Forever 友緣西餐

由舊店就開始食嘅一間放題，一直都覺得很不錯。今次趁家人生日再過黎食，環境舒服，人數不算太多。燈光偏暗，而且用的是普通放題點餐紙。特別推介壽司同創意壽司，我認為食物質素很高，飲品方面亦有熱的維他奶，十分少見。…查看更多

為左興祝母親節及屋企人生日，係元朗book左間西餐廳，店內環境靚，職員向我地推介了幾款食物揶威煙三文魚簿餅配有幾片三文魚打造裝飾象花—般美，超多芝士我地5人食剛好黑毛豬鞍扒配有西蘭花，蕃茄仔，薯仔半份+鞍扒汁正，好味石班柳配芝士忌廉汁配有大大粒蕃茄仔，有—粒橙橙的蛋黄再加上碎薯蓉圍上忌廉汁，—啖食大大片石班柳味道好好虎蝦手作面比較入味麵配有大蝦+小蝦可以接受黑松露帶子意大利飯配有一大粒帯子，黑松露飯有少少肉瓜，吾喊好味優惠價加1蚊大蝦薯蓉優惠價加1蚊焗扇貝店内職員知我地慶祝特意製作窩心甜品焦糖芝士蛋糕，石板街蛋糕並寫上happly birthday 细佬畫上愛心牛牛圖晝另外有藍梅芝士蛋糕+士多啤利芝士蛋糕寫上happy Mather's day晝上好cute馬騮圖案令我們感到難忘又興奮節日餐包湯飲品…查看更多

這日和友人慶生，在元朗逛著，在沒有預訂餐廳的情況下，發現了這間餐廳，從窗外看進餐廳裝潢十分華麗，很適合慶祝生日和活動。我猶愛餐廳中央的大水晶吊燈，入夜後燈光效果十分迷人，映照在食物上更顯菜餚高貴。前菜是南瓜湯，濃濃的南瓜蓉入口即溶，很是開胃。三文魚沙津味道清新，肉質鮮美，令人十分驚喜。大蝦薯蓉調味獨特，蝦肉十分鮮甜，配上酸酸的醬汁令人更加開胃。主菜是一道帶子蘑菇扁意粉，蘑菇炒得恰到好處，十分爽口，配上白汁和炒到金黃色的帶子，令人食指大動，不消一會便消滅了這道菜呢！餐飲點了黑牛牛，原來是可樂配上紅豆和奶油，想不到這幾樣東西味道十分匹配，不會太甜之餘滿足了我貪新鮮，喜歡多重口感的偏好這間餐廳真是元朗的隱世好地方，令人一試回味無窮…查看更多

已經唔係第一次黎啦，個晚餐餐牌好次都轉左而家超抵，每叫一個餐，就可以加一蚊試一款美食，可以揀三文魚什菜沙律、香煎大蝦伴薯蓉或者香蒜包糠焗扇貝我地就叫左五個餐，先黎左餐包同餐湯，個包係餐廳手造，食落好軟綿綿，餐湯就唔哂濃，仲有唔少煙肉粒添！加一蚊既美食話咁快就到啦！餐廳冇因為係一蚊就求其俾d海鮮我地！隻蝦好大隻，煎既時間岩岩好，而扇貝焗完之後都唔會太乾，麵包糠焗到脆卜卜呢度既pizza係出奇地好出色，pizza中間有一大個用三文魚整成既花，而成個pizza都鋪滿哂芝士，焗完之後仲香脆魚就初初以為份量好少，但食落原來都幾飽肚，因為個汁係由忌廉整成！而魚煎得香脆，但魚肉仲係好清身豬鞍係呢間餐廳既招牌菜意大飯都係份量十足，中間仲有一大粒香煎帶子鍾意食龍蝦既朋友就一定要叫呢款試下！一大隻蝦係扁意粉上面，入面仲有唔少碌左殼既蝦最開心既時候到啦！上甜品啦！餐廳職員好細心，一早就問定我地有冇d特別日子過黎食飯，由於母親節同細佬生日實在太近，所以就揀左今日一齊慶祝，順便試左食款甜品添焦糖芝士蛋糕$35加埋芝多啤梨芝士蛋糕$35，上面點左支小小既candle，師傅仲畫左隻牛仔同埋寫左happy birthday 俾我細佬添石板街蛋糕$35加藍苺芝士蛋糕$35，仲有隻好cutie 既馬騮仔就湊成一幅好靚既畫送俾我偉大既母親大人，師傅咁有心機，整得咁靚都不另收費，真係物超所值呢度連黑牛都有得飲呀為我餐飯畫上完美句號…查看更多

