euro go go

每次到訪euro go go必然會想起佢地嘅人氣雞翼，是日晚餐就來個蜜糖雞翼，法式薯蓉焗田螺，白汁香腸火腿蘑菇意粉，凍荔枝茶，雞翼滿佈蜜糖香甜，果然係人氣必選，其他的普普通通，不過不失。…查看更多

今晚一個人突然想食西餐，好耐都冇食過意粉，於是去咗 euro go go 食，唔知食物質素係點呢？今晚點咗 芝士白汁海鮮意粉，加咗 $8 轉寬條麵試吓，再點咗杯熱嘅蜜桃茶芝士白汁海鮮寬條麵，一嚟就見到整碟寬條麵面都鋪滿白汁及濃濃嘅芝士，香氣撲鼻，看到已經流晒口水，食落白汁香滑，芝士味又濃郁，而海鮮分別有魚，蜆同魷魚，將芝士白汁混合海鮮同寬條麵拌勻一齊食，大大啖，大飽口福！至於杯熱嘅蜜桃茶，真係有驚喜，我原來唸住應該冇咩味道，點知聞落有清香嘅蜜桃味，裡面仲有幾片蜜桃，飲落微甜，超合我心意！…查看更多

噚日(12-1-2024 Fri)爸爸出殯日,我,老公同亞姨一齊食個早餐,去邊喥食?亞姨未食過呢間,於是帶佢嚟,睇完menu後,就要:2. 熱檸水, 6. 熱咖啡亞姨同老公飲,冇乜comment.4. 熱奶茶唔太濃.2.8分3. $48.00嘅火腿香腸鮮茄湯通粉嗅到黑橄欖嘅味道,好彩食落味道唔太濃,口感都適中.3分5. $48.00嘅芝士吞拿魚法包(2件)中配嘅鮮茄湯通粉呢個同上面一樣,唔使試.8. 加$12.00嘅鮮蘑菇1份味道普通唔惹味.3分7. 加$12.00嘅牛仔腸2件正常冇問題.3分3. $48.00嘅火腿香腸鮮茄湯通粉中配嘅熱脆牛角包附上牛油同士多啤梨果醬,佢本身嘅牛油味好濃,包身脆.5分5. $48.00嘅芝士吞拿魚法包(2件)因為係芝士,所以偏鹹,呢個都正常冇問題.3分1. $42.00嘅農夫比得包我最後至食,包身煙韌,蔬菜新鮮.4分抵食係2.2分其他:問店員攞咗一杯水飲,但竟然有啲怪味.上次食評係2023年4月19日刊登嘅呢篇: https://www.openrice.com/zh/hongkong/review/blue-%E5%86%8D%E4%BF%BE%E9%8C%AF%E6%A9%9F%E6%9C%83-e4790553…查看更多

次次黎都會叫蒜香蜆肉意粉同埋焗田螺蜆比得好多，而且都係連殼既，大大隻，鮮甜美味焗田螺就冇殼既，但有好多薯蓉一齊焗，面仲會有層芝士，好香好好食有時會叫多杯蜜桃紅茶，都正常唔會太甜…查看更多

有啲overprice$65-$75又話慢煮雞肉沙律都唔嫩滑幾硬實實,叫做有少少芒果汁點吓.我在不同的分店多次品嚐過這道菜，每次我都期望它會有所改善，但到目前為止非常失望，它看起來又漂亮又新鮮！但雞肉仍然很硬，很乾，沾有一點芒果醬，沒有沙拉醬。怎麼能稱之為慢煮呢？慢煮假設它應該又軟又嫩,這只是雞肉沙拉!這個慢煮雞肉沙律套裝,還添加了額外的沙拉，但它仍然沒有任何沙拉醬？！ 我無法理解？ 沒有沙拉醬怎麼能稱之為沙拉呢？ 這只是蔬菜！反正服務還行！ 沒有什麼總是完美的！ 這是生活！…查看更多

