美丽华嘅ESPRESSO ALCHEMY搬咗新铺!装修有格调又舒服,气氛好轻松、装修用木调同少少工业风,座位阔落,啱晒三五知己或者情侣小聚。我哋今次叫咗青酱鸡肉长通粉,啖啖肉鸡胸切得厚身,食落啱啱好嫩滑又Juicy,鸡肉啱晒青酱嘅香草味同微微蒜香,味道层次好丰富。长通粉吸晒酱,爽口有弹牙,每啖都感受到巴西利嘅鲜甜,加埋粒粒番茄融合得好自然,食落去口感真系好好味,好入味又唔腻。Burger方面我哋拣咗烤鸡菠萝汉堡,成件鸡扒够厚,咬落去好冧且Juicy。鸡肉表面微脆,夹埋烧菠萝,带出天然鲜甜,少少焦香混合果香真系几惹味。Burger包质地好Q唔会好干,中间配料又多多层次,配埋焗薯,薯块焗得外脆内软,唔会太咸,口感好烟靱。Earl Grey Chocolate入口系浓郁朱古力加伯爵茶香,细味之下茶味渗出,唔会被朱古力遮盖,好有层次,食落唔会腻,非常啱下午茶慢慢叹。蓝莓蛋糕同Earl Grey Chocolate。蛋糕松软有弹性,内里啖啖蓝莓,鲜甜酸香交织,面层微焦咬落去好爽口。…查看更多





