Fish & Chick (MONTEREY Place)

今次真汉子去到 Fish & Chick 试吓佢哋嘅素食版「炸鱼薯条」 fish and chips 。不过先戴头盔，由于佢哋主打系食真嘅鱼同鸡，所以其他食客都系食肉为主，而装修都系围绕住呢个主题。😅Fishless fish and chips 散叫要 $110，午餐价 $98，包头盘同饮品。汽水或柠檬茶免费，其他要加钱，我就加 $20 要海盐柠檬梳打。🍸头盘素食选择有炸鲜蘑菇沙律，有两粒新鲜炸起嘅蘑菇，外脆内多汁，点少少沙律酱食更能带出鲜味，非常开胃。沙律菜都几新鲜，跟咗啲油醋汁。🥗素食 fish and chips 之前 Green Common 食过，都几好食，但呢间始终系专家，冇得倾，真系做得好啲。鱼柳炸得脆又唔油腻，选用咗 Omni 鱼柳，「肉质」好嫩滑。🐟鱼柳上面加咗粗嘅海盐，虽然佢跟咗茄汁同他他酱，但我觉得最好食系唔点酱食，就咁有啲盐咁食就最鲜味。😋薯条系粗身款，炸得恰到好处，唔会太㶶，本身都系加咗盐，所以唔点茄汁都够味，不过点少少茄汁食就开胃啲。🍅海盐梳打竟然用 1664 杯装㖞，虽然冇酒精，不过饮落都有啲 mocktail feel，而且柠檬同海盐呢个配搭除咗清新，都响食咗咁多炸嘢之后带来解腻嘅作用，非常推介。🥳真汉子问店员佢哋嘅炸鳕鱼柳汉堡可唔可以转素鱼柳，店员就话佢哋暂时冇呢个选择，希望餐厅睇到可以考虑吓啦 🙏🏻。另外响肉食素食版本都有提供嘅餐厅，有时都惊唔知会唔会比错咗，始终而家技术做到真假难分，或者都系食返芋头鱼安心啲？😂😂今次去嘅系将军澳 Monterey Place 嘅店，佢哋上环同西环都有分店，而且咁啱都系近海㖞，系咪特登嘅呢？不过将军澳店附近有 DON DON DONKI ，食饱饭可以行吓街同 shopping，正呀。🐧🛍️…Read More

行完Donki，入咗餐厅谂著食炸鱼薯条，就嚟咗Fish & Chick哩间餐厅，入边餐厅环境干净，阔落，叫咗个二人餐，价钱$298。前菜，炸磨菇沙律，味道合格，炸磨菇略嫌细只，但味道唔错，多汁，一D都唔干。小食，茄汁鸡肉丸，味道普通，无任何特别。主食1，叫咗个辣椒蒜蓉炒意粉，味道出色，好多蒜蓉，蒜味浓烈，辣椒少少辣，如果唔食得辣都最好不要点。主食2，叫咗个炸鱼(蓝鳕鱼)薯条，唯独1款炸鱼Set唔洗额外加钱，但味道中上，谂著条鱼会炸得好干，但结果好嫩滑，好有惊喜，薯条系用粗薯条，热辣辣，好正饮品，叫咗可乐同埋冻柠茶，无特别。总结，哩间餐厅人均消费唔太贵，食物质素合格以上，可以值得再嚟。…Read More

突然好想食英国名物: 炸鱼配薯条! 本身中环都有分店，但将南呢间唔使等位，可以一试~ 外层炸得金黄酥脆，咬落去「咔嚓」一声，粉浆薄脆得嚟唔会太厚，完全唔油腻。入面嘅鱼肉 (加钱可以叫是日特级的鱼)嫩滑，一啖落去仲保持到juicy，完全冇雪藏味，证明用料新鲜。点埋经典嘅他他酱或者柠檬汁，即叫即炸热住食. 系正！至于薯条，佢哋用嘅系粗身版本，份量多，炸得外脆内软。虽然唔系咩花巧款式，但正正就系𠮶种传统英式pub food嘅风味，食落够晒满足~女仔叫一个餐未必可以食得晒 同都好热气下.... Share会好D...  …Read More

之前系YouTube睇咗Mill MILK 条片之后就好想试下呢间Fish and Chick，系OpenRice 见到将军澳有分店，所以就go try try 🙌🏻我嗌2份炸鱼薯条🐟🍟、白酒汁煮鲜蚬、烟三文鱼沙律配蜜糖刁草汁🥗首先，炸鱼薯条外面炸得好脆皮，而里面嘅鱼肉仲系好热好嫩滑多汁，配上薯条同啤酒🍻，超级爽好满足😆白酒汁煮鲜蚬嘅蚬肉好鲜嫩，好大粒，好有白酒嘅香味，唔错👍🏻烟三文鱼沙律配蜜糖刁草汁就好fresh好清新，啲烟三文鱼有烟熏味，而个蜜糖刁草汁亦都调得好好味😋…Read More

和朋友相约在将军澳南的MONTEREY Place晚餐，选了这家Fish & Chick，主打传统英式炸鱼的一家餐厅。蓝白色的装潢带有海边城市的风情。餐牌有Dinner Set或二人餐可选，价钱相差不远，主要是餐点上的分别。Dinner Set才有鱼柳包及汉堡可选，是二人餐所欠缺的选项，但我和朋友最终决定点二人餐 ($298)。沙律选炸鲜蘑菇沙律配黑醋汁，炸蘑菇热焫焫的，外层香脆，而蘑菇仍然好多汁，不会干身。沙律菜配黑醋汁，酸爽开胃。前菜是铁板鸡肉丸配蒜蓉包，鸡肉丸软稔多汁，满满蕃茄酱包围著肉丸，增加酸香味。以铁板盛载，保持食物热度。蒜蓉包大片又够脆，蒜蓉香十足，涂抹一点蕃茄酱来吃，更为滋味。白酒汁煮鲜蚬意粉，需另加$45，蚬肉份量十足，鲜甜又够厚肉软嫩。意粉质感爽滑弹牙，充满蒜香及白酒汁香，微微的辣，令之更为惹味。传统英式炸鱼配薯条，要了最基本的纽西兰蓝鳕鱼，另有6款鱼可选，都是要额外加钱的。我和朋友自觉不太分得出每款鱼的不同，所以要最基本的就可以了。炸鱼好大件，底下有好多粗薯条。蓝鳕鱼的肉质扎实不松散，鱼肉都算嫩，炸浆厚薄适中，够脆口。食完整份餐，也不会觉得油腻。出色的炸鱼够嫩滑，难怪店内食客不少啊！…Read More