多年學習生涯快完結與好友3人行相約到元朗食飯選擇了友緣西餐亦希望我們友誼forever 去到環境好浪漫位置亦闊落 坐得舒服餐廳都幾多野食選擇 晚餐豐富最後我地選擇左2人套餐 開始我地開心相聚嘅晚上前菜係炸蝦天婦羅配沙律蝦好爽口而且香脆 配上小蕃茄會減少左油膩感 quite fresh 南瓜濃湯好creamy 飲落口感好豐富 因為食到南瓜容而且cream 比例適中 口感香滑另外餐包做得唔求其好靚好脆 另外餐廳做緊週年優惠薯容配大蝦蝦鮮甜 香口 啖啖肉另外叫左個薯皮小食餡料豐富 但唔會太咸搶左薯仔個味道外脆內軟 口感好正主菜嘅意大利飯好好食賣相吸力之外，炸雞嘅份量亦好多而且材料亦有鮮菌類 增加口感同味道飯底濕度適中，有煙韌口感 黑毛豬大大份但唔會煮得過火 肉質鮮嫩 又淋配上香煎鵝肝 入口鵝肝溶化係啖肉上 加添左油香感 而且肉煮得真係好出色 之前仲驚佢咁厚會過硬 咬唔到點知出黎成品一啲都唔洗擔心呢個問題！ 好食甜品最驚喜 餐廳知道我地graduation 好有創意幫我地裝飾好開心 多謝呢個memorable 嘅dinner …查看更多

明天放假，心情超爽，決定同老公食餐好嘅慶祝下先。元朗真係好多野食，見到呢間食店，氣氛幾浪漫，就揀呢間同老公燭光慢餐啦～入到去，搵左個位坐低，見到枱面有個玻璃燭台幾靚，心諗會唔會點著呢？🤔通常d食店都可能只係擺喺枱到裝飾，應該都唔會點著嘅。點知個waiter已經拎打火機幫豬點著，好可愛呀～唔該😍😍忌廉蘑菇雜菌濃湯，呢個湯有好濃烈嘅蘑菇味，入面有蘑菇肉，增加湯嘅口感，而且忌廉味重，平時豬唔會飲晒d湯，今次都忍唔住飲晒水牛城雞翼，醬汁味道有點酸亦帶有少少辣，非常開胃。而雞翼已經預先炸到脆卜卜，配埋呢個獨突醬汁，唔會大膩。叫左老公鍾意食嘅黑松露帶子意大利飯，首先想講飯質軟硬適中，一粒一粒漲卜卜嘅飯粒，食落都煙煙韌韌。上枱陣陣黑松露味散發出黎，非常香。而帶子表面煎得金黃香口，唔會太鹹，味道剛好，唔錯。頂級安格肉眼扒，牛扒質素好，揀左7成熟，煮得岩岩好冇過火，有牛油香味，外面少少脆，裏面仍然鎖住肉汁，唔使任何調味都覺得好食。每個餐加1蚊可升級揀一個美食，我地揀左三文魚沙律同大蝦薯蓉。新鮮沙律菜上面放左一片三文魚，而大蝦真係好大隻，蝦肉結實彈牙。最後老公點左個法式焦糖燉蛋俾豬，送上黎時不敢嘩一聲，因為用左朱古力漿畫花線同寫上Welcome to forever，好窩心。焦糖味重，燉蛋夠香又夠滑，蛋本身唔太甜，配埋焦糖就剛好。豬除左鍾意食，仲好鍾意講service，服務員態度親切，放低食物時非常溫柔，我都知呢d係基本嘅服務，不過元朗區黎講，都冇乜邊幾間會做到嘅😥…查看更多