約朋友去食Tea, 決定揀Euro go go! Euro go go本身嘅食身整體上都唔錯，唔想食太飽，可以揀D輕食！今次我地揀左：1. 焦糖燉蛋 味道👍👍👍2. 香蕉班戟 裡面嘅香蕉算叫多，味道👍👍👍堂食坐低慢慢品嚐，又可以girl talk, 夠哂chill ! …查看更多

🍴Euro gogo📍 荃灣蕙荃路22-66號綠楊坊2樓S31-32號舖✨ 意式青瓜蘑菇鮮茄意粉餐 56意式青瓜蘑菇鮮茄意粉份量非常足夠鮮茄醬鮮味🥰配上青瓜很清爽跟餐還附飲品和田園沙律或湯絕對是午餐抵食之選😋…查看更多

今次要食嘅嘢係一間叫歐洲去去嘅餐廳今日嘅地點係荃灣嘅呢間都算係一間快餐店？但應該都算係餐廳嚟嘅一張算係價錢比較平嘅餐廳我係其中一個蜆肉意粉氣氛質素係啲平價意粉嘅質素嚟嘅就好似去超市買嗰啲意粉差唔多啦佢呢個蜆肉意粉就符合佢嘅價錢嘅其實熄咗佢啲嘢都唔算話太濕太多水蜆肉都係一啲似超市嘅急凍蜆肉嚟嘅啫另外仲訂咗一個薄餅嚟食呢個部份都係有啲超市快熟即食薄餅嘅感覺但係都唔算難食嘅其實我覺得都OK嘅咖啡一杯啦快餐店質素嘅咖啡仲有杯零落嘅佢寫住係百事可樂嚟總結係一間比較平價西餐廳都係似一間食西餐快餐店我覺得性價比係唔錯嘅俾我呢啲窮人食就啱晒…查看更多

多次光顧，食物味道Ok既，職員大致都有禮貌的。唯獨收銀個位男士，非常不妥，完全無諗過幫我解決會員既問題，hea走我就算，已經等無人排隊先出去問佢，全店最得閒個個係佢～激氣😤…查看更多

大前日(16-4-2023 Sun)朝,會合返完教會嘅老公食完早餐,由於我去攞電子消費劵,佢就提議食呢間.唉!好啦.我哋坐低後睇完menu就買嘢食,要咗:3. 加$20.00嘅酪脆香蕉杯乳酩滑,唔知係味焦糖漿,感覺一般.味道:3分2. 加$4.00嘅凍奶茶茶味有嘅,口感都滑,不過甜咗少少.味道:2分6. 加$12.00嘅牛仔腸2件普通冇乜嘢.味道:3分5. 加$8.00嘅泡沫奶茶原來老公叫咗呢杯嘢,呢個正常啦.味道:3分4. $42.00嘅農夫比得包餡係全蔬菜冇問題,醋都ok,不過沙律菜大大件,令人食到冇儀態.味道:3分1. $42.00嘅意式鮮蔬蛋批呢個係最後至到,明白嘅,因為要焗,呢個味道好淡.味道:2.5分服務:我老公喺門口等安排入座,而後過我哋嘅一個女食客走入去睇有冇位,我見佢同職員講咗啲嘢,之後個職員出嚟安排我哋入座,原來一直係有位,但都唔安排入座.我問我老公,佢哋知唔知你喺喥等?佢答知.上食物時,我老公啱啱窄嗰邊放整o緊嘢,個職員一定要呢邊上,唔識行去闊嗰邊,佢有叫我老公小心,但話氣係有啲呼喝成份.放低嘢食時,支飲管直接放喺枱上,唔係同其他餐具放喺紙巾上,佢真係覺得佢張枱好乾淨?衛生:呢喥有蠓的.依然選擇少,又貴,重要咁嘅服務態度,我真係唔再應承老公幫趁呢間啦.上次食評係2022年9月27日刊登嘅呢篇:https://www.openrice.com/zh/hongkong/review/blue-%E8%B2%B4%E5%83%B9%E8%8C%B6%E9%A4%90%E5%BB%B3-e4553477…查看更多

