Goobne Chicken (瓊華中心)

营业中

休息中

午餐點了地中海檸檬沙律，菜單上標明*推薦*，滿懷期待，結果並不滿意。雖然菜品種類比較多，有水果蔬菜堅果等，但檸檬汁調得並不好，過於酸澀，影響整體口感，食用後牙齒唔舒服。建議牙齒敏感的人不要點。另外這裡服務並不好，從前台迎賓韓國大叔到服務員，都很黑面，並不友好的感覺，完全無服務可言。比如，下午客人非常少的時候，大叔安排坐在一個陽光直射的角落座位，十分逼仄，很奇怪的安排，明明沒有其他客人，周圍大把位，為什麼不俾客人坐得舒服D呢？服務員也是黑面。

香噴噴的烤雞教人不愛也難，Goobne Chicken一直是韓國熱捧的烤雞店，若要在香港吃韓式烤雞的話，吃Goobne Chicken就對了，媽媽說我很會挑，那當然呢，Goobne Chicken也是我與朋友們放鬆聚餐的好去處。半半烤雞可以一次享用到兩種不同口味的烤雞，完全就是我的菜，兩種風味一次滿足，烤雞塊塊飽滿，看得也吃得，半半烤雞全部都是無骨烤雞，所以嚐起來非常痛快。半半烤雞均附有醃蘿蔔，醃蘿蔔口口酸脆，愈吃愈開胃，好不解膩。蜜糖蒜香烤雞的味道如其名，蜜糖和蒜味均勻分佈在烤雞上，如蜜蠟般的糖衣脆殼，且有蒜片點綴，不會互相搶味，雞肉嫩而不柴，多汁感都有展現出來，吃時小心燙口，蜜糖蒜香烤雞無法抗拒的好吃，真心大推。紅通通的甜辣烤雞是烤雞的經典味，酥脆鮮嫩的烤雞裹上特製的韓式甜辣醬，吃過一次就會讓人上癮。烤雞因為有事先醃漬過，所以嚼起來超夠味，吃進嘴裡散發甜甜辣辣的美味，雞肉頗有肉汁，食慾大大提升。卡邦尼炒年糕是韓國近年很流行的餐點，將炒年糕與卡邦尼意粉結合，炒年糕不但多了卡邦尼的「芝」味和煙肉脂香，而且吃起來也有濃稠感，相當討喜，卡邦尼炒年糕份量蠻多的，年糕彈牙，意粉富彈性，讓人一吃

韓式烤雞，都係食Goobne Chicken至正而且佢哋仲有套餐添，所以叫套餐會抵食過單點我就叫咗烤雞配煎餅，佢嘅烤雞甜甜辣辣非常好食，而且有成隻雞咁多，淨係食一份雞就已經好飽肚，而煎餅方面我就叫咗海鮮煎餅食落去煙煙韌韌仲有唔少嘅海鮮，例如魷魚，再加埋佢小小鹹辣嘅醬汁就更加好食。飲品方面選擇都好多，我今次就叫咗個芒果特飲甜甜地，而且有好多芒果果醬喺底。另外呢度嘅韓式小菜需要另外收費，所以我就叫咗一個酸蘿蔔，只係$10。

朋友一直話呢間既雞好好食，睇到餐牌本身以為係食炸雞，原來呢到主打非油炸烤雞，感覺比較健康。如果好似我地咁又想食雞又想食pizza，可以叫呢個CHI PI set，抵好多。甜辣烤雞可以簡有/無骨，我地為左食得方便，當然係要簡無骨。每件雞都好大件，睇落都已經好juicy。第一啖咬落去係冇平時食炸雞個陣油膩感，烤雞既方式好似鎖住曬D肉汁，所以食落雞肉嫩滑得黎又好Juicy。連雞皮都係岩岩好，唔會太焦! 蜜糖BBQ芝加哥pizza呢個pizza係厚邊，餅底好脆口，中間就好鬆軟。芝士份量好多，拉絲完全冇問題。BBQ豬肉夠嫩，咬到批邊原來仲有薯仔，加上蜜糖醬汁甜甜地，好好食!呢個set都幾大份，我地2個人都食唔曬，好飽!

