Foodie 泰式煎餅

营业中

休息中

友人話好掛住泰國🇹🇭一於食個泰式香蕉煎餅止下癮😌果然係邪惡嘅味道😈#小胖遊旺角🐠————————————————🔹Nutella榛子醬香蕉煎餅 $37煎餅表面搽滿滿滿榛子醬🌰同煉奶，煎餅外脆，入面有蛋同熱辣辣軟糯香蕉蓉🍌，夾埋岀奇地完全唔會太甜🙆🏻‍♀️貼心切咗16塊，邊沿就香脆啲，中間就多啲餡料，各有各好🟫小編就中意邊沿位多啲😋咁邪惡嘅食物，緊係3個人share，每人食幾嚿就無咁內疚啦😛友人話如果可以好泰國咁喺你面前表演整，就再好食啲😂—————————————————🧜🏻‍♂️口水度：🌕🌕🌕🌖🌑🤑CP值💰：🌕🌕🌕🌗🌑🧚🏻‍♀️打卡值：🌕🌕🌕🌑🌑🥰舒適度：🌕🌕🌗🌑🌑👅再食指數：🌕🌕🌕🌘🌑.♟Overall♟唔算太甜/膩，味道balance得唔錯👌🏽因為小編第一次食香蕉煎餅😂無比較，覺得好食，喺旺角掃街可以一試

售賣香蕉煎餅嘅舖頭在香港不多，除了元朗香蕉仔便是在旺角新開的這一間。 我叫咗花生醬煉奶香蕉煎餅， 當時舖頭只有我一位客人 在店內等餐， 由於是即叫即整，我前面還有 兩張單， 但我等了十分鐘才發覺這間店並不是跟單而去做order，因為在我下單後十分鐘後有另一位客人剛order, 但只等了五分鐘便有得食， 我比他還要再等五分鐘才可以拎。 雖然這位客人叫原味煎餅和我叫的花生醬煉奶煎餅不同， 但兩者嘅差別只係前者內有雞蛋和朱古力醬喺面而後者沒有。 明顯地這不是遲來先上岸有得拎貨嘅原因， 餐廳店員還試圖掩飾叫我再等等並沒有交代為何後者可以攞先嘅原因，其實明眼人一睇便是留單或做錯了單，這是我不滿這間店舖服務態度嘅原因。 如沒有這另一位客人，我還要等多久才能拿到我的煎餅呢？這店的煎餅雖然有花生醬和煉奶係面，但煎餅 味道帶鹹味， 所以吃起來的味道不夠香甜感覺怪怪， 煎餅亦比較元朗香蕉仔薄身， 煎得不夠香口 ,所以只此一次不會再幫襯。

Bookmark咗一段時間嘅舖頭 次次經過唔係我太飽就係佢無開 今次終於食到😆餅皮夠薄 煎得十分香脆 欣賞👍🏻餡料嘅比例都剛好 分佈均勻 每啖都食到雞蛋同香蕉😋絕對唔差過泰國食嘅！．鋪面貼咗標示 建議客人即叫即食 餅皮會係最香脆 外賣的話就會焗腍咗無咁好味💁🏻‍♀️．整體都好滿意 惟一要挑剔嘅係略嫌醬料唔夠多 唔夠甜😛下次應該會食nutella嗰款😆．另外見到店舖有其他鹹味嘅煎餅都覺得好吸引！有機會都會再試😆

見過網上📱有人推介，經過特登食😋。揀左個原味泰式香蕉煎餅🇹🇭，有圖睇，仲有介紹煎餅有雞蛋🥚及香蕉🍌，上面加上朱古力醬和煉奶。佢間鋪貼住📄””拎左煎餅後請襯熱食，凍左無咁好食””。🥶跟左佢個指示📃，買完就即刻食，入口就係濃濃香蕉味，煎餅薄薄地，煎到熱熱地，少少脆但無焦味，食落有少少朱古力🍫醬味，平時食既香蕉pancake好似好食d🤫總括係無乜驚喜，無特別好，但算中中等等，一般啦。😬😬

