GRAIN (已結業)

位于坚尼地城海旁，Grain 成个氛围都好休闲的好放松。最啱嚟个悠长午餐、小酌一下佢哋既手工啤酒。佢哋既Gweilo Brewlab 仲系香港唯一一间设系运营中既餐饮场所入面既啤酒厂。提供各种唔同款式既手工啤，大大个酒缸加埋大粉红霓虹灯，好抢镜好好影～夏天饮番杯酸味重果味香既，成个人都醒神晒～Atlantic Cod Fish Slider大西洋鳕鱼汉堡、青豆蓉、他他酱 <--- 鳕鱼炸得啱啱好，外脆内滑，一啲都唔腥; 豆蓉画龙点睛令个口感更加丰富有层次~好食～GFC ' Grain Fried Chicken'啤酒、白脱牛奶炸鸡腿、辣蛋黄酱 <--- 呢个觉得个炸酱略厚口感争啲~ 。但系个辣蛋黄酱救返好多，同炸鸡配搭好加分～另外必须要大赞系佢哋啲 staff 服务态度超好，劲友善劲热心～💯…查看更多

西营盘fusion餐厅，除咗有招牌啤酒可以饮，更有多款融入啤酒特色菜式😍创意设计，好有新意！🐮Roast Bone Marrow $160心心念牛骨髓❤更加入芝士同意式香草鳀鱼酱烤制~酸种面包涂上牛骨髓，多重口味，够惊喜。🍊Scallop Ceviche $170带子片犹如裙折翩翩起舞般，精美摆盘令人心动，柑橘汁腌制之后嘅带子，更富有血橙、哈蜜瓜同薄荷嘅热带气息。🥩12-hour Beef $260香草酱mix红酒汁，12小时慢煮，牛肩口感柔滑。🐷Iberian Pork Presa $260西班牙黑毛猪肋眼比预期仲厚！第一次试玛德拉酒汁，加上腊肉肠，红腰豆同鹰嘴豆，口感丰富细腻，带有独特焦糖咖啡味。🍌Banana Crunch Cake $75 🍫72% Chocolate Tart $75后者黑朱古力挞更钟意！系我最爱嘅甜挞皮❤杂莓更加可以去咗朱古力嘅甜腻，☕咖啡雪糕冰凉透心。…查看更多

今日同事带咗我嚟呢间餐厅，我一定钟意因为呢度周围都觉粉红色嘅Decoration ，话我今日少女心一定钟意喺呢度打卡，比起呢度嘅环境我更加钟意呢度嘅食物🤭今日叫咗好多嘢啊，等我逐一分享啦，我自己最钟意嘅就系👉🏻Roasted Twice Cooked Chips双重烤薯条👈🏻、👉🏻Crispy Pork Belly香脆猪腩肉👈🏻同埋👉🏻 Roast Cauliflower烤椰菜👈🏻。首先讲吓双重烤薯条先可能因为经过双重烤焗嘅关系，所以我觉得佢特别香脆。而且薯仔味好浓郁。另外就要讲下香脆猪腩肉😍，我自己都几钟意㗎 ！因为食落去真系好脆口，非常邪恶嘅食品！芝士烤椰菜，虽然比较普通，我但系我相信唔少人都钟意食！因为芝士🧀嘅咸香味会为椰菜带嚟一种点缀。👉🏻Heritage Carrots复古甘笋👈🏻暂时系呢一餐我觉得最特别嘅菜式，因为甘笋🥕原来有咁多只颜色。食落去有一种香甜嘅杏仁味。👉🏻Panzanella Salad杂菜沙律👈🏻我自己几钟意当中加入咗意大利啲面包同埋鳀鱼，口感好多层次，另外仲加入咗橄榄🫒、番茄🍅。令到味道层次更加丰富。屋企人就比较钟意👉🏻Bruschetta 烤车厘茄意大利面包👈🏻同👉🏻Buffalo Halloumi炸哈罗米芝士条👈🏻，可能两个饱腹感都比较重。所以佢哋觉得特别抵食挂，两者相对上我觉得烤车厘茄意大利面包，味道更特别，因为当中加入左陈醋去增加酸味。另外芝士条就相对上普通少少，但系真系外脆内软㗎！…查看更多

早排碌碌下social media见到foodie推荐呢间西餐厅，即刻同男朋友黎试下，野食摆到好靓，味道都唔错，而且食brunch都几抵食，食到好饱好开心🥳首先系Crispy Beef Cheek，呢个牛面颊炸到好脆，四四方方咁，啖啖都系肉🤭🤭咬落外脆内软，仲有肉汁架，下面仲配埋炸蒜蛋黄酱，好有咸香，配搭得好之余，好好食呀😙😙仲有呢个Panzanella Salad，系杂菜沙律、鳀鱼、橄榄、番茄、意大利扁面包既配搭🫶🫶沙律菜好新鲜，脆卜卜，啲配料都好多，唔会少，酱汁唔会太浓，用黎做前菜啱啱好，好开胃，加埋脆卜卜既面包，口感一流😍😍小食仲有呢个Heritage Carrots，呢个小食都几特别，用左呢个睇落好特别既复古甘笋黎做主角，加上牛油同杏仁做调味，香味十足之余，配上甘笋既清甜啱啱好😙😙最后系Baked Salmon，三文鱼肉质好滑，入面仲有少少粉红，个酱配埋三文鱼好夹，酸酸甜甜，仲加埋三文鱼籽，更清新之余，口感仲更加丰富左❤️❤️…查看更多

呢间系西环海边既西餐厅装修好好，位又坐得舒服，黎呢度食午餐都好享受呀。我地先叫Panzanella Salad，呢个系杂菜沙律，超级丰富，有好新鲜既青瓜片，蕃茄仔，生菜，仲有鳀鱼、橄榄、番茄、意大利扁面包，咸咸地既鳀鱼同清新既蔬菜出奇地好夹，好开胃。之后叫佐Crispy Beef Cheek，原来系炸脆既牛面颊，牛面颊炸脆咗都唔会好鞋口，入面啲肉仲好嫩滑，再加上底下既烤蒜蛋黄酱，好香，味道好浓，好好食。然后就系Lasagne，传统西餐厅既意粉菜式，好考功夫既芝士肉酱千层面，用咗车打芝士同埋水牛芝士碎去焗出嚟，再加埋香浓嘅牛肉肉碎，好香，啲面又系自制嘅，面质好好，仲有脆脆嘅面包碎，口感超正。最后叫埋1/4Chicken，顾名思义主角就系四分一只鸡，配菜就系烤双重炸薯条同埋椰菜丝沙律，鸡肉好嫩，唔会焗得过老，薯条就够晒脆，仲有新鲜既沙律，又饱又健康，正。饮埋杯手作啤酒就perfect池啦。…查看更多