Four O Five Coffee & Eatery

系观塘做野既朋友，dinner 食过一次话呢间几ok, 话晚餐都可以黎呢间试下㖞 。咁我地一于上去就试试佢 。棒棒鸡锤配蜜糖芥末汁炸鸡锤外皮金黄香脆，食落真系超级香脆，搭配蜜糖芥末酱，鸡肉多汁不干，蜜糖芥末汁甜中带微辣，令到炸鸡味道层次更加突出。旁边有新鲜沙律菜、车厘茄同点醋汁，食落可以减腻增鲜，绝对贴心。食完仲想再食😋墨西哥牛肉馅饼呢款馅饼外皮烘至微焦，已经切成三角方便分食，面头都有蜜糖芥末酱调味 。牛肉够入味，伴随芥末酱有一阵轻辣同香滑，仲有满满既芝士系入面，浓浓既芝士加埋牛肉，已经配撘 。适合做小食或者配酒，非常开胃。餐前小食唔错既选择👍🏻明太子酱软壳蟹意大利粉一上枱就已经被呢个意粉吸引住，微粉红色嘅明太子忌廉酱包裹住幼身意粉，面头仲有炸得香脆嘅软壳蟹同新鲜芽菜点缀，色彩吸晴 。入口滑溜，明太子带有咸香，忌廉酱唔会腻，意粉挂汁力强。软壳蟹外脆内嫩，呢个错色配搭不错 。泰式奶茶梳乎厘甜品绝对系焦点！一送上枱就见到厚厚既梳乎厘，面头有厚厚泰式茶奶酱，流质得嚟又唔会太腻，仲放咗粒粒白珍珠同新鲜薄荷叶。班戟2层厚，非常松软，配合泰式奶茶酱嘅香浓，旁边有烘脆饼干碎和糖粉点缀，食落真系好泰式奶茶，口感层次好丰富，绝对系甜品控必试之选！佢仲有开心果口味，听讲又系必食😋留意返，佢地下午茶仲做紧全单75折，行过路过可以去试下 。📍Four O Five Coffee &Eatery 观塘成业街19-21号成业工业大厦地下2号舖…查看更多

今次嚟到观塘成业工业大厦呢间 Four O Five Coffee &Eatery，果然无令人失望！地点好方便唔使搭䢂观塘地铁站过嚟都系5分钟左右可能因为唔系商场 食物好食又大份餐厅环境气氛都唔错 只不过系唔够光影食物唔够打卡able 所以被严重低估 真系好好食呀即叫即制梳乎厘班戟绝对系必点之选鸡蛋浓香味超突出～由于系新鲜制作，等大概15分钟就好值得，上枱仲可以轻轻摇下，感受佢哋嘅弹润动感，真系未食已经期待感满分【香浓海盐朱古力梳乎厘班戟】$128Size超巨大，几乎系普通版两倍！朱古力酱香浓唔会过甜，配上海盐微微咸香，平衡得刚刚好～旁边嘅焦糖香蕉都好出色，整体配搭完美！【西班牙60个月风干火腿卡邦尼意粉】＄138每次嚟都必点！烟肉煎得香口唔会过咸，意粉软硬适中，酱汁香浓得嚟唔会太腻，份量仲要好大方，绝对系诚意之作！【海盐Kiri芝士奶盖白桃乌龙茶】奶盖控必试！芝士奶盖口感滑顺，配搭清香白桃乌龙茶，质素拍得住专卖茶饮店，真心推介～…查看更多

