Fish & Chick (MONTEREY Place)

今次真漢子去到 Fish & Chick 試吓佢哋嘅素食版「炸魚薯條」 fish and chips 。不過先戴頭盔，由於佢哋主打係食真嘅魚同雞，所以其他食客都係食肉為主，而裝修都係圍繞住呢個主題。😅Fishless fish and chips 散叫要 $110，午餐價 $98，包頭盤同飲品。汽水或檸檬茶免費，其他要加錢，我就加 $20 要海鹽檸檬梳打。🍸頭盤素食選擇有炸鮮蘑菇沙律，有兩粒新鮮炸起嘅蘑菇，外脆內多汁，點少少沙律醬食更能帶出鮮味，非常開胃。沙律菜都幾新鮮，跟咗啲油醋汁。🥗素食 fish and chips 之前 Green Common 食過，都幾好食，但呢間始終係專家，冇得傾，真係做得好啲。魚柳炸得脆又唔油膩，選用咗 Omni 魚柳，「肉質」好嫩滑。🐟魚柳上面加咗粗嘅海鹽，雖然佢跟咗茄汁同他他醬，但我覺得最好食係唔點醬食，就咁有啲鹽咁食就最鮮味。😋薯條係粗身款，炸得恰到好處，唔會太燶，本身都係加咗鹽，所以唔點茄汁都夠味，不過點少少茄汁食就開胃啲。🍅海鹽梳打竟然用 1664 杯裝喎，雖然冇酒精，不過飲落都有啲 mocktail feel，而且檸檬同海鹽呢個配搭除咗清新，都响食咗咁多炸嘢之後帶來解膩嘅作用，非常推介。🥳真漢子問店員佢哋嘅炸鱈魚柳漢堡可唔可以轉素魚柳，店員就話佢哋暫時冇呢個選擇，希望餐廳睇到可以考慮吓啦 🙏🏻。另外响肉食素食版本都有提供嘅餐廳，有時都驚唔知會唔會比錯咗，始終而家技術做到真假難分，或者都係食返芋頭魚安心啲？😂😂今次去嘅係將軍澳 Monterey Place 嘅店，佢哋上環同西環都有分店，而且咁啱都係近海喎，係咪特登嘅呢？不過將軍澳店附近有 DON DON DONKI ，食飽飯可以行吓街同 shopping，正呀。🐧🛍️…查看更多

呢間之前食過佢哋嘅 fish and chips 係好食嘅😋 一路都想再去食，只係天氣太熱，唔係好想行咁遠過去啫😅🤭 依家夜晚開始涼返少少，可以出動啦🤗經OpenRice訂，平日單點6:00前有75折，6:30之後有8折，不包括飲品同套餐。問店員邊款魚比較嫩滑，佢建議大比目魚或者鱸魚，大比目魚就比較肥，鱸魚冇咁肥，我揀咗大比目魚😁 同之前一樣炸漿薄脆，薯條熱辣辣，外脆內軟，兩樣都好好食😋😋 我嘅大比目魚明顯比男友嘅藍鱈魚嫩滑，佢嘅藍鱈魚相對肉質比較實啲🤭 今次另外加咗個炸生蠔，都好味😋 可能因為我食咗5隻炸生蠔，幾乎食唔晒條炸魚🤪🤣🤣 下次食吓鱸魚先，睇吓會唔會冇咁肥膩，啲薯條唔使求救😝 不過炸魚同薯條都比較熱氣，唔可以成日食，要隔返一排先😬…查看更多

行完Donki，入咗餐廳諗著食炸魚薯條，就嚟咗Fish & Chick哩間餐廳，入邊餐廳環境乾淨，闊落，叫咗個二人餐，價錢$298。前菜，炸磨菇沙律，味道合格，炸磨菇略嫌細隻，但味道唔錯，多汁，一D都唔乾。小食，茄汁雞肉丸，味道普通，無任何特別。主食1，叫咗個辣椒蒜蓉炒意粉，味道出色，好多蒜蓉，蒜味濃烈，辣椒少少辣，如果唔食得辣都最好不要點。主食2，叫咗個炸魚(藍鱈魚)薯條，唯獨1款炸魚Set唔洗額外加錢，但味道中上，諗著條魚會炸得好乾，但結果好嫩滑，好有驚喜，薯條係用粗薯條，熱辣辣，好正飲品，叫咗可樂同埋凍檸茶，無特別。總結，哩間餐廳人均消費唔太貴，食物質素合格以上，可以值得再嚟。…查看更多

