GoodDay BadDay MamaDay

店名古怪但出品認真！由火焰表演意粉到原隻龍蝦壓場，每道菜都玩到極致，打卡食飯兩不誤～必點神級主菜：火焰北海道壕肉拿破崙意粉上桌即淋酒火焰狂舞（橙碟減戲劇性，但儀式感滿分！）意粉煮到Al Dente彈牙，醬汁收乾至每條掛汁唔滴漏，炸蠔脆到似天婦羅！壕肉嫩滑×濃醬=邪惡度爆錶原隻波士頓龍蝦意大利扁麵 震撼視覺！龍蝦霸氣伏在意粉山上→ 蝦肉飽滿彈牙冇欺場，扁麵吸盡蝦膏精華， 相機先食呃Like必殺技蟹GOGO甲羅燒龍蝦汁燉飯日式蟹膏×龍蝦汁神仙碰撞！→ 燉飯刻意煮偏冧（非傳統硬芯），龍蝦汁滲透每粒米，撈勻爆膏甲羅燒，鮮味核彈級轟炸！甜品飲品解膩攻略：• 是是但但窩夫（Oreo版）心形窩夫少女心爆發！鋪滿Oreo碎脆+瀑布奶蓋，冷熱交融罪惡得有理～• 自煮茶韻雙星：山楂果肉玫瑰花茶：嚼得到酸甜果肉，花香解膩洛神花柚子茶：柚子皮添香，熱飲原壺保溫超貼心體驗總結：✓ 火焰/龍蝦/蟹膏 | 每道菜都是話題王✓ 窩夫隨機口味 | 驚喜感滿分✓ 玩味裝修 | 適合搞怪打卡派對—「食指大動」已不足以形容，直情想搬屋住附近日日食！—…查看更多

<GoodDay BadDay MamaDay>位於尖沙咀一間好特色嘅樓上cafe，餐廳環境設計玩味，菜色名稱獨特有興，意粉方面 - 小妹最喜愛佢地嘅「有蟹Go又有蟹肉的蟹蟹蟹意大利扁麵」，有蟹肉、蟹膏、蟹籽、蟹鉗、蟹腳，口感豐富；小食方面 - 首選佢地嘅「蜜糖芥末雞翼」，雞翼金黃香脆，外脆內嫩，配上蜜糖芥末醬汁，甜甜辣辣，回味無窮；至於甜品方面 - 「手工紫薯蛋糕」冇得輸，甜度適中，層次豐富，口感細膩，為整個聚餐劃上了完美句號。…查看更多

Mamaday係尖沙咀嘅人氣樓上cafe，以玩味十足嘅裝修同創意菜式吸引大量打卡客。餐廳環境色彩繽紛、滿滿幽默金句同復古布置，打卡一流。一打開menu，菜名都非常搞鬼，試過蒲燒鰻魚蛋包飯、蟹蟹蟹意粉、軟殼蟹薄餅等，全部用料新鮮又足料，特別推薦鰻魚蛋包飯，鰻魚厚切無骨、蛋滑飯香，配合得好出色；甜品如紫薯芝士蛋糕同焦糖脆脆窩夫，味道層次豐富。仲有live band表演同生日驚喜，氣氛好適合慶祝聚會。唯一缺點係有啲高峰時段需要等位，但服務算快、店員有禮。總括而言，Mamaday唔止有搞笑元素，食物、環境同氣氛都好出色，絕對值得同朋友一齊去試！🎉整體我會比80分💙💙…查看更多

有冇試過一入餐廳，未食已經想打齊卡先？📸 尖沙咀加連威老道有間樓上舖，裝修好似入咗展覽館 🎨🖼️ 餐廳要由地面行一層樓梯上去，樓梯窄窄地，不過已經掛滿咗啲又搞笑又有心思嘅霓虹燈、標語、畫作等，二樓全層都屬於佢哋，仲要有 Live Band 位 🎶 行入啲仲有個包廂都幾適合開 Private Party！芝士龍蝦火鍋 🦞🧀 $398 呢個芝士火鍋有波士頓龍蝦、青口、帆立貝、西蘭花、薯仔、麵包粒... 龍蝦多膏同已經切好，放落芝士度浸一浸就食得 🧡 最正係個芝士香濃得嚟一啲都唔膩仲可以拉絲超超正 🤤~CHEEZE！有蟹Go又有蟹肉的蟹蟹蟹意大利扁麵 🦀🍝 $145 蟹肉、蟹膏、蟹籽、蟹棒、蟹腳、蟹鉗... 真係乜蟹都有 😆 意粉唔算多醬汁，但一啲都唔乾，口感啱啱好，啖啖蟹嘅鮮味，啱晒懶得拆蟹殼又想食蟹嘅人！白酒忌廉青口配兩杯白酒 🦪🥂 $198 忌廉汁杰身但 Creamy，青口肥厚冇腥味，配埋兩杯唔錯嘅白酒～ 記住趁熱食，如果唔係忌廉汁會慢慢凝固。白桃啫喱烏龍水果茶 🍑🍵 $58 (期間限定) 呢杯水果茶有齊 🍓🫐🍑🍊🍏 仲有啫喱，唔太甜亦冇 Artificial 味！Bonus：最近飲品有打卡買一送一優惠🍹🍹…查看更多

