Grove Café

食咗咁多次cmc cafe嘅嘢食，都未食過佢啲牛油軟包，所以今次就特登試吓佢呢款煙肉碎蛋沙律牛油軟包。早餐連飲品28蚊，今次感覺就唔算太抵啦！個包嘅構造好簡單，就係一個包，入面有蛋沙律，中間再夾咗塊煙肉。蛋沙律fill個包都唔算fill得好滿，不過塊煙肉就算夠長，個包都幾大。味道口感方面，個包好軟，偏向甜嘅包，而且好香，包幾好食；入面嘅蛋沙律都味道唔錯，而且啲蛋都整得幾細；煙肉就係正常。夾埋一齊食鹹鹹甜甜咁都幾夾，煙肉嘅鹹加埋個包嘅甜，會俾人覺得啱啱好。只不過28蚊就有少少貴…查看更多

又喺CMC食個早餐，見天氣凍凍地，就叫個有湯熱熱地嘅蕃茄湯慢煮雞胸湯麵（我轉咗做米粉）。雞胸嘅份量指有幾塊唔算細塊嘅，隔離有啲粟米粒同菇。下面嘅米粉都有成大碗，份量都幾足夠，非常有趣地，佢俾咗包牛油我。雞胸肉佢話係慢煮，都食得到，唔會柴，幾juicy，唔會乾，都處理得幾好。下面個蕃茄湯都幾濃蕃茄味，配埋會吸引汁嘅米粉，每啖都會食得到蕃茄味。加埋啲粟米同菇，有翻少少菜balance翻，都唔錯。28蚊有咁大碗都唔錯，幾抵食。…查看更多

Cmc早餐餐牌上面好多都食過，今日就去試埋個英式早餐先！都係廿幾蚊，都幾抵食！cmc cafe啲廚師真係好fun ，會排到個餐勁cute cute先出餐，今日係一個表情吖！而早餐嘅份量都唔細喎。英式早餐有兩片烘過嘅多士，好脆；有一塊煙肉，唔係煎嘅，不過唔算鹹；薯餅，外脆，入面仲有好多薯仔粒粒；三粒車厘茄，偏酸；煎太陽蛋；茄汁焗豆，凍嘅；同最後一條腸，都幾好食，唔會好鹹。整體嚟講，早餐都幾高質，而且價錢又唔貴，一流！…查看更多

繼續食吓cmc唔同嘅早餐先！今日嗌咗呢個野菌煙三文魚蕃茄湯螺絲粉。🤤🤤份量都係足一碗嘅，上面有一塊算大嘅煙三文魚，隔離有啲菇菇（其實底下都有啲嘅）。食落個蕃茄湯底都okay，都好有蕃茄味，應該唔係味精嘢。螺絲粉份量多，唔會塊到好淋，仍然有啲彈性咬口嘅。👍👍👍菇就係正常嘅菇，冇乜特別，係爽口嘅口感幫碗粉加咗啲層次。煙三文魚唔會好鹹，煙燻味都唔會好誇張，食落仲食到三文魚嘅魚味。唔錯將魚放落湯度，會熟咗，加埋啲蕃茄味，又係另一番風味😂😂😂…查看更多

Cmc早餐有一個沙嗲牛肉煎蛋公仔麵餐，二十七蚊加埋熱飲。個麵上面有隻好靚嘅太陽蛋，正！下面就係麵。應該就係一個麵餅咁大嘅份量，隔離係沙嗲牛肉。沙嗲牛肉幾香，唔會好鹹，味道都算濃。牛肉唔會鞋同靭。不過真係少少覺得佢份量唔算多。如果撈埋落啲麵就會淡咗啲。麵體煮得好出色，爽口，彈牙，完全唔會太淋、或者唔夠熟。煮得好好食。食完個早餐，食多個生果杯。入面有西瓜橙同蜜咗。生果全部都好新鮮，亦都好甜。13蚊真係好抵。…查看更多

上次試過佢個英式早餐，今次就試吓佢個歐陸早餐先。呢個歐陸早餐嘅份量都大，有兩塊烘過嘅toast，一塊薯餅，煎蛋，火腿，三粒車厘茄，仲有最重要最重要，要係幾大塊嘅大雞扒！雞扒真係幾大塊，有成隻手掌咁大，上面有啲茄汁。雞扒煎得好食唔會柴同唔會乾。而且雞扒又唔肥，配埋雞皮咁食，真係正！上面啲茄汁酸酸地咁，都幾開胃！薯餅就同平時一樣好食，火腿就係普普通通簡簡單單一塊，冇乜大特別，煎蛋都係。係唯獨覺得車厘茄有啲酸。塊toast有烘底抵讚！食落脆卜卜！搽埋牛油一流。25蚊有埋熱飲，而且高質，抵食過其他ac嘅早餐啊呢！…查看更多

多數喺呢度係會食外賣同出邊唔同嘅喺呢度嘅外賣都唔錯，首先份量充足，有陣時食焗意粉嘅時候上面嘅配料同埋芝士都係比足哂送到比你嘅時候仲係熱辣辣，包裝得實實淨淨，又保温，又唔會漏到啲汁周圍都係另外值得一提嘅係呢間餐廳嘅環保意識好高呢度係會用紙盒作為外賣盒（湯麵則是用塑膠外賣盒），而呢度嘅外賣餐具都係木製，不過都唔需要擔心佢會唔會有啲「參刺」嘅情況，佢本餐具嘅表面係平滑，用落去既環保又安全依家好少餐廳係會有木餐具，疫情下多了人叫外賣，用木餐具就可以為環保出一份力值得一讚…查看更多

讀書嗰時冇個好早餐support，都幾難聽入耳。由其係一早要行上山上堂，更突顯早餐嘅重要性。CMC cafe度，叫咗個英式早餐。賣相都幾唔錯，份量都合理：有兩塊多士，兩塊煎太陽蛋，一塊薯餅，三粒車厘茄，茄汁豆同埋一條腸。佢個茄汁豆係唔熱嘅，如果可以稍微整熱佢就好了！呢條腸佢整到外脆，入面都juicy，而且呢種腸唔會太鹹佢個薯餅正喎！脆！熱！入面每啖都係薯仔，如果有得單賣，一定買爆佢嚟食！！太陽蛋都正，可惜有一隻穿咗！25蚊一份早餐，nice吖！…查看更多

雖然呢間cafe位於算半山cmc，平時唔算太多人食，但係佢啲早餐真係一流！叫咗個歐陸式早餐，廿幾蚊，份量都唔細㗎喎，而且係真係啱啱做起俾你，個熱度一流！兩塊麪包係烘過，脆！佢個薯餅都好好食！外脆內軟，入面啖啖薯仔肉，而且熱辣辣，正！蛋同火腿都係好明顯啱啱煎好，蛋唔會太熟，個黃有少少微溏心咁，真係一流！雞扒唔算大塊，但係勝在煎得好，唔會好乾，加埋上面少少茄汁，同隔離啲車厘茄，真係幾好食。加多杯幾香嘅熱咖啡，真係有個good morning！…查看更多