之前食過Airside店，真係勁鐘意佢哋烤雞同煎餅。所以今次都係食CHICKEN & MORE，套餐價錢好抵食，份量三個人食都夠。🌟CHICKEN & MORE $308❤️辣椒脆烤雞（無骨）一盤有成十幾件無骨烤雞。雞皮充滿韓國青陽辣椒嘅椒香味（類似西班牙青椒仔padron嗰種）。烤雞都做到皮脆肉嫩，但感覺比炸雞健康得多。❤️鐵板海鮮煎餅Goobne Chicken嘅煎餅真係全港最好食。外脆內軟，香口但唔會好油膩。鐘意佢特別多魷魚！

睇韓劇嘅時候，成日都見到啲男女主角食炸雞 🍗 飲啤酒 🍺 放工梗係要去 Chill 一 Chill 😌 Goobone Chicken 就係多年歷久不衰嘅炸雞餐廳 🥡餐廳環境都相當簡潔和舒服 🌿 帶一點小清新感覺，相當適合朋友聚會 👯 和情侶約會 ❤️菜單方面我哋揀咗 $388 嘅炸雞 pizza 套餐 🍕💰**甜辣烤雞** 真係好好味！雞肉外面係脆脆的，裹住一層香濃的甜辣醬 🌶️，聞落去已經好吸引。食落去，外脆內嫩，醬汁甜中帶少少辣，味道啱啱好，唔會太重，反而襯托出雞肉的鮮味 😋。旁邊配咗啲小蔥同香菜 🌱，唔單止靚，仲增添咗味道，真係好開胃！**韓式蜜糖 BBQ Pizza** 底部嘅餅皮非常香脆，啖啖都有咬感，食落去好滿足 🍽️。上面嘅芝士融化得剛剛好 🧀，拉絲效果超級吸引。餡料方面，蜜糖 BBQ 醬嘅味道甜中帶咸，真係好有層次感，配搭上豬肉粒味道更添豐富 🍖。**醬蘿蔔** 食完味道搞重嘅炸雞 pizza，不妨食幾粒清爽香甜嘅醬蘿蔔 🥕，十分 refresh 🌊。**Hoegaarden** 食炸雞當然要配啤酒 🍻 飲得唔多嘅朋友可以考慮支裝啤酒 🍺。**洛神花茶**

要食得滿足但又要抵，梗係揀chi pi chi pi set menu（$388）果味醬油蒜香烤雞雞肉外皮香脆，內裡嫩滑juicy，香脆程度與普通炸雞無異，但相對更加健康，食落去都冇罪惡感。蒜蓉味唔重，齒頰留香，食完一件再一件，非常滿足。芝加哥薄餅雖然係厚底pizza，但同其他連鎖店舖既pizza有所分別，批邊焗得脆。番茄醬底，滿滿既芝士香味濃郁，而不膩，能營造出拉絲效果。正士多啤梨特飲清清涼涼，士多啤梨下帶有薄荷既涼意，食緊烤雞同時再黎一啖凍飲，真係身心舒暢。

屈指一算，原來自己已經係幫襯咗Goobne 10年嘅老客戶～呢間都算係第一批進駐香港嘅韓國過江龍，一直都幾鍾意食佢哋嘅烤雞，最近又同朋友恆常到訪🤪嚟到呢度每一次都會食佢哋嘅烤雞，今次就要咗一份半半烤雞，分別揀咗甜辣烤雞 + 蜜糖蒜香烤雞 ($248)，呢度嘅烤雞真心好出色，入邊好滑，外面嘅醬汁份量啱啱好，烤完之後仲會微微脆口🥹另外仲要咗一份韓式玫瑰醬炒年糕 ($168)，玫瑰醬非常濃稠，年糕份量都幾多，而且幾軟糯有咬口，仲有大量嘅煙肉、芝士同魚糕，掛晒上去最底嘅意大利粉真係勁邪惡🥰 總括嚟講，呢間韓國菜雖然冇乜花巧嘢，不過質素就係keep住都咁有保證，自己覺得佢哋芝士嘅系列都幾出色，包括係芝士pizza、芝士烤雞🤤 另外提提大家OpenRice係有訂枱85折，個人覺得折完之後價錢都幾合理，推介大家一試😚