Four O Five Coffee & Eatery观塘成业街19-21号成业工业大厦地下2号舖经开观塘，老友推介 Fusion 西餐，环境舒适，食材新鲜，果然冇介绍错。😋蟹肉忌廉汤香浓的忌廉，咸度适中，Creamy 开胃。😺田园沙律沙律菜款式多，新鲜爽口，配黑醋酱汁好惹味。😉烟三文鱼墨汁意大利粉烟三文鱼口感松软，墨鱼汁调配得恰到好处，意大利粉爽口烟韧，飞鱼子提升层次，好味道！😍香煎盲曹伴蒜香薯蓉配刁草柠檬忌廉汁即叫即煎的盲曹鱼，外层香脆，香气四溢，鱼肉松软，一啖鱼肉，一啖薯蓉，Perfect match。酱汁惹味，沙律菜新鲜，摆盘靓，推荐！😻粒粒芒果椰子忌廉梳乎厘师傅即叫即制，松软的梳乎厘，香气慢慢渗出。薄荷叶、开心果和糖霜提升层次，香甜的果肉，香滑的椰子忌廉，大满足！💖✨芒果菠萝沙冰香甜嫩滑，沙冰够冻，甜度适中，好饮！😘冷泡桂花乌龙茶桂花清香，茶味香浓，消暑解渴。😚Four O Five Coffee & Eatery 环境舒适气氛好，食材新鲜高质，必食梳乎厘，侍应服务态度好，回头率高。😎🤘🏻…查看更多

观塘工厦隐世级嘅高分餐厅，原来好多人都好识揾好野食，6点左右去到都已经好多人系餐厅。餐厅柔和嘅灯光，空间感大得黎坐落好舒服。蒜香蟹肉意大利粉 $138热宇治抹茶+$24意粉份量都非常之多，煮得岩岩好意粉仲系弹。非常之多蟹肉同蒜片，蒜香味非常之足够香。蟹肉亦都唔少，多到每啖意粉都会有好多蟹肉。另外跟餐叫左杯抹茶，估唔到会有可爱嘅拉花咁靓，抹茶个味劲香浓又唔涩，好好饮安格斯牛肉芝士汉堡 $148冻朱古力+$20内层有半熟蛋，芝士，安格斯牛肉，蕃茄，蔬菜，咁多层食落成个口感系丰富，加左个半熟煎蛋令到个口感更加湿润几唔错。另外仲有薯条，都几多。杯朱古力都好夸张，浓到好似食紧粒好浓嘅朱古力咁吉士焦糖梳乎厘班戟 $108佢地个梳乎厘班戟好似转左做法，以往个size已经好大，今次黎食嘅size直头系巨！两大件嘅梳乎厘加左劲多鲜忌廉瀑布咁款，烧到表面形成焦糖有少少脆又好香。成个梳乎厘空气感好正，唔易扁身而且食落有阵阵蛋香，侧边仲有D焦糖爆谷，成个甜品我比200分！！…查看更多

放假同老公喺观塘买嘢，晚饭拣咗嚟呢一间Cafe食，想试吓佢啲疏乎厘班戟，见到啲相好吸引。虎虾带子意粉虎虾有两大只，肉质爽，虾头先系精华，啲虾膏超正。带子都有两大粒，鲜嫩鲜嫩。意粉质地啱啱好，有咬口，而且酱汁非常足够，蕃茄味道浓郁，配上一啲香草调味同埋粒粒蔬菜，好开胃。墨西哥牛肉馅饼呢个墨西哥馅饼热辣辣，里面嘅牛肉原来系一大块嘅，本来我仲以为系碎肉，一大块嘅牛肉好慷慨，肉质松软，我觉得有啲似牛舌。馅饼里面仲有好多芝士，热熔芝士creamy，每一啖都食到焦香薄饼，牛肉同埋芝士，味道香浓丰富。开心果忌廉麻糬疏乎厘终于嚟到我最期待嘅疏乎厘pancake，呢一个开心果忌廉酱超级浓郁，开心果控嘅我好钟意，开心果忌廉浓厚Creamy，冻冻地，好似食紧雪糕咁，配上一片薄薄烟靭麻糬，同埋充满空气感嘅疏乎厘pancake松软松软，再加埋一粒粒嘅开心果碎同埋杏仁片，口感好丰富。轻啡奶盖椰青呢一个咖啡好易入口，加上清甜嘅椰青，就算饮唔惯咖啡嘅人都唔会觉得苦涩。山政小山园（Rich)一番焙茶鲜奶呢个热嘅焙茶奶有可爱拉花，兔仔超级可爱，充满焙茶浓郁香气，甜度亦都有得拣，啱晒钟意少甜嘅我。…查看更多