我都未見過呢間係唔使等位，但呢幾次經過都見到有位，證明呢度真係差咗好多先會無人排，我哋星期日去都唔使等位下午時間最抵同啱食，都係叫下午茶餐同平常一樣都係嗌蜜糖雞翼，田螺薯蓉，好耐冇食焗薯皮又嗌一個焗薯皮蜜糖雞翼未熟透，其實一直都覺得佢哋啲蜜糖雞翼覺得熟時唔熟！有待改善，不過好味，所以次次都會嗌田螺焗薯蓉又係必點，呢個好穩陣今次嗌嘅焗薯皮真係出事，啲薯皮唔結實，散開成pet野，有一隻薯皮直頭好似跌咗執返咁，散開嘅蕃茄通粉加$10熱咖啡正常，熱奶茶太濃有啲苦，凍蜜桃茶最好味，凍朱古力奶好飲過好多地方😤好多味精，食完之後超級口乾，以前都冇咁犀利，有待改善感覺上呢度成日都轉人，而且員工都好年輕冇乜經驗！其實呢間餐廳都算大間，有咁多間分店，食物又唔算平，水準應該做得穩定啲…查看更多

前日(25-9-2022 Sun)朝,終於肚餓,可同老公食正常早餐,食咩好?熱條去食粥,但天氣又太熱,唔行去食住,美心,成日都多人搵唔到位,Euro gogo,其實又貴又好少選擇,而且我已經black list咗佢(上次食評係2021年7月23日刊登嘅呢篇:https://www.openrice.com/zh/hongkong/review/blue-let-it-go-e4100324),不過想即刻涼冷氣,咁就呢間啦.首先,我老公入去買同坐低,我就去埋廁所至入嚟,同收銀講聲我係邊張枱號至入去睇menu,因為呢喥係要客人買咗嘢食後至安排坐邊喥.老公已經揀咗$45.00嘅D1餐,炒蛋加鮮蘑菇配熱脆牛角包,加$12.00要鮮茄湯通粉,再加$4.00要凍咖啡少奶.我就被佢$42.00嘅意式鮮蔬蛋批同$40.00嘅芒果乳酪脆麥片配法包/麥方包吸引,但老公已食過後者,所以我揀意式鮮蔬蛋批,又見到可加$20.00要芒果乳酪脆麥片或酪脆香蕉杯,咁我要後者啦,然後要熱檸水.老公出去買,佢行返嚟話意式鮮蔬蛋批要等20-25分鐘,問我等唔等得?唔啦,一來肚餓,二來趕時間買餸.又要揀過,最後要$45.00嘅C餐,火腿香腸鮮茄湯通粉配熱脆牛角包,其他冇變.老公嘅餐到齊,然後我嘅熱脆牛角包到嚟,大大個嘅,塗上士多啤梨果漿,正正常常冇驚喜.熱檸水我冇落糖飲,味道唔係太清香.炒蛋同鮮蘑菇都正常冇問題.火腿香腸鮮茄湯通粉,香腸切開俾4件,味道淡淡地,而成個通粉味道都唔太濃.最後食酪脆香蕉杯,呢杯開頭都正常嘅,但我食到一啖似藥水味.味道係2.95分服務K嘅,個女仔擺低啲嘢都有禮貌.環境:坐都算ok,但其實一張枱係好細,只夠一個人舒舒服服咁食,兩個人嘅話.就好驚啲嘢會跌落地.見到啲枱要用紙穩.3.5分其他:叫個女仔俾一杯水我哋,冇問題,但擺低睇吓,得半杯,有冇攪錯?呢間嘢唔係平,唔係茶餐廳,俾杯水都咁孤寒,如非必要我都唔想再嚟.抵食係2.5分…查看更多

