Foodeli (德福廣場2期)

筑地银だこ Tsukiji Gindaco 位于九龙湾德福广场2期5楼Foodeli⭐自选套餐（原味八爪鱼烧+大阪烧+抹茶牛奶）$59原味八爪鱼烧：即整新鲜热辣，皮脆内软，粉浆唔厚，八爪鱼肉几大粒，好食！大阪烧：材料主要系切碎嘅椰菜，食落淡茂茂，靠表面嘅大阪烧酱同沙律酱调味，味道麻麻，唔推荐。抹茶牛奶：抹茶微苦，加左牛奶味道温和，好在有呢杯冻野饮，中和左上面𠮶两样煎炸食物嘅油腻。女店员服务态度几好、好友善！…Read More

卖相ok，正正常常。 汤低酸度适中，但我嫌佢冬阴功味唔够浓香。 檬粉好大兜一个人食唔晒，但断开一条条烂晒好难夹，索啲汤水索得好快，碗嘢放咗五分钟就已经索到冇晒汤，但啲檬粉即使索咗劲多汤都唔系好入味。猪扒比较油腻，软硬程度适中，冇乜肉汁。 整体唔系难食，亦唔系好食，食过一次未必会再返食。 #泰国菜 #泰国美食 #泰式美食 #冬阴功汤 #香港美食 #FoodieLife #foodie #DiningExperience #美食日记…Read More

呢间店啲和牛汉堡真系无得输，咬落去，肉汁四溢，啖啖肉仲绵密得嚟弹牙，一啖入口呢，真系好满足！🍔 新鲜生菜同蕃茄都爽口得嚟做得好balance，唔会抢咗和牛嘅风头。至于酱汁，哗，讲真唔夸张，够哂味，但又唔会过分浓郁，正㖞！梗系食咗埋块和腿啦，啱啱好嘅煎炸工夫，皮脆肉嫰，啲薯条又系外酥内软，窝心！饮埋杯冰凉凉嘅可乐，清新过瘾，饱到你话唔出。🥤 无论系开胃还是问候下肚，呢啲都算系平民美味，吸引到我会想喺度开个「肉」会呀！而家讲真，我系一个美食博主，日日食咁多好野，但系呢个和牛汉堡真系印象深刻。吃嘅时候简直心情大好，饱饱地一个字——正！👍 下次唔该记住叫块和腿，咬一啖，爽喊出嚟！嚟到呢度食饭，确实系一种享受！美食同埋满足感嘅完美match，真系一试难忘！…Read More

有个婆婆冇叫野食坐系度休息被一个男同女foodeli服务员赶走仲话lunch时间好多人等,但明明仲有好多位, 而且其实有其他人坐系度冇叫野食都冇被人赶走。 本来book左位食韩烧依家可以cancel,费事冇晒位啦。🙄🙄…Read More

#出差食好嘢系列 今次嚟列九龙湾—德福广场，做嘢既地方附近系「沙漠」，宁愿行远少少过嚟德福食饭！近期无乜点嚟过德福，原来开左新foodcourt 😍 望落干净企理，装修风格色彩鲜艳，岩晒我心水😚餐厅选择不少，花多眼乱！连续两个午餐都在此解决，第一日我拣左《古早台屋》的🔸红烧猪软骨肉燥饭配黑糖珍珠厚鲜奶🔸。最令人觉得称赞系杯饮品摆盘嘅方法，饮品系外卖包装，摆盘时杯面向底，咁样做就可以好安全拎去座位啦😽 食物方面猪软骨变左猪硬骨，煮腍啲就更好！同一天，同事则拣左《CHIMAC》韩国菜的🔹韩式炒牛肉饭配粒粒蜜桃汁🔹。盛装牛肉饭是使用韩国炸酱面用的碗，好地道！加上罐身只有韩文的粒粒蜜桃汁，有一刻觉得真系去左韩国食饭咁🇰🇷，吾知系咪因为呢间专门食炸鸡🍗，变咗其他菜式就差少少🤏🏻。第二天，我地两个都拣左《千味家》的自选三𩠌饭配冻豆浆！菜式精致选择多：有肉饼、蒸水蛋、多款蔬菜料理⋯不过最吸引我嘅系菠萝咕噜肉😍😍三𩠌内我拣左咕噜肉、蒸水蛋及节瓜云耳，其实佢仲有鸡髀可以拣，不过自己想均衡营养食啲菜😏。菜式水准十分好，不会过咸不会过甜，最估唔到系food court 都有两𩠌饭拣👍🏻👍🏻整体来说，呢度好干净、菜式都吾错，座位亦吾少，卡位梳化舒适😁下次再起九龙湾出差都会拣番Foodeli❤️…Read More