Goobne chicken 呢一間烤雞🍗不嬲出名好食，我細細個就聽過佢個名啦！🙈🙈UFO 芝士火鍋🫕 $288呢一個UFO芝士火鍋可以揀兩款口味嘅無骨烤雞，配埋新鮮嘅馬蘇里拉芝士、車打芝士同埋巴馬臣芝士，反正就係好Q多芝士🧀，非常邪惡但係極好食🤩🤩我哋最後揀咗 蜜糖蒜香烤雞🍯 同埋 火山烤雞🔥 ，兩個口味都好好味，如果真係要揀嘅話蜜糖蒜香應該會係比較大路嘅選擇，大人細路都啱食！火山烤雞就真係幾辣嘅，真係食得辣先好試呀～地中海檸檬沙律🥗$128沙律由新鮮蔬菜🥬、西柚🍊、橙、蝦🦐、提子乾🍇、杏仁配搭香甜的檸檬醬🍋組成，咩都有啲非常colorful，而且味道仲好Refreshing添！韓式雞蛋卷🍳$148呢一個雞蛋捲一樣好有驚喜，雞蛋卷包住嘅材料有青瓜🥒、醃紅蘿蔔🥕、餐肉🐖、海苔、芝士🧀等，類似係平時韓國飯卷嘅材料～不過佢哋嘅雞蛋應該有用高湯煮過，連雞蛋本身都有自己嘅味，整體嚟講無論口感同味道都特別好食😋😋鯊魚之淚🦈$88鯊魚之淚喺呢度嘅招牌飲品，藍色嘅沙冰飲品非常搶眼，估唔到其實佢係檸檬同埋香桃味既🍋🍑，唔算太甜幾好飲㗎！柚子燒酒（12%）🍊$78

這段時間經常在家看「黑白大廚」，想起韓式料理，就突然很想吃炸雞了，記得之前跟表弟來這間Goobne吃過炸雞，所以便帶著老公來吃。有了上一次的兩個人吃雞吃到想吐的經驗，這一次點餐有了新的策略：一份UFO芝士火鍋炸雞（雙併）+一個比較清淡一點的湯。UFO芝士火鍋 （雙併） $288兩個人吃真的不用額外加芝士！但是這個雙拼的炸雞口味記得不要太相似，不然就會太膩了。這個芝士火鍋真的十分出色，有侍應會在你面前幫你把兩款芝士煮溶，然後調教到小火，這樣每一件雞就更容易被芝士包裹着，也可以保持熱度，吃起上來更美味。砂鍋魚糕湯 $158這個魚糕湯真的很適合配炸雞一起吃，當你吃雞吃得多時，喝一口魚糕湯真的可以解膩。這個湯裏面材料也是滿滿的：魚糕也有五種款式，但是沒有我最喜愛的那種普通的長條型魚糕T.T，除了魚糕，也有配上青菜和雞蛋。這個湯喝起上來真的很有在韓國的感覺。士多啤梨沙冰 $58吃炸雞一定要配啤酒，但是我不能喝酒，所以點了一杯冰凍的飲品！這個士多啤梨沙冰味道不錯，甜甜的與炸雞的味道形成強烈的對比。這裏的東西份量很多很多，我們兩個肚子很餓的人也吃不完，最後還打包了回家當宵夜。沒有假期去韓國旅行，在這

好少午餐食韓國野，應朋友要求同佢去左Goobne Chicken 食晏之前有一班人食過Goobne 的炸雞，午市套餐真系第一次食午市套餐除咗炸雞以外，都有好多鍋物、伴飯簡辛奇鍋$88每個套餐都有配幾款伴菜，今次食嘅辛奇鍋有泡菜、小魚乾同埋蛋捲配菜的味道正正常常唔算好特別，的的骰骰系幾靚辛奇裏面有泡菜、豆腐、豬肉片等材料，辣辣地的湯底好惹味，撈飯食都幾好食不過豬肉片得三、四舊，女仔都唔系太夠食，如果男士可能未必夠飽

