Eggcellent 852

虽然欣赏呢度的蛋卷同埋其中一位店员的服务态度，不过，试咗佢的鸡蛋仔2次，都系觉得麻麻地~今次系第2次食呢度的鸡蛋仔。上次食咗偏干、冇乜调味的开心果鸡蛋仔，经已好失望，今次就换领早前选购中秋节蛋卷时赠送的蜂蜜麻糬鸡蛋仔。之前两次嚟都遇上同一位热情又贴心的店员，今次嚟见唔到佢，换咗1男1女店员，少咗一份亲切感。获赠的鸡蛋仔，饼底口味可4拣1：原味/朱古力/绿茶/士多啤梨。蜂蜜麻糬鸡蛋仔，朱古力底：见「朱古力鲜奶麻糬鸡蛋仔」卖$38，而呢款加埋蜂蜜，如果正式推出，可能要$40或以上；鸡蛋仔上手微暖，每次望见都觉得呢度的鸡蛋仔似蜜蜡模型，平平整整；饼底拣咗朱古力味，而鸡蛋仔里外亦呈深咖啡色，可惜食落冇朱古力味；鸡蛋仔带少少蜂蜜味，蜂蜜喺高温下，味道同营养都会受影响，唔知用嚟整鸡蛋仔系咪咁适宜？咬开鸡蛋仔，每粒都填有自家制鲜奶麻糬，有啲占一半，有啲填满晒，佢食落同普通的冇乜分别，都系冇味而带黏糊口感，唔系咁讨好~虽然香港人普遍唔钟意甜品太甜，但作为一底甜味鸡蛋仔，佢真系冇乜特色、冇乜味(包括甜味)，食完唔满足之余，仲撑饱埋个肚。呢度的鸡蛋仔虽然款多，可惜味道麻麻，售价仲相当进取，性价比低。我应该唔会再嚟食鸡蛋仔喇~…查看更多

🧇夹心双重开心果鸡蛋仔馅料虽然填满鸡蛋仔，但食落去就觉得外脆内软都唔够香。开心果酱冇乜调味，食起略嫌寡左少少，整个组合偏干。开心果酱嘅果仁香味一般，开心果味又唔浓，食到最后有啲滞，如果对开心果兴趣不大嘅建议尝试其他口味。…查看更多

上次去葵广食过网民推介猪柳蛋鸡蛋仔，第一次食感觉真系好新奇好好味😋👍，到第二次食可能一个人食晒成底，感觉好腻同味道太甜😑。早排美食新闻报道有介绍元朗有间好出名嘅猪柳蛋汉堡，头先又比朋友游说我去咗买🤭。不过食咗呢个元朗猪柳蛋鸡蛋仔之后，觉得畀葵广𠮶个好食好多倍，一嚟平好多，二嚟佢唔会蛋浆还蛋浆，猪柳蛋还猪扭蛋🙈，元朗𠮶个佢系会融合一齐，所以口感非常好😋，连朋友都大赞👍。仲要like咗同share咗社交平台之后有半价优惠，劲抵🤭👍另外再买咗好出名沙姜手撕鸡，叫咗盒细份，打开原来好大盒，我一个人食晒都好饱。鸡肉好滑又无骨，咸咸地几好味，不过如果有小小青瓜丝加埋一齐食口感应该仲好。…查看更多

🤣系隔离食完野屋企人话食过e 间鸡蛋仔好好味谂住试下，点知已经汁紧野生门了🥹我同屋企人同一个方向望过去，咁岩店员望到我地话生左门喇冇得买🤣不过仲有蛋卷可以卖之后即刻拎左d 蛋卷比我地试下😳惊艳了，真系好好味🤩好想试埋鸡蛋仔😳等我番尼呀💕下次一定买埋朱古力蛋卷～赞赞赞…查看更多

对我嚟讲，食鸡蛋仔试佢咩料一定系食原味先嘅。如果连个底都做得唔好嘅，就唔好搞咁多嘢。呢间嘢原味鸡蛋仔，高分！因为真材实料。完全食得出佢个蛋味系唔同嘅，同埋好够蛋香。再讲鸡蛋仔不可忽视嘅嘢，就系整唔整到外脆内软嘅口感。一半实心一半空心。自己睇图啦。当原味做得好嘅时候，先会令我想食其他整色整水嘅嘢。废话唔多讲。抹茶麻糬鸡蛋仔以我所知，佢嘅麻糬系自己手造既。佢嘅麻糬唔算好烟靭，刚刚好，但系加埋啲鸡蛋仔就好夹，仲可以拉出丝！抹茶味，正常发挥！！重点:3样嘢加埋一齐就系啱啱好！猪柳蛋鸡蛋仔Wow！呢个配搭，啱晒已经对麦当劳冻冰冰嘅猪柳蛋汉堡失望嘅你。或者下午茶有少少肚饿嘅时候，咸咸甜甜。不过不过，繁忙时间预咗要等🫠🫠🫠…查看更多