El Portal (已結業)

早排朋友带我去左德宝成商业中心二楼嘅一间地中海美食餐厅食饭聚旧🥰餐厅就系庙街牌坊嘅侧边，都几容易揾。餐厅室内装修简单舒服，空间感十足，令人坐得悠闲自在🤤店内放有一个酒柜，小型bar 枱，适合几个朋友happy hour 聚会倾偈，饮番两杯或者搞私人小形party😆芝士拼盘配烤面包：有三款软硬质感唔同嘅芝士并两款菓酱及香醋同橄榄油，配上刚烤热嘅面包，散发面包及芝士香味再沾上香醋嘅味道，外趣内软非常好味 希猎饺子：新鲜整起嘅希猎饺子馅料系用左羊奶芝士同菠菜，馅料份量十足，味道好夹，无羊奶嘅膻味，饺子外皮脆脆哋，用来送洒🍷就最啱 香脆鱼配阿拉比阿塔酱：鱼块切成刚好的尺寸，外面的脆浆唔会太厚刚好包住D鱼块，入面仲保留好多肉汁，配上个特色酱好味到食唔停呀！ 呢度环境舒服又唔嘈杂，食物有水准，下次再来！…查看更多

餐厅喺楼上铺 环境好好靠近窗边位置可以望到庙街黑椒鹅肝酱冻派配法式多士鹅肝酱睇落好似细杯 其实份量好多就咁食都唔会太咸 配埋多士食就层次丰富啲加埋牛油亦都提升左个口感另外会有醋之类酱料可以选择可以每啖都试吓唔同配搭 几有趣个人推荐就咁鹅肝酱配多士 简单 好食～墨鱼汁意大利粉配大虾份量好足 好多只大虾 亦都好新鲜墨鱼面有咬口 另外酱汁好浓厚每一啖面都充满酱汁 香料亦都唔会太抢戏 几适合香港人口味Share食会比较好 超级推荐柠檬梳打好fresh 新鲜柠檬配有气水唔饮酒嘅话，几好嘅选择西班牙油条 好脆口 好好食 好似系外国食到嘅咁上面布满咗糖粒 好邪恶下面系浓缩咖啡 就咁食同浸住咖啡又系两个体验 系一个几特别嘅甜品 食物环境服务态度各方面都好理想…查看更多

今日同朋友行开佐敦，朋友话有一间西班牙餐厅几好食。于是我地就上去试下， 铺头上嘅装修都几有情调,近住窗边个位置可以直接望到庙街牌坊， 另外一边就系餐厅嘅主厅以及系望到调酒师嘅地方。 但系唔知道系因为宣传唔够还是系新开张，餐厅嘅客人呢都唔算系好多。值得一提嘅系餐厅嘅服务非常殷勤， 绝对系一个好大嘅加分位。因为当日系朋友生日亦系朋友推介，因此呢我哋就嗌咗一个二人餐，试一试餐厅入面招牌菜式。沙律配雪利酒腌制西蕃茄、菠菜和曼切戈芝士刨花一般的西餐沙律，配以酸酸甜甜的小蕃茄， 加上比较浓稠嘅黑醋酱，几开胃。芝士拼盘配香橙和果梅 搭配:烤面包呢个𩠌有三样嘢，包括系烤面包，唔同种类嘅芝士同埋香橙酱。 烤面包同埋一般食到嘅酸种面包唔同，佢系属于比较脆身嘅一种，食落好香口。 而香橙酱系坊间比较少食到的搭配 ，配面包又或者品尝芝士之间，清口腔系比较唔错嘅选择。最后，芝士见到有四款。 当中有好creamy嘅，亦都有硬身少少，越食越香嘅。但抱歉我对芝士冇乜研究，未能同大家讲出有咩款式。烤八爪鱼配法瓦豆泥全晚其中一个好有印象嘅𩠌， 烤八爪鱼恰到好处又唔会韧，又唔会腥。 而豆泥亦都磨到非常之幼滑， 好有西班牙风味。香烤虾配胡椒和特级榨橄榄油呢个𩠌菜就比较纯粹， 虾外壳经过煎炸非常的酥脆， 食嘅时候会建议连壳一齐放入口，再将壳吐出，会比较食到个风味。西班牙海鲜饭呢个系朋友其中一个推介嘅𩠌，正唔正宗我就唔识讲，但系我觉得成个西班牙炒饭当中， 青口，蚬肉粒粒都好饱满而且唔腥。 饭底味道香浓，唔系完全软身𠮶种，系好正宗嘅risotto口感，好烟韧。烤牛柳配松露酱烤南瓜因为当日朋友唔食得羊，因此要求厨房佢转嘅。 牛柳都叫做煎得嫩滑， 但系唔算系做得好好嘅外脆内软，应该要保留嘅肉汁都有保留到， 反而觉得伴碟嘅烤南瓜同埋烤薯仔非常之出色，质感好好。苹果挞配太妃糖干酪上面嘅苹果食落酸酸甜甜，个饼底系类似蛋糕嘅质感， 算系几有特色嘅甜品嚟嘅。如果钟意食苹果批嘅朋友，就唔可以错过。西班牙吉拿棒最后呢一个亦都系店员见我哋生日，叫厨房特登整畀我哋食嘅。 吉拿棒外脆内软， 同坊间嘅甜品舖唔一样，佢唔系配雪糕，而系配以一个比较甜嘅cappuccino汁， 令到成餐晚饭有美满嘅升华。总括而言，成餐物有所值， 一千蚊左右食到好多样唔同嘅嘢， 餐厅坐得舒服之余服务人员又真系有心咁为你服务！ 值得推荐下次再黎。…查看更多