好耐無去過旺角本來諗住經開呢邊就去買個雞蛋仔食點知間鋪頭唔見左😂原來轉左做呢間香蕉煎餅咁就一於試下佢啦比完錢等左幾分鐘就得食啦即叫即整黎講都好快😍而且佢嘅價錢都算合理我叫嘅呢份係榛子醬香蕉煎餅 $37就好似張相咁塗滿曬榛子醬🥰超正啊上面仲有少少煉奶中意食甜嘅一定唔可以錯過啊而佢個煎餅亦都好脆 仲有少少咸咸地嘅味中和返個甜味 食完都唔會覺得好漏試完今次之後 以後經開旺角都會去食下希望佢可以開多啲分店啦✨

前排好想試下新界西人氣既香蕉煎餅，但無奈地太遠，一直都冇機會過去聽聞幾個月前係旺角開左間Foodie 泰式煎餅，就一於試下啦呢間店小店經營，主要都係做外賣為主，menu款式唔算多，主要有八款煎餅比你揀。我地兩個人就叫左個花生醬香蕉煎餅。老闆即叫即做，熱辣辣，啖啖濃郁香蕉味，加埋d 花生醬好鬼邪惡但好滿足大家有時間經過不妨一試

食完飯又想食少少甜品 就搵下附近有咩新嘅小食啦去唔到泰國食泰式煎餅 就去旺角呢間試下啦 跟住地址行下行下原來就係以前雞蛋仔嘅位置 都好易搵食得呢個唔爭在叫最邪惡嘅款式就係榛子醬啦 即叫即做店員會問你係咪即食等咗差不多十分鐘左右就有得食啦 熱辣辣非常吸引 面頭佈滿左榛子醬 見到都忍唔住流曬口水呀切開左一格格方便拮黎食 外邊嘅就比較脆口 中間嘅就多醬兩個女仔share嚟食就啱曬啦 如果一個食就真係太heavy😅下次再來試下其他味先

花生醬香蕉煎餅$35都幾大份，個盒幾得體煎餅切開左16舊每一舊裡面都有甜甜的香蕉蓉，配合埋好香既花生醬，好易入口，不過食得多就會覺得甜同漏一個人係食唔哂，要同人share整體幾滿意，下次會試埋D24 榴槤

疫情下已有兩年無得去旅行，特別掛住泰國的街頭小食。泰式香蕉煎餅係去泰國時不得不食的小吃之一。近期係網上都有報道旺角開了泰式香蕉煎餅，味道近乎泰式。我當然黎到試一試，有唔同的醬料供選擇，有原味、Nutella榛子醬同花生醬。店內還有其他煎餅，有芝士咸牛肉煎餅、芫茜火腿芝士煎餅、芝士麻薯煎餅，甚至有麻辣雞絲、D24榴槤。我目標好清晰，一定要食泰式香焦煎餅。仲要原味，睇下係咪真係坊間所講咁原宗泰式味道。店面細細、冇座位，一定要外賣拎走，又或者企係門口趁熱食。需時15分鐘等，但要等好野食，花些時間都要。店員俾左熱辣辣的原味香蕉煎餅，透過紙盒都感受到新鮮出爐的熱騰騰，店員有提醒趁熱食！終於開盒享用，薄餅香脆軟熟，加上煉奶朱古力醬，好香口好香甜，但缺少了蛋香味。內餡香焦的味道都幾出，整體配搭不錯。但拎到返屋企時已涼了不少，如果趁熱食應該更好味！

行旺角嘅時候想搵啲小食食下, 有朋友就介紹我呢一間泰國食佢嘅泰式 煎餅, 其實我未食過呢類型嘅煎餅不過知道係甜品我亦都唔會抗拒, 香蕉味十分濃郁, 熱辣辣非常好食. 可惜過咗五分鐘之後已經出曬水, 所以真係要趁熱食