突然好想食英國名物: 炸魚配薯條! 本身中環都有分店，但將南呢間唔使等位，可以一試~ 外層炸得金黃酥脆，咬落去「咔嚓」一聲，粉漿薄脆得嚟唔會太厚，完全唔油膩。入面嘅魚肉 (加錢可以叫是日特級的魚)嫩滑，一啖落去仲保持到juicy，完全冇雪藏味，證明用料新鮮。點埋經典嘅他他醬或者檸檬汁，即叫即炸熱住食. 係正！至於薯條，佢哋用嘅係粗身版本，份量多，炸得外脆內軟。雖然唔係咩花巧款式，但正正就係嗰種傳統英式pub food嘅風味，食落夠晒滿足~女仔叫一個餐未必可以食得曬 同都好熱氣下.... Share會好D...  …查看更多

之前係YouTube睇咗Mill MILK 條片之後就好想試下呢間Fish and Chick，係OpenRice 見到將軍澳有分店，所以就go try try 🙌🏻我嗌2份炸魚薯條🐟🍟、白酒汁煮鮮蜆、煙三文魚沙律配蜜糖刁草汁🥗首先，炸魚薯條外面炸得好脆皮，而裡面嘅魚肉仲係好熱好嫩滑多汁，配上薯條同啤酒🍻，超級爽好滿足😆白酒汁煮鮮蜆嘅蜆肉好鮮嫩，好大粒，好有白酒嘅香味，唔錯👍🏻煙三文魚沙律配蜜糖刁草汁就好fresh好清新，啲煙三文魚有煙熏味，而個蜜糖刁草汁亦都調得好好味😋…查看更多

和朋友相約在將軍澳南的MONTEREY Place晚餐，選了這家Fish & Chick，主打傳統英式炸魚的一家餐廳。藍白色的裝潢帶有海邊城市的風情。餐牌有Dinner Set或二人餐可選，價錢相差不遠，主要是餐點上的分別。Dinner Set才有魚柳包及漢堡可選，是二人餐所欠缺的選項，但我和朋友最終決定點二人餐 ($298)。沙律選炸鮮蘑菇沙律配黑醋汁，炸蘑菇熱焫焫的，外層香脆，而蘑菇仍然好多汁，不會乾身。沙律菜配黑醋汁，酸爽開胃。前菜是鐵板雞肉丸配蒜蓉包，雞肉丸軟稔多汁，滿滿蕃茄醬包圍著肉丸，增加酸香味。以鐵板盛載，保持食物熱度。蒜蓉包大片又夠脆，蒜蓉香十足，塗抹一點蕃茄醬來吃，更為滋味。白酒汁煮鮮蜆意粉，需另加$45，蜆肉份量十足，鮮甜又夠厚肉軟嫩。意粉質感爽滑彈牙，充滿蒜香及白酒汁香，微微的辣，令之更為惹味。傳統英式炸魚配薯條，要了最基本的紐西蘭藍鱈魚，另有6款魚可選，都是要額外加錢的。我和朋友自覺不太分得出每款魚的不同，所以要最基本的就可以了。炸魚好大件，底下有好多粗薯條。藍鱈魚的肉質紮實不鬆散，魚肉都算嫩，炸漿厚薄適中，夠脆口。食完整份餐，也不會覺得油膩。出色的炸魚夠嫩滑，難怪店內食客不少啊！…查看更多

新年除咗同屋企人團年 我都會約埋朋友相聚團年下🥰 因為最近食得太多中菜😂 所以早兩日就約咗朋友去將軍澳食西餐🍽️ 今次我哋去咗澳南海岸食Fish & Chick😋餐廳位置好便利💪🏻 由將軍澳地鐵站行過去大概十分鐘☺️ 餐廳燈光柔和同埋空間好寬敞 所以住得好舒服😌 牆上嘅海洋壁畫都好打卡able😍上菜速度算快 用餐氛圍真係幾好👍🏻 最緊要價錢好公道唔貴🤩 我地點咗✨一個前菜 ✨一個沙律同埋✨兩個主菜 🥗秘製炸蟹球配沙律炸蟹球外皮酥脆，內裡鮮嫩，搭配清新嘅沙律，既開胃又解膩。 🐓秘製烤雞翼配薯條🍟烤雞翼香氣撲鼻，肉質鮮嫩，搭配香脆可口嘅薯條，真係食唔停口！ 🐓原味烤雞半隻配薯蓉半只烤雞原味呈現，皮脆肉嫩，搭配細膩綿密嘅薯蓉，滿足感max！🐠傳統英式炸(英國)銀鱈魚配薯條🍟銀鱈魚炸至金黃酥脆，肉質細嫩，搭配經典英式薯條，係體驗fish & chips嘅絕佳搭配選擇。 🍓士多啤梨檸檬特飲清新爽口嘅士多啤梨與檸檬混合特飲，酸甜適中，非常適合餐後飲用。🥤熱情果檸檬特飲：熱情果嘅香甜與檸檬嘅酸爽相結合，打造出獨特嘅口感，讓人一試難忘。…查看更多