喺香港都食过好多唔同嘅西班牙菜，但系成日都觉得唔够正宗，呢间隐藏喺庙街嘅西班牙餐厅可以比到好大惊喜哦！其实呢间餐厅嘅地理位置好方便，就喺庙街牌坊嘅隔离，但系可能因为比较少宣传，所以好容易会忽略，而我同朋友咁啱经过庙街见到有西班牙菜，就确定想去试吓！因为系生日饭，所以我哋都食得比较好，当日我哋叫咗一个二人餐，佢嘅份量好多，而且各种食物搭配都好好！认真惊喜！净系前菜就有四个，十分有诚意！沙律配雪利酒腌制西蕃茄、菠菜和曼切戈芝士刨花呢个系普通嘅沙律，但系沙律菜好新鲜，蕃茄仔又酸酸甜甜，用嚟开会好不错！芝士拼盘配香橙和果梅 搭配:烤面包烤面包好干身，咬落去脆卜卜，热辣辣！面包嘅麦香味好重！而佢搭配唔同嘅芝士，可以用唔同嘅口感同味道！烤八爪鱼配法瓦豆泥呢个十分出色，八爪鱼烤到啱啱好，完全唔会太韧！肉质咬落结实弹牙！豆泥磨得好细腻，食落好滑！香烤虾配胡椒和特级榨橄榄油呢个啲虾都好好味，味道都系虾壳上面，需要成只虾摆落口慢慢吮！虾肉好新鲜，好弹牙！西班牙海鲜饭呢个系我觉得食过最正宗嘅西班牙海鲜饭！个饭底好香，而且粒粒都好饱满，啲饭有比较硬身有咬口，完全唔会好林！烤牛柳配松露酱烤南瓜牛柳好嫩，完全唔会过熟，一啲都唔鞋，里面嘅肉汁好多，系高质嘅牛柳！苹果挞配太妃糖干酪上面嘅苹果烤得好好，完全唔会太干，而失去晒水份，而且食落酸酸甜甜，个饼底好松脆，识落好有层次！西班牙油炸鬼你讲得好盏鬼，油炸鬼好香好热，最特别嘅系佢配嘅就系cappuccino，而唔系平时食开嘅糖或者系好甜嘅嘢，最新嘅油炸鬼沾上少少汁之后咬落口，一开始会食到微微嘅甘苦味，而后边又会有油炸鬼本身嘅甜香，好正！店名：EI Portal 地址：佐敦道37号A-B 得宝城商业中心2楼…查看更多

行到庙街牌坊附近见到有个广告牌几特别好似一幅油画咁原来喺间餐厅的招牌，间餐厅系大厦嘅二 楼，餐厅内放有一个大酒柜及一个大屏幕，室内布置简约，环境整洁干净，见到D枱凳都几大张，枱与枱之间唔会好迫，坐得好舒服，侍应姐姐安排座位后送来加了( 电解质 )白开水，几特别。 睇到餐牌D菜名好吸引。烤八爪鱼配法瓦豆泥八爪鱼烤得刚刚好又锁住D肉汁，食落柔软有质感而且非常鲜味，而法瓦豆泥有D淡淡豆香味，配埋一齐食，味道更有层次。 西班牙炒饭热辣辣西班牙炒饭送到台上，香喷喷嘅海鲜香味就涌晒出来，饭面上放入几种海鲜有尤鱼，蓝青口，大蚬，大虾份量都充足，食左一啖发现炒饭软硬适中，好有咬口。配合大厨秘制酱汁，令到炒饭的味道有香气又有鲜味，真系非常好食。呢间餐厅嘅食物几啱我，下次会带朋友再来。…查看更多