euro go go

因为好耐冇食意粉，所以就去元朗广场，选择食Euro Go Go. 午餐时间都有很多套餐选择，我就想食芝士白汁海鲜意粉（$73）配蒜蓉包，饮品要咗冻蜜桃茶（+$8），老公想食pizza,叫咗半份千岛海鲜pizza（$68）配沙律，饮品要咗冻奶茶（+$5），总共$164。首先嚟咗冻饮及配菜，我嘅蜜桃茶入边有三片蜜桃，呢个我每次嚟都会饮，觉得几好饮。估唔到蒜蓉包都好软熟，我仲怕佢系会好硬添。个芝士白汁海鲜意粉有原只蚬，虾及带子。个汁捞埋意粉好够味，因为我系钟意食浓味嘅好怕食到淡而无味或者啲意粉唔够汁。而Pizza我都食咗一件，佢好特别系配上原只蚬，另外有虾及菠萝。我觉得味道还可以，但系我老公就嫌佢个Pizza底比较厚，佢话以前系薄底，比较好味。我平时通常都会叫蜜糖鸡翼，但因为今次叫咗两个主菜已经食唔落，唯有留返下次再食😁…查看更多

第一次食 pizza 啲材料系成只蚬连埋壳🫨，从来都系攞起件 pizza 就直接放入口，冇谂过要蚬还蚬食， pizza 还 pizza 食，如果冇睇清楚就放入口，咁就真系连棚牙都俾埋佢😖PS：唔知有冇龙虾 pizza，系咪都系原只龙虾连壳上🤤🤭…查看更多

呢度食嘅焗意粉同埋Pizza甜品都唔错价钱亦都好相宜, 叫咗个意粉加$10就可以有一份香蕉班cake，其实食完个意粉都好饱， 但系钟意食甜品嘅我点可以错过呢😙个意粉都唔错呀芝士味同白汁加埋都好match …查看更多

Eurogogo 系唔算好多既连锁西餐店，屋企人嫌价钱略贵。老实讲，佢晚餐既性价比系唔高，不过我经常黎食佢既早餐，推荐农夫比得包餐加通粉，个包好食，出边餐厅比较少有，成日食港早ABC餐既令一好选择。令一个近期常食系吞拿鱼法包餐，因为即叫即整，每次上黎热腾腾，加上吞拿鱼都唔少，呢个餐就包埋个通粉，食埋啱啱好，惟一美中不足既系间野除左通粉之外无其他面食类选择，咁多年都系咁，唔知有无机会改进下呢不过连锁店都应该好难有咩听意见啦！…查看更多

年三十早上，同朋友去元朗行山，行山前首要任务系医饱个肚先！殊不知大部分餐厅已经收炉，我地左扑右扑先揾到位于元朗广场嘅euro go go，骤眼睇门外嘅餐牌都几吸引，于是我地决定食呢间。排咗大约十分钟之后就可以入座，我地一行二人被安排坐喺一张窄窄嘅二人枱，张枱窄到放两个餐都有啲困难，如果大动作啲一定好易倒泻野。我地各嗌咗一个早餐C：火腿香肠鲜茄浓通粉配热脆牛角包，跟一杯热饮，盛惠$48。本身睇佢个餐牌，以为碟通粉会好大碟，点知碗口甚浅、份量极少；惟一嘅安慰系牛角包够大件脆口，但整体嚟讲仍然系偏贵，性价比低，用一句成语嚟概括：华而不实。…查看更多