但叫豬頸肉檬粉就可以食多樣餸喇，豬頸肉煎到面層好脆，邊邊位最為好食，仲有肉汁同唔韌，檬粉就夠哂彈牙，淋埋越式魚露醋汁就非常開胃，大口大口咁食👉極品牛三寶湯河粉 💰$72😋😋😋😋.5/5牛魔王嘅我叫呢個就可以滿足哂我，生牛肉真係一啲都唔會過熟，仲有啲血紅色喺度，牛𦟌就滷得好入味，好重五香味，而且唔會好硬，牛丸就好彈牙，咬落去會咇汁嘅，而個河粉就非常滑，唔會好油膩，湯底好濃郁，一啲都唔馬虎，