星期一下午同同事去食 一個 2人business set lunch 不用$400 有湯x2 沙律x2 小食2選1 主食3選2，因為三個人再加多左個lunch set同加左個軟殻蟹（有啲咸）但整體黎講幾抵食…查看更多

好耐之前一早被Mamaday喺社交平台鋪天蓋地式洗版，今日終於有機會嚟到依間玩味十足嘅網紅餐廳打卡影靚相📸餐廳有大量特色佈置，餐具餐枱一樣好吸睛，啱晒最中意影相嘅朋友！當日嗌咗招牌【唔好抱咁大期望蒲燒鰻魚蛋包飯】，條鰻魚明顯無其他kol post出嚟咁大條，似係切頭切尾比人偷食咗，味味都係普普通通。另外仲嗌咗炸魷魚圈同埋窩夫，由於當日係幫朋友慶祝生日，店員都有寫HAPPY Birthday喺個盤度，同埋準備蠟燭，至於味道方面正常，冇話特別好食。總括而言，間餐廳比較適合打卡，食物味道就普普通通啦~…查看更多

一早被Mamaday喺社交平台鋪天蓋地式洗版，今日終於有機會嚟到依間玩味十足嘅網紅餐廳打卡影靚相📸餐廳有大量特色佈置，餐具餐枱一樣好吸睛，啱晒最中意影相嘅朋友！當日嗌咗招牌【唔好抱咁大期望蒲燒鰻魚蛋包飯】，條鰻魚明顯無其他kol post出嚟咁大條，似係切頭切尾比人偷食咗，味味都係普普通通。另外仲嗌咗炸魷魚圈同埋窩夫，由於當日係幫朋友慶祝生日，店員都有寫HAPPY Birthday喺個盤度，同埋準備蠟燭，至於味道方面正常，冇話特別好食。總括而言，間餐廳比較適合打卡，食物味道就普普通通啦~…查看更多

昨天同朋友去食飯, 坐果張枱係對住風口位, 個冷氣開到好大, 個頭已經不停比冷氣吹住, 大風既程度係連我朋友個生日蛋糕既蠟燭都無試過點著過, 一點就會熄既程度。由7點開始就已經同服務員講希望可以調一調個風速, 但服務員只係話關唔到。之後因為真係太凍既關係, 都再次同服務員講, 但佢地都唔處理, 只係講左句: 調冷氣個位有人坐。成餐飯不停咁比冷氣吹正個頭, 頭已經好痛仲開始有傷風, 到後尾真係無法再忍受再同佢地講, 希望佢地會幫忙處理, 結果都係一句:調冷氣既位有人坐。 後尾店員直頭聽完就算, 當無左件事。結果我今日就真係病左…查看更多

朋友想食生蠔，但胃口又唔大，一般餐廳有生蠔食嘅套餐都好多道餸，未必食得晒，去啲蠔吧逐隻開蠔食又好似比較貴。咁啱呢間餐廳就可以解決晒以上嘅煩惱，因為佢有一款淨係食生蠔嘅套餐，$198就有10隻生蠔加兩杯酒。我唔想飲酒，加$20就可以換其他特色飲品。10隻生蠔嘅組合係包括日本蠔4隻，法國蠔3隻，美國蠔3隻。全部蠔一次過上，全部都好新鮮。比較之下法國蠔味道濃，美國蠔肉質好，日本蠔就結合咗兩者嘅好處，味道同肉質都啱啱好，我最喜歡。…查看更多

Good Day Bad Day Ma Ma Day依間餐廳餐牌啲名好吸引我，好有創意🧡上星期收工去，我哋1830到未算多人，一到1900全場爆曬。薯薯薯薯薯條🍟我嗌左細份都好多，重點‼️佢嘅明太子係真明太子，唔係有沙律醬嘅明太子，咸香脆，狂Jap肉桂士多啤梨🍓黑毛豬肋骨依個好大份，豬肋條切開都有六條，配埋士多啤梨味好清新。配菜仲有沙律同埋炸南瓜蓉嘅餅。期望越大，失望越大雞翼🍗佢哋啲創意名真係好正，個雞翼我哋叫咗原味，有少少辣，啱啱上枱熱辣辣好好食。黑醋菠蘿鴨胸意粉🍝呢個係期間限定，所以我哋即刻嗌咗，佢個黑醋汁配埋菠蘿好fresh，鴨胸煎到啱啱好，意粉索晒啲汁勁好食🤤佢嘢飲都勁吸引，我哋嗌咗三杯，其中兩杯有酒精嘅，樣又靚，打卡一流！像極了愛情🍺係啤酒嚟嘅，原枝上仲配埋個冰杯。另外叫咗個富士山，打卡好靚🩷我哋仲嗌埋個唔甜的紫薯蛋糕，呢個蛋糕真係唔甜，兩個人食晒一件🍰呢度氣氛幾好，裝修又靚餐牌都幾特別，如果想約人食飯喺尖沙咀可以試吓🩷…查看更多