明日復明日，計吓條數已經年幾兩年冇飛過，身上面嘅旅行日子已經開始蠢蠢欲動，唯有周圍搵啲好嘢食止下癢。最近見到好多朋友仔都食泰式香蕉煎餅，不過都係圍繞新界地區，路程真係好遠，好彩最近比我發掘到有一間喺九龍市區，仲要喺正旺角心臟地帶，咁就梗係去試吓啦！去到店舖好細小，裝修都唔係好華麗，而且不設座位，不過佢嘅Menu同埋相片都好吸引，即刻叫咗個Nutella香蕉煎餅，另外叫咗杯泰式奶茶試吓。店家主張即叫即製，所以都要等大概五至十分鐘先有得食，但係我覺得呢個等待係值得㗎！Nutella香蕉煎餅一拎上手熱辣辣，而且Nutella醬料搽到勁厚而且均勻，每一口都會食到香甜嘅香蕉真係超正，份量都唔錯兩個人share食啱啱好。泰式奶茶我覺得係驚喜之作，店舖喺餐牌有標明奶茶嘅冰都係用茶去製作，佢嘅奶茶一入口非常之滑，入口唔會太甜，而且我覺得還原到80%泰國飲到嘅泰式奶茶嘅味道，比上兩個街口嘅泰式奶茶手搖店更加有泰國嘅風味，大家如果經過嘅話記得唔好錯過啊！

睇到IG介紹之後嚟嘅，呢間係主打泰式煎餅，用咗原隻香蕉去整，今次帶咗個原味煎蛋試吓味分量的確係非常之大方，我本身諗住當下午茶食，最尾都食唔晒。當正餐應該冇問題。味道正常，個人覺得個醬嘅味道太甜，搶晒香蕉嘅味道。仲有一點就係佢哋係即叫即煎，呢樣野有好有壞啦。其實我揀嘅時間應該係非繁忙時間，但係前面都有兩個人等，結果等咗都十幾分鐘先至攞到我嗰個煎餅。同埋其實佢哋舖頭嘅店面好細又冇乜點開冷氣（佢哋店同埋廚房有用簾分開，我feel到入邊係有冷氣但係客人等嗰個位就好熱）

Nutella榛子醬香蕉煎餅$35煎餅內有雞蛋同香蕉 上面塗有榛子醬和煉奶咬落去已經勁濃蛋香味 再加埋半溶香蕉片配埋ɴᴜᴛᴇʟʟᴀ 榛子醬，兩者加埋一齊簡直完美美中不足係店內不設堂食，因為呢個煎餅係要趁熱食先好食，凍咗就無咗外脆內軟嘅口感啦🧋泰式奶茶 $26叫左煎餅 飲品減$5 本身唔太鍾意飲泰式奶茶，覺得好甜但係呢杯飲第一淡覺得係有少少甜，唔會話甜到飲唔落果種之後再飲既時候反而冇咁甜？仲幾好飲📍 FOODIE 泰式煎餅旺角廣華街1號潮流地域地下G23號✨評分：7/10💰人均價錢：60

身為泰式煎餅fans，每次去泰國一日至少食一次，香港都開左咁緊係要去試下以前每次去元朗都一定去蕉仔，今次經旺角就試下新嘅呢間foodie，未去到都聞到牛油香味！但係...嗯有比較有傷害對比蕉仔或者泰國正宗個隻煎餅，呢間真係爭少少首先佢個nutella香蕉煎餅係大件啲嘅，如果食曬應該都會飽，但係，相對黎講都比較厚少少，太有𡁻口，熱辣辣但唔多脆...感覺有啲似超市買果啲印度煎餅皮至於個內涵就有蛋味同香蕉都多，但我覺得可以再滑啲，蛋係超級超級熟啲nutella醬就唔孤寒嘅，都擦得好滿，但最後都真係食唔曬塊餅...結論係食落爭少少...只可以話唔係特別好食，同埋可以更好食

太掛住旅行既我，口痕痕想食件泰國特色既小食，依家竟然係旺角都有得試🤩👉🏻香蕉煎餅$30雖然睇落好似有啲燶，但食落一啲燶味都冇😚 質感咬落煙韌，表皮脆口，配埋朱古力醬同煉奶又唔會過份甜，好食👍但略嫌香蕉味唔夠濃，啲蕉可能唔夠靚😂 份量都okPs 佢地除左原味，仲推出左幾款特別味，有興趣可望下menu先自私評分：🟡🟡🟡🟡⚪️自私評論：間野係正廣華醫院附近，地點都算就腳，時間等左將近十幾分鐘，即叫即蕉，如果蕉味再濃厚啲就perfect✨