烤雞+薄餅combo $388烤雞口味三揀一 同朋友都鐘意食辣就嗌咗呢款🌶️辣椒脆烤雞 唔好俾佢個名嚇到啊啊啊啊啊 其實都好容易接受烤脆雞脆度一啲都唔輸普通炸雞 依舊係皮脆肉嫩而且因為係經過烤製所以唔會好油膩 只係雞件本身嘅油脂旁邊都附咗兩個醬 一個係酸甜帶微微辣嘅沙律醬 另一款就帶啲泰式風味🔥揀嘅有骨雞件食得好爽 雞翼 雞翼尖 雞胸 雞髀 雞鎚都會有套餐薄餅有兩款選擇 我哋就揀咗個經典款🧀芝加哥薄餅 絕對係無諗過嘅味道！！選用咗5種芝士本來以為會係鹹香路線 無諗過佢係甜㗎😆雖然見到餐牌描述用咗靚靚茄醬 但最突出絕對係芝士味配搭出嚟係香甜路線～感覺似係甜甜嘅薄餅 都幾新奇得意😙因為用咗多款芝士所以件件都好拉絲但講到最欣賞絕對係佢嘅餅底🙀鬆軟厚實都不在話下 重點係佢放咗一陣都仲係好好味 唔會話變到好乾好硬邊位香脆麵包體鬆軟 好少可地同朋友一件不留食哂😋🍑🫐白桃/藍莓米酒 $58兩款分別係0.7%同埋0.8%酒精濃度飲落甜甜哋好溫和 有啲似乳酪嘅味道口感順滑容易入口 好啱女仔同閨蜜嚟傾計chill drink💃

同朋友喺旺角行街，心血來潮想食韓國嘢，第一時間記起過江龍韓國烤雞出晒名又有保證嘅Goobne啦。前排同聯名商品簡直係lam lam脷！🍽️ 甜辣烤雞 + 蜜糖蒜香烤雞兩隻味都好出色，甜辣係我十分想念嘅味道，好多時都會太辣。但蜜糖蒜香烤雞真係我至愛！醬油帶甜，仲有蒜片既香氣，唔可以錯過！這兩款雞肉烤得外脆內嫩，味道層次分明，令人一口接一口，實在令人贊不絕口。不過兩人食都有啲吃力，但咁好食嘅嘢盡力食，最後都淨低少少 ><🍽️ 韓式雞蛋卷呢款雞蛋卷真係相當柔軟，香氣四溢，口感滑順。每一口都令人感受到雞蛋的鮮香，搭配細膩的韓式調味，唔想食kimbap可以一試！🍽️ Shark Blood Rita鯊魚造型嘅呢杯飲品已經十分搶眼口感獨特，既有清新的果香，又帶有微微的甜味，完美平衡，非常適合解渴。🍽️ 香桃韓式米酒這款米酒帶有香桃的芬芳，味道甘醇，飲落非常順口，而且酒味唔重，一路同朋友hyper傾計，爽。

今日喺旺角行完街，突然想食韓式炸雞，見到瓊華原來有間韓國炸雞店，一於入去試吓。黃金蒜香脆烤雞$238雞嘅份量都幾多，呢款係無骨，啖啖肉，外皮炸都勁脆卜卜，炸漿唔算好厚，一咬開，雞嘅肉汁流出黎，好juicy,雞肉都好嫩滑，完全唔會炸到乾晒，炸雞上面仲鋪滿香蒜，勁惹味，蒜嘅味道好特出，但又唔會蓋過雞嘅味道，勁好味。芒果沙冰$58士多啤梨沙冰$58兩款沙冰都好重果味，生果嘅香味好特出，芒果味好濃郁，好香甜，而士多啤梨味酸酸甜甜，可以解炸雞嘅油膩感，2款沙冰都勁透心涼，正。

係旺角行完街想食下韓國野就黎左呢間餐廳試下！蜜糖蒜香烤雞香濃的醬汁味配上蜜糖汁，再撒上蒜片，讓整體味道鹹甜合宜，外皮烤到微微香脆，既保留了炸雞的口感，又讓雞肉保持嫩滑多汁，完全沒有油膩的感覺。鐵板海鮮煎餅鐵板海鮮煎餅好足料，入面有蝦，魷魚等海鮮，加上香蔥煎制而成的海鮮煎餅，煎餅邊位少少脆身，厚薄適中，配汁個醬汁更加惹味。韓式雞蛋卷雞蛋卷入面包住幾種配料，黃瓜，醃紅蘿蔔，餐肉，海苔＆芝士，加上有幾款醬汁比你選擇，茄汁、芝士醬＆芥茉醬，口感好豐富！Goobne Chicken (瓊華中心)旺角彌敦道628號瓊華中心15樓