適逢千色店大特價，假日約了朋友到元朗逛千色店，逛街前先到附近的西餐廳吃午飯。天氣太熱，不想吃火鍋和燒烤，西餐自然是不二之選。在外面的落地玻璃看到近窗邊的座椅，再看內裡坐滿了人，見價錢不貴，便過來嚐嚐午餐。剛進去就有人用餐完畢，騰空窗邊的座位，所以我們在繁忙時段也能有好位置。吊燈及藍色花紋牆身為餐廳加添高檔氣氛，相信晚上室內環境較暗會更有氣氛。點了兩個套餐，餐湯是羅宋湯，這個餐湯是我最近吃的西餐中最好喝的。羅宋湯最怕材料不足，這裡的羅宋湯蕃茄味不會過濃，整體味道自然而不油膩。除了味道好，湯內材料甚多，蕃茄粒和椰菜粒都不是敷衍地加一兩粒。牛油厚方包是我吃過最好吃的麵包。由南美洲、歐洲、亞洲其它國家，麵包成了我這個背包客的主要旅行食糧。香港的西餐廳多提供各種餐包，但最好吃的暫時是這間。麵包帶牛油香，喜歡它的鬆軟，在口內嘴嚼會慢慢散發出牛油味和烘過的味道。另各加$10轉了特別飲品。「永遠愛您」包括紅葡萄柚汁、乳酸、爆珠(蜂蜜分子)和梳打。柚汁味重，整杯主要是柚汁味和爆珠的甜味。「情深似海」包括藍莓汁、乳酸、爆珠(蜂蜜分子)和梳打。乳酸味重，整杯主要是乳酸味和爆珠的甜味，藍莓汁不太明顯，「永遠愛您」較好喝。芝士蟹肉焗意大利大啡菇($52)的啡菇厚一點會更有嚼感。雖然加了大量芝士和蟹肉，但不會太鹹，大啡菇多汁。旁邊的沙律菜新鮮，沙律汁是精髓。意式茄蓉海鮮闊蛋麵($98)的海鮮料甚多，令整碟麵有茄蓉的軟稔，同時有各類海鮮的爽口。味道和材料都用得很好。加勒比海海鮮薄餅(9吋)($88)的海鮮料多種類，看圖片就知海鮮料充足，竟然連我最愛食的魚春都有! 餅底冷卻後變硬，要趁熱食。…查看更多

友緣西餐元朗區一直都有很多美味的餐廳，Forever 係其中一間， 裝潢簡約，以灰銀白色為主，餐廳的座位空間合理，坐得舒適。我已經唔係第一次黎，係特別喜歡餐廳中央的水晶吊燈，加上燈光的效果就是很美，而且還有些波波吊飾，怎麼影都美，甚有情調。黑松露餐湯，十分之喜歡呢個湯，勁香黑松露味，口感creamy唔稀身，每啖湯都帶有什菌，口感非常豐富。餐廳還有優惠可加一元就可品嚐一款小食分別有挪威煙三文魚沙律，大蝦伴薯容。 大蝦肉汁彈牙，薯蓉香口惹味。沒有失望，絕對超值。 煙三文魚沙律，雖然份量不是很多，但一個人真的很夠。餐包係熱辣辣嘅丹麥多士，外脆內軟，牛油味香濃。小食叫了水牛車打芝士雞翼， 醬汁比較獨特而帶點微辣，也沒有雪藏味， 配少量沙律，非常開胃。紐西蘭頂級肉眼，叫左七成熟，牛肉鬆軟，牛味重，呢個價錢都算非常超值，所以呢個扒做得好好， 肉質結實牛味重，肥肉少、筋部少，用刀輕鬆就能把牛扒切開，肉汁豐富，原汁原味。黑松露帶子意大利飯,，一大片煎香既帶子置於飯面，十分吸引，伴碎黑松露於飯中，黑松露混以黏稠濕潤的意大利飯中，每一口都帶有松露香味，口感更為綿滑細膩。甜品揀左表面烘得焦香的法式焦糖燉蛋，外脆内滑，蛋味濃而幼滑。最妙是表面那層焦糖，咬落去咔嚓一聲，又香又脆。另外有好多特飲可以選，只需加10 蚊就飲到! 我叶左綠色嘅永恆寶石，青蘋果味好醒神好清新， 入面重有小小爆珠，味道唔錯。餐廳環境好寧靜，亦好闊落，食物整體都好有誠意，服務亦不錯，十分抵食。…查看更多