呢間英式炸魚薯條店，我一直以為只得西環海旁一間，而且一直都無緣幫襯。但喺將軍澳搵食咩晏晝期間，發現澳南海岸原來有間分店，唔使考慮咁多，就你啦。午餐包頭盤、主菜、飲品，每項都有多款選擇（有啲款式要另外加錢）。炸鮮蘑菇沙律、傳統英式炸魚（藍鱈魚）配薯條、凍檸檬茶（$98）炸鮮蘑菇外層脆，裡面仍鎖住蘑菇啲水份，好味道。沙律菜清爽。炸魚份量大而且厚身，炸到金黃色好靚，表面洒咗些少鹽。炸粉厚薄適中，十分脆口，但唔硬實，兼且唔油膩。藍鱈魚（紐西蘭）肉質紮實，唔嚡但有咬口，有魚味但帶好少量可接受嘅魚腥味。他他醬調味不錯，配埋炸魚一齊食好夾。薯條係粗身，脆口，少量油但可接受。凍檸檬茶用 250ml 啤酒杯裝，味道普通，係一般西式餐廳嘅味道。自家製蘑菇湯（+$12）、傳統英式炸魚（石頭魚 +20）配薯條、凍檸檬茶（$98）蘑菇湯濃厚菇味，香滑幼細，味道不錯。石頭魚（紐西蘭）份量適中但再厚身啲，魚肉肉質嫩滑，魚味比較淡，零魚腥味。…查看更多

之前去過同一品牌的總店，這間位於將軍澳南的分店，鋪位更位闊落，坐得舒服，但少了一點英國酒店風味。食物保持水準，炸魚新鮮，雞肉嫩兼有燒烤香味。兩個女生去，點一客炸魚及一客烤雞，份量剛好。Lemonade清新 甜酸度適中。…查看更多

🐽美食推介🐽*Fish & Chick*🐟🐓今次推介比大家嘅係主打傳統英式炸魚薯條及烤雞🇬🇧🐟🐓嘅「Fish & Chick」 我們今次去嘅係將軍澳店，呢間已經係佢哋嘅第三間分店啦‼️ 食物嘅質素梗係有保證啦😋👍🏻我哋order 左一個2人餐和一個1人餐，必須講所有都好好食呀😋👏🏻🌟鐵板炒魷魚仔配蒜蓉包🦑魷魚仔勁新鮮，又爽口，加埋d檸檬汁口味好清新‼️蒜蓉包d蒜蓉勁香，包又脆，豬包食到一啖接一啖呀🤣🤣🌟炸鮮蘑菇沙律配黑醋汁🍄‍🟫🥗炸蘑菇外脆內軟，裏面勁多汁，大家一定要試吓❤️ 沙律菜也非常新鮮👍🏻🌟秘製烤雞翼配薯條雞翼和薯條香脆、惹味👍🏻🌟煙肉洋蔥茄汁長通粉🍝係豬包最中意食嘅長通粉呀😍香得來又好食，豬包一人就食左1/4🤣🤤🌟烤雞半隻配粟米🐓🌽烤雞作為其中一樣的主打，做到皮脆肉嫩真係厲害👍🏻👍🏻🌟傳統英式炸魚配薯條🐟🍟有多款魚選擇，包括一些本地新鮮魚🐟 想食滑d、實肉d或者油香勁d都有得揀😁 大家嚟到一定要試吓呀‼️👍🏻🌟雜果賓治+熱情果檸檬特飲🍸2杯飲品都好清新，又唔會太甜，十分適合香港人口味👍🏻👍🏻📍地址：將軍澳澳南海岸唐俊街23號…查看更多

話說以前住西環嘅時候都去過一次，因為佢哋西環都有分店。今次去到將軍澳食過🤣真心佢嘅炸魚真係冇得輸！樣嘢一定要order今次叫咗自家製粟米蓉湯&蘑菇湯兩個湯- 粟米同蘑菇湯都係真材真料，每啖都食到好豐富粟米同蘑菇蓉👍🏻👍🏻傳統英式炸魚配薯條🍟佢地Fish & Chips 既魚有唔同品種同產地可以俾你揀我地揀咗本地新鮮鱸魚，係一D腥味都無，好好食，炸粉薄而脆～薯條熱辣辣，仲要厚切🤤烤雞半隻配薯蓉另外仲叫咗烤雞~係脆皮 超Juicy，一啲都唔係鞋👍🏻真心好食…查看更多