又到聖誕, 又到聖誕, 又係時間約埋班friend一齊聚餐。 今次去咗綠楊坊一間餐廳去食pizza。我哋一行人喺大概一點鐘左右到步, 叫咗個千島醬海鮮全批, 侍應本身話個批大概20分鐘就可以上枱, 但最後都等咗成半個鐘有多先見到個批出現。成個批滿佈千島醬, 驟眼睇嚟都有幾多海鮮,有大蝦、吞拿魚、八爪魚、章魚、芝士, 芝士份量相當多 拎起塊批啲芝士仲可以拉絲添。如果批過份量大小都相當巨型,比我想像中為大, 一個人應該都食唔曬, 相當適合約埋一班好友分享分甘同味。…查看更多

行街行到攰，就去Euro go go 食下午茶，下午茶選擇都多，而且價錢夠抵食，係休息嘅好地方😃❣️吞拿魚及蒜香雞芝士蒜蓉包2件 $44有兩隻口味，蒜蓉包夠脆，而且蒜蓉味十足，吞拿魚好足料，個人比較鍾意食，反而蒜香雞再加上蒜蓉包會比較鹹，較為重口味🥸❣️蜜糖雞翼 $50蜜糖雞翼熱辣辣，雞翼夠大隻，每一隻都沾滿蜜糖好惹味🙆🏻‍♀️❣️忌廉朱古力 +$10每次去都必定加配，而且套餐咁加比較抵，有一大篤cream，食落唔太甜，配上濃郁嘅朱古力奶，雖然邪惡但係飲得開心🤣🤣🤪🏦是次消費總額 $114（人均消費 $57） 👅好味度：8（10分滿分）下午茶確係抵，但排隊嘅人都多，所以都要預留時間排隊，食物味道ok，最鍾意都係嗰杯忌廉朱古力，行到攰攰地坐低飲杯，又可以恢復元氣，大前提係要唔記得減肥嘅事🤣🤣🤪…查看更多

今日(23-7-2021 Fri)我放假,就同老公食個早餐,唔想食港式喇,就咗呢間啦.我哋去到要排隊等安排入座,等咗8分鐘有位喇,我哋要咗同樣$40.00嘅早餐B同D2,要熱檸水同加$4.00嘅凍奶茶少甜.首先係兩杯嘢飲到咗.1. 熱檸水 只有兩片嘅熱檸水都澀.味道: 1分2. 凍奶茶少甜真係好少甜,少到接近冇,只有茶味.味道: 2分3. B餐嘅芝士吞拿魚法包熱騰騰,法包烘得脆,芝士吞拿魚都幾鹹,吞拿魚肉唔多.味道: 2.5分4. B餐嘅鮮茄湯通粉啲鮮茄好碎,碎到接近蓉,味道同口感正常不過.味道: 3分5. D2餐嘅炒蛋牛仔腸配熱脆牛角包牛角包係脆口,牛油啱啱好唔太多亦唔太少,搽果jam又幾好食;炒蛋都幾乎全熟但仍嫩滑,味道就好淡冇乜落鹹;牛仔腸味道都淡,口感正常.味道: 3.67分服務:我哋排隊等,到我哋時,我哋上前買嘢,個女店員問我哋係咪堂食?我哋答係,佢話暫時冇位,要排隊.咁我哋行返出去,佢再叫我哋排隊.我哋咪排咗隊囉,係到我哋㗎,如果我哋打尖,後面嗰啲會嘈我哋啦.坐低等嘢食,端上枱嘅男店員好晦氣咁話D2餐.諗住呢喥服務唔差,點知都係唔掂.衛生:枱上有茶杯漬,食到尾聲更有一隻小虫喺枱上.抵食係2.5分上次食評係20年2月16日刊登嘅呢篇:https://www.openrice.com/zh/hongkong/review/%E4%BA%BA%E6%97%A5%E6%97%A9%E9%A4%90-e3660535…查看更多