再訪依間玩味十足嘅Cafe👍 今次黎試下佢哋嘅期間限定系列😋 叫咗一客黑醋菠蘿鴨胸番茄意粉😋 配搭好特別稀有🥴 蕃茄、菠蘿、黑醋嘅配搭好清新，味道充滿驚喜🤣 意粉彈牙有嚼感👍 鴨胸軟嫩鹹香，幾惹味😋 另外叫咗一客造型好誇張嘅原隻波士頓龍蝦意大利扁麵🥰 真係成隻切咗係意麵上🤣 好震憾啱曬打卡😆 意麵吸納了龍蝦嘅鮮甜，食落滋味濃厚非常🥴 龍蝦肉都幾多幾飽滿，食得好滿足😘 甜品㨂咗客是是但但窩夫🤣 今日口味係至愛嘅Oreo 曲奇😋 心型窩夫好靚好特別🥰 側邊附有大量Oreo 曲奇粒😍 大大杯奶蓋任你加上窩夫上😋 又邪惡又美味喲🤗 飲品㨂咗甜甜酸酸洛神花柚子茶同埋自製山楂果肉玫瑰花茶😚 很喜歡熱飲原壺茶壺送上😆 自酙自酌別有風味🙂‍↕️ 飲落清甜解膩，送鹹食甜品一樣得👍…查看更多

今日試咗間癲覆三觀fusion餐廳！菜名好可愛😂價錢貼地但創意爆燈💡 而且餐廳都有好多款菜式揀，為難選擇恐懼症嘅人。🍛 辣架傻豬豬豬頸肉泰式肉碎蛋包飯個名已經贏在起跑線！豬頸肉非常惹味，好香濃好有驚喜🌶️，辣中帶甜，仲要配埋日式蛋包飯，推薦‼️ 🔥 芝士牛扒火鍋瑞士名物芝士火鍋🧀，芝士好濃稠，配料有西蘭花、麵包、牛扒、蝦同埋薯仔，牛扒係用西冷牛扒，牛味濃郁。罪惡感100但滿足感10000💯 🍗 芝士粉雞翼芝士粉多到好似唔使錢🧀，雞翼好香微微辣，出面好多芝士粉後勁有微微辣味出，推薦‼️☕ 都係香芋鮮奶好味D唔會好甜，香芋味好出，如果凍飲應該會正啲。 🍹青檸可樂Menu都話到明唔抵飲，但係夏天真係好想飲吓啲酸酸甜甜嘅可樂！🤣🤣🍨自家製心太軟雪糕新地期間限定款式❤️朱古力心太軟即叫即焗🍫，需要大約15至20分鐘時間，熱辣辣嘅朱古力溶配埋凍冰冰嘅雪糕真係Perfect match。…查看更多

今日去咗間勁igable嘅餐廳 ，goodday badday mamaday💖 間餐廳裝修好靚✨，打卡一流📸 而且佢改嘅名勁好笑！古法烤黑毛豬配沙律🐷🥗黑毛豬啲肉又嫩又多汁🤤配埋個沙律，真係清新又開胃！仲會有日式烏冬同埋蝦片添黑醋菠蘿鴨胸蕃茄意粉鴨胸煎得啱啱好，肉質鮮嫩，黑醋菠蘿汁酸酸甜甜，好開胃😋 真係要趁期間限定試吓！三文魚牛油果莎莎🥑🐟好清新！好啱夏天食☀️ 三文魚同牛油果🥑嘅配搭真係冇得輸👍🏻飲品方面夠蜂蜜菊花茶（凍）🌼🍯好清甜，好解渴！😋 黃金啊婆塊皮🍎👵🏻個名真係好搞笑😂 但係估唔到係蘋果沙冰，而且又幾好飲喎！👍🏻 蘋果味好香濃！🍎自家製心太軟雪糕🍫🍦一切開，啲朱古力漿就流晒出嚟🤤配埋凍冰冰嘅雪糕🍦真係冰火交融，超級正💯…查看更多