我哋係西環嗰間fish & chick 常客！次次都去食炸魚🐟超鍾意食！今次咁啱去開將軍澳就帶埋呀囡去澳南海岸嗰間fish & chick食dinner!😍今次我哋order咗兩個set dinner，每一碟都好好食😋🦀🥗秘製炸蟹肉球配沙律秘製嘅醬汁配埋好新鮮嘅蟹肉，口感外脆內嫩滑，沙律非常新鮮冇苦澀味，好開胃！🐓🥖鐵板雞肉丸配蒜蓉包雞肉丸好Juicy, 鐵板上更加keep到佢嘅溫度熱辣辣！新鮮嘅雞肉味再加上佢嘅醬汁，一啲都唔膩！蒜蓉包好脆口但唔硬身，Keira 好鍾意食！🐠🍟傳統英式炸魚配薯條魚有好多種類可以揀，我哋揀咗最經典銀鱈魚🐠即叫即炸，一上枱已經感受到佢非常新鮮！炸粉皮非常之薄，基本上唔使用刀就食到！魚肉好嫩滑，完全唔會有好乾柴嘅感覺，魚味唔算太濃，加咗少少海鹽落去帶咗啲魚嘅鮮味出嚟！再加上我哋好鍾意食嘅粗薯條，完美！🍝卡邦尼意粉卡邦尼意粉好有驚喜，每一條意粉都掛滿醬汁，煙肉份量好多，本身碟意粉嘅份量都比較大碟！醬汁好Creamy，唔會太膩，值得推介！🍰檸檬罌粟籽蛋糕呢個檸檬蛋糕都超好味！🍋酸酸甜甜嘅味道同埋有好濕潤嘅感覺，食完絕對想再encore！下次要試埋紅蘿蔔蛋糕先🤗今次嚟到澳南海岸食呢間fish and chick勾起咗我哋以前成日去西環食炸魚嘅回憶🥹呢間餐廳環境都好舒服，再加上員工服務態度相當好！大家嚟將軍澳記得要試吓呢間餐廳喇😍…查看更多

今天我踩單車來到這片碧海藍天旁的餐廳。一走進餐廳,我就被它舒適怡人的環境所吸引。佢有個午餐set嘅, 午餐包個頭盤主菜同埋加一杯嘢飲我先從頭盤開始下手。首先是炸鮮蘑菇沙律。蘑菇外酥內嫩,加上新鮮翠綠的沙律,既營養又美味。緊接著我又嗌了煙三文魚沙律,三文魚肉質飽滿,與香甜的沙律交織出迷人的滋味。這兩道開胃菜為我的味蕾帶來了美好的體驗。之後我揀咗佢嘅招牌菜 - 傳統英式炸魚薯條。我迫不及待地切開那金黃酥脆的外層,魚肉頓時鮮嫩欲滴,飽含濃郁的海鮮香氣。搭配的薯條同樣誘人,酥脆可口。又嗌咗個香煎鮮魚同炸魚嘅感覺又唔同最後點了一大杯冰涼的檸檬茶。清新爽口的飲品,剛好中和了炸魚薯條的熱氣,讓我整個用餐過程變得更加舒爽愉快。…查看更多

我原本看到這家店的報導後,就蠢蠢欲動地想去嘗試一下。畢竟,報導形容的實在是太誘人了，而且賣點是本土新鮮魚，我住西頁，西頁有幾間炸魚薯條店也不錯，所以很期待這間離西頁不遠的店會是一個很好的選擇......然而,當我真的嘗試後,卻發現整體表現實在是平平無奇。魚肉本身倒是新鮮, 外皮也算酥脆可口, 但味道實在是乏善可陳, 而且很多油，缺乏任何特色調味。至於薯條, 質地很淋，炸不夠香脆, 也每有薯香味。不過份量很多，一個人吃不完的份量。整體來說, 百多元吃到新鮮魚做的炸魚還算可以，如果再來一次，可選意粉或沙律較好，這道菜只能算是一份中規中矩的普通小吃而已。雖然也不算差, 但畢竟沒有達到我之前在報導中的期望。…查看更多

好耐之前食過西環分店，覺得好食兼性價比好高！估唔到將軍澳都有分店，3點入去都要等兩張枱，證明係將軍澳都好受歡迎🔥佢地Fish & Chips 既魚有唔同品種同產地可以俾你揀💫 我地揀咗本地新鮮鱸魚(＋$30） ，魚係一D腥味都無，好好食，炸粉薄而脆～ 😋薯條係有粗度似係原隻薯仔厚切的，好正！另外仲叫咗烤雞～ 之前係西環食既印象係脆皮Juciy，今次叫就覺得有啲失色，比較乾，係有少少過咗火候既感覺🥲不得不提兩個湯 - 粟米同蘑菇湯都係真材真料，每啖都食到好豐富粟米同蘑菇蓉，非常滿足！😋…查看更多