辛辛苦苦返左五日工, 放假梗係訓到自然醒然後搵野食啦....最近成日喺元朗搵食. 呢間餐廳評價都好高, 又喺元朗千色後面啫, 所以就來負責我地今日嘅早午餐啦。餐湯都幾特別 係忌廉青瓜湯, 不過一D 都冇青嘅草青味, 但就有少少青瓜嘅清香味,比普通忌廉湯稀一點,味道就淡口。餐包係熱辣辣嘅丹麥多士, 表皮脆, 內裡軟熟,不過唔重牛油味嘅。加拿大黑毛豬胺配蘋果蓉, 肉厚有肉汁, 反而喜歡佢配嘅蘋果蓉多過個燒汁, 蘋果汁嘅清甜味配肉 會開胃好多添。紐西蘭頂級肉眼扒,叫左7 成熟無over cook, 鬆軟唔重牛味, 呢個價錢都算合格。有好多特飲可以選, 都只係加10 蚊, 好吸引!黃色嘅熱情恆久,係熱情果沖 配乳酸梳打, 係無敵, 熱情果實好味, 入面重有小小爆珠綠色O既係永恆寶石, 青蘋果味反而就甜左D 。其實真係不得不讚FOREVER 的服務, 每一個服務員都好溫柔聲, 仲細心問會唔會大風, 放低每道菜都講一講,其實簡單一句問候都會令人記得咖喇。…查看更多

今日好有心地山長水遠入元朗食跟朋友個LATE BIRTHDAY DINNER, 記得兩三年前一班朋友嚟食過, 呢間西餐廳由頭盤、主菜至甜品都非常了得, 印象最深刻係佢哋嘅手制麵, 麵條及醬汁做得好出色, 今晚呢.....唔知係唔係主廚放假, 搵咗個代班師父嚟煮, 我個主菜手作闊條蛋麵讓我有點失望。友緣西餐廳無論係平日或假期, 基本上都好 full, 佢地系元朗開咗好多年, 走中檔路線, 餐廳裝修頗grand, 檯與檯之間空間感十足, 傾計唔會嘈到隔籬, 座位也坐得舒服。Set dinner 與2人套餐之爭, 結果二人套餐勝出。牛油餐包 ~ 外層焗得脆脆的, 內心鬆軟, 牛油味夠香。是日餐湯 ~ 忌廉煙肉綠豆湯坊間餐廳較少供應綠豆湯, 綠豆味濃, 綠豆一半與煙肉打成豆蓉, 另一半係打得冇咁幼滑, 有點咬口, 煙肉都幾香, 湯頭唔鹹, 不錯。是日前菜 ~ 牛肉串燒配沙律牛肉掃上燒汁, 燒得外脆內軟, 牛肉還帶點嫩紅, 肉質鬆軟, 幾香口, 翠綠嘅沙律菜淋上陳醋汁, 酸甜開胃。主菜 ~ 黑松露野菌忌廉汁手作闊條蛋麵上次攞左朋友少許手作麵食, 非常正, 所以今日選咗這個手作麵作為我的主菜, 賣相還可以, 碟邊伴滿了芝士碎及香草, 食時可以撈埋落手作麵一齊食, 野菌份量也多, 但將手作麵與醬汁撈勻, 入口......咦??? 點解忌廉汁除左有少許奶味及芝士味, 完全冇味嘅？零鹹味及零黑松露香!! 廚師今晚晃神都晃得好嚴重吓, 佢應該忘記咗落調味料吧, 但又唔知點解......我又冇叫服務員換噃, 就係咁.......食咗我碟清清地的忌廉白汁配大量爽口雜菌及煙韌富麥香的手作蛋麵了。朋友叫的7成熟烤安格斯牛柳, 味道就好正常, 只係我覺得叫7成熟唔係好正常, 牛都系5成熟才好食, 只吃了少許試試味道。精選甜品 四層不同口味的蛋糕, 有清蛋糕、朱古力蛋糕、軟滑芝士軟蛋糕及紅莓啫哩, 多重口感, 多重味道, 唔太甜。…查看更多

經過門口見間餐廳裝修幾靚就入去食。甘我地入左間餐廳，有位員工就過黎問我地請問你地幾多位？有冇訂枱？甘我地就話2位冇訂台。之後個員工走左，過多幾秒到另一位員工又問請問幾多位？有冇訂位？，之後答翻相同嘅答案。總共有4位員工輪流問左我地一樣問題，其實你地員工方面係咪冇交流？要遂個走過黎問，問完之後走左去吾係即時幫我地跟進。我地食完野啦之後叫左個甜品，等左10分鐘有位員工行過黎就話個甜品賣哂有冇考慮想轉其他甜品。吓，乜賣哂吾係即時知道要等甘耐先話賣哂。之後我地前後吹左三次杯凍檸茶仲未到，等到有位員工收哂我地所有餐具，都繼續等。之後有位員工每次經過我地張枱都睥住，睥左勁多次。其實杯凍檸茶吾難沖姐，拎個杯倒啲茶加兩至三塊檸檬，糖水又吾洗你落，都吾明點解甘耐。我地足足等左三個止，個位員工睥實我地，勁黑人憎囉。 我知道你地想我地走，不過我地真係好想飲杯凍檸茶姐。最後放棄埋單走。…查看更多