早幾日帶小朋友去尖沙咀玩，到左食lunch時間就搵下附近有邊間餐廳有baby chair，結果就搵到依間裝修咁特別嘅餐廳🍴。我地試左3個主菜+1個甜品+2杯飲品：🔸肉桂士多啤梨黑毛豬肋骨（期間限定）豬肋骨超有驚喜😍，咬落去有爆汁嘅口感，超級juicy，配搭埋甜甜嘅士多啤梨醬又幾夾喎！🔸無咩驚喜啡菇黑松露扁麵🍝香濃嘅黑松露味，而且有大量啡菇，岩哂鍾意食菇嘅女女。另外想讚佢地嘅扁麵都幾出色，好有咬口，細佬都食左好多。🔸西班牙海鮮飯（走辣🌶️）因為有小朋友，所以我地叫左走辣。海鮮飯🥘份量都算多，但最多係海鮮😆，有大大隻魷魚🦑，好有咬口、青口同蝦🦐都好新鮮。🔸夏日熱辣辣降溫椰子沙冰🥥椰子味沙冰，配埋濃郁嘅海鹽🧂雪糕真係好消暑😙。🔸今日飲益力多柚子沙冰我地比較推薦柚子沙冰，因為味道真係好正，沙冰入口好綿滑，仲有粒粒柚子肉。🔸自家製心太軟雪糕新地心太軟一切開就有流心效果，味道唔算甜，岩哂鍾意低糖嘅人士，而雪糕亦都好夠凍。整體黎講，環境舒服，而且裝修好特別，坐窗邊位會有好多特別嘅擺設陪住你，最重要嘅係有兒童餐具同埋baby chair👍🏻。…查看更多

😱嘩，竟然喺尖沙咀發現咗異國風味嘅餐廳，呢間樓上舖，樓梯窄窄上到去竟然成層，地方超大，而且裝飾好有異國品味，好多唔同藝術品畫作，仲有好多異國風味嘅裝飾品放到周圍都係，而枱枱凳凳都好有個人特色，簡直係走咗入去藝術館！🤩佢哋啲嘢食非常之好食，而且做出嚟嘅質素顏色味道都非常高，介紹吓 : ▫️▫️▫️▫️▫️▫️▫️▫️▫️▫️▫️▫️▫️▫️🥙肉桂士多啤梨黑毛豬肋骨豬肋骨超好食，如果你見到張相係知道佢已經係入晒味，燒到個面頭有少少士多啤梨醬汁結焦，再咬落個豬肋骨度食得到結焦醬汁嘅香，而豬肋骨一啲都唔鞋！值得推介鍾意食豬肋骨嘅人真係要試呢個，仲有配埋個炸咗嘅南瓜蓉，南瓜超甜，加上炸出嚟嘅面頭非常之脆，好夾！配埋新鮮沙律簡直配埋重味嘅豬肋骨一流啊！🍕好邪惡咸蛋牛油果蟹肉比薩超邪惡，超邪惡，超邪惡！！雖然話係超邪惡嘅鹹蛋牛油果，但其實佢嘅感覺唔係太多，做到好乾身之餘亦有鹹蛋嘅香，超好食，最值得讚嘅係個皮超薄，上枱真係要趁熱食，食到佢嘅脆卜卜嘅皮底😝，配埋個蟹鉗仔食個蟹鉗就可以食到每一塊都有蟹肉嘅味道啦！皮底出色🤝🏻🥘蟹GOGO甲羅燒龍蝦汁燉飯另外燉塊亦係好好食🤤我自己唔係好鍾意意大利飯有少少偏硬，但呢一個係偏冧，唔會生米，成個飯都已經融入咗龍蝦汁，佢呢啲異國風味嘅菜，簡直係出色，食出嚟嘅龍蝦汁唔腥，夾羅燒嘅蟹膏，撈埋落去龍蝦汁嘅飯入邊，食指大動手指公，超好味喎，我而家講返起都勁想再食多次！😹🍝火焰北海道壕肉拿破崙意粉話明火焰，開頭梗係會淋啲走上去着火燒一燒，但隻碟橙色睇唔到太多火，呢個拿破崙又係意粉煮到剛剛好，最怕意粉係好腍，而且佢夠多汁唔稀，廚師煮到啲汁啱啱收水，每條意粉都有醬汁，但唔會滴汁，所以係好Juicy，炸蠔都非常脆，非常之好食🤤☕️豆腐豆腐豆腐咖啡豆腐咖啡自己就個人覺得合格，因為自己唔係好鍾意重奶嘅咖啡，但個豆腐就係個雪糕入邊，雪糕係豆腐味，所以每一啖都有豆腐味喺個口，可以一啖咖啡一啖雪糕，真係豆腐咖啡味啦！非常特別！🍺像極了愛情-啤酒啤酒麥味好重…查看更多