今天我和朋友到這個餐廳用午餐，我是看了二百幾個like 才去食，點知大失所望，首先入到此餐廳，餐廳內只有少數客人，我和朋友想要近窗口卡位，她說不能，但我看到另一兩位的客人坐四位卡位坐，但她一定要我們坐兩位坐，她要我和朋友坐近門口兩人位對坐，我感覺到一開始很不開心，招呼已經很差，跟住落黎招呼我哋的態度重差，仲已經係部長，問佢套餐及main course 的分別，他只回應這個是套餐，這頁是main course 價錢，敷衍了事，在講食物質素一般，餐湯暖暖地，餐也是一般餐廳質素，我朋友問佢牛扒餐有飯跟，但點解現在沒有飯，他說飯是另外送，但沒有再跟進，他是部長來的，我朋友等了一陣再問另一個侍應，才送回飯，如果這間餐廳想打造一個高質素嘅品牌，請員工也要提供有質素服務，真是令人失望，點可能有咁多的like ，是不是有造馬之嫌。請各位要查證好才去食！…查看更多

好耐無入過黎元朗喇！因為要就一下個朋友，所以唯有我入黎同佢食晚餐喇！餐廳就由佢揀，話曬佢係呢道既地膽丫嘛😎元朗有咁多出名野食、呢間餐廳位置又唔係大街一帶，但黎到見到餐廳都竟然9成滿座，我相信一定有佢吸引之處🤔有dinner set，但散叫有更多選擇，而散叫加$35亦都可以轉做套餐包餐湯同飲品，很彈性！龍蝦湯，跟餐+$40湯很creamy及鮮味，龍蝦肉非常結實彈牙黑松露湯，跟餐+$30非常之鐘意呢個湯，勁香黑松露味，口感creamy唔稀身，每啖湯都帶有什菌，口感豐富跟餐牛角包餐飲+$18可轉黑牛牛忌廉非常滑漏，朱古力雪糕勁滑，超濃朱古力味忍唔住試下又一啖試下又一啖🙈🙈美國頂級安格肉眼扒$238（7成熟）呢個7成熟真係做到我心目中既7成熟，好多時7成會變得太鞋，但呢個扒做得好好，熟而不鞋、肉味濃、口感嫩滑夏威夷風味薄餅$118一定要趁熱食，批邊勁脆，每一啖都好足料大蝦蒜蓉$1兩個餐可點2份，一定一定一定要點！$1實在超值點果陣心諗$1應該唔會有咩驚喜，但$1試下唔好食又唔痛～點知卻很驚喜雖然只係$1，但我肯定餐廳都係用正價既食材去做！蒜蓉很滑有牛油香，大蝦的確幾大隻，蝦肉又結實又爽口又夠味…查看更多

昨日和太太結婚週年,打算出外兩個人吃個晚餐，因為星期一而且才6時左右沒有特別訂檯，進到餐廳環境OK,和太太點了一個簡單的二人餐，有水年芝士沙律、蒜茸燒扇貝，主菜是分別是安格斯牛配燒大蝦和黑毛豬配鵝肝，食物質素OK，濃淡適中，份量對於細食的我們來說算多了一點。讓我們感到窩心的是店員們很用心，他看到我們要求幫我們拍照就問問我們是不是慶祝什麼，不經意的和他談了兩句，說今天是我們結婚十三週年紀念，餐後廚師便為我們奉上特別的甜品擺設，畫了結婚十三週年的祝福，出來恭賀我們，又讓說很忙抱歉畫得不夠美麗，但他們的用心已經讓太太很高興了，謝謝用心款待，給我們一個愉快的晚上。P.S.下次都係訂檯好些，星期一的人也不少,好在我地早…查看更多

咁岩有fd生日去食dinner，book左台，係可以預先留埋寫咩係甜品碟既，我見咁多好評，就緊係簡呢間，而家都唔知會唔會愈來愈多打手。所以大家睇野時，要自己諗諗分左個位係廚房門口，勁多黑色一隻隻既野飛黎飛去，提提大家，如果咁樣食會好辛苦。之後叫左二人套餐，唔會太難食，只係600幾蚊應該有好多其他選擇。個餐個扒真係好一般，同荼餐廳差唔多level, 之後個意大利海鮮飯還可以既。有湯又跟包咁囉如果幫人慶生真係唔好呢間，午餐